изборен штаб – Kurir.mk

Отворен изборниот штаб на Наташа Котлар во Центар (ФОТО)

Магдалена Андонова — Sat, 02 Oct 2021 16:44:24 +0000

Кандидатот на ВМРО-ДПМНЕ за општина Центар, Наташа Котлар, преку својата официјална Фејсбук странца ги информираше граѓаните дека денеска беше отворен нејзиниот изборен односно граѓански штаб во Центар. Во продолжение погледнете ја нејзината објава и фотографиите од денешното отварање на изборниот штаб.

Отворен изборниот штаб на д-р Оливер Зафировски во Карпош (ФОТО)

Магдалена Андонова — Sat, 02 Oct 2021 14:37:55 +0000

Кандидатот за градоначалник на ВМРО-ДПМНЕ за општина Карпош преку својата официјална Фејсбук страница ја информираше јавноста дека денеска фво 11:00 часот се отвори неговиот изборен штаб и ги повика граѓаните да ја разгледаат неговата програма. - Денеска, во 11:00 часот го отворивме мојот изборен штаб. Сакам да се заблагодарам на присутните за целата досегашна поддршка. Ве повикувам сите да ја разгледате програмата. Меѓу предвидените проекти ветивме пет катни гаражи, две народни кујни, нова градинка, многу нови зелени површини, мерки против аеро загадувањето и подобра и поздрава животна средина. Ќе создадеме нова иднина за карпошани! Ве поканувам да го посетите мојот изборен штаб кој се наоѓа на Бул. 8-ми Септември бр. 3, пишува тој.

Штабот на Трамп ги оспори резултатите во Винсконсин и најави тужба

Тале Кристо — Tue, 01 Dec 2020 18:26:37 +0000

Изборниот штаб на актуелниот претседател на САД, Доналд Трамп денеска ги оспори резултатите од гласањето на претседателските избори во сојузната држава Висконсин и најави тужба пред Врховниот суд, откако гувернерот на Висконсин, Тони Еверс вчера ја сертифицира победата на Џо Бјаден во таа држава. – Во денешната тужба вклучивме четири случаи со јасни докази за незаконитостите, како што е нелегално корегирање на гласачките коверти на лицата кои не се појавиле на гласачките места, присвојување на нерегуларни ливчиња и одржување на илегални избирачки собири наречени „Демократија во парк, се наведува во соопштението од штабот на Трамп. Тоа е уште еден од низата судски постапки покренати од правниот тим на Трамп поради наводни изборни неправилности на претседателските избори што се одржаа на 3 ноември, на кои, според официјалните резултати победи кандидатот на Демократската партија, Џо Бајден.

Изборниот штаб на Трамп поднесе жалба на пресудата на Федералниот суд на Пенсилванија за победа на Бајден

Ивона Петрова — Mon, 23 Nov 2020 06:46:45 +0000

Изборниот штаб на американскиот претседател Доналд Трамп поднесе жалба против пресудата на Федералниот суд, со која се одбива неговото барање за поништување на победата на демократскиот кандидат Џо Бајден на изборите во сојузната држава Пенсилванија, пренесуваат британските медиуми. Федералниот суд во Пенсилванија ја отфрли тужбата со која тимот на претседателската кампања на Доналд Трамп побара поништување на неколку милиони гласови добиени по пошта за претседателските избори оддржани на 3 ноември. Британските медиуми пренесуваат дека пресудата на судијата Метју Бран е „последен во низата удари врз Трамп, во неговите неуспешни напори да ги оспори резултатите од претседателските избори во ноември, кои ги загуби од новоизбраниот демократски претседател Џо Бајден“. Брен, наводно тужбата на тимот на Трамп ја оценил како „загегнат случај“, исполнет со „шпекулативни неосновани аргументи“.

Изборниот штаб на Трамп поднесе жалби за гласањето на изборите во неколку сојузни американски држави

Дарко Андоновски — Thu, 05 Nov 2020 07:52:04 +0000

Изборниот штаб на американскиот претседател Доналд Трамп поднесе жалби во Пенсилванија, Мичиген и Џорџија, поставувајќи основа за оспорување на гласањето во земјите каде заостанува зад демократот Џо Бајден. Новите жалби, кои се приклучуваат на постојните тужби на републиканците во Пенсилванија и Невада, бараат подобар пристап на набљудувачите од штабовите до локациите каде се обработуваат и бројат гласачките ливчиња и изразуваат загриженост за гласањето во отсуство, соопштија од штабот на Трамп. – Штабот на Трамп се обидува да интервенира и во случајот Пенсилванија во Врховниот суд, со прашањето дали може да се избројат ливчињата добиени до три дена по изборите, изјави заменик-менаџерот на кампањата, Џастин Кларк. Републиканците исто така најавија дека ќе бараат пребројување на гласовите во Висконсин, држава каде АП вчера го прогласи и Бајден за победник. Менаџерот на кампањата Бил Степиен ги наведе „неправилностите во неколку окрузи во Висконсин“, без да наведе детали. Бајден вчера рече дека пребројувањето треба да продолжи во сите држави, додавајќи дека „никој нема да ни ја одземе демократијата, ниту сега ниту никогаш“.