избор – Kurir.mk

„ВМРО-ДПМНЕ е сплотено и единствено, власта ако смета дека има раскол ајде на избори, но кукавички бегаат затоа што се надеваат дека ќе докрадат со тендер повеќе“

Тале Кристо — Mon, 25 Sep 2023 07:56:52 +0000

Потпретседателот на ВМРО-ДПМНЕ, Владо Мисајловски во гостување на утринска емисија на Алфа Телевизија истакна дека ВМРО-ДПМНЕ е сплотено и единствено и сите му даваат поддршка на претседателот Мицкоски, додека позитивната страна која ја наметна партијата ја препознаваат сите и се повеќе граѓани и веруваат на партијата и сакаат ВМРО-ДПМНЕ да се врати на власт, а тоа ќе се случи. - Власта ако мисли дека ако има раздор, ајде на избори, да ги закажеме, но ќе побегнат кукавички затоа што знаат дека има уште неколку месеци да докрадат, да наместат некој тендер, да поминат некој закон како тој за амнестија, потенцираше Мисајловски. Тој посочи дека власта беа од избори затоа што и остануваат уште неколку месеци кои сака да ги искористи за политички прогон, за тендери и сомнителни закони. - Во земјава има политички прогон и затоа судството нема доверба. Законот за амнестија го договараат позади завесите и сакаат да направат амнестија на што повеќе затвореници. Ова се случи пред локалните избори 2017 година, ослободија преку 1000 затвореници и најголем дел од нив им помогнаа на избори, знам како беше на терен, затвореници работеа за СДС и ДУИ за да им помогнат да победат и тоа може да го слушнете јавно од тие луѓе, нагласи Мисајловски. Мисајловски додаде дека во земјава има здравствена мафија, додека ако гледате пак во МВР тоа е мафијата која ја штити мафијата, бидејќи МВР ако сака може да се справува со проблемите. - Луѓето кои прават тешки кривични дела сите се знаат, но ништо не прават, па се поставува прашањето дека полицијата ги штити сите криминални дејствија. Во Македонија има убиства помеѓу нарко банди, а не можат да ги најдат одговорните. Имате случај како Онкологија кој ги погодува сите, и ако имало предистрага подолго време зошто се чекало досега? Дали овој проблем го извадија намерно баш кога го носеа Кривичниот закон со европско знаменце? Помина законот, а многу луѓе се спасија од криминал и корупција. Сето тоа е димна завеса, се уште нема притворено луѓе ниту се знае кој ќе одговара за Онкологија, а законот помина, рече Мисајловски.

Реал ќе го бојкотира изборот на ФИФА

Тале Кристо — Mon, 27 Feb 2023 09:27:18 +0000

Во Реал Мадрид се разочарани затоа што Винисиус Жуниор не се најде на листата на претенденти за влез во тимот на годината. Крилниот напаѓач на Мадрид не е помеѓу 26-те фудбалери кои се во конкуренција за тим на годината на ФИФА и ФИФПро и покрај тоа што имаше важна улога во победите на Реал Мадрид во Лигата на шампионите и Ла Лига. Списокот го составија самите играчи. Според „Marca“, Реал Мадрид е крајно незадоволен од ова. Поради ова, никој од мадридските претставници нема да присуствува на доделувањето на наградите „The Best“. Настанот ќе го пропушти Карим Бензема, кој е кандидат за наградата најдобар играч на годината, Карло Анчелоти, кој конкурира за наградата најдобар тренер и Тибо Куртоа, кој може да биде прогласен за голман на годината. Доделувањето на наградите ќе се одржи вечер со почеток во 21 часот на свечена церемонија во Париз.

Продолжува расправата за избор на новите министри

Тале Кристо — Thu, 23 Feb 2023 19:49:51 +0000

Собранието вечерва продолжи со расправата за избор на новите членови на Владата. Нови министри предложени од Владата се Кренар Лога за правда, Фатмир Меџити за здравство, Азир Алиу за информатичко општество и администрација и Каја Шукова за министер за животна средина. -За избор на членови на Владата дискусијата е заедничка, а гласањето е поединечно, рече претседателот на СобраниетоТалат Џафери. Претходно денеска во рамки на 104-та седница за владината реконструкција, Собранието ги разреши министерите од Алтернатива - за здравство Беким Сали, за информатичко општество и администрација Адмирим Алити и министерот без ресор задолжен за дијаспора Џемаил Чупи. На 104. седница треба да бидат разрешени и замениците-министри за одбрана, за земјоделство и за образование и наука, Башким Хасани, Абдулшуќур Абедини и Лулзим Алиу и да бидат избрани нивни заменици. На стартот на седницата што почна на 13 февруари, беа констатирани оставките на министрите за правда Никола Тупанчевски и за животна средина Насер Нуредини, како и на замениците-министри за здравство Владимир Рендевски и за правда Агим Нухиу.

Утре избор за нов шеф на Обвинителството за гонење организиран криминал и корупција – ќе гласаат околу 163 обвинители

Магдалена Андонова — Sun, 06 Nov 2022 17:05:03 +0000

Околу 163 обвинители од целата држава утре ќе гласаат за избор на нов шеф на Обвинителството за гонење организиран криминал и корупција. За прв пат изборот ќе се врши според новиот Закон за јавни обвинители, што значи дека главниот обвинител ќе се избира со гласовите на колегите обвинители. Републичкиот обвинител Љубомир Јовески испрати писмо до сите обвинители да гласаат по свое убедување, без влијанија и притисоци. Во трката за шеф на ова обвинителство се четворица, Вилма Рускоска, која се кандидира за втор мандат, а за прв пат се пријавуваат Ислам Абази, Едмонд Незири и Деса Пауновска. Мандатот на суспендираната началничка Рускоска трае до 14 ноември, додека обвинителот Трајче Пеливанов беше назначен за нејзина привремена замена на 29 август.

Најважните совети за бирање на идеален куфер за патување

Ристе Здравков — Fri, 02 Sep 2022 10:16:12 +0000

Колку и да не прават среќни патувањата, тоа може да биде прилично стресно, особено кога станува збор за изборот на идеалниот куфер. Со толку многу достапни модели, навистина е тешко да се избере вистинскиот. На пазарот се достапни патни куфери со различни димензии, материјали и форми. Без разлика дали сте решиле да патувате само со рачен багаж или не, секогаш е добро да имате при рака куфер за да ги чувате и полесно да ги организирате вашите работи. Дали големината и тежината на куферот играат улога? При изборот на идеален куфер за патување, важна улога играат димензиите или големината, како и тежината, особено ако патувате организирано со автобус или авион. Ако не знаете која големина на куфер да ја изберете, размислете за следново: 58-60 cm е стандардна должина на куферот, идеална во оние случаи кога сите ваши работи не ви се вклопуваат во рачниот багаж и би сакале малку повеќе слободен простор. Ако патувате како пар, тогаш моделот 63-65 е подобар избор. Доколку се подготвувате за семеен одмор, дефинитивно побарајте поголеми куфери во кои ќе ги распределите сите ваши работи. Големите куфери со димензии од 71-81 см имаат огромен капацитет и се одличен избор доколку долго патувате со лично превозно средство. Тие поради нивните димензии често ги надминуваат дозволените граници на куферот при патување со автобус или авион. Кој материјал за куфер да се избере? Има тврди куфери и меки од квалитетна ткаенина. Кога ги споредувате овие два модели, ве советуваме дефинитивно да размислите за тврд куфер како што е оној од поликарбонат или полипропилен. Поиздржлив е и поотпорен на дожд и влага, за разлика од мекиот куфер. Тврдата футрола дополнително ги штити содржините што сте ги зачувале. Но, од друга страна, меките куфери обично имаат можност за дополнително проширување, па мора да измерите што ви е приоритет. Во секој случај, нека биде доволно пространа за да можете лесно да ја складирате вашата омилена облека. Дали се потребни тркала и која боја да се избере? Тркалата се незаменлив „додаток“ на куферот, бидејќи во голема мера го олеснуваат носењето на куферот. Можете да изберете дали сакате куфер со две или четири тркала. Моделите со два се полесни, но доколку не се избалансирани, постои можност да се превртат. Од друга страна, тие се полесно да се повлечат преку работ од моделите со 4 тркала. Таквите куфери ќе стојат исправено дури и на нерамна површина. Дали забележавте дека повеќето луѓе имаат црни куфери? Само ова го прави многу лесно да го замените сопствениот куфер со туѓ или обратно. Затоа е добро да изберете куфер во светла боја кој ќе се истакне меѓу мноштвото слични чанти. Особено популарни се пастелните тонови. Кои се дополнителните карактеристики на куферот? Покрај бравата за заклучување на куферот, многу модели имаат дополнителни функции кои во голема мера го олеснуваат транспортот, а со тоа и вашето патување. На пример, телескопската рачка овозможува дотерување на куферот, потоа затегнувачките ремени внатре во куферот дополнително ја прицврстуваат робата, поголем број надворешни џебови со патент, патент што го шири куферот итн. Следете ги нашите совети за купување на идеалниот куфер за вашето патување и не се сомневаме дека нема да го изберете вистинскиот.

Во Црна Гора денеска се избира нова влада

Магдалена Андонова — Thu, 28 Apr 2022 07:50:17 +0000

Во Цетиње денеска ќе се одржи седница на Парламентот на Црна Гора, на која треба да се избере нова малцинска влада, предложена од мандатарот Дритан Абазовиќ. Новата влада, како што е предложена, ќе има 18 ресори, четворица потпретседатели и двајца министри без ресор. Пратениците на Демократскиот фронт нема да присуствуваат на денешната седница, бидејќи ја сметаат предложената влада за нелегитимна, изјави пратеникот на оваа алијанса, Славен Радуновиќ. Тој рече дека пратениците на ДФ нема да присуствуваат на денешната седница поради неодамнешното каменување на автобусот во кој беа децата од Никшиќ, само затоа што пееле и одиграле круг пред Цетинскиот манастир. Лидерот на Демократска Црна Гора и поранешен претседател на Собранието Алекса Бечиќ изјави дека очекува многу брзо во Црна Гора да бидат распишани предвремени парламентарни избори. -Кој не е уценет ќе ги избере изборите. Дритан Абазовиќ вели дека тоа е губење време, а всушност се плашат од судот на граѓаните. Повеќето граѓани сметаат дека новите избори се најдоброто решение. Ќе видите како ќе изгледа таа илегална власт под аминот на ДПС (Мило Ѓукановиќ). Ќе биде компликација - изјави Бечиќ во интервју за Радио-телевизија Херцег Нови. Претседателот на Социјалдемократите, Дамир Шеховиќ изјави дека оваа партија нема да гласа за 43-та влада на Црна Гора, мандатарот Абазовиќ и го наведе како главна причина учеството на Социјалистичката народна партија (СНП) во новата извршна власт во констатација со српскиот претседател Александар Вучиќ. Шеховиќ тврди дека формален предлагач на новата влада е Дритан Абазовиќ, а во суштина Владимир Јоковиќ (СНП), „во консултација со Александар Вучиќ“. Црногорскиот парламент ја избира новата влада три месеци по гласањето недоверба на премиерот во заминување Здравко Кривокапиќ на почетокот на февруари.

Мрме со порака со фудбалерите: Играјте за Македонија, искористете ја оваа шанса

Ивона Петрова — Tue, 29 Mar 2022 09:39:43 +0000

Поранешниот селектор на македонската фудбалска репрезентација Игор Ангеловски преку социјалните мрежи им испрати порака на фудбалерите кои вечерва ќе го одиграат одлучувачкиот натпревар против Португалија. -Вечерашниот натпреварот со Португалија е чекор за СВЕТСКОТО ПРВЕНСТВО ВО КАТАР. Искористете ја оваа можност за пласман. Играјте за МАКЕДОНИЈА за навивачите кои безусловно Ве следат, за вашите деца, за вашите семејства…..Со среќа од срце НАВИВАМЕ ЗА МАКЕДОНИЈА, напиша Ангеловски на Фејсбук.

ВАКВА САРА ЈО ДОСЕГА НЕ СМЕ ВИДЕЛЕ: Пејачката во најс*ксипилно издание за избор на песна за Евровизија – глетка од која на машкиот пол нема да му е сеедно! (ФОТО+ВИДЕО)

Магдалена Андонова — Fri, 04 Mar 2022 19:23:28 +0000

Популарната пејачка Сара Jо вечерва учествува на втората полуфинална вечер на „Песни за Евровизија 2022“, а сега на социјалните мрежи се појави видео од пробата на кое се гледа дека Јовановиќ сериозно одлучилa годинава да ја претставува Србија во Торино. Пејачката веќе ја освои публиката со песната „Мушкарчина“, а за настапот избра предизвикувачки стајлинг и црна боја со сини детали. Но, важен е и сценскиот настап, па Сара се потрудила орото што го изведува во „круг“ на сцената да потсетува на кореографиите на светски познатите изведувачи.

pic.twitter.com/5JossNq3uo
— Kalabaster (@KalabasterJak) March 4, 2022

Пејачката носи провокативни чорапи кои ги истакнаа нејзините извајани нозе, а згоднioт задник се откри со причина. Инаку, според проценките на обложувалниците во Србија, Сара Јо има најголеми шанси да ја претставува Србија на Евровизија, што во мај ќе се одржи во италијанскиот град Торино. Шансите за нејзин триумф се 1,55. До неа е Зорја Пајиќ, со коефициент 2,20, потоа Аца Лукас со 3,00, потоа Анџелина со 5,00, Марија Микиќ со 8,00 и Тијана Дапчевиќ и Ана Станиќ со 10,00. Претходните години обложувалниците се занимаваа со ваков тип на обложување, а ретко се случуваше да пропуштат.

Василевска: Изборот и кандидатурите за уставни судии се проблематични и укажуваат на една партизација и меѓу-коалициски комбинаторики

Магдалена Андонова — Mon, 07 Feb 2022 18:44:20 +0000

Како законодавен дом и како народни претставници ги претставуваме токму македонските граѓаните и ги остваруваме нивните задолженија и очекувања коишто треба да се во интерес на севкупната општествена јавност, истакна пратеничката од ВМРО-ДПМНЕ, Иванка Василевска во вечерашната дебатна емисија „Само Вистина“ на Канал 5 Телевизија. - Веќе подолг период македонското Собрание се наоѓа во хибридна состојба. Изборот и кандидатурите кои доаѓаат од сферата за уставни судии се проблематични и укажуваат на една партизација на одредени меѓу-коалициски комбинаторики за кои немаме доволна транспарентност како парламентарни групи и во сеопштата дебата, посочи Василевска. Василевска додаде дека Кацарска самата си го побара местото кое што сметаше дека го заслужила за добро обработената работа со поранешниот премиер и сега вели дека не може да функционира бидејќи не е во полн состав. Таа треба да види и да процени во каков систем и кому му служеше за да дојде сега во оваа ситуација. Таа се согласува за функционален Уставен Суд, но меѓутоа погледнете ги резултатите. Потребно е да има ресет бидејќи таму треба комплетна ревизија затоа што ги гледаме одлуките и резултатите какви се. - Како опозиција ги користиме сите демократски алатки со коишто може да ги адресира потребите за револтот и несогласувањето на граѓаните. Во една нетранспарентна политичка игра и во еден мошне хибриден, затворен и нетранспарентен систем на функционирање, секој еден механизам коишто е во наши раце и којшто е демократски е во функција, заклучи Василевска.

4 знаци кои непогрешливо укажуваат на тоа дека не сте му прв избор

Ристе Здравков — Fri, 04 Feb 2022 12:53:13 +0000

Иако љубовта е една од најубавите работи на светот, односите можат да бидат комплицирани, особено кога едната личност во неа не е фер кон другата. Многу жени се најдоа во врска заљубени до уши на личност за која мислеа дека е љубовта на нивниот живот, а таа љубов не беше возвратена во иста мера. И додека чувствувавте пеперутки во стомакот и бевте зафатени со планирање на заедничкиот живот, за него всушност бевте само уште една опција. За да не ви се повтори ова и да не страдате во иднина, обрнете внимание на четирите знаци кои непогрешливо откриваат дека вие не сте неговиот прв избор. 1. Ви пишува пораки само кога му е досадно Се разбира, секоја негова порака ќе ве направи среќни, но прилично е поразително да се знае дека тој тоа го прави само кога му е досадно. Доколку пораките се неправилни и пристигнуваат во слично време, односно кога нема друга забава, јасно е дека мисли на вас само кога му е досадно. 2. Вие не сте негов приоритет Ако ви се случи кога и да му се јавите или да му напишете порака, тој да не одговори или да одговори по неколку дена, а со сето тоа секогаш има различен изговор – работата е сосема јасна, вие не сте му приоритет. 3. Не го интересира ништо за вашиот живот Ако само вас ве интересира неговиот живот, неговиот ден, хобија, планови, јасно е дека не го интересира ништо за вас. Многу е веројатно дека времето поминато со вас се користи за да се пополни времето. 4. Откако ќе разговарате со него, се чувствувате безвредно Ако се чувствувате депресивно, безвредно или тажно по разговорот со него, таа врска не носи ништо добро во вашиот живот. Ако тоа влијае на вашата самодоверба и фактот дека постојано се прашувате дали сте кажале нешто погрешно, дали вашите ставови, планови или избори се погрешни – држете се настрана од него. Тој не ве гледа како личност чија личност треба да се почитува.