изборен молк – Kurir.mk

Изборен молк во Бугарија пред утрешното гласање на петите парламентарни избори во последните две години

Тале Кристо — Sat, 01 Apr 2023 13:06:56 +0000

Во Бугарија денеска е на сила ден на изборен молк, затоа што утре се одржуваат петтите вонредни избори за помалку од две години. На денот на изборниот молк и на самиот ден на гласање не е дозволена никаква форма на политичка и изборна пропаганда, а локалните власти имаат право да забранат продажба на алкохол на територијата на нивните општини, јави Радио Бугарија. Согласно Изборниот закон, 24 часа пред изборите и на денот на изборите, апсолутно е забрането да се објавуваат резултати од социолошки истражувања кои на кој било начин би ја откриле распределбата на политичките сили, за да можат граѓаните на мир да одлучат на која од 15. регистрирани партии и седум коалиции ќе и го дадат својот глас. Дополнително значење на изборниот молк му дава и фактот што околу седум до 14 отсто од гласачите во последен момент одлучуваат на кого ќе му го дадат својот глас. Според социолозите, процентот на такви гласачи е доволно голем за да се променат резултатите од прелиминарните испитувања на јавното мислење. Во комбинација со очекуваниот низок одѕив од околу 40 отсто и речиси еднаквата поддршка за првите две партии, одлуките на бугарските гласачи во последен момент би можеле значително да го свртат тегот на вагата, а победникот на изборите најверојатно ќе биде решен во последен момент. Гласачите се надеваат дека новоизбраниот парламент ќе формира стабилна влада која ќе почне да ги решава наталожените проблеми во земјата, инфлацијата, безбедноста, реформите во важните сектори како правосудството, здравството итн., јавува бугарското радио.

Изборен молк во Црна Гора во пресрет на утрешните претседателски избори

Тале Кристо — Sat, 18 Mar 2023 10:45:45 +0000

Во пресрет на утрешните избори за претседател на Црна Гора, на кои ќе учествуваат седум кандидати, од полноќ е на сила изборен молк. На изборите ќе учествуваат кандидатите на Демократската партија на социјалистите (ДПС) Мило Ѓукановиќ, Демократскиот фронт (ДФ) Андрија Мандиќ, демократот Алекса Бечиќ, Движењето Европа сега (ПЕС) Јаков Милатовиќ, лидерот на Обединета Црна Гора (УЦГ) Горан Даниловиќ, пратеничката на Социјалдемократската партијата Драгиња Вуксановиќ Станковиќ (СДП) и инфлуенсерот Јован Радуловиќ. Право на глас на претседателските избори имаат 542.154 граѓани. Избирачките места ќе бидат отворени од 7 до 20 часот. Претседателските избори на 19 март ќе бидат четврти од независноста и осми од воведувањето на повеќепартискиот систем. Доколку граѓаните не изберат претседател в недела, вториот круг ќе се одржи на 2 април. Претседателот се избира на пет години.

Вечерва на полноќ во Србија почнува изборниот молк

Магдалена Андонова — Thu, 31 Mar 2022 09:19:21 +0000

Во Србија на полноќ почнува изборен молк во пресрет на парламентарните, претседателските и локалните избори, кои ќе траат до недела, 3 април, до 20 часот, кога ќе се затворат избирачките места. За време на предизборниот молк, забранета е изборна пропаганда, одржување на јавни собири и објавување оценки за изборните резултати. За време на изборниот молк на избирачкото место и на 50 метри од него, забрането е истакнување на симболите и пропаганден материјал на учесниците на изборите. На денот на гласањето, во недела, 3 април, од 07:00 до 20:00 часот, дозволено е објавување извештаи за тоа каде гласале кандидатите, но не и нивни изјави. Изборниот молк треба да обезбеди сите пораки и ветувања да се решат за да можат, без дополнителен притисок, да размислат и да донесат одлука кога ќе гласаат.

За време на изборниот молк Владата го усвоила буџетот за 2022 година

Дарко Андоновски — Mon, 01 Nov 2021 13:52:24 +0000

Владата во изборен молк одржала седница на која го усвоила буџетот за 2022 година. Според владиното образложение инфомацијата за усвоениот буџет ја објавуваат денеска бидејќи во саботата било изборен молк. Во следните две недели истиот да биде усвоен и да се испрати до Собранието, пишува Алсат. Според информациите на Алсат, буџетот сѐ уште не е доставен до Собранието.

Изборниот молк трае до 19 часот

Ивона Петрова — Sun, 31 Oct 2021 05:57:13 +0000

Изборниот молк што почна на 30 октомври во 00:00 часот трае до затворањето на гласачките места вечер во 19 часот. Агенцијата за аудио и аудиовизуелни медиумски услуги соопшти дека за време на молкот, медиумите продолжуваат да известуваат за изборниот процес, но престануваат сите облици на изборно медиумско претставување, на учесниците во изборната кампања. Според Изборниот законик, за прекршување на изборниот молк се смета емитувањето какви било информации, фотографии, аудио и аудиовизуелни материјали поврзани со или во кои учествуваат учесници во изборите, какви било облици на медиумско известување кои се отворено или прикриено во функција на нечија кампања и можат да влијаат врз одлуката на избирачите, податоци со кои се открива идентитетот на политички субјекти и/или поединци вклучени во инциденти или неправилности на денот на гласањето, како и изјави од кандидати во изборниот процес, од претставници на политички партии и од носители на функции во органите на власта.

ПРЕДИЗБОРЕН МОЛК ВО МАКЕДОНИЈА!

Дарко Андоновски — Fri, 29 Oct 2021 22:00:00 +0000

Кампањата за Локалните избори 2021 заврши вечерва на полноќ. Предизборниот молк трае до завршување на гласањето во недела во 19 часот. За време на молкот, престануваат сите облици на изборно медиумско претставување на учесниците во изборната кампања. Според Изборниот законик, за прекршување на изборниот молк се смета емитувањето какви било информации, фотографии, аудио и аудиовизуелни материјали поврзани со или во кои учествуваат учесници во изборите, какви било облици на медиумско известување, кои се отворено или прикриено во функција на нечија кампања и може да влијаат врз одлуката на избирачите, податоци со кои се открива идентитетот на политички субјекти и/или поединци вклучени во инциденти или неправилности на денот на гласањето; како и изјави од кандидати во изборниот процес, од претставници на политички партии и од носители на функции во органите на власта. Од Државната изборна комисија деновиве изразија убедување дека во вториот круг нема да има поголеми пречки со користењето на биометриските апарати за идентификација на гражаните, како што беше случај во првиот круг на 17 октомври.

АВМУ: 30 и 31 октомври се денови на изборен молк

Катерина Бојаџиева — Thu, 28 Oct 2021 12:09:26 +0000

Агенцијата за аудио и аудиовизуелни медиумски услуги ги известува радиодифузерите дека изборната кампања за вториот круг од Локалните избори трае до 24:00 часот на 29 октомври 2021 година. Од 30 октомври заклучно со 19:00 часот на 31 октомври важат правилата за изборен молк. За време на молкот, медиумите продолжуваат да известуваат за изборниот процес, но престануваат сите облици на изборно медиумско претставување, на учесниците во изборната кампања. Според Изборниот законик, за прекршување на изборниот молк се смета емитувањето какви било информации, фотографии, аудио и аудиовизуелни материјали поврзани со или во кои учествуваат учесници во изборите, какви било облици на медиумско известување кои се отворено или прикриено во функција на нечија кампања и можат да влијаат врз одлуката на избирачите, податоци со кои се открива идентитетот на политички субјекти и/или поединци вклучени во инциденти или неправилности на денот на гласањето; како и изјави од кандидати во изборниот процес, од претставници на политички партии и од носители на функции во органите на власта.

Ќе биде продолжен и изборниот молк, еве до кога ќе трае

Ивана Ефремовски — Sun, 17 Oct 2021 15:18:31 +0000

Изборниот молк ќе трае додека не се затвори и последното гласачко место, велат извори од Државната изборна комисија (ДИК). Како што објаснуваат, тие ќе објават кога ќе бидат затворени сите гласачки места, објави „360 степени“. Претседателот на ДИК, Александар Даштевски, на последната прес-конференција информираше дека избирачките места каде има ред за гласање ќе останат отворени и по 19 часот за да може и оние граѓани кои ќе се најдат во дворот или во ходникот од гласачкото место да го остварат правото на глас. Исто така, како што брифираат од ДИК, со оглед дека на десетина места имаше прекин на гласањето, од кои најдолгото 2 часа и 55 минути, ќе има продолжување на времето за гласање по 19 часот. За метежот на гласачките места од ДИК претходно посочија неколку причини: бавната проверка во избирачкиот список затоа што тој сега има двојно повеќе страници за разлики од претходните избори; лошиот квалитет на една четвртина од отпечатоците на прсти на гласачите и ковид-протоколите.

Почна изборниот молк, што е забрането денес?

Ивана Ефремовски — Sat, 16 Oct 2021 07:18:52 +0000

По 20 дена во кои партиите и коалициите ја претставуваа својата понуда пред граѓаните, на полноќ заврши изборната кампања и почна изборниот молк пред неделните Локални избори. Правилата за изборен молк важат од 16 октомври, заклучно со 19:00 часот на 17 октомври. Агенцијата за аудио и аудиовизуелни медиумски услуги соопшти дека за време на молкот, медиумите продолжуваат да известуваат за изборниот процес, но престануваат сите облици на изборно медиумско претставување, на учесниците во изборната кампања. Според Изборниот законик, за прекршување на изборниот молк се смета емитувањето какви било информации, фотографии, аудио и аудиовизуелни материјали поврзани со или во кои учествуваат учесници во изборите, какви било облици на медиумско известување кои се отворено или прикриено во функција на нечија кампања и можат да влијаат врз одлуката на избирачите, податоци со кои се открива идентитетот на политички субјекти и/или поединци вклучени во инциденти или неправилности на денот на гласањето, како и изјави од кандидати во изборниот процес, од претставници на политички партии и од носители на функции во органите на власта. Локалните избори 2021 ќе се одржат в недела. Денеска, ден пред утрешните избори ќе гласаат лицата кои се во домашен карантин поради позитивен тест на КОВИД-19 и оние на кои им е одредена мерка самоизолација и немоќните или болни лица. Тие ќе гласаат во своите домови, а гласањето ќе го спроведе посебен избирачки одбор формиран од ДИК. Еден ден пред одржување на изборите гласаат лицата кои се на издржување казна затвор или се во притвор, кои гласаат во казнено-поправните домови. Лицата кои се на издржување мерка куќен притвор ќе гласаат во местото каде ја издржуваат мерката, внатрешно раселените лица гласаат во колективните домови и прифатните центри каде се сместени. Еден ден пред денот определен за одржување на изборите гласаат и лицата кои се згрижени во посебни установи за вонсемејна грижа. Тие ќе гласаат во установата каде се згрижени. В недела, на денот на изборите, гласањето ќе почне во 7:00 часот, а ќе трае до 19:00 часот. Ова се седми локални избори и се избираат градоначалници и советници во 80 општини и Град Скопје. Граѓаните ќе избираат меѓу 299 кандидати за градоначалници и 572 кандидатски листи за членови на општинските совети со вкупно 10.532 кандидати. Право на глас имаат 1.824.864 граѓани запишани во Избирачкиот список. На Локалните избори 2021 првпат се воведува уредот за биометриска идентификација на гласачите во постапката на гласање. Според ДИК, тоа треба да ги унапреди изборите во целост и да се обезбеди еднаквост на гласачите врз основа на принципот еден гласач-еден глас. Поради пандемијата со коронавирусот, гласањето и на овие избори, како и на претходните, ќе се одвива според безбедносни протоколи за заштита на здравјето на граѓаните. Државната изборна комисија (ДИК) првичните резултати од локалните избори добиени по електронски пат од општинските изборни комисии ги објавува сукцесивно, а резултатите врз основа на податоците од записниците од општинските изборни комисии во рок од 12 часа по завршувањето на изборите. (МИА)

МВР регистрирало 8 настани во изборниот молк

Ивона Петрова — Wed, 15 Jul 2020 09:21:18 +0000

За време на предизборниот молк, до 07 часот односно отворање на избирачките места, биле регистрирани осум настани од кои шест биле на подрачјето на СВР Скопје и по еден на подрачјето на СВР Струмица – Полициска станица Гевгелија и еден на подрачјето на СВР Велес. На подрачјето на СВР Скопје, во с.Виниче и с.Љубанци биле забележани закачени знамиња на политичка партија во близина на гласачки места. По интервенција на избирачките одбори знамињата се отстранети. Во с.Брњарци во близина на избирачко место забележан е плакат на политичка партија, кој бил отстранет од избирачкиот одбор. Во близина на основното училиште „Његош“(каде што има четири гласачки места) испишани биле графити во врска со изборите. Исто така, во близина на пензионерски дом „Автокоманда“(каде што има две гласачки места) биле испишани графити во врска со изборите. Биле известени избирачките одбори и во тек е отстранувањето на графитите. Во 06.00 часот во Полициската станица Центар било пријавено дека во дворот на основното училиште „Никола Вапцаров“, во близина на гласачко место биле забележани плакати од политичка партија, кои биле отстранети од избирачкиот одбор. Во Полициската станица Гевгелија било пријавено дека во Богданци биле расфрлани повеќе флаери од политичка партија. Додека, пак во СВР Велес било пријавено дека во близина на избирачко место бр.2135 имало испишани графити во врска со изборите. Бил извршен увид.