избирачки список – Kurir.mk

ДИК: Граѓаните да извршат увид во своите податоци во Избирачкиот список

Ивона Петрова — Wed, 01 Mar 2023 11:31:05 +0000

Согласно Изборниот законик, на секои шест месеци Државната изборна комисија јавно ги повикува граѓаните да извршат увид во своите податоци во Избирачкиот список, и доколку сметаат дека е потребно, да побараат измена. Имајќи го ова предвид, ДИК денеска го испрати јавниот повик за проверка на податоците во Избирачкиот список. Сите заинтересирани граѓани на Република Северна Македонија, кои сакаат да извршат увид во своите податоци во Избирачкиот список, тоа може да го направат по електронски пат на официјалната веб страница на Државната изборна комисија http: //www.sec.mk или на адресата https ://izbirackispisok.gov.mk.

Почнува јавниот увид во Избирачкиот список за локалните избори во Центар Жупа и Маврово – Ростуше

Магдалена Андонова — Sat, 19 Feb 2022 09:19:12 +0000

Од денеска почнува јавниот увид во Избирачкиот список во подрачните одделенија и канцеларии на Државната изборна комисија (ДИК) во општините Центар Жупа и Маврово – Ростуше каде на 17 април треба да се одржат избори за градоначалници. ДИК вчера, на редовна седница, изгласа продолжување на примената на три упатства кои беа важечки за Локалните избори во 2021 година: Упатство за начинот и постапката на поднесување прием и потврдување на кандидатските листи донесено на 25 август 2021 година, Упатство за начинот на именување членови на избирачки одбори по предлог на политичките партии донесено на 3 септември 2021 и Упатство за изгледот на беџовите за идентификација донесено на 25 август 2021 година. -Останатите упатства кои биле донесени наменски за Локалните избори во 2021 година, ќе се ревидираат, односно корегираат и прилагодат на следната седница на ДИК, по што ќе бидат и донесени како посебни акти, соопшти Борис Кондарко, образложувајќи ја оваа точка од дневниот ред на седницата. Во моментов, како што информира Борис Кондарко, тече собирањето потписи за кандидирање.

ДИК вечерва го заклучи Избирачкиот список: На локалните избори ќе може да гласаат 1 824 864 граѓани

Катерина Бојаџиева — Fri, 24 Sep 2021 19:01:23 +0000

Вкупниот број гласачи што ќе имаат право да гласаат на Локалните избори на 17 октомври 2021 година е 1 824 864. Членовите на Државната изборна комисија (ДИК) вечерва на 27-та седница едногласно ја усвоија одлуката за заклучување на Избирачкиот список, согласно член 52 од Изборниот законик и промените/ажурирање што произлегоа од јавниот увид во податоците на списокот. Како што соопшти потпретседателката на ДИК, Дитмире Шеху, од вкупниот број гласачи, во изводите на Избирачкиот список се запишани 1 740 147 гласачи. Во посебните извори од Избирачкиот список за лица кои согласно евиденцијата на надлежниот орган се на привремена работа или престој во странство се запишани 82 461 гласач, на издржување казна затвор или се во притвор се запишани 1899 гласачи, лица кои се во установи за вонсемејно сместување се запишани 351 гласач и во посебниот извод на Избирачкиот список кои согласно евиденцијата на МТСП се водат како внатрешно раселени лица се запишани шест гласачи. Потпретседателката Шеху и членот на ДИК Кренар Лога имаа издвоено мислење т.е. несогласување за Избирачкиот список што се однесува до општините Чучер-Сандево и Бутел и изјавија дека нема да ги потпишат изводите за овие две општини. За утврдување на изгледот и содржината на гласачкото ливче што беше точка од дневниот ред, членовите на ДИК ќе одлучуваат на затворен дел од седницата затоа што, како што појасни членот Борис Кондарко, така се практикува во сите претходни избори. -ДИК го определува изгледот и содржината на гласачкото ливче, притоа ДИК ги пропишува и соодветните заштити на ливчето, кои се видливи и невидливи, и поради заштита на интергритетот, тајноста и регуларноста на целокупниот изборен процес, овој дел од седницата е затворен за јавноста, рече Кондарко. На вечерашната седница беше усвоена и одлука Регистарот на радиодифузери, печатени медиуми и електронски медиуми да се дополни со уште три радија (Комета Гоствар, ТРД Радио Битола и Радио 105 Битола) и ТВ Нова од Гевгелија кои во законскиот рок доставиле коригиран ценовник. Исто така, беше усвоено барањето на Амбасадата на Албанија да им се издадат овластувања за пет предложени набљудувачи да го следат одржувањето на локалните избори.

ДИК треба да го заклучи Избирачкиот спсисок

Тале Кристо — Fri, 24 Sep 2021 13:24:35 +0000

ДИК вечер на јавна седница се очекува да го заклучи избирачкиот список за локалните избори закажани на 17 октомври. Избирачкиот список и изводите од него ДИК треба да ги потпише најдоцна до 1 октомври. Како што информираат од ДИК, на вечерашната седница исто така треба да се утврди и изгледот на гласачкото ливче. Политичките партии и учесниците на изборите се пред завршување на своите подготовки за почетокот на изборната кампања за Локалните избори која започнува во понеделник на 27 септември, а треба да заврши на 15 октомври Утврдените листи на кандидати за Локалните избори веќе се објавени како од страна на ДИК , така и од страна на општинските изборни комисии, познати се кандидатите како за градоначалници така и за членови на советите во локалните самоуправи. Од ДИК посочуваат дека подготовките за изборите се интензивни и дека се работи паралелно на завршување на повеќе активности. На овие избори за првпат ќе се применат терминали за отчитување на отисоците од прсти на гласачите за утврдување на нивниот идентитет и за комплетно избегнување на евентуални неправилности при гласањето. Овие терминали во државата треба да пристигнат најдоцна до 1 октомври со договорот со германската компанија „Дермалог“. Изборите ќе се одржат со спроведување на мерки за заштита од ковид 19 исто како и на ланските парламентрани, ќе се формираат посебни избирачки комисии за лицата кои ќе бидат пријавени, а ќе бидат во изолација или позитивни на коронавирусот, што ќе изразат интерес за гласање.

Вкупно 14.921 лице извршиле увид во избирачкиот список

Ивона Петрова — Fri, 10 Sep 2021 11:35:55 +0000

Вкупно 14.921 лица извршиле увид во избирачкиот список, заклучно со вчера до кога беше рокот за проверка, информираат денеска од Државната изборна комисија. – Во подрачните одделенија и канцеларии на Државната изборна комисија, вкупно 14.921 лица се провериле во избирачкиот список, поднесени се вкупно 281 барања за запишување во избирачкиот список, 99 барање за бришење на податоците од избирачкиот список и 74 барања за измена на податоците во избирачкиот список, се вели во соопштението од ДИК. До Државната изборна комисија, исто така, на е-маил адресата [email protected] се поднесени вкупно 114 барања.

На полноќ истекува рокот за увид во Избирачкиот список

Ивона Петрова — Thu, 09 Sep 2021 06:00:08 +0000

До полноќ граѓаните можат да извршат увид во Избирачкиот список и да достават барања за дополнување, бришење или бришење на нивните податоци до Државната изборна комисија. Рокот за поднесување кандидатури за локалните избори на 17 октомври истекува во сабота на 11 септември. Заклучно со вторник, 7 септември, вкупно 13.502 лица се провериле во Избирачкиот список, поднесени се вкупно 122 барања за запишување во избирачкиот список, 31 барање за бришење на податоците од избирачкиот список и 39 барања за измена на податоците во избирачкиот список, соопштија од ДИК. Исто така, до Државната изборна комисија, на е-маил адресата [email protected] се поднесени вкупно 73 барања. На 14 септември истекува рокот до кога ДИК треба Избирачкиот список да го достави до политичките партии, кои пак, до 19 треба да достават евентуални барања за негова корекција. До 24 септември ДИК треба да го заклучи Избирачкиот список, а најдоцна до 1 октомври да го потпише. Во сабота на 11 септември на полноќ, пак, завршува рокот за поднесување на кандидатури за локалните избори до Општинските изборни комисии. Официјално кампањата за локалните избори започнува на 27 септември, но многу од кандидатите за градоначалници веќе се среќаваат со своите поддржувачи и граѓаните. Во меѓувреме тече рокот за поднесување барања до ДИК за набљудување на локалните избори. Мисијата на ОБСЕ/ОДИХР ја започна својата работа, а на средбата во ДИК нивни претставници веќе имале можност да ги видат и терминалите за вчитување на отпечатоци од прсти, што за првпат ќе се применат на избори во земјата.

Утре завршува увидот во Избирачкиот список, досега се провериле 13.502 лица

Ивона Петрова — Wed, 08 Sep 2021 13:02:51 +0000

Заклучно со вторник, 7 септември, вкупно 13.502 лица се провериле во Избирачкиот список, поднесени се вкупно 122 барања за запишување во Избирачкиот список, 31 барање за бришење на податоците од Избирачкиот список и 39 барања за измена на податоците во Избирачкиот список. Исто така, до Државната изборна комисија, на е-маил адресата [email protected] се поднесени вкупно 73 барања. Постапката за јавен увид во Избирачкиот список завршува утре на полноќ.

Избирачкиот список до вчера го провериле 12 338 лица, запишување во него побарале 54

Ивона Петрова — Mon, 06 Sep 2021 11:30:58 +0000

До вчера 12 338 лица се провериле во избирачкиот список, поднесени се вкупно 54 барања за запишување во избирачкиот список, 28 барање за бришење на податоците од избирачкиот список и 22 барања за измена на податоците во избирачкиот список. Државната изборна комисија соопшти дека на е-маил адресата [email protected] се поднесени вкупно 53 барања, а постапката за јавен увид во Избирачкиот список ќе трае до 9 септември 2021 година.

ЛОКАЛНИ ИЗБОРИ: Увид во Избирачкиот список до четврток на полноќ

Ивона Петрова — Mon, 06 Sep 2021 06:14:56 +0000

До четврток на полноќ граѓаните ќе можат да ги проверат своите податоци за Избирачкиот список, а до сабота на полноќ (11 септември) се поднесуваат кандидатурите за учество на локалните избори закажани за 17 октомври. Учесниците на изборите ги објавуваат и последните кандидати што ќе ги претставуваат, а веќе подолго време се одвива неофицијална кампања со средби со граѓани и на социјалните мрежи. Во Избирачкиот список до саботата се провериле вкупно 12128 лица, соопшти Државната изборна комисија. Дотогаш се поднесени се вкупно 47 барања за запишување во избирачкиот список, 28 барање за бришење на податоците од избирачкиот список и 22 барања за измена на податоците во избирачкиот список. Исто така, до Државната изборна комисија, на е-маил адресата [email protected] се поднесени вкупно 42 барања. Граѓаните може да ги проверат своите податоци во подрачните единици и канцеларии на ДИК, како и електронски преку нивната веб-страна. Избирачкиот список потоа се доставува до политичките партии, а во него треба да бидат внесени и податоци од МВР за лица кои имаат барања за нови лични карти, од Управата за санкции и од МТСП за лицата во старските домови. Избирачкиот список се заклучува најдоцна до 24 септември, а треба да биде потпишан најдоцна на 1 октомври. Своите кандидатури партиите и независните кандидати треба да ги достават до општинските изборни комисии до 11 септември на полноќ. Изборната кампања за првиот круг од локалните избори започнува на 27 септември и ќе трае до 15 окотомври на полноќ. На овие избори првпат во земјата ќе се користат терминали за вчитување на отисоци од прсти. Првите 200 пристигнаа во земјава, а ДИК треба да започне со обука за нивно користење. Компанијата „Дермалог“ сите терминали треба да ги достави во земјата до 1 октомври.

ДИК: 11.224 лица до вчера се провериле во избирачкиот список

Ивона Петрова — Fri, 03 Sep 2021 09:08:04 +0000

Вкупно 11.224 лица до вчера се провериле во избирачкиот список, а поднесени се вкупно 33 барања за запишување во избирачкиот список, 25 барање за бришење на податоците од избирачкиот список и 19 барања за измена на податоците во избирачкиот список, информираат денеска од Државната изборна комисија (ДИК). ДИК известува дека постапката за јавен увид во Избирачкиот список тече и истата ќе трае до 9 септември 2021 година. До Државната изборна комисија, на е-маил адресата [email protected] се поднесени вкупно 36 барања.