изборен материјал – Kurir.mk

Кривична пријава за кичевец заради уништување изборен материјал

Ивона Петрова — Tue, 09 Nov 2021 12:37:33 +0000

ОВР Кичево поднесе кривична пријава против лицето Б.К(.64) од Кичево, поради постоење основи на сомнение дека сторил кривично дело „Уништување на изборен материјал“. Како што информираше портпаролот Стефан Димоски, Б.К. на 31 октомври 2021 година околу 7,45 часот на избирачко место лоцирано на улицата „4-ти Јули“ – Кичево, откако претходно го остварил своето избирачко право за избор на градоначалник на општина Кичево, на член на избирачкиот одбор му рекол дека направил грешка и побарал ново гласачко ливче. По добиениот одговор дека тоа не е возможно, пријавениот го искинал гласачкото личве и го напуштил гласачкото место.

ДИК го презеде избирачкиот материјал за вториот изборен круг

Ивона Петрова — Thu, 28 Oct 2021 07:31:46 +0000

Државната изборна комисија утрово од печатницата „Киро Дандаро“ во Битола го презеде доверливиот избирачки материјал што ќе биде користен во вториот круг од Локалните избори. Државната изборна комисија за вториот круг ангажира над 400 лица за техничка поддршка на избирачките места и надминување на проблеми од употребата на апаратите за отпечаток од прст, изјави Александар Даштевски, претседател на ДИК. – Лично сметам дека вториот круг ќе се реализира во најдобар ред и побрзо. Намалената динамика на избирачкиот процес на одредени избирачки места во првиот круг, предизвикана од новата технологија и употребата на фингерпринт во вториот круг ќе биде подобрена за што ДИК спроведе дополнителна обука. Но, ние за вториот круг ангажиравме над 400 лица кои ќе ги има на гласачките места и ќе бидат задолжени за техничка поддршка и помош со цел да нема пречки во процесот на гласање. Првото искуство ни овозможи во вториот круг да влеземе по подготвени, а и избирачкиот материјал е помал, изјави Даштевски. Во печатницата АД „Киро Дандаро“-Битола за седум денови овој пат се испечатени 1,6 милиони ливчиња од доверливиот избирачки материјал кој во текот на денот ќе го преземат општинските изборни комисии во општините каде в недела ќе има гласање. -Печатницата го изработи материјалот за првиот круг без никаква грешка, и избирачките ливчиња беа дистрибуирани во најкус можен рок. За вториот круг има помалку материјал кој исто така е исклучително квалитетен со 20 видови заштита и без можности за фалсификување, посочи Даштевски. АД печатница „Киро Дандаро“-Битола од 2002 година континуирано го изработува и печати избирачкиот материјал за различни изборни циклуси во земјава, беше истакнато на прес конференцијата во овој град.

Спротивно на закон, се отвара избирачкиот материјал: Дали е ова обид за изборна манипулација во Куманово? (ФОТО)

Ивана Ефремовски — Sat, 16 Oct 2021 12:22:18 +0000

Во моментов од терен во населба Ајдучка Чешма во Куманово, наспроти штабот на СДСМ, во просторија за гласање се отвара избирачкиот материјал, кој според закон треба да биде отворен утре наутро, кога почнува гласањето. Kaко што се гледа на фотографиите, иако избирачкиот материјал денес НЕ СМЕЕ да се отвори и истиот според закон треба да биде наутро уредно отворен и пребројан од страна на избирачкиот одбор, сепак кутијата се отвара денеска. Дали е ова обид за изборна манипулација која што треба да резултира со измама во изборниот процес во Куманово? Правилникот за избори строго налага правила кога и како се отпечатуваат и симнуваат пломбите и капаците на избирачките кутии, кога и како се пребројува материјалот и кој е овластен да го прави тоа и во чие присуство.

