избодено момче – Kurir.mk

ДРАМА НА ВЕЛИКИ ПЕТОК – избодено 16 годишно момче во Тетово

Дарко Андоновски — Sat, 23 Apr 2022 08:47:00 +0000

Малолетник на 16 години бил физички нападнат и избоден со нож од група млади лица вчера во Тетово. Настанот се случил околу 21 часот на улицата „Јане Сандански“. -Во СВР Тетово пријавено е нарушување на јавниот ред и мир со физичка пресметка на улица „Јане Сандански” во Тетово, во која, првично, учествувале повеќе лица, а едно малолетно лице било повредено со остар предмет. Служби на СВР Тетово се на местото на настанот и се преземаат мерки за расчистување на случајот – информира Марјан Јосифоски, портпарол на СВР Тетово. Малолетникот бил пренесен во тетовската Клиничка болница за укажување лекарска помош.

Избодено момче во дворот на училиштето во Шутка

Дарко Андоновски — Mon, 15 Apr 2019 13:53:46 +0000

На 14.04.2019 година во 22.55 часот било пријавено дека К.М.(19) од Скопје во дворот на ОУ„26-ти Јули“ во населба Шуто Оризари-Скопје бил физички нападнат од две лица, кои му нанеле и убодна рана со остар предмет. СВР Скопје презема мерки за расчистување на случајот, информираат од МВР.

Момче избодено со нож по расправија

Ивона Петрова — Fri, 08 Jun 2018 13:01:24 +0000

Дваесет и четири годишниот Л.Н. е повреден откако по расправија бил избоден со нож. Од полицијата информираат дека настанот се случил вчера околу 21:30 часот кога Л.Н. од село Арачиново пријавил дека на улица „11" се сретнал со А.Н., при што започнале расправија. Во еден момент А.Н. со нож го прободел Л.Н. неколку пати. На оштетениот му била укажана лекарска помош во Градска општа болница „Св. Наум Охридски". Се преземаат мерки за целосно расчистување на случајот.

Се расправале за девојка: Избодено 18- годишно момче пред скопско училиште

Катерина Бојаџиева — Sat, 10 Mar 2018 10:52:52 +0000

Од Градска општа болница „Св. Наум Охридски“ вчера во 19,17 часот пријавено е дека кај нив е донесен повреден А.Б.(18) од село Блаце, со убод од нож во пределот на ногата од страна на непознато лице пред училиште во општина Шуто Оризари. На А.Б. му е констатирана телесна повреда во пределот на десниот колк, а како сторители се посочени неколку малолетници лица, додека како причината се наведува претходна расправија за девојка. Се преземаат мерки за целосно расчистување на настанот.

Приведен и третиот осомничен за нападот врз момчето прободено на Рекорд

Катерина Бојаџиева — Tue, 06 Mar 2018 20:28:59 +0000

Уапсен е и третиот осомничен за нападот на малолетното момче на Рекорд. Полициски службеници од Секторот за внатрешни работи Скопје попладнево го приведоа Б.Н. (15) од Скопје во врска со нападот на 17-годишниот З.Т. на автобуската постојка „Рекорд“ на ул. „Димитрие Чуповски“ на 1 март годинава. Тој, заедно со Р.А. (18) од Скопје и К.Т. (18) од с.Љубин, скопско, физички го нападнале З.Т. и му нанеле убодна рана со тврд предмет во пределот на стомакот. Б.Н. е задржан во полициска станица за понатамошна постапка.