избирачко место – Kurir.mk

Полицајци добивале закани со пиштол на избирачко место

Ивана Ефремовски — Tue, 02 Nov 2021 16:12:22 +0000

На 31.10.2021 во 23:30 часот во СВР Скопје било пријавено дека околу 17:30 часот на избирачко место бр.2955, 2955/1, 2956, 2956/1 во Центар за рехабилитација во нас.Скопје – Север, додека полициски службеници вршеле обезбедување на избирачкото место, биле нападнати од И.Т.(42) од Скопје, заедно со повеќе, меѓу кои и И.Љ(39) од Скопје, кој со пиштол им упатувал закани. Се преземаат мерки за расчистување на случајот.

Се гласа на 3.480 избирачки места

Ивона Петрова — Wed, 15 Jul 2020 05:32:04 +0000

Предвремените парламентарни избори се спроведуваат според пропорционалниот модел на 3.480 избирачки места во шест изборни единици во Македонија. На 90 избирачки места во земјава има помалку од 10 гласачи и според Изборниот законик, овие избирачи ќе можат да гласаат на најблиското избирачко место. Според заклучениот Избирачки список, право на глас имаат 1.814.263 граѓани граѓани. Од нив, во изводите на Избирачкиот список се запишани еден милион 729 илјади и 189 лица. Во посебните избирачки изводи се запишани 83.054 лица кои се иселиле или работат во странство. Во посебниот избирачки список, пак, за лицата во затвор и во притвор се запишани 1.657 гласачи, во старските домови 357 и шест лица се водат како внатрешно раселени лица. За гласање во дијаспората ДИК ги прифати пријавите на 6.096 граѓани. Бидејќи бројот на прифатени пријави е помал од бројот на гласови со кој е избран пратеник во Собранието од изборите во 2016 година, ДИК одлучи да не се гласа во дипломатско-конзуларните претставништва по поднесените листи на кандидати за пратеници во ИЕ 7. Своето право на глас граѓаните од дијаспората ќе можат да го остварат доколку гласаат во избирачките места во Република Македонија

ФОТО: И струмичани му го свртеа грбот на Заев, еве како гласаа граѓаните на неговото избирачко место

Ивона Петрова — Mon, 01 Oct 2018 07:09:22 +0000

Струмичани вчера одлучија да не го поддржат договорот со Грција и да му го свртат грбот на премиерот Зоран Заев. Според податоците објавени на страната на Државната изборна комисија, на избирачкото место 1730 каде гласаше Заев, своето гласачко право не го искористиле ниту половина од запишаните избирачи. Гласале 42,02 проценти од избирачите. Во избирачкиот список на ова место запишани се 595 гласачи, а гласале 250 лица. Податоците од ДИК, кои се 100 проценти обработени за ова избирачко место, говорат дека 247 ливчиња биле важечки, додека 3 неважечки. Статистиката на ДИК вели дека од важечките ливчиња 224 гласа биле „за“, а 23 „против“.

ВИДЕО: Експлозија на избирачко место во Пакистан, најмалку 28 мртви

Ивона Петрова — Wed, 25 Jul 2018 07:39:14 +0000

Најмалку 28 луѓе загинаа во експлозија на бомба во близина на избирачко место во градот Квета во југозападениот дел од Пакистан. Меѓу загинатите има и деца. Ранети се најмалку 40 луѓе, јави ДПА повикувајќи се на болнички извори. Квета е главен град на провинцијата Балочистан, каде пред десетина дена во напад на бомбаш самоубиец загинаа повеќе од 150 луѓе на предизборен митинг. Во Пакистан денеска се одржуваат парламентарни избори под силни безбедносни мерки. Околу 106 милиони гласачи од 207 милиони жители имаат право да го дадат својот глас за избор на пратеници во идниот петгодишен состав на Парламентот.