ивица боцевски – Kurir.mk

Боцевски: Нема да поминат уставните измени, европеизација преку бугаризација нема да се спроведе

Ристе Здравков — Mon, 24 Jul 2023 20:10:33 +0000

„Уставни амандмани нема да има, тука веќе дискусија не треба да има. Нема да поминат уставните промени. Огромното мнозинство на граѓани преку јавните анкети јасно порачаа дека се против уставните промени. Самиот договор кој што е правен со Бугарија е правен во еден тесен круг, тесен круг кој што дома нема направено домашен консензус за да може потоа да се пристапи кон уставни измени“, истакна Ивица Боцевски во гостување во емисија „Само вистина“ на Канал 5 телевизија. Боцевски додаде дека власта избра модел, модел за одење на сила, одење на кршење на опозицијата, да се оди на поткупување на пратеници, да се оди на кршење на волја на бирачите. „Уставни амандмани нема да има, треба да се зборува веќе за избори. Тоа дека ќе нема уставни измени сум сигурен поради ставот на ВМРО-ДПМНЕ, ставот на опозициските партии, и ставот на неколкуте пратеници кои што се од составот на СДСМ. Европеизација преку бугаризација нема да се спроведе“, нагласи Боцевски. Тој посочи дека додека Бугарија не ја повлече изјавата за македонскиот јазик, и додека не ги спроведе пресудите од Европскиот суд за човекови права таа не е вистински партнер на Македонија.

Боцевски: ДУИ метастазираше во сите овие 20 години, во моментов најдискриминирана група во Македонија се Албанците кои што не се во ДУИ

Ристе Здравков — Mon, 24 Jul 2023 19:52:17 +0000

„Борба за етнички права не оди со трговија со струја, со купување на имот во центар во Скопје, со разно разни автомобили позајмени. Борба за етнички права не оди со тепање на полицајци, па потоа да се тераат да се изјаснуваат дека се ударале во пајак итн. ДУИ метастазираше во сите овие 20 години дотаму што во моментов најдискриминирана група во Македонија се Албанците кои што не се во ДУИ“, истакна Ивица Боцевски при гостување во „Само вистина“. Боцевски додаде дека се воочува некоја нервоза во ДУИ околу корупцијата која што има заземено навистина страотни размери. Сето тоа што беше објавено, околу купувањето на „Соравиа“, фотоволтаици, не се работи кои што можат да се објаснат рационално. „ДУИ малку забега и политички во однос на многу ставови со 11 пратеници во Собрание, а се однесуваат како да имаат 111 пратеници од 120. Потоа се гледа и едно драматично ширење економско на луѓето кои што се поврзани со ДУИ“, појасни Боцевски. Тој укажа дека во ДУИ сега се наоѓаат на врвот на ароганцијата.

Боцевски: Власта нема мнозинство за уставни измени, затоа се потребни избори да се порази политиката на оваа Влада

Ристе Здравков — Mon, 12 Jun 2023 14:06:55 +0000

„Власта нема мнозинство за уставни измени, затоа сега треба да стигнеме до избори. Ајде да видиме како ќе стигнеме до избори“, истакна Ивица Боцевски во утринска емисија на радио „Лидер“. Боцевски додаде дека на Преспанскиот форум ќе има уште една серија на притисоци околу уставните измени. „Механичкото додавање на Бугарите во Уставот е проблематично од една единствена страна Бугарија има проблем со македонскиот идентитет. Ниту еден друг што е во Уставот, што е во државата нема проблем со македонскиот идентитет. Во моментот кога Бугарија ќе го признае македонскиот идентитет никаков проблем ќе нема“, заклучи тој. Тој посочи дека власта посакуваше Пржинска игранка и да ја вовлече опозицијата. Таа игранка власта сакаше да злоупотреби за вовлечување на ВМРО-ДПМНЕ за гласање на уставни измени. Но, тоа на власта не успеа. „Власта се надеваше и на притисокот на Европската делегација во Македонија, на американска, француска или германска амбасада“, укажа Боцевски. „Она што е битно од лидерот на ВМРО-ДПМНЕ и што се очекува е буквално да ги развие едрата и бродот на опозицијата, не само бродот на ВМРО-ДПМНЕ туку бродот што ги влече сите од опозицијава да доплови до избори. И на тие избори да се порази политиката на власта која што е погубна за Македонија“, рече тој.

Боцевски: Македонското општество со власта се растури, ВМРО-ДПМНЕ за да се средат работите предложи обединување околу европските вредности

Ивана Ефремовски — Mon, 12 Jun 2023 13:45:28 +0000

„Ковачевски во координација со ДУИ излегува и вели еве ви даваме пет министерства, ДУИ вели не мора да сме ние во Владата меѓутоа условот да го направи тоа ВМРО-ДПМНЕ е да гласа уставни измени. Од страна на СДСМ сакаше да ги вовлече да гласаат и да ги шутне. Тоа беше планот на СДСМ и ДУИ“, истакна Ивица Боцевски во утринска емисија на радио „Лидер“. Боцевски додаде дека планот на Ковачевски и ДУИ не им успеа. „Нашето општество се растури на многу точки, се растури со Шарената револуција, со оние лудите активности на СЈО, не мислам на активностите за гонење на корупција, туку мислам на моментот кога СЈО се претвори во легло на корупција невидена во Македонија. Се растури општеството и со Преспански договор, сее растури со овој договорот со Бугарија, дури и моментот кога на еден луд начин беа донесени одредбите кои што воведуваат двојазичност во Македонија сето тоа го растури ова општество. Односно го раздрма општеството“, заклучи Боцевски. Тој посочи дека затоа идејата на ВМРО-ДПМНЕ беше “ајде власта направила беља, глупост, ајде ада се средат работите каде што ќе се овозможи да се заштити македонскиот идентитет и да се чекори понатаму“. „Идејата на ВМРО-ДПМНЕ е обединување околу европските вредности. Што би било тоа обединување околу европските вредност? Да нема веќе злоупотреба на европското знаменце“, нагласи тој.

Боцевски: Очигледен е расцеп во ДУИ, раздрмано е столчето на Артан Груби

Тале Кристо — Thu, 23 Feb 2023 17:58:08 +0000

„Очигледно е дека дојде до фрагментација на ДУИ. И очигледно дека од она што барем го слушам е дека силната улога на господинот Артан Груби во демократската унија за интеграција дојде до ситуација на одделување на еден огромен дел од членството“, истакна Ивица Боцевски во гостување во емисијата „За или против“ на Алфа телевизија. Боцевски додаде дека по сликите по медиумите и социјалните мрежи може да се забележи дека Огнените имаа масовни собири. „Раздрмано е столчето на Артан Груби. Еве денеска гледате од Огнените не гласаа за Владата. постои ли еден појасен сигнал дека таму веќе најверојатно нема една партија. Значи вие кога нема да поддржите министри од вашата Влада, вие де факто веќе не припаѓате на тој тим“, заклучи Боцевски. Тој посочи дека се поочигледен е расцеп на ДУИ. „И гледаме дека зад тој расцеп стојат многу моќни фигури од ДУИ“, укажа Боцевски. Тој нагласи дека нервозата кај Артан Груби секој ден е се поочигледна, бидејќи има расцеп во ДУИ и неговиот криминал излезе во виделина. Јавноста воочи како Груби се богати врз грбот на граѓаните.

Боцевски: На кој јазик се потпишани сите досегашни договори помеѓу Македонија и Европската Унија?

Магдалена Андонова — Thu, 27 Oct 2022 09:31:32 +0000

figure>

На кој јазик се потпишани сите досегашни договори помеѓу Македонија и Европската Унија? Поточно, сите документи, запраша Ивица Боцевски преку својата официјална Фејсбук страница. - Реторичко прашање, нормално дека од првата Спогодба за соработка помеѓу Република Македонија и Европските заедници, потпишана во 1996 година, па до денес сè што потпишала Македонија е потпишано на македонски јазик ... можеби сега е потпишано на некој нов "чист македонски јазик", различен од стандардниот македонски јазик, додава тој во својата објава.

Боцевски: Утре од 13 часот започнуваме блокади низ цената држава, додека нашите храбри пратеници се борат во Собранието за нашите интереси за одбрана на македонскиот јазик, народ и држава

Магдалена Андонова — Thu, 07 Jul 2022 19:06:12 +0000

Веќе 6-ти ден протестираме во главниот град на Република Македонија, 6-ти ден го браниме нашиот идентитет, држава и култура. 6-ти ден ги браниме од овие кои што преговарале и кои што не продавале во наше име, изјави поранешниот амбасадор Ивица Боцевски на денешниот протест „Ултиматум, НЕ благодарам“. „Лажеа дека не преговараат, го преговарале овој документ и оваа преговарачка рамка ја преговарал Премиерот Ковачевски, Претседателот Пендаровски, ја преговарале Маричиќ и Османи. Не гледаа во очи и не лажеа дека не преговарале, не лажеа дека не го виделе документот. Го знаат од точка до запирка“, рече Боцевски. Боцевски упати апел до пратениците дека нашата последна црвена линија е Уставот. „Од овде сакам едно да им порачаме дека нашата последна црвена линија е Уставот и затоа ќе ве замолам сите заедно од овде да му порачаме на лидерот на ВМРО-ДПМНЕ Христијан Мицкоски, Димитар Апасиев лидерот на Левица, Љупчо Димовски лидерот на СПМ, Иван Стоилковиќ лидерот на ДПС и јасно да им кажеме вие и вашите пратеници се последниот бедем на македонскиот народ и македонската државност“, кажа Боцевски. Боцевски потенцираше дека ние сме вашата заштита, тврдина, ‘рбетен столб и ние ќе ве поддржиме да опстоите да нема никаква промена на Уставот по диктат на Бугарија која ќе ги земе предвид бугарските барања. „Утре ќе имаме блокади низ целата држава. Блокадите ќе почнат во 13 часот, ќе ја блокираме цела Македонија додека нашите храбри пратеници се борат во Собранието за нашите интереси за одбрана на македонскиот јазик, народ и држава“, посочи Боцевски.

Боцевски: Во Битола во саботата не постоеше македонската држава, а претседателот и врховен командант реагира по Фејсбук

Ивана Ефремовски — Tue, 19 Apr 2022 20:52:04 +0000

Во саботата, во Битола не функционираше македонската држава, вели поранешниот македонски амбасадор, Ивица Боцевски вечерва во дебатниот магазин „Клик Плус“ на телевизија Тв21 во однос на посетата на високата бугарска делегација предводена од премиерот, Кирил Петков и потпретседателката Јатова на отворањето на клубот Ванчо Михајлов. „Во саботата во Битола не функционираше македонската држава. Тоа што револтира и што прави бесна реакција кај сите е тоа каде беше Петков во саботата? Во Македонија? Во Бугарија? Бележеше територија?“, прашува Боцевски. Тој истакна дека таа посета не може да се смета за приватна, затоа што во дипломатијата посета на премиер и претседател се најавува, додека нашиот претседател и врховен командант реагира на социјалната мрежа Фејсбук. -Некој кажа приватна посета, не постои правна посета на премиер и претседател. Така е во дипломатијата, се најавува посета на премиер и претседател. Нашиот претседател реагира на Фејсбук, врховен командант на војската. Ако има против таков чин нашиот претседател, требало да му каже на министерот Бујар Османи, не може да го одбие министерор „Извини, ќе им кажете да не доаѓаат“, вели Боцевски. Тој ја посочува поранешната министерка за правда, Рената Дескоска која излезе со документ за кој вели дека во нејзино време било одбиено регистрација на здружение под името „Ванчо Михајлов“, при што прашува дали можеби поранешниот министер Бојан Маричиќ дозволил регистрација на тоа здружение. -Министерката Рената Дескоска излезе со документ, црно на бело, таа одбила регистрирање на здружение под назив „Ванчо Михајлов“ и сега име три опции, што се случивало потоа. Или министерот Маричиќ дал дозвола, што е најверојатно или во Централен регистар го регистрирале здружението без потврда од министерството, или третото е дека онака, најбрутално си дошле Бугарите тука и ставиле назив „Ванчо Михајлов“, во што одбивам да верувам. Затоа што мислам дека се посериозни, истакна Боцевски.

Боцевски: Што поскоро враќање кон Македонија и кон демократијата

Ристе Здравков — Sat, 18 Dec 2021 10:59:18 +0000

Затоа, што поскоро потребно е да почнеме внатрешен македонски дијалог. Зад Заев и зад „Северна…“ не постои воопшто никаква интелектуална или академска заедница што го поддржува или го промовира неговиот погубен концепт, пишува аналитичарот Ивица Боцевски во својата најнова колумна за весникот Нова Македонија. Во продолжение Ви пренесуваме дел од неговата колумна: Но македонската мисла сè уште е оптоварена со сеќавањата на внатрешниот судир при „Шарената револуција“ и одбива да излезе од тогаш ископаните ровови. Јас тука јавно кажувам дека воопшто не се осврнувам на целиот отров и на сите претешки зборови упатени кон мене во тој период. Секој од нас има длабоки спомени од тие славни и неславни денови. Сепак, доста беше! „Патриотите“ се бореа за зачувување на Македонија, а „шарените“ се бореа за демократија. И едната и другата борба беше благородна и беше праведна. Но таа војна е одамна завршена, а изгубија и двете страни. Победи Заев, кој ја сотре Македонија и целосно ја укина демократијата во земјата. Време е повторно да се сретнеме, па заеднички да го дигнеме бајракот на борбата за Македонија и за обнова на демократијата во Македонија. Време е повторно да ги освоиме македонските интелектуални и културни институции, па да ги исполниме со содржина, да им дадеме нов живот, нова полнокрвност, која ќе се изнедри од борбата за Македонија и од борбата за демократија. Време е националните институции повторно да ги помакедончиме и да ги демократизираме. Јас подавам рака и излегувам од ровот ... Целата колумна прочитајте ја ТУКА

Боцевски: Од човек кој што е властољубив не може да се очекува оставка, сето ова беше евтин театар за да ги го сокрие поразот од изборите

Тале Кристо — Tue, 09 Nov 2021 18:09:21 +0000

Јас уште вечерва на 31-ви октомври кажав кога бев во едно од телевизиските студија, можеби и овде бев, кога беше така на еден јуришен начин најавена таа оставка и од партијата и од државата, и тогаш реков и држам до тоа дека оставка ниту имало, ниту има, ниту ќе има. Тој човек е властољубив, тој човек е среброљубив, тој човек нема намера да се повлече од политиката. Тоа едноставно беше еден електричен зајак пуштен во јавноста во Македонија, за да не се дискутира околу страотниот пораз на Зоран Заев на локалните избори, туку сега да дискутираме за некои други теми, истакна Ивица Боцевски во гостување во емисијата „Само вистина“ на Канал 5 телевизија. Боцевски додаде дека поради наводната оставка на Заев започнаа веднаш срцевопарателни изјави од неговите членови, функционери. Ова на Заев со оставката е евтин театар, кој што требаше само да го сокрие неговиот пораз на локалните избори. -Меѓутоа, сега имаме нешто друго на маса, тоа другото што го имаме на маса е иницијативата за недоверба на Владата, рече Боцевски. Боцевски посочи дека оставката на Заев е лажна оставка. -Зборувам за човек кој што го погази Уставот на оваа земја, го погази референдумот, изборната волја на граѓаните, лани влезе во еден ужасен изборен процес, годинава се срамевме од тоа што гледавме во саботата вечер пред првиот и вториот круг, така што малку е ако зборувам за џамбас и ќибритлија, појасни Боцевски.