ивица обрван – Kurir.mk

Поранешен селектор на Македонија ќе ја предводи Хрватска на СП 2023

Бошко Тасиќ — Sat, 28 Oct 2023 04:12:17 +0000

Управниот одбор на Хрватскиот ракометен сојуз (ХРС) денеска едногласно го разреши Ненад Шоштариќ од селекторската функција на женската сениорска репрезентација, а веднаш за нов селектор го избра Ивица Обрван (57). Шоштариќ веќе има нова работа и тоа на клупата на Загреб кој игра во ЛШ во иста група со Пелистер, додека на негово место доаѓа поранешен предводник на македонската машка селекција. Обрван во досегашната кариера предводеше екипи како Метковиќ, Медвешчак, Загреб, Горење Велење и Шамбери, а освен на Македонија беше и селектор на Босна и Херцеговина. Женската репрезентација на Хрватска за еден месец ја очекува настан на Светското првенство (СП) во Шведска, Данска и Норвешка, па на новиот селектор му останува исклучително кратко време да ја подготви репрезентацијата.

Ивица Обрван нов тренер на Подравка

Бошко Тасиќ — Fri, 28 Apr 2023 05:14:52 +0000

Поранешниот селектор на машката сениорска ракометна репрезентација на Македонија, Ивица Обрван, е еден од кандидатите за нов тренер на некогашниот европски шампион Подравка, пренесува хрватскиот портал „Спортске Новости“. Моментално клубот од Копривница го предводи младиот тренер Антонио Прањиќ, кој во текот на месец март оваа година ја презеде тренерската палка од Жељко Бабиќ. Во својата тренерска кариера Обрван ги предводеше Шамбери, Медвешчак, Горење Велење и Метковиќ.

Ивица Обрван кандидат за селектор на Хрватска

Бошко Тасиќ — Fri, 27 Jan 2023 05:56:32 +0000

Горан Перковац, Славко Голужа и Владо Шола се дел од имињата кои јавно дадоа до знаење дека се подготвени да застанат на чело на ракометната репрезентација на Хрватска, а најновото име кое се става на овој список е и поранешниот македонски селектор Ивица Обрван. ,,Можеби не е коректно да се огласувам се додека актуелниот селектор е сѐ уште на функцијата. Но со оглед на тоа дека одредени кандидати започнаа да се појавуваат по медиумите, а тоа со Хорват е речиси завршена приказна, мислам дека имам право да кажам дека овој спорт е мојот живот, направив големи работи во него, и моите аргументи се можеби најсилни моментално. Гледам дека ме спомнуваат како потенцијален наследник. Мислам дека имам совршени референци, можеби и најдобри за она што го имам работено. Во врвот на својата тренерска кариера сум, и имам одреден континуитет на високо ниво”,изјави Обрван за хрватскиот портал ,,Данас”.

Ивица Обрван веќе не е селектор на Босна и Херцеговина

Бошко Тасиќ — Sun, 13 Mar 2022 08:00:20 +0000

Ракометниот тренер Ивица Обрван одлучи да си замине од клупата на Босна и Херцеговина. Хрватскиот стратег потпиша четиригодишен догово пред една година, но поради проблеми во односот со челниците на федерацијата донесе одлука да ја напушти селекторската позиција во босанската репрезентација. „Почитувани, сакам да ве информирам дека одлучив да ја прекинам соработката со БиХ, поради тоа што федерацијата не ги исполнува своите обврски. Би сакал да им се заблагодарам на навивачите за поддршката, на играчите за одличната соработка што ја имавме изминатава година. Сигурен сум дека ќе продолжат таму каде што застанавме откако се изборивме за место на Европското првенство во Унгарија и Словачка“, напиша Обрван во своето соопштение. БиХ во следниот период ќе ја предводи досегашниот помошник на Обрван, Тони Чолина.

Обрван: Добро го познаваме Вардар

Бошко Тасиќ — Tue, 22 Feb 2022 13:49:27 +0000

Македонскиот ракометен шампион Вардар утре на домашен терен ќе го пречека хрватскиот ППД Загреб во еден од одлучувачките натпревари за пласман во нокаут фазата од Лигата на шампионите. Тренерот на гостите Ивица Обрван вели дека доколку бидат вистински може да стигнат до позитивен резултат на оваа гостување.

„Добро го познаваме Вардар, единствено што го променија е тренерот, можеби и начинот на игра. Во некои комбинации и бод би ни бил доволен за осминафинале, но не размислуваме на тоа. Сакаме по Пик Сегед да одиграме уште еден добар натпревар. Покажавме колку сме способни да одиграме добро на гости како во Брест и Монпелје. Ако бидеме ние вистинските можеме до позитивен резултат“, изјави Обрван.

Натпреварот кој ќе се игра во СЦ „Јане Сандански“ во Скопје е закажан за утре со почеток во 20.45 часот.

Ивица Обрван останува селектор на Босна и Херцеговина

Бошко Тасиќ — Sat, 19 Feb 2022 19:49:40 +0000

Ракометната репрезентација на Босна и Херцеговина ја очекува настапот во баражот за Светското првенство наредната година, а како што стојат работите Ивица Обрван ќе остане селектор. Босанскиот портал „СпортСпорт.ба“ објави дека Обрван дефинитивно останува селектор и во наредниот циклус за договор со важност од четири години. Обрван во наредните денови треба да го објави и списокот на ракометари на кои ќе смета за двомечот против Грција. Натпреварот против Грција Босна ќе го игра на 20. март во Тузла во спортскиот комплекс „Мајдан“, три дена порано е првиот натпревар во Грција.

Ивица Обрван во два дена доби две работи

Бошко Тасиќ — Fri, 19 Feb 2021 21:32:37 +0000

Хрватскиот ракометен стратег Ивица Обрван долго беше без ангажман, а сега за два дена доби две работи.

Откако беше назначен за нов селектор на Босна и Херцеговина, денеска Обрван стана нов тренер на хрватскиот ракометен шампион ППД Загреб.

Последниот, а вкупно единаесетти пораз во Лигата на шампионите, значеше и одлука на Владо Шола да поднесе оставка на тренерската функција, по што раководството експресно најде замена. Обрван втор пат ќе го води Загреб, а во претходниот мандат на клупата на хрватскиот првак успеа да ја победи Барселона. Тој ќе биде трет тренер сезонава на оваа екипа, откако пред Шола, кратко функцијата ја извршуваше и Игор Вори.

Ивица Обрван селектор на Босна и Херцеговина

Бошко Тасиќ — Wed, 17 Feb 2021 20:56:51 +0000

Ракометниот сојуз на Босна и Херцеговина соопшти една голема промена во репрезентацијата, бидејќи неколку часа по информацијата за разделбата со Билал Шуман, стигна потврда и за неговиот наследник.

Нов предводник на селекцијата на Босна ќе биде поранешниот македонски селектор Ивица Обрван.

Хр во сватскиот стратег во својата кариера на клупски план беше дел од Загреб, Горење и Шамбери, а своевремено беше и македонски селектор. Обрван во наредниот период ќе треба да ја состави својата прва листа од повикани играчи, по што на 14-ти март за прв пат оваа селекција ќе ја води на квалиуфикацискиот натпревар против Австрија.