избори сад – Kurir.mk

ЈуТјