избеган затвореник – Kurir.mk

ИЗБЕГАЛ ОД ИДРИЗОВО ВО 2015 И СЛОБОДНО СИ ШЕТАЛ ДО ВЧЕРА – по толку годни полицијата го пронашла, до сега ќе си ја одлежал казната…

Дарко Андоновски — Thu, 08 Jun 2023 08:02:55 +0000

На 07.06.2023 околу 22.40 часот на подрачје на Аеродром, полициски службеници од Секторот за меѓународна полициска соработка – Отсек потраги го лишиле од слобода М.П.(34) од с.Мојанци, скопско. Тој бил осуден на казна затвор од пет години за сторено кривично дело по член 215 од Кривичниот законик, а бил баран по централна потерница врз основа на наредба од Казнено-поправната установа Затвор Идризово заради бегство од затворот во 2015 година. Лицето било спроведено во казнено-поправната установа за доиздржување на две години и шест месеци од казната.

ИЗБЕГАЛ ЗАТВОРЕНИК НА ИЗДРЖУВАЊЕ 11 ГОДИНИ ЗАТВОР: Сепак, полицијата се пофали дека го фатила – ќе доиздржи шест години и пет месеци

Дарко Андоновски — Mon, 05 Jun 2023 08:27:19 +0000

Триесет и осумгодишен кумановец, бегалец од затвор, синоќа во 21:30 часот бил приведен од полициски службеници од СВР Куманово. -С.С.(38) од Куманово бил осуден на 10 години и 10 месеци затворска казна за сторени кривични дела „тешка кражба“ по член 236, „разбојништво“ по член 237 и „загрозување на безбедноста на сообраќајот“ по член 297 од Кривичниот законик, а бил баран по потерница за доиздржување на шест години и пет месеци од казната, информираат денеска од МВР. Лицето, како што се наведува во соопштението, ќе биде спроведено во Казнено-поправна установа Затвор Штип за доиздржување на казната.

УШТЕ ЕДНО БЕГСТВО ОД ЗАТВОР – овој пат од Шутка!

Дарко Андоновски — Mon, 23 Jan 2023 15:16:32 +0000

Осуденици и понатаму успеваат да избегаат од затворите во земјава. По бегството на затвореникот од затворот Идризово, имало бегство и од затворот Шутка. Информациите за Алсат ги потврдија и од затворската управа. Заменик-директорот Садуш Арифи вели дека на 14 јануари избегал Нафи Абдиовски, осуден на 8 месеци. Избегал околу 17.00 часот, а од затворот велат дека ги известиле сите надлежни. „Не беа направени никакви отстапки во текот на постапките од неговото доаѓање од притвор врз основа на одлуката на правосилната казна изречена од Основниот суд Скопје од 8 месеци затвор, од кои тој имаше издржано речиси 3 месеци. Врз основа на досието, од страна на класификацијата во Секторот за ресоцијализација, му бил одреден третман со група Б (полуслободно). Истото лице имало и повеќе други кривични дела во постапките во различни судови во државата“, рече Садуш Арифи, Заменик-директор на затворот Шутка. Од МВР велат дека се информирани за бегството и ги преземаат сите мерки за негово пронаоѓање. „Лицето издржувало затворска казна во траење од 8 месеци во Затвор Скопје за сторено кривично дело измама по чл.247, стр. 3. По наредба на КПУ Затвор Скопје од 16.01.2023 година, распишана е централна потерница за бегство од затвор, за издржување казна во траење од 7 месеци и 15 дена“, велат од МВР. Инаку, бегалецот Абдиовски може да се види на некои фотографии на социјалните мрежи со актуелни владини, но и поранешни функционери.

Избегал од затворот во Струмица, па се шетал слободно во Скопје – уапсен штипјанец кој имал уште доста од казната, еве ги деталите

Дарко Андоновски — Tue, 05 Oct 2021 17:26:41 +0000

На 05.10.2021 во 17 часот полициски службеници од Оперативен тим потраги во с.Марино, скопско го лишија од слобода Т. П. (41) од Штип, кој бил баран по потерница од Основен суд Штип за доиздржување затворска казна во врска со чл.215 од КЗ на РСМ (неовластено производство и пуштање во промет на наркотични дроги, психотропни супстанци и прекурсори), а кој избегал претходно од Затвор Струмица, а за доиздржување има уште 2 години, 6 месеци и 15 дена. Лицето ќе биде предадено на казнено поправната установа.

Избега осуденик од затворот во Шутка

Предраг Кукиќ — Fri, 15 Feb 2019 13:29:23 +0000

Осуденик на возраст од 34 години вчера избегал од истражниот затвор во Шутка. Информацијата за бегството на затвореникот ја потврдија и од МВР и директорот на истражниот затвор во Шутка. Според информации од затворот се работи за осудено лице со либерален третман кој престојувал во полуотвореното одделение и бил ангажиран во затворската кантина. Издржувал казна затвор од три години за нелегална продажба на петарди. Од казната му останувале уште 10 месеци.