„Ми претставува огромна чест што бев дел од ваков голем проект на компанијата Mozzart. Сите навивавме со цело срце за нашите репрезентативци, но со кампањата „Милион причини за гол“ имавме дополнителна причина да навиваме за што повеќе голови. Се надевам дека и во иднина ќе има вакви акции преку кои ќе се помага онаму каде што е потребно.“ – изјави Дарко Панчев.

„Навистина сме пријатно изненадени, му благодариме на Дарко Панчев за предлогот и на Mozzart за оваа донација. На болните од рак им е потребна нашата поддршка, сега повеќе од било кога. Малигнитетот за жал е се уште причина број еден за смртност во светот.  Донираните средства ќе ни помогнат да продолжиме со нашите активности и да помагаме и влијаеме за суштински промени во нашиот здравствен систем. Квалитетни лекови, навремени прегледи и здравство достапно за сите е тоа кон што целиме. Среќни сме што ја препознавте нашата работа, општествени и одговорни компании и личности се клучни за нашата борба. Уште еднаш големо благодарам од името на сите Борки!“ – изјави Биба Додева, претседател на здружението.

„Во името на Здружението на граѓани за лица со дисфункции, хендикеп, ретки болести и посебни потреби „Дајте ни крилја“ – Скопје, би сакала да ја изразам нашата огромна благодарност до компанијата Mozzart. Уште еднаш се убедивме дека се уште постојат општествено одговорни компании како Mozzart, кои знаат да ја препознаат оваа маргинализирана група на граѓани која ја застапуваме ние и да го дадат својот придонес во подобрување на нивниот секојдневен живот. Се надеваме дека овој позитивен и хуман  гест  ќе биде пример и поттик и за останатите  компании да го дадат својот придонес за овозможување на достоинствен живот на оваа група на граѓани.“ – изјави Катарина Ивановиќ, претседател на здружението Дајте ни крилја.

„Навистина сме среќни кога успеваме да ги поврземе спортот и желбата да помогнеме некому. Би сакала да се заблагодарам на нашата фудбалска легенда Дарко Панчев што ја поддржа акцијата „Милион причини за гол“ каде преку донации во одбраните здруженија барем малку ќе создадеме насмевка на лицата и ќе го олесниме животот на поединците.“ – изјави Ивана Ололовска, маркетинг менаџер во Mozzart.

„Секоја помош за нас е од огромно значење и секогаш добредојдена, особено кога се работи за ваква донација од предмети кои се неопходни за функционирањето на домовите во подобри услови.“ – изјави директорката на Специјалниот завод Демир Капија, Александра Велковска. 

„Огромна благодарност до компанијата Mozzart за оваа голема донација која ја насочи кон станбените единици од Специјалниот завод Демир Капија, каде се згрижени малолетните штитеници на домот. Секоја помош за нас е од огромно значење и секогаш добредојдена, особено кога се работи за ваква донација од материјални добра кои се неопходни за функционирањето на домовите во подобри услови. Лаптоп компјутерите и музичките системи ќе се искористат за едукација и разонода на дечињата, како и големата количина на едукативни материјали и прибори за цртање и забава. Останатиот дел од техниката се употребува на дневно ниво и обновувањето на сите овие елементи е од огромно значење за нас.“ – изјави директорката на Специјалниот завод Демир Капија, Александра Велковска.

 „Се надеваме дека оваа донација насочена во ЈУ Специјален завод Демир Капија ќе биде од голема помош и ќе придонесе во создавање на подобри услови за живот на штитениците во дисперзираните станбени единици. Континуираната грижа за општеството во кое делува Mozzart е една од главните вредности кои оваа компанија ги негува. Како општествено одговорна компанија помагаме и ќе продолжиме да помагаме секаде каде што тоа е потребно.“ – изјави Ивана Ололовска, маркетинг менаџер во компанијата Mozzart.