иван тричковски – Kurir.mk

Тричко и АЕК на мегдан со Вест хем

Ристе Здравков — Fri, 24 Feb 2023 13:34:36 +0000

Ждрепката за осминафиналето во Конференциската лига донесе дуел на АЕК Ларнака, чиј капитен е Македонецот Иван Тричковски, со англискиот премиерлигаш Вест хем. Првиот меч е на Кипар на 9 март, реваншот во Лондон на 16 март. Финалето во ова натпреварување ќе се игра во Прага. Меѓу осминафиналистите нема тим од Чешка, но тука е словачкиот Слован Братислава, па тие се можеби најмотивирани да стигнат до завршниот меч, но ќе биде многу тешко, со оглед на силната конкуренција. Шериф Тираспол стана прв клуб од Молдавија кој се нашол во осминафинале на некое европско натпреварување, па останува да се види до каде може да стигнат. Осминафинални двојки: АЕК Ларнака – Вест хем, Фиорентина – Сивасспор, Лацио – АЗ Алкмар, Лех – Ѓургарден, Базел – Слован, Шериф – Ница, Андерлехт – Вилјареал, Гент – Истанбул Башакшехир.

Иван Тричковски заврши во болница, за среќа избегнал потешка повреда

Ристе Здравков — Thu, 12 Jan 2023 11:06:15 +0000

Поранешниот македонски репрезентативец Иван Тричковски, имаше несреќа на вчерашниот меч против Неа Саламис во Купот на Кипар. Тој мораше предвреме да го напушти теренот поради повреда, и поради сериозноста на истите, веднаш бил пренесен во болница. Како што пренесуваат кипарските медиуми, станува збор за повреда на грбот по која Тричковски веднаш на носилки бил изнесен од теренот, а потоа со возило пренесен и во болница. Сепак, после детални испитувања се покажало дека повредата не е сериозна, и Тричко уште синоќа бил пуштен дома. Според прогнозите, Тричковски ќе го нема само неколку дена, и нема да настапи за АЕК Ларнака престојниот викенд против Арис Лимасол. Неа Саламис го доби натпреварот со убедливи 4-0, а после натпреварот во објава на социјалните медиуми му посака на Тричковски брзо опоравување.

Конференциска лига: Барди против швајцарски великан, украински предизвик за Тричковски (Фото)

Ристе Здравков — Mon, 07 Nov 2022 13:48:02 +0000

По извлечените ждрепи во Лигата на шампионите и Лига Европа, ред дојде и на Конференциската лига, натпревраување во кое Македонија има два претставника во Енид Барди и Иван Тричковски. Македонскиот репрезентативец Барди како член на Трабзонспор ќе ги одмери силите со швајцарскиот фудбалски великан Базел во првата нокаут рунда во ова натпреварување, додека Тричко доби украински предизвик. Искусниот голгетер и неговите соиграчи од АЕК Ларнака ќе ги вкрстат копјата со Днепар, додека од извлечените двојки, најизедначен се очекува да биде двомечот меѓу Фиорентина и Брага. Како и во останатите две натпреварувања, првите мечеви во нокаут рунда се играат на 16-ти февруари, а реваншите се закажани за една седмица подоцна. Во ждрепката не учествуваа тимовите кои завршија први во своите групи, па така тие ќе ги чекаат подобрите од овие ривали во осминафиналето.

The knockout round play-off draw is set! 🤩

Which game are you looking forward to?#UECLdraw pic.twitter.com/aXNxs0Poiz
— UEFA Europa Conference League (@europacnfleague) November 7, 2022

Иван Тричковски ја доби „Златната копачка“ за најдобар стрелец во Кипар

Бошко Тасиќ — Mon, 30 May 2022 22:52:38 +0000

Македонскиот фудбалер Иван Тричковски блескаше во дресот на АЕК Ларнака, беше најдобар стрелец со 15 голови оваа сезона. На листата заврши пред финскиот интернационалец Берат Садик од Докса со 13 голови. Петпати се запиша во листата на стрелците на меѓународната сцена, а уште 10 погодоци додаде во кипарскиот шампионат. Поранешниот македонски репрезентативец на свечена церемонија ја доби наградата „Златна копачка“ за прв стрелец. Ова е вторпат што Македонецот е добитник на „Златната копачка“ во Кипар, претходно тоа се случи во сезоната 2019/2020.

Иван Тричковски во тимот на сезоната во кипарскиот фудбалски шампионат

Бошко Тасиќ — Fri, 13 May 2022 19:56:52 +0000

Во најсилниот кипарски шампионат Иван Тричковски во 29 запишани настапи постигна вкупно 14 голови. Благодарение на свои перформанси е избран во тимот на сезоната во најсилното кипарско првенство. Во својата клупска кариера нашиот играч настапуваше уште во Вардар, Работнички, Црвена звезда, Енозис Неон Паралимни, АПОЕЛ, Клуб Бриж, Ваасланд-Беверен, Ал-Наср и Легија Варшава. Тимот на сезоната во Кипар: Александар Јовановиќ (Аполон), Факундо Забала (АПОЕЛ), Валентин Роберже (Аполон), Гордон Шилденфелд (Арис), Ховханес Хамбарџумјан (Анортоза), Костакис Артиматас (Анортозис), Кингсли Сарфо (АПОЕЛ), Амр Варда, Силва (Пафос), Ѓорѓи Квилитаја (АПОЕЛ) и Иван Тричковски (АЕК).

ВИДЕО: Македонецот најдобар стрелец во Кипар, Тричко стрелаше и против Анортозис

Ристе Здравков — Mon, 18 Apr 2022 18:37:39 +0000

Денеска во рамките од шампионската група во најсилното кипарско првенство составот на АЕК Ларнака дома со 1:0 триумфираше над Анортозис. Стрелец на единствениот гол беше поранешниот македонски репрезентативец Иван Тричковски кој беше прецизен од пенал во 84 минута од средбата. На табелата АЕК Ларнака е на третата позиција со 46 бодови, зад водечките Аполон (51) и АПОЕЛ (50). За нашиот напаѓач ова е веќе 14 гол во 27 настапи сезонава во тамошниот шампионат. Моментно Тричко е прв стрелец во првенството на Кипар со 14 голови. Неговиот најнов гол можете да го погледнете на видео записот:

Иван Тричковски се најде во идеалниот тим во кипарскиот шампионат

Бошко Тасиќ — Sat, 12 Mar 2022 06:07:14 +0000

Македонскиот фудбалски интернационалец Иван Тричковски се најде во идеалниот тим во кипарскиот шампионат за минатата сезона 2020/2021.

Напаѓачот минатата сезона постигна 16 голови на 30 натпревари во првенството и заслужено се најде меѓу најдобрите 11. И оваа сезона поранешниот репрезентативец исто така е во добра форма и на 22 натпревари има 12 голови и 4 асистенции.

Иван Тричковски постигна нови два гола за АЕК Ларнака (ВИДЕО)

Бошко Тасиќ — Sat, 05 Mar 2022 19:55:51 +0000

Македонскиот фудбалски интернационалец Иван Тричковски продолжува да игра феноменално сезонава во кипарскиот шампионат и вечерва постигна два гола во победата на АЕК Ларнака од 3-1 на гостувањето кај Анортозис.

Напаѓачот прво погоди за 0-2 од пенал, а потоа и ги постави конечните 1-3 од игра. Поранешниот репрезентативец сега има вкупно 12 голови сезонава. https://www.youtube.com/watch?v=9tWVj9bhTbk&feature=emb_title https://www.youtube.com/watch?v=AeiWPhuKVQo&feature=emb_title

Иван Тричковски ќе ја продолжи соработката со АЕК Ларнака

Бошко Тасиќ — Wed, 13 Oct 2021 20:45:35 +0000

Македонскиот фудбалски интернационалец Иван Тричковски е еден од најдобрите играчи во кипарскиот шампионат и во следните сезони ќе остане дел од АЕК Ларнака. Информацијата дека договорот е продолжен со оваа екипа но меѓутоа ќе треба да се случи и утрешната финализација и потписот. Доскорешниот македонски репрезентативец во кипарското првенство пристигна во 2016 година од полска Легија и се афирмира како еден од најдобрите стрелци во историјата на клубот од Ларнака. Во новата сезона од кипарската лига Тричковски е стрелец на секој натпревар. Одигра пет натпревари, а даде вкупно шест гола и е на врвот на листата на стрелци

Тричковски царува на Кипар – нови два гола на македонскиот фудбалер

Бошко Тасиќ — Fri, 01 Oct 2021 20:39:50 +0000

Со шест гола на пет меча некогашниот македонски репрезентативец Иван Тричковски е прв стрелец во кипарското фудбалско првенство, а капитен и лидер на АЕК Ларнака во битка можеби и за титула. Тричковски вечерва со два гола придонесе за убедливата победа на АЕК над Аполон од 4-1. Аполон е прв на табелата, и вечерва го претрпе својот прв пораз сезонава. Тричко играше 71 минута, доволно за да го однесе АЕК на второ место.