Ивана Туфегџиќ – Kurir.mk

Поранешната пратеничка од СДСМ: Ова е државен срам, плаќаш здравствено за да трчаш за вакцина во друга држава!

Тале Кристо — Sat, 27 Mar 2021 14:56:24 +0000

Плаќаш здравствено осигурување за да трчаш за вакцина во друга држава. Ова денес е државен срам. Граѓаните бараат да спасат жива глава зашто се оставени на цедило од својата држава, пишува на социјалната мрежа на Фејсбук поранешната пратеничка од редовите на СДСМ Ивана Туфегџиќ. -Плаќаш здравствено осигурување за да трчаш за вакцина во друга држава. Ова денес е државен срам. Граѓаните бараат да спасат жива глава зашто се оставени на цедило од својата држава. Недостигот на стратегија, инаетот кон другите вакцини поради некаква геостратешка политика, неодговорноста и неорганизираноста на човечките капацитети со кои располагаме придонесе за гнев и бес на луѓето. А, најмногу од се комуникацијата: "не оваа среда, следниот петок". Ни полициски час, ни ништо нема да ги спречи луѓето да одат да си бараат спас. Гневот и бесот кон сопствената држава ќе остане и ќе расте. Единствено се надевам со оваа масовна вакцинација во Србија барем докторите кај нас ќе здивнат малку наредниот период, зашто тие се вистинските патриоти, како што се сака сега да се употребува во секој контекст, пишува во својата Фејсбук објава Туфегџиќ.

Туфегџиќ: Ќе одам на Парадата на гордоста (ВИДЕО)

Предраг Кукиќ — Sun, 02 Jun 2019 08:29:25 +0000

Ивана Туфегџиќ од СДСМ, вчера во гостувањето на 360 степени кажа дека ќе оди на Парадата на гордоста. – Јас лично да, ќе одам на парадата. Верувам дека и другите колеги од групата, рече таа, додавајќи дека нивна задача како парламентарци е да ги гарантираат, штитат и обезбедатчовековите права, без разлика дали имаат имате личен став на пратеник, верско мислење на пратеник, што и да е, изјави таа.

Стевананџија до Туферџиќ: Студентите кои ги лажеше сега штравови јадат, снимавте спотови, а немате една шајка ставено!

Дарко Андоновски — Tue, 08 Jan 2019 13:51:51 +0000

Пратеникот од редовите на ВМРО-ДПМНЕ, Димитар Стевананџија жестоко ја критикуваше својата пратеничка колешка, Ивана Туферџиќ која во предизборието беше дел од шарената револуција , студентскиот пленум и имаше низа ветувања за подобрување на студентскиот стандард. Тој истакна дека условите во студентските домови се катастрофални, студентскиот стандард е во слободен пад и ниту едно од предизборните ветувања на СДСМ не е реализирано. -Студентите штрафови јадат, студентите кои што вие во предизборието заедно со вашиот колега снимавте спотови, снимавте спотови пред студентските домови и им ветувавте на студентите тоа што ви го читав, на нивните родители, на нивните баби и дедовци. Абе шајка немате ставено. Која комисија ќе ја прави внатрешната собраниска комисија да биде надзор. Како ќе се појавиш ти во студентски дом кога си ги лажела студентите? Наша улога е ние да ги контролираме директорите. Не може да го најдеме, на журка е во Белград. Ние да ги контролираме директорите и министрите дали работат или не? За што земаат плата? Што значи тоа? Комисијата за одбрана и безбедност да оди да расчистува убиства? Да прави надзор? Комисијата за труд и социјала да ги следи проектите на Боки 13-ка?, прашува Стевананџија.

Пратеничката на СДСМ, додека се залага за промена на името, “води љубов“ преку телефон (ВИДЕО)

Ивана Ефремовски — Mon, 15 Oct 2018 19:03:45 +0000

Иако зборуваше за одговорност, чесност и исправност пред граѓаните, пратеничката од владејачкото мнозинство, Ивана Туфегџиќ додека траеше расправата за најважното прашање од поновата македонска историја, се допишуваше и испраќаше срценца на Фејсбук, пренесе Инфомакс.