ПОЧНА ДИСТРИБУЦИЈАТА: Даштевски вели сите изборни комисии денеска ќе го добијат доверливиот гласачки материјал

Ивона Петрова — Thu, 14 Oct 2021 07:23:01 +0000

Државната изборна комисија (ДИК), утрово од Битола почна со преземање и дистрибуција на избирачкиот материјал за претстојните Локални избори што ќе се одржат в недела. Претседателот на Државната изборна комисија Александар Даштевски изјави дека станува збор за доверлив материјал кој содржи гласачки ливчиња и изводи од избирачкиот список. – Се е подготвено и денес ќе се дистрибуира цел материјал затоа што активностите ги почнавме во раните утрински часови со цел материјалот на време да пристигне во сите општини. Утре ќе ги предадеме и уредите за биометриска идентификација на гласачите во сите ОИК и изборната комисија за Град Скопје. На овие Локални избори има рекорден број на кандидатски листи, а тоа значи и многу материјал кој навреме ќе се дистрибуира, посочи Даштевски. Во битолската печатница „Киро Дандаро“ отпечатени се околу 4,5 милиони ливчиња и материјал што го придружува избирачкиот материјал за реализација на изборите, истакна Драги Милошевски, генерален менаџер на печатницата. -Овие гласачки ливчиња заштитени со над 20 заштити и не е можно никакво фалсификување, ниту пренесување на ливчиња од едно на друго избирачко место затоа што сите ливчиња се обележани и заштитени. За печатење на избирачкиот материјал потрошивме околу 40 тони хартија за ливчиња и дополнителни 20 тони хартија за записници. Изработивме гласачки ливчиња за 80 општини и Град Скопје, за секоја општина посебни ливчиња, потоа ливчиња кои некаде се двојазични или тријазични во зависност од општините и се што отпечативме беше во зададениот рок, односно за 20 дена, потврди Милошевски. ДИК и АД печатница „Киро Дандаро“-Битола потврдија дека изработката на материјалот се вршела со максимална заедничка соработка.

ВИДЕО: Револтиран од лагите на градоначалникот на Ѓорче Петров, граѓанин го искинал предизборниот материјал на Наумовски

Тале Кристо — Sat, 09 Oct 2021 16:39:31 +0000

Револтиран од лагите на градоначалникот на Ѓорче Петров, Александар Наумовски, стои во објавата на Фејсбук страницата на Јован Кукузел!

Во полиција пријавени случаи на оштетување и отстранување изборен материјал

Тале Кристо — Mon, 04 Oct 2021 15:18:40 +0000

Министерството за внатрешни работи денеска информира за три пријавени случаи поврзани со рекламен материјал за локалните избори. Во Полициското одделение Сарај, изутрина во 08.25 часот кандидат за градоначалник за општина Сарај на претстојните локални избори пријавил дека во текот на ноќта меѓу 3 и 4 октомври во близина на мостот во Сарај бил отстранет рекламен материјал на политичката партија од која тој е кандидат. Во Полициската станица Кратово, пак, вчера било пријавено дека во периодот од 1 октомври до 15 часот на 3 октомври на потпорен ѕид од основно училиште во Кратово и на спортска сала биле испишани графити во врска со претстојните локални избори. Во СВР Битола синоќа носител на листа за советници од една политичка партија за локалните избори во општина Пласница пријавил дека во периодот од 10.00 до 15.00 часот во село Преглово било извршено оштетување на рекламен материјал (плакати со негов лик) кои биле поставени покрај патот. Се преземаат мерки за расчистување на случаите.

Се запали возилото со изборен материјал од Гостивар на пат кон ДИК

Магдалена Андонова — Thu, 16 Jul 2020 12:09:23 +0000

Возило на гостиварската Изборна комисија во кое се превезувал изборниот материјал од вчерашното гласање за предвремените парламентарни избори, се запалило во движење. -Денеска во 4 часот и 30 минути, во СВР Тетово e пријавено дека моторно возило ‘форд транзит‘ со гостиварски регистарски ознаки, што го управувал 35-годишниот гостиварец Ф.А., се запалило во движење во непосредна близина на наплатната станица Тетово. Во возилото се наоѓале петмина членови на Општинската изборна комисија Гостивар, кои го превезувале избирачкиот материјал во Скопје. Материјалот воопшто не бил оштетен и бил префрлен во друго возило и испратен во Државната изборна комисија, соопшти портпаролот на СВР Тетово Марјан Јосифовски. Во инцидентот нема повредени лица.