избодени лица – Kurir.mk

Ученик со нож избодел двајца врсници и двајца професори- крвава драма во Шпанија

Катерина Бојаџиева — Thu, 28 Sep 2023 09:12:31 +0000

Училиште во јужна Шпанија е евакуирано откако ученик избодел двајца врсници и двајца професори. Нападот се случил рано утринава во Институтот Елена Гарсија Армада во Херез де ла Фронтера, а се сомнева дека има уште неколку повредени студенти. Еден од учениците рано утрото избодел неколку професори и соученици, а потоа бил уапсен. Според полициски извори, напаѓачот употребил нож. Енрике Галего, новинар на ТВ Херез, изјави дека училишни извори веруваат дека ученикот дошол на час наутро и извадил голем нож од ранецот. Потоа продолжил да ги „боде сите што минувале“. Училиштето во моментов е во блокада и неколку амбулантни возила се присутни додека на настраданите им се пружа помош.

ЛУЃЕ ИЗБОДЕНИ ВО СУПЕРМАРКЕТ: Страшен напад во Милано, меѓу повредените и познатиот фудбалер на Арсенал (ФОТО)

Магдалена Андонова — Fri, 28 Oct 2022 07:23:26 +0000

Едно лице загина, а најмалку четири други се повредени, од кои дел и потешко, во напад со нож во супермаркет во Милано, во северна Италија, наведуваат локалните медиуми. Полицијата уапси 46-годишен Италијанец, кој е осомничен за нападот, јавува агенцијата ЛаПрес. Нападот се случил во супермаркетот „Карфур“ во близина на Милано, на северот на Италија. Едно од ранетите лица во супермаркетот починало на пат кон болница, јави Анса. Меѓу повредените е и шпанскиот фудбалер Пабло Мари, кој е позајмен во клубот Монца од Арсенал, јавуваат агенциите.

In a Milan shopping center, a stabbing occurred to former Arsenal defender Pablo Mari.

He was one of six people who were stabbed by a patient with mental health issues and is currently in the hospital. pic.twitter.com/rVwKYFQZwy
— EUPHORIA SPORT (@euphoria_sport) October 27, 2022

Мотивот за нападот не е познат, а италијанските власти велат дека нема елементи што укажуваат на тероризам. Би-би-си наведува дека Мари (29) му се приклучи на Арсенал од бразилскиот Фламенго во јануари 2020 година, а за клубот од Лондон одигра само 19 натпревари и моментално е на позајмица во италијанскиот клуб Монца. (МИА)

ХОРОР: Избодени пет лица додека се спуштале по река во Висконсин, загина тинејџер

Катерина Бојаџиева — Sun, 31 Jul 2022 09:47:45 +0000

Маж (52) од САД е обвинет за убиство на тинејџер и повредување четворица возрасни додека се спуштале по река во Висконсин. Осомничениот, кој е од Минесота, со нож избодел пет лица додека пливале по реката Епл, при што убил 17-годишник, а четворица се здобиле со тешки повреди, објави Ен-Би-Си Њуз. „Една жена и тројца мажи на возраст од 20-ина години го преживеаја инцидентот. Најмалку тројца се хоспитализирани во критична состојба, додека четвртата жртва претрпе сериозни повреди“, изјави шерифот од Висконсин, Скот Кнадсон. Инспекторите се уште не го утврдиле мотивот за нападот. Инцидентот се случил околу 15.45 часот во саботата во Сомерсет. Кнадсон рече дека осомничениот и жртвите биле во различни групи луѓе кои се спуштале по реката во исто време. Осомничениот сега е во притвор. Полицијата го фатила со помош на цивили, од кои еден го фотографирал.

Две лица избодени со нож во трговски центар во Шведска

Катерина Бојаџиева — Tue, 21 Jun 2022 09:53:44 +0000

Едно лице е уапсено во шведскиот град Вестерас откако во еден трговски центар нападна две лица со остар предмет. Жртвите се хоспитализирани, а едниот од нив има тешки телесни повреди. Во полицискиот извештај се наведува дека нападот е квалификуван како обид за убиство. Шведската полиција не објави повеќе детали за инцидентот во Вестерас, што е лоциран 90 километри западно од Стокхолм.

КРВАВO УТРО ВО НОРВЕШКИОТ ГРАД НУМЕДАЛ: Најмалку четири лица избодени со нож во случајни напади

Магдалена Андонова — Fri, 20 May 2022 08:45:07 +0000

Најмалку четири лица се избодени и повредени во случајни напади во Нумедал во југоисточна Норвешка, соопшти денеска локалната полиција. Една од жртвите е во критична состојба, а инцидентот се уште трае, јавува Ројтерс. Во 9:46 часот, еден час откако првпат биле известени за инцидентот, полицијата на Твитер објавила дека имала контрола над лицето за кое веруваат дека е сторителот.

#Numedal #Fjordvegen 08:47 Flere personer er tilfeldig skadd i forbindelse med en knivstikking. Nødetatene er på vei, og det er definert som en PLIVO hendelse. Denne blir oppdatert når vi har kapasitet.
— Sør-Øst politidistrikt (@politietsorost) May 20, 2022

Случајот полицијата го дефинира како ПЛИВО инцидент, односно континуирано насилство опасно по живот. Двајца сведоци велат дека инцидентите се случиле до продавница во близина на локална црква. - Нешто се случи на раскрсницата кај продавницата. На лице место има неколку возила на брза помош. Се чини сериозно, изјави еден сведок за медиумите.

Numedal (Norvège) : Au moins trois blessés, dont un grave, dans une attaque au couteau ciblant des personnes « au hasard », le suspect interpellé - https://t.co/h9w0T7UzU6 pic.twitter.com/L8qe7R4Cvs
— Fdesouche.com est une revue de presse (@F_Desouche) May 20, 2022

- Засега има три лица кои се повредени, а едно е тешко повредено. Работиме на повеќе информации, соопшти полицијата на Твитер. Градоначалникот Јан Бјерке за медиумите изјави дека нема целосен преглед на ситуацијата. - Во процес сме на формирање кризен штаб. Добив известување пред 15 минути. Не е познато кога се случил инцидентот, изјави Бјерке.