Иво Вајгл – Kurir.mk

Мицкоски во Брисел оствари средби со Мекалистер, Вајгл и Вебер: Заев сака да ги украде претстојните претседателски избори

Ивана Ефремовски — Tue, 05 Feb 2019 14:13:53 +0000

Претседателот на ВМРО-ДПМНЕ, Христијан Мицкоски втор ден ја продолжува посетата на Брисел на политичкото Собрание на Европската Народна Партија. Тој најпрвин оствари средба со Дејвид Мекалистер кој што е претседател на Европската Народна Партија и истовремено претседавач на Комитетот за надворешна политика при ЕП. Потоа со Иво Вајгл кој што е известувач за Република Македонија во ЕП и веднаш по завршувањето на пленарната седница на политичкото Собрание реализираше средба со Манфред Вебер кој што е претседател на парламентарната група на Европската Народна Партија и истовремено кандидат за претседател на ЕК од редовите на Европската Народна Партија. По средбите Мицкоски посочи дека владеењето на правото и правната држава се загрозени во Македонија. Во текот на средбите се разговараше за актуелната политичка и економска ситуација во Република Македонија. Практично разговараа за сите оние неуспешни политики кои што владата на СДСМ и Зоран Заев ги реализираат во Република Македонија. -Ги запознав моите соговорници за отсуството на владеење на право и на изгубената правна држава, изгубената доверба на граѓаните на Република Македонија, која што практично е основен мотив истите да ја напуштат земјата. При средбата ги илустрирав оние последни 4 случаи кои што се случија пред некој ден, а тоа е гранатирањето на дуќан во центар на Скопје, запалените 2 угостителски објекти, едниот во старата скопска чаршија, а другиот во Општина Бутел. И оној вооружен грабеж кој што исто така се случи во главниот град на Република Македонија, потенцираше Мицкоски. Тој посочи дека постои оправдан сомнеж Зоран Заев сака да ги украде престојните претседателски избори. -Побарав организирањето на фер и демократски избори биде еден од условите за отпочнување на преговори со ЕУ. Истовремено не ја испуштив можноста да лобирам, доколку се исполнат сите овие критериуми да биде овозможен напредок во европските интеграции на земјава, истакна тој.

Лидерот на ВМРО-ДПМНЕ оствари средба со Иво Вајгл, европарламентарец и известител на ЕП за Република Македонија

Ивана Ефремовски — Tue, 05 Feb 2019 10:45:14 +0000

Лидерот на ВМРО-ДПМНЕ, Христијан Мицкоски оствари средба со Европарламентарецот и известител на ЕП за Република Македонија Иво Вајгл. -Разговаравме за состојбите во Македонија, за потребата за акцелерирање на европските интеграции и исполнување на клучните реформи. Го посочив сериозното нарушување на принципите на правото и правната држава што преставува и сериозно подривање на демократијата во Македонија. Го нотирав и лошиот економски живот на граѓаните и мерките на владата со кој се оптоварува нивниот стандард, информираше Мицкоски по средбата. На средбата, во придружба на Мицкоски беше и Тимчо Муцунски, меѓународниот секретар на ВМРО-ДПМНЕ.

Работна вечера на парламентарните партии во рамки на „Жан Моне“ процесот во Охрид

Матеја Петровски — Thu, 17 May 2018 19:11:54 +0000

Со работна вечера зад затворени врати во Охрид практично почна парламентарната средба во рамки на процесот „Жан Моне“ инициран од европратениците Иво Вајгл, Кнут Флекенштајн и Едуард Кукан. Вечерата е вовед во состаноците на координаторите на парламентарните партии предвидени за утре, а со цел подобрување на парламентарниот дијалог и спроведување на европската агенда на земјата. Деловникот за работа на Собранието, Етичкиот кодекс, буџетската независност на македонското Собрание, се дел од прашањата што се очекува да бидат дискутирани во рамки на процесот. На вечерата, на која преку видео-врска се обрати еврокомесарот за проширување на ЕУ Јоханес Хан, предвидено е да се разговара за централната улога на Собранието во реформската агенда за интеграција во ЕУ. Европратеникот Иво Вајгл пред почетокот на вечерата рече дека се работи за средба на парламентарците од Собранието со пратеници на Европарламентот, со цел во отворена атмосфера да се разговара без присуство на јавноста, за сите проблеми за кои можеби не е постигнат консензус. - Сметам дека во работна атмосфера со помош на експерти ангажирани за оваа конференција, може да се дојде со согласност по некои прашања за кои нема да решаваме ние, нема да се решава ниту тука ниту во центарот „Жан Моне“ во Париз, туку во Собранието на РМ. Се разбира ќе стане збор за иднината на Македонија, токму затоа сме тука, се ангажиравме во Пржинскиот договор, и оттаму со големо задоволство можеме да каќеме дека земјата има направено ззначаен чекор напред со добивањето гаранција за безусловно отпочнување на преговорите за членство во ЕУ. Се разбира за тоа ќе решава Европскиот совет и можам само да кажам дека сум оптимист во тоа, изјави Вајгл. Според агендата што се чуваше скриена од јавноста, пред учесниците поздравно обраќање имаа тројцата европратеници и претседателот на Собранието на Република Македонија, Талат Џафери. Агендата на процесот предвидува учество на сите парламентарни партии од земјата, во формат партиските координатори и по тројца пратеници, како и потпретседателите на Собранието. Работниот дел од дијалогот започува утре, со обраќања на сите учесници, а предвидени повеќе пленум-сесии посветени на етичкиот кодекс, Деловникот за работа на Собранието, буџетска независност на институцијата, разговори што ќе бидат преточени во заклучоци што треба да бидат донесени на завршувањето на средбите. Дијалогот е предвидено да биде заокружен со вечера на која е најавено присуство и на лидерите на парламентарните политички партии, премиерот и лидер на СДСМ Зоран Заев, лидерот на ВМРО-ДПМНЕ Христијан Мицкоски, лидерот на ДУИ Али Ахмети, на ДПА Мендух Тачи, Зијадин Села од Алијансата на Албанците и од Беса Билал Касами. Пред нив е предвидено да се обрати и Сергеи Станишев, претседател на партијата Европски социјалисти. Тоа ќе биде првата средба на лидерите по средбата на премиерот Заев со грчкиот колега Алексис Ципрас на Самитот во Софија. Средбата во рамки на „Жан Моне“ процесот се смета како реализација на дел од реформите во земјата имајќи предвид дека прашањата за конституирање на Парламентот и за пратенички прашања се дел од планот „3-6-9“, а разговорите се очекува генерално да придонесат и за подобрување на политичкиот дијалог. На средбата во Охрид и претходеа усогласувања на ставовите на пратеничките групи, особено за Деловникот за работа на Парламентот и за Етичкиот кодекс. (Миа)

Вајгл: Постои реална можност за датум за преговори со ЕУ на лето

Ивана Ефремовски — Thu, 26 Apr 2018 06:29:07 +0000

Известувачот за Македонија во Европскиот Парламент, Иво Вајгл, во интервју за МИА оценува дека е реална можноста лидерите на ЕУ веќе на лето да дадат зелено светло и датум за преговори за Македонија, потсетувајќи дека ЕП одамна турка за преговорите и решавањето на името да можат да одат во пакет, доколку не се реши спорот со Грција дотогаш. - Сега треба Европскиот Совет да се изјасни. Верувам дека работата е доволно далеку отидена да не биде доведена во прашање. Се разбира во голема мера тоа зависи и од успехот во преговорите со Грција за името. И тука, преговарачите, и тоа е паметно од нивна страна, не држат во несигурност што се однесува до конкретен договор. Мислам дека во оваа ситуација не е најдобра идеја да се објавуваат пристрасни информации кои внесуваат заблуда. Најдобро е преговарачите да преговаратат во дискреција, истакнува Вајгл. Посочува дека секогаш како известувач барал и добивал поддршка во ЕП за да се овозможи преговорите со ЕУ да течат паралелно со преговорите за името. Запрашан дали друга држава членка на ЕУ, освен Грција, би можела да ја блокира Македонија, поради отпор кон проширувањето, известувачот за Македонија вели дека не верува во такво сценарио. Вајгл подготвува и нова резолуција на Европскиот Парламент за Македонија, во која главните критики ќе се однесуваат на политичкиот дијалог во земја. - Јас сега кога ја следам политичката атмосфера во Македонија сите се согласуваме дека е подобрена ситуацијата, дека реториката е смирена, меѓутоа се уште има претерани обвинувања, паушални, и од една и од друга страна, така што за Македонија да влезе во една кредибилна фаза на демократија треба да се престане со таа желба со постојано натпреварување. Не е секогаш предизборна атмосфера, не е секогаш предизборно време. Кога ќе се добијат или изгубат избори треба да се каже „еве сега има одговорност тој кој формираше влада“ и да им се даде можност на граѓаните да здивнат и да се опуштат. И до таа точка Македонија се уште не дошла, вели Вајгл во интервју за МИА. Иво Вајгл ќе дојде во Охрид на 17 и 18 мај за рунда разговори во рамките на процесот Жан Моне, чија цел, меѓу другото, како што вели е „јакнењето на личната емпатија меѓу пратениците“. (МИА)

Мицкоски оствари средба со европратениците Вајгл, Кукан и Флекејштајн

Ивана Ефремовски — Mon, 26 Feb 2018 20:26:27 +0000

Претседателот на ВМРО-ДПМНЕ, Христијан Мицкоски денес заедно со потпретседателот Александар Николоски и членот на Извршниот Комитет, Драган Данев оствари средба со европратениците Иво Вајгл, Едуард Кукан и Кнут Флекејштајн. На средбата се разговараше за актуелните состојби, за застојот со европските интеграции и предизвиците на државата на општетсвен и политички план. -Претседателот на ВМРО-ДПМНЕ, Мицкоски посочи дека има целосен застој во поглед на европските интеграции и исклучително низок степен на реализација на владиниот план 3-6-9 што се должи на недоволната посветеност и манифестирањето на неспособност на владата да менаџира со процесите, информираат од партијата. -Заложбите за интеграција на владата се само декларативни, но не и суштински и остануваат мртво слово на хартија. СДСМ ја има одговорноста 9 месеци да управува со државата а нема ниту еден крупен чекор или реформа која е не доближи до целта за отпочнување на преговори со Европската Унија, истакна Мицкоски. Претседателот на ВМРО-ДПМНЕ Мицкоски ги запозна своите соговорници со случаите на политички терор спроведуван од власта, посочувајќи дека тоа го отежнува севкупниот абиент на функционирање на државата и го прави невозможен активниот политички дијалог. -Мицкоски зборуваше и за катастрофалната економска состојба и неуспешните економски политики кои негативино се одразуваат врз стандардот на граѓаните. Во однос на спорот за името ВМРО-ДПМНЕ на средбата ги повтори позициите на партијата кои се јавни и претходно познати. Претседателот на ВМРО-ДПМНЕ Мицкоски изрази благодарност за ангажманот на тројцата пратеници и нивните заложби за откочување на процесот на евроинтеграциите што преставува стратешка заложба на партијата, информираат од ВМРО-ДПМНЕ.

Меѓународните напори на ВМРО-ДПМНЕ вродија со плод, европратениците задолжени за Македонија го препознаваат недемократскиот амбиент на власта

Ивана Ефремовски — Mon, 26 Feb 2018 15:28:04 +0000

Напорите на ВМРО-ДПМНЕ вложени во надворешната политика, вродија со плод. Европратениците кои се задолжени за Македонија го препознаваат недемократскиот амбиент на власта, а со тоа и позитивно ги оценуваат чекорите на опозицијата превземени во оваа насока. Лидерот на ВМРО-ДПМНЕ, Христијан Мицкоски, изминатиов период заедно со партиска делегација оствари неколку меѓународни посети. Тема на средбите беше актуелната политичка состојба во Македонија, како и недемократското однесување на власта. Токму владеењето на СДСМ доведе до критики од страна на европратениците, насочени кон актуелната власт во Македонија. Европратеникот Иво Вајгл, кој е известувач за Македонија во Европскиот парламент, ја повика опозицијата да се вклучи во работата на Собранието, истакнувајќи дека власта и опозицијата мора да работат заедно за доброто на државата. Вајгл кој учествува на денешната конференција на Косап, рече дела и власта треба да има предвид дека опозициската ВМРО-ДПМНЕ се уште е најсилната политичка партија во Парламентот и нивното остсуство е многу проблематично, особено кога се работи за секојдневната работа во законодавниот дом. -Владата и коалицијата на власт има одговорност да направи опозицијата да се чувствува комотно и активно и да и се даде шанса, особено за стратешки прашања што всушност недостасува во овој момент. Имам големи очекувања од процесот ‘Жан Моне’, но тој најверојатно ќе почне во март, но тоа нема да биде во Париз. Одлуките и заклучоците ќе се донесат во Собранието, рече Вајгл.

Европратеникот Петерле на Твитер: Одлична дискусија со новиот лидер на ВМРО-ДПМНЕ, Христијан Мицкоски

Мицкоски заедно со потпретседателот Александар Николоски и членот Извршниот комитет, Владимир Ѓорчев, при посетата на Брисел која се одржа на крајот од минатиот месец, остварија средба со пратениците во Европскиот парламент Иво Вајгл и Едуард Кукан и пратениците, Маријана Петир и Алојз Петерле кои се дел од групата „Пријатели на Република Македонија во Европскиот парламент“. -Европратениците Петир и Петерле ја потврдија поддршката за Македонија и дека и понатаму ќе продолжат со нивните заложби да и се помогне на земјата конечно да ги почне пристапните преговори за полноправно членство во ЕУ. На средбите беше потенцирано дека ВМРО-ДПМНЕ е подготвена целосно да се ангажира за да придонесе за побрза интеграција на Република Македонија во рамките на Европската Унија. Исто така беше нагласено дека за надминување на разликите во однос на клучните процеси во државата потребна е конструктивност од страна на власта и политички дијалог со сите политички чинители во земјата, се наведува во соопштението на ВМРО-ДПМНЕ испратени по посетата. Со свое видување за средбата на својот Твитер профил се огласи и европратеникот Петерле, кој ја поздрави одличната дискусија. -Одлична дискусија попладнево со Христијан Мицкоски, новиот лидер на ВМРО-ДПМНЕ. Ние се согласивме дека ќе биде потребно поголемо помирување за да се засилат европските амбиции на Македонија, напиша Шетерле.

Excellent discussion this afternoon with Mr Hristijan Mickoski, the new leader of #VMRO-DPMNE. We agree that more reconciliation will be needed to strengthen the European ambition of #Macedonia. @VladimirGjorcev @AlexandarMKD #EPPfamily #WesternBalkans pic.twitter.com/kIsJV2wwr7
— Lojze Peterle (@lojzepeterle) January 30, 2018

Европратениците Вајгл, Флекенштајн и Кукан во Скопје на Косап

Катерина Бојаџиева — Mon, 26 Feb 2018 08:18:39 +0000

Во Собранието на Република Македонија денеска ќе се одржи 13. Конференција на Парламентарните комисии за европски прашања/интеграции на државите опфатени во процесот за стабилизација и асоцијација од ЈИЕ - Косап. Гости говорници на конференцијата се и тројката европратениците Иво Вајгл, Кнут Флекенштајн и Едуард Кукан. Конференцијата има две сесии и тоа за Европските перспективи на Западен Балкан и владеењето на правото во Западен Балкан. На отворањето ќе зборува претседателот на Собранието Талат Џафери, а како гости говорници на сесиите покрај тројцата европратеници се најавени и евроамбасадорот Самуел Жбогар, Кристијан Вигенин, претседател на Комисијата за европски прашања и контрола на Европските фондови, амбасадорот на САД во Македонија Џес Бејли, како и министрите за надворешни и за правда на Македонија Никола Димитров и Билен Салији. Организатор е собраниската Комисија за европски прашања. Претседателот на Комисијата Артан Груби вели дека конференцијата се прави во периодот помеѓу објавувањето на Стратегијата за Западен Балкан на ЕК, по посетата на претседателот на ЕК Жан Клод Јункер на Македонија за да се напарви еден вид притисок за Македонија да добие позитивен извештај за напредокот и чиста препорака за почеток на преговори за членство во ЕУ. На конференцијата најавено е учество на 190 партиципанти од Македонија, Србија, Албанија, БиХ, Турција, Црна Гора и Косово, како и Бугарија, која е актуелен претседавач. Поканети се и претставници на академската заедница во Македонија, четириесетина граѓански организации, како и дипломатскиот кор. Како што е најавено, на крајот на конференцијата ќе биде усвоена заедничка изјава.