иванка трамп – Kurir.mk

ФОТО: Ќерката ја Трамп фатена расплакана на улица, вестите кои ги добила на телефон не се добри

Ивона Петрова — Sun, 04 Sep 2022 13:22:06 +0000

Ќерката на поранешниот американски претсетател Доналд Трамп, Иванка е фотографирана како со солзи на лицето разговара на телефон додека влегува на теретана. Оваа состојба на Иванка е само две недели откако е потврдено дека нејзиниот сопруг Џаред Кушнер има втора операција за да го отстрани карциномот на штитната жлезда. Расплаканата Иванка зборувајќи на мобилен телефон брзо влегла во зграда во Мајами, по што почнаа гласините дека во тој момент слушнала лоши вести за состојбата на сопругот. Нејзиниот сопруг во објавените мемоари откри дека му е дијагностициран рак во 2019 година. За потсетување, пред еден месец Иванка остана без својата мајка Ивана Трамп која почина на 74 годишна возраст.

НЕСРЕЌЕН СЛУЧАЈ, ЗА СРЕЌА БЕЗ ПОСЛЕДИЦИ: Иванка Трамп со даска са сурфање го удри во глава својот син (ФОТО)

Тале Кристо — Thu, 13 May 2021 19:33:18 +0000

„Денот на мајката“ за Иванка Трамп би можел да биде трагичен, кога таа со своите три деца заминала на приватен курс за сурфање во Мајами. Имено, таа со даска за сурфање дирекно во глава го удри својот помал син Теодор. За среќа, несреќниот случај помина без било какви последици, и курсот продолжи по предвиденото темпо.

Откако се преселија во ова луксузно здание заборавија на Белата куќа- Иванка Трамп има дом за кој сонуваат сите богаташи (ФОТО)

Дарко Андоновски — Sat, 23 Jan 2021 17:45:30 +0000

Иванка Трамп, сопругот Џаред Кушер и нивните три деца се преселија од Вашингтон на Флорида, а како што пренесува Си-Ен-Ен, сега ќе живеат во една од најлуксузните згради во Мајами. Изнајмиле стан во богатиот кварт „Surfside“, а таму ќе бидат сместени додека не се изгради нивната куќа на приватниот остров Крид. Цената која ја плаќаат за киријата засега не е позната, а според извештаите за цените за изнајмување недвижнини во тој кварт, цените се движат по околу десетина илјади долари месечно. Доналд и Меланија Трамп исто така ќе се преселат на Флорида.

View this post on Instagram

A post shared by ARTE By Antonio Citterio (@artesurfside)

Ако Трамп загуби на изборите, еве што ќе работи ќерка му Иванка

Ивана Ефремовски — Mon, 02 Nov 2020 13:53:59 +0000

Последните испитувања на јавното мислење околу изборите во САД, посочуваат извесна веројатност дека сегашниот претседател Доналд Трамп може да ја загуби битката за втор мандат. Во таа смисла, неговата ќерка и „десна рака“ во изборната кампања – Иванка може да се врати на своите претходни обврски. Имено, таа уште 2007 година отпочна сопствена линија фин накит „Иванка Трамп“, којшто покрај САД и Канада, се продава и во земји на Блискиот Исток – Бахреин, Кувајт, Катар, Саудиска Арабија и Обединетите Арапски Емирати. Сега брендот опфаќа облека, обувки и модни додатоци. Но, по победата на Трамп во 2016 година, кога семејството стана поактуелно и попознато, во првата фискална година по изборите, Иванка со својот бренд заработила 47 милиони долари. За да нема конфликт на интереси, таа ја префрли својата фирма на туѓо име, но 2018 година ја затвори, па сега, можеби, и ќе го рестартира брендот. Во полза на тоа оди и фактот што Венди Денг, влијателната поранешна сопруга на Руперт Мардок, сега е омажена за деверот на Иванка. Таа е и сопственичка на хотел „Трамп интернејшнал“ во Вашингтон, кој ѝ носи заработка од 5,5 милиони долари. Во меѓувреме, нејзиниот сопруг Џеред Кушнер го продолжува семејниот бизнис со недвижнини, па неговата компанија денес располага со 23.000 живеалишта. Сега, кога тие двајца се попознати и попрепознатливи, таа неодамна ја навести и својата нова книга. (МИА)

Иванка Трамп со емотивна порака до нејзиниот татко заболен од коронавирус

Ивана Ефремовски — Sat, 03 Oct 2020 09:34:48 +0000

Вчера одекна веста дека американскиот претседател Доналд Трам и првата дама на Америка, Маланија Трамп, се позитивни на коронавирусот , а бројни желби за брзо опоравување пристигнаа од целиот свет. Иванка Трамп, ќерката на американскиот претседател Доналд Трамп, му испрати порака за поддршка на нејзиниот татко, откако тој беше сместен во болницата, како превентивна мерка поради болеста. Иванка на Твитер напиша: „Ти си воин и ќе го победиш ова. Те сакам тато“. Трамп беше префрлен во Националниот воено-медицински центар „Валтер Рид“.

You are a warrior and will beat this. I love you dad. ❤️ https://t.co/Y7feCvr2lW
— Ivanka Trump (@IvankaTrump) October 2, 2020

Првата ќерка на Америка обожава гламур: Ова се најелегантните изданија на Иванка Трамп

Магдалена Андонова — Tue, 08 Sep 2020 09:57:36 +0000

Иванка Марл Трамп е родена на 30 октомври 1981 година. Таа е поранешна манекенка и модел, а денес е една од најуспешните бизнисменки во Америка – ќерка на актуелниот американски претседател Доналд Трамп. Иванка е второ дете на американскиот контроверзен бизнисмен и претседател на САД, Доналд Трамп, и на неговата прва сопруга Ивана Трамп. Има два родени браќа Доналд Јуниор и Ерик. Иванка му е десна рака на татко ѝ и како што тврдат американските медиуми, таа е најважната жена во неговиот живот. Активно учествува во деловните операции на татко ѝ и работи како извршна потпретседателка на Организацијата Трамп. Иванка од 2009 година е во брак со градежниот претприемач Џерад Кушнер, поради кого ја сменила верата и го прифатила јудаизмот и кому му родила три деца. Како и повеќето жени од високото друштво, особено оние со енормно многу пари, и Иванка обожава екстравагантни и скапоцени парчиња гардероба, а ние направивме избор од нејзините најелегантни фустани, во кои се појавила на некои од најважните настани последниов период. Иако поголемиот дел од времето го поминува во деловни стајлинзи, бидејќи најмногу е окупирана од работата, Иванка сака да ја искористи секоја пригода и да заблеска во гламурозна тоалета.

Иванка Трамп прослави 38-ми роденден, па објави фотографија без трошка шминка (ФОТО)

Предраг Кукиќ — Thu, 31 Oct 2019 09:26:48 +0000

Иванка Трамп по повод својот 38-ми роденден на Инстаграм објави фотографија без грам шминка и со тоа го покажа својот младалачки изглед на прагот од 40-те. „Прегратки, бакнежи и многу роденденски желби“ - напишала првата ќерка на Америка на фотографијата и додала дека по малку ги чувствува своите 38 години. „И понатаму изгледаш како да имаш 21 година“, „Среќен роденден Иванка, прекрасна си и голема инспирација на жените“, „Каква природна убавина“ - некои од коментарите под фотографијата.

View this post on Instagram

Hugs, kisses and lots of birthday wishes! ? #38yearsyoung

A post shared by Ivanka Trump (@ivankatrump) on Oct 30, 2019 at 4:35am PDT

Иванка Трамп му честита на Џонсон што стана премиер на непостоечка држава, ги насмеа сите

Предраг Кукиќ — Wed, 24 Jul 2019 11:43:21 +0000

Иванка Трамп му честита на Борис Џонсон за тоа што стана премиер на Велика Британија, но направи грешка при пишувањето на Твитер. Ќерката на американскиот претседател – кој и самиот е познат по грешки во пишувањето на неговата омилена социјална мрежа – напиша „United Kingston“, наместо „United Kingdom“, пренесува „Хафпост“. Иванка подоцна го избриша твитот и напиша нов, овој пат со вистинската држава. Но, нејзината грешка не остана незабележана на интернет.

Saving before it gets deleted: "United Kingston" pic.twitter.com/GrKJ6yGgbJ
— Kyle Griffin (@kylegriffin1) July 23, 2019

Иванка Трамп во Африка, за економско јакнење на жените

Дарко Андоновски — Sun, 14 Apr 2019 17:44:18 +0000

Ќерката на американскиот претседател Доналд Трамп, Иванка Трамп, започна четиридневна турнеја низ Африка за да го промовира вработувањето на жените во земјите во развој. -Во суштина веруваме дека инвестирањето во жени е паметна развојна политика и е паметна деловна одлука, рече Иванка Трамп во главниот град на Етиопија Адис Абеба. Иницијативата Глобален развој и просперитет на жените има за цел до 2025 година економски да зајакне 50 милиони жени. Претседателот Трамп и нареди на УСАИД да инвестира 50 милиони долари во фондот на Глобален развој и просперитет на жените.

Трамп: Ако сака, Иванка може да стане претседателка на САД

Предраг Кукиќ — Sat, 13 Apr 2019 12:20:23 +0000

Американскиот претседател Доналд Трамп тврди дека неговата најстара ќерка Иванка потенцијално би можела да тргне по неговите стапки и да се кандидира за шеф на државата. – Ако некогаш би сакала да се кандидира за претседател на САД, мислам дека ќе биде многу тешко некој да ја победи. Многу е смирена… Сум ја гледал под огромен стрес и притисок. Реагира многу добро, тоа е обично генетска работа – изјави Трамп во интервју за „Атлантик“. Тој истакна дека реазмислувал својата ќерка да ја кандидира за претседателка на Светска банка. Нарекувајќи ја „природен дипломат“, Трамп нагласи дека таа би била одлична и во Обединетите нации, но додаде дека поради јавноста се откажал од идејата да ја предложи за Светска банка. – Ако го направев тоа, тие ќе речеа непотизам, а тоа не би имало никаква врска со непотизам. Таа ќе беше неверојатна – истакна американскиот претседател. Иванка Трамп, моментно висок советник во кабинетот на својот татко, долго време беше предмет на голем интерес надвор од Белата куќа. Кога првпат влегла во Белата куќа, некои ја оцениле како поумерена природа во споредба со импулсивната и тврдокорната на Доналд, сугерирајќи и дека би можела да влијае на својот татко околу прашањата за климатски промени и правата на ЛГБТ заедницата.