ивермектин – Kurir.mk

Се посочуваше како чудотворен протв коронавирус, а сега ЕМА порача: Овој лек да не се користи

Катерина Бојаџиева — Mon, 22 Mar 2021 19:42:28 +0000

Лекот ивермектин не треба да се користи за лекување на Ковид-19 надвор од клиничките испитувања, порача Европската агенција за лекови (ЕМА). Како што пишува весникот Гардијан, повеќе месеци ивермектинот се посочува како чудотворен лек. ЕМА објасни дека ги разгледале најновите докази за употребата на ивермектинот како превенција и третман на Ковид-19 и заклучиле дека дополнителните податоци не ја поддржуваат неговата употреба против коронавирусот надвор од клиничките испитувања. Агенцијата со седиште во Амстердам соопшти дека не добила документи со кои се одобрува употреба на лекот, кој долго време се користи за лекување на некои паразити, вклучително и вошки. Според ЕМА, потребни се дополнителни истражувања за да се утврди неговата ефикасност против коронавирусот. Лабораториските тестови откриле дека лекот може да ја блокира репликацијата на вирусот кој предизвикува Ковид-19, но со многу повисока концентрација на ивермектин. Токсичните последици од тие повисоки дози не можат да се исклучат, додава Агенцијата.

Лазаров: Текстот кој лекарската комора го прати на матичните лекари за употреба на ивермектин е плагијат, автор на оригиналниот текст е Марјан Божиновски

Магдалена Андонова — Wed, 13 Jan 2021 13:29:29 +0000

„Каква срамота е ова? Вчера Лекарска Комора на мејл кај лекарите низ Македонија дисперзира текст насловен: "МИСЛЕЊЕ ЗА УПОТРЕБА НА ИВЕРМЕКТИН КАЈ ПАЦИЕНТИ СО COVID-19 Од стручниот колегиум за ЈЗУ Униоверзитетска клиника за пулмологија и алергологија и COVID-19 центрите при интернистичкиот блок " Го објавив интегрално. Текстот е плагијат, автор на оригиналниот текст е Марјан Божиновски (кој нема никаква врска со наведениот колегиум) и истиот е објавен во списанието Емитер во Август годинава. Ова е голем скандал и за ова треба некој да одговара! Повелете линк:“ Фејсбук статус на Ненад Лазаров

Матичните лекари на онлајн предавање допрва ќе учат за употребата на лекот Ивермектин

Ивона Петрова — Wed, 13 Jan 2021 11:58:13 +0000

Министерството за здравство информира дека стручниот колегиум за ЈЗУ Универзитетска клиника за пулмологија и алергологија и Ковид 19 центрите при интернистичкиот блок, изготви мислење за употребата на лекот Ивермектин кај пациенти со Ковид 19. -Протоколот преку Лекарската комора во текот на вчерашниот ден беше испратен до матичните лекари. До крајот на неделата Лекарската комора ќе организира и онлајн предавање за матичните лекари во цела земја за да се дообјаснат прoтоколите, а веќе следната недела ЛК ќе организира онлајн дискусија со клиничките доктори (лекарите кои работат во болниците) за употребата на лекот, информираат од Министерството за здравство. Оттаму посочуваат дека лекот Ивермектин не е на позитивната листа на лекови кои потпаѓаат на товар на ФЗО РСМ. Согласно Решението на МАЛМЕД истиот лек се издава исклучиво на рецепт и се применуваат одредбите за издавање на розев рецепт. -Министерството за здравство потенцира дека Ивермектинот е антипаразитски лек со широк спектар на делување, неговата примена треба да биде исклучиво под лекарски надзор без разлика дали станува збор за домашно лекување или хоспитализација. Апелираме граѓаните на своја рака да не го пијат лекот Ивермектин, бидејќи единствено лекар може да утврди дали постојат индикации за користење на лекот и доколку постојат во која доза и во комбинација со кои други лекови може да се користи Ивермектинот, се наведува во соопштението од Министерството. Иако вчера министерот за здравство Венко Филипче на Фејсбук најави дека лекот е веќе достапен во аптеките, граѓаните мака мачеа да го најдат. Во доцните попладневни часови стана познато дека за дел од аптеките вчера биле обезбедени само мали количини од Ивермектин. Реакција пристигна и од матичните лекари кои преку социјалните мрежи алармираа дека ниту еден матичен лекар не е информиран, ниту пак се дадени некакви препораки во однос на употребата на лекот. -Лекот ГО НЕМА во аптеки, а ниту еден матичен лекар не е информиран ниту се дадени никакви препораки. Касниме месеци, а тоа ефектуира изгубени животи. Скандалозно е екскомуницирањето на цело примарно здравство, 80% од COVID19 тука се менаџира. Срамно е лажењето а штетен е ефтиниот PR, напиша вчера матичниот лекар д-р Ненад Лазаров на својот Фејсбук профил.

Бомбастична најава, а Ивермектин во аптеките едвај се наоѓа

Ивана Ефремовски — Wed, 13 Jan 2021 10:27:16 +0000

Македонските граѓани оставени и без вакцина и без лек. И покрај бомбастичните најави од страна на државните функционери, лекот Ивермектин во македонските аптеки се уште го нема. А, додека Европа и регионот на големо се вакцинираат, во Македонија не се знае кога и колку дози вакцини ќе пристигнат. Вчера, во раните утрински часови министерот за здравство, Венко Филипче со статус на социјалната мрежа Фејсбук се пофали дека пристигнал лекот Ивермектин, кој позитивно делува против и за лечење на лицата со новиот коронавирус. Но, набрзо после тоа и во текот на целиот ден, министерот беше демантиран од граѓани кои лутаа по аптеките за да го најдат лекот кој и им лева надеж дека ќе се изборат во борбата против вирусот. Лекот скоро и да го нема во македонските аптеки. Граѓаните, единствено можеа да го најдат во некоја дежурна аптека од големите ланци на аптеки, по цел ден талкање. Во помалите аптеки лекот го нема, а уште полошо е тоа што нема и од каде да го набават. На социјалните мрежи се јавија со реакција сопственици на аптеки, кои велат лага е тоа дека Ивермектинот го има во аптеките и додаваат дека не знаат и од каде да го набават затоа што го нема и во веледрогериите. Освен тоа, доктори реагираат и дека ниту еден матичен лекар не е информиран, ниту пак се дадени некакви препораки во однос на употребата на лекот. „Лекот ГО НЕМА во аптеки, а ниту еден матичен лекар не е информиран ниту се дадени никакви препораки. Касниме месеци, а тоа ефектуира изгубени животи. Скандалозно е екскомуницирањето на цело примарно здравство, 80% од COVID19 тука се менаџира. Срамно е лажењето а штетен е ефтиниот PR, напиша матичниот лекар д-р Ненад Лазаров на својот Фејсбук профил. Со реакција се јавија и од најголемата опозициска партија, ВМРО-ДПМНЕ од каде што велат дека министерот за здравство, Венко Филипче излажа и за Ивермектинот, лекот навидум стигнат во државава, ама реално го нема по аптеките. „Граѓаните цел ден трчаат по матичните да им го препишат, а матичните велат немам никакви насоки од министертвото за здравство. Знае ли Филипче дека се е многу едноставно. Прво, требаше да го набави на време. Второ, требаше да им даде насоки на матичните и на специјалистите за издавање на рецепти. Но, наместо следење на светските протоколи за лечење корона, Филипче се држи до логиката која функционира во локален маркет или „прв дојден, прв услужен“. Филипче треба и мора да знае дека станува збор за здравје и живот на граѓаните. Затоа треба да ги следи светстките протоколи за лекување на болните од КОВИД-19, посочуваат од ВМРО-ДПМНЕ.

ВМРО-ДПМНЕ: Филипче и за ивермектинот излажа, го нема во доволни количини

Магдалена Андонова — Tue, 12 Jan 2021 17:02:34 +0000

Уште еден пропуст во низата на Венко Филипче во процесот на лечење на граѓаните со корона. Единствениот лек, влезен во светски протоколи дека помага во лекувањето на пацинетите, Ивермектин навидум стигнат во државава, ама реално го нема, стои во соопштението на ВМРО-ДПМНЕ. -Граѓаните цел ден трчаат по матичните да им го препишат, а матичните велат немам никакви насоки од министертвото за здравство. Знае ли Филипче дека се е многу едноставно. Прво, требаше да го набави на време. Второ, требаше да им даде насоки на матичните и на специјалистите за издавање на рецепти, велат од партијата. -Но, наместо следење на светските протоколи за лечење корона, Филипче се држи до логиката која функционира во локален маркет или „прв дојден, прв услужен“. Филипче треба и мора да знае дека станува збор за здравје и живот на граѓаните. Затоа треба да ги следи светстките протоколи за лекување на болните од КОВИД-19, посочуваат ВМРО-ДПМНЕ.

Лазаров: Лекот Ивермектин го нема во аптеките, ова е лажна информација!

Тале Кристо — Tue, 12 Jan 2021 12:56:55 +0000

Лекот ГО НЕМА во аптеки, а ниту еден матичен лекар не е информиран ниту се дадени никакви препораки, реагира д-р. Нанад Лазаров, откако претходно мининистерот за здравство Венко Филипче преку Фејсбук информираше дека истиот од денеска го има во аптеките низ Македонија. Во продолжение целата објава на доктор Лазаров: Еве лажна вест! Лекот ГО НЕМА во аптеки, а ниту еден матичен лекар не е информиран ниту се дадени никакви препораки. Касниме месеци, а тоа ефектуира изгубени животи. Скандалозно е екскомуницирањето на цело примарно здравство, 80% од COVID19 тука се менаџира. Срамно е лажењето а штетен е ефтиниот PR, пишува Лазаров во својата објава.