Иванчо Тошевски – Kurir.mk

Тошевски од Битола: Мафијата сака уништена правна држава, угнетен и исплашен народ со срушено достоинство

Ивана Ефремовски — Tue, 20 Oct 2020 20:16:25 +0000

Протестот е против мафијата која што сака да ги уништи нашите животи и иднината на нашите потомства, порача од вечерашниот протест организиран од ВМРО-ДПМНЕ, Иванчо Тошевски од Битола. „Мафијата сака уништена правна држава, угнетен и исплашен народ со срушено достоинство кој ќе моли за милостиња и корка леб кај истите тие кои распродадоа се што ни е свето - Македонија, Гоце, Даме, Питу, Карев, Сандански, Ѓорче Петров, Мисирков. Само духот на МАКЕДОНШТИНАТА никогаш нема да можат да го срушат, тоа секогаш ќе живее во сите нас и во генерациите кои идат. МАКЕДОНИЈА Е ВЕЧНОСТ! МАКЕДОНИЈА Е БЕСКОНЕЧНОСТ, порача тој.

Тошевски: Лагите на СДСМ за гасификација ја носат Битола во ќорсокак

Ивана Ефремовски — Sat, 08 Feb 2020 11:58:01 +0000

После поништувањето на постапките за јавно приватно партнерство со цел доделување на договор за изградба на дистрибутивни мрежи по општините во 2017 година, СДСМ всушност го стопираше процесот на гасификација, обвинува Иванчо Тошевски од ВМРО-ДПМНЕ Битола. -После грешната проценка на СДСМ дека општините сами ќе градат дистрибутивни мрежи, две изгубени години и потрошени 70 илјади евра од страна на Петровска, Владата на Република Македонија во Февруари и Декемви 2019 повторно носи одлуки со кои дистрибутивните мрежи за природен гас во општините ќе ги гради концесионер по пат на јавно приватно партнерство. Во Јануару 2020 додека Петровска ни кажува дека дистрибутивната мрежа во Општина Битола ќе ја гради Јавно претпријатие Владата на Република Македонија ја усвојува тендерската спецификација за изградба на дистрибутивни мрежи каде Битола не е изземена. Кој лаже во целата оваа неусогласеност помеѓу локалната и централната власт? Дали лаже Владата или Петровска или ова е само скап политички маркетинг во пресрет на предвремените парламентарни избори платен од џебот на граѓаните, истакна тој.

Тошевски: Граѓаните молат за основни услови за живот, а не за тикварникот на Петровска

Дарко Андоновски — Tue, 10 Dec 2019 17:04:14 +0000

ГРАЃАНИТЕ МОЛАТ ЗА ОСНОВНИ УСЛОВИ ЗА ЖИВОТ, А НЕ ЗА ТИКВАРНИКОТ НА ПЕТРОВСКА, ова преку својот Фејсбук профил го истакна Иванчо Тошевски од ВМРО-ДПМНЕ ОК Битола. -Власта и понатаму останува глува на нашите барања како Советничка група на ВМРО-ДПМНЕ и Коалицијата за решавање на проблемите на граѓаните од овој дел на градот. Жителите на дел од улиците Мукос и Љубојно од страна на Петровска и СДСМ добиле ветувања за решавање на нивните проблеми во текот на предизборието за Локалните избори 2017 и за Претседателските избори 2019. После неколкуте наши средби со граѓаните на нивно барање ги изложивме проблемите во Советот на Општина Битола. Мнозинството ги одби нашите предлози кои водат во насока на решавање на проблемот иако во две години власт овие улици власта не успеа да ги вметне во Програма за уредување на градежно земјиште. Притисокот врз локалната власт од СДСМ го продолжуваме во соработка со граѓаните. #Оставка, стои во неговиот пост на Фејсбук.

Битолчани на протест поради лажните ветувања на СДСМ, советниците на ВМРО-ДПМНЕ бараат итна санација на проблемите

Ивана Ефремовски — Tue, 19 Nov 2019 10:11:04 +0000

Локалната власт предводена од СДСМ веќе две години ги игнорира барањата за атмосферска и фекална канализација, чистење на речното корито на реката Драгор, асфалтирање на 600 метри улички и дислокација на дрвени електрични столбови на локалното население од улица 16-та и Мал Париз, посочува Иванчо Тошевски, претседател на ОК на ВМРО-ДПМНЕ во Битола. -Лажните ветувањата за живот на СДСМ и Петровска во Битола секојдневно излегуваат на површина. Како Советничка група по барање на граѓаните на последната 46-та Седница на Совет на Општина Битола побаравме измени и дополнување на Програмата за уредување на градежно земјиште за 2019год. Со цел средствата предвидени за инфраструктура во овие населени места повторно да бидат дел од оваа иста програма и веднаш да се отпочне со санација на проблемите. Од страна на мнозинството и Претседателот на Совет добивме објаснување дека сега е безпредметно да се дискутира за вакво нешто, порачува тој.

Тошевски: После „Рекет“, власта во Битола повторно го активира проектот „Мира Дизел“

Ивана Ефремовски — Fri, 30 Aug 2019 17:08:04 +0000

Измените и дополнувањата на плановите за вработување за 2019 год. и плановите за вработување за 2020 година се конципирани согласно потребите на најблиските роднини и пријатели на власта, а не согласно потребите на Општина Битола и Јавните претпријатија. Ова го истакна Иванчо Тошевски од ВМРО-ДПМНЕ Битола. Општината само за плати во 2019 ќе потроши околу 6 милиони денари повеќе пари на граѓаните отколку во 2016-та. Споредба за прво полугодие: - Плати 2016 - 19 мил.ден. / 2019 - 21.6 мил.ден. - Инфраструктура 2016 - 75,3мил.ден / 2019 - 24мил.ден. Бројките се поразителни и се реален одраз на расипништвото на власта. Вработувањата на своите најблиски продолжуваат преку проектот МИРА ДИЗЕЛ, порача тој.

Тошевски: 13-тиот гејм на заевиот Вимблдон наречен „Катица опен. Отвори, отвори, отвори…!!!“

Дарко Андоновски — Sat, 10 Aug 2019 12:57:05 +0000

13 - ТИОТ ГЕЈМ НА ЗАЕВИОТ ВИМБЛДОН НАРЕЧЕН КАТИЦА ОПЕН. ОТВОРИ, ОТВОРИ, ОТВОРИ... !!! Како беше она...(?)... Че си лежите...!? Гејм, сет и меч топка во раката, ама на крај пукна рекетот на "клучниот" 13 - ти гејм, пишува на својот Фејсбук профил советникот од редовите на ВМРО-ДПМНЕ во Битола, Иванчо Тошевски. Во продолжение ви го пренесуваме целиот Фејсбук статус на Тошевски: Јас идам на власт за да не лежам во затвор, прифаќам се што треба и не треба, плус организирам Гренд слем тениски турнир "Катица опен" со државни пари од пет милиони евра годишно. Доста е од малски игри за освојување на тениски турнири по струмичко, време е да се освои Гренд слемот кој сам го создавам - ова е клучната мисла на војводата од Астарион (римското име на Струмица) Покрај четирите Гренд слем светски тениски турнири Македонија го добива петиот благодарение на претходната идеја која се родила во умот на "големиот" политички иноватор, кој по телефон успеа да го реши дури и вековниот спор со нашиот јужен сосед. Па, така охрабрен од телефон дипломатијата видовме како може да си поигрува и да ги исмејува сите други лидери кои никогаш не биле во позиција да бидат “оговарани” за номинација за нобелова награда. Она по што се истакнува македонскиот Гренд слем "Катица опен" е фондот на награди и нормално е да се очекува за таков богат фонд да се пријават најдобрите македонски рекети. Втората специфика на "Катица опен" е што тенискиот турнир се игра исклучиво по телефон под мотото "не се секирај за ништо, се ќе биде ОК" каде целта не е да се победи туку да се уценуваат сличните на нив играчи. А, впрочем од смислената уцена и молитвата за прошка зависи и висината на наградите. После завршениот натпревар со пеење на молитва за прошка наградата се подигнува од домот на “играчот”. Ексклузивното право за пренос во живо на "Катица опен" го добива тв медиум кој екипира момци со богато искуство во делот на ракувањето со рекет, ама овој пат екстра мотивирани, затоа што да покриеш еден Гренд слем и не е така лесно. И, на крајот никако клучниот детал не смееше да биде изоставен - круната на кралот, Вимблдон и тенис без благородништво не го бива, ама таквата круна не може да го прелие со благородништво муртинското родословно стебло кое не успеа да фати корен на скопскиот асфалт. Следи 13 - тиот гејм каде организаторите ќе бидат поразени на нивни терен, со правила и судии кои тие ги измислија, па нареден Гренд слем ќе имаат прилика да организираат во близина на Скопје со уште поискусни играчи со назив Идризово опен. Нека му е со среќа!

ВМРО-ДПМНЕ: Настрешницата за Заев и Петровска претставува капитална инвестиција за Битола

Ивана Ефремовски — Wed, 31 Jul 2019 18:00:05 +0000

„Настрешницата за Заев и Петровска претставува капитална инвестиција за Битола“. Ова го истакна претседателот на ОК на ВМРО-ДПМНЕ во Битола, Иванчо Тошевски. Неговото обраќање го пренесуваме во целост: Почитувани, искрените и добронамерни битолчани можеби ќе помислат, дека Зоран Заев дојде во Битола да објави нови моменти од истрагата за Рекет, оти нели повторно има многу локално и битолско, за жал, и во Рекет, како и во сите досега други афери кои битолчани ги платиле дури и со своите животи. Одамна никој не зборува и не прашува за реализирани проекти и остварени ветувања, битолчани веќе се згрозени, само при споменувањето на именката живот, оти тоа што го ветуваа стана вистинска ноќна мора и за жал страшно секојдневие. Бидејќи, досега ја видовме моралната вертикала на локалците од СДСМ, нивното раководство и Наташа Петровска, за момент помисливме дека Заев можеби дошол во Битола, ете овде, во најградскиот град да објави, дека решил од морални причини да се повлече, да го распушти локалното здружение на СДСМ, а Наташа Петровска од денес ќе се занимава исклучиво со своето сведочење во Рекет и конечно на граѓаните на Битола да им ја обзнани најрадосната вест, дека се ослободени од нејзиното градоначалникување. Ама, почитувани, од сето ова ништо. Аболицираниот за криминал, сега премиер Зоран Заев, дојде пак, очигледно на крајот од патот и заминувањето од власт, уште еднаш да ги излаже Битолчани со зелена нафта, дојде да го „одржи“ својот збор за голем инфратструктурен напредок на Битола со промоција на една, замислете, настрешница и уште еднаш дрско, да им се исмее в лице на Битолчани. Почитувани, Зоран Заев, знае дека од овде од Битола почнуваат сите победи и порази. Зоран Заев знае, дека со последните сили ја посетува Битола во ова својство, свесен дека ова се последните времиња на неговото деспотство во Република Македонија и во Битола. Почитувани, Зоран Заев и Нашата Петровска и денес потврдија, дека во очај само повлекуваат давенички потези, а локалната владеачка коалиција е сведена на функционирањето на една лошо организирана месна заедница.

Тошевски: Директорот на Клиничка болница Битола спроведува хајка против неистомислениците

Катерина Бојаџиева — Mon, 24 Jun 2019 18:59:36 +0000

После поразот на СДСМ во Битола на последните избори, власта никако да сфати дека за падот на рејтингот криви се самите тие поради нивното неработење, а не нивните неистомисленици од каде што најчесто доаѓаат критиките, истакна претседателот на ВМРО-ДПМНЕ ОК Битола, Иванчо Тошевски. -После одржаниот прес на Комисијата за здравство при ОК ВМРО ДПМНЕ Битола на 19.05.2019, директорот на Клиничка болница Битола Зоран Лазаров дел од присутните на пресконференцијата лекари и сестри ги разрешува од раководни позиции или им ги менува работните места. Променети се: од началник на одделението за максилофацијална хирургија после 8 годишно раководно искуство и 18 годишно искуство како специјалист по максилофацијална хирургија Зоран Буџевски, од одговорен на оддел во одделението за гинекологија разрешен е Иванчо Василевски- специјалист по Гинекологија со 23 годишно искуство, променети им се работните места и на двете медицински сестри Билјана Гареска и Валентина Милошевска. Директоре уште еднаш ве повикувам да и одговорите на јавноста до каде е ставањето во функција на акцелераторот, ангиографот, гама камерата на нуклеарна медицина, кабинетот за инсеминација и до каде се 100.000 денари плата за лекарите специјалисти?, запраша Тошевски и додаде: „Г-не Лазаров, бараме под итно после пропуштените повеќе од две години сериозно да се посветите на водењето на институцијата која е една од најзначајните во целиот регион, а не да правите хајка против неистомислениците само поради тоа што ја зборуваат вистината. Бараме да го преиспитате вашиот однос кон вработените затоа што се ваши колеги, наши граѓани и луѓе кои ние битолчани исклучително ги почитуваме и им се обраќаме кога е потребно“.

Тошевски тврди дека повисоките цени за јавен превоз во Битола ќе донесе сообраќаен хаос и зголемување на загадувањето

Катерина Бојаџиева — Wed, 20 Feb 2019 12:17:27 +0000

Од Долно Оризари доега 25 денари сега 35 денари, за Лопатица досега 50 сега 90 денари. Кукуречани беше 30 денари сега со покачувањето е 45 денари. Со овој начин дополнително локалната самоуправа ќе остави простор за работа за дивите превозници, а од друга страна со покачувањето на цените ќе ги стимулира граѓаните да користат сопствени возила, со што директно ќе влијае на сообраќајниот хаос во градот и загадувањето кое е реалност и во летните месеци, обвини Иванчо Тошевски на денешната седница на Советот на Општина Битола. Според него, после повисоките сметки на јавните претпријатија кои ги добија граѓаните, во периодот кој следи ќе добијат и повисоки цени за услугите на јавниот превоз. Со моделот кој го нуди Петровска планира да ги субвенционира приватните превозници со 5 милиони денари, или со 7 денари од секој изминат километар, а од друга стана со овој нов модел се планира граѓаните да плаќаат и повисоки цени на услугите за превоз. Тошевски тврди дека со ваквиот начин локалната самоуправа дополнително ќе остави простор за работа на дивите превозници , а од друга страна дополнително ќе ги стимулира граѓаните да користат сопствен превоз што директно ќе влијае на зголемувањето на сообраќајниот хаос во градот и загадувањето кое е реалност дури и во летните месеци.

Тошевски: Субвенциите за печки на пелети ќе завршат кај функционерите од власта

Дарко Андоновски — Thu, 06 Dec 2018 12:10:31 +0000

Советникот на ВМРО-ДПМНЕ ОК Битола Иванчо Тошевски на својот Фејсбук профил објави статус поврзан со субвенционирањето на печки на пелети. -Субвенциите за печки на пелети ќе завршат кај функционерите од власта. Сумата од 1 милион денари за субвенција на велосипеди не се искористи целосно, затоа што вие ја најавувате како мерка која што ќе има којзнае како ефект на тема загадување на воздухот, сепак беше пласирана во јавноста во погрешно време и тоа е причината што не се искористени финансиските средства. Граѓаните нема да се согласат кога на списокот ќе видат имиња на функционери за субвенции. Од ВМРО-ДПМНЕ и коалицијата нема ниту еден апликант и тој пример треба да се следи. Упатувам јавен апел да ги повлечете вашите барања за субвенционирање, независно дали се печки на пелети или велосипеди, стои во статусот на Иванчо Тошевски, советник од ВМРО-ДПМНЕ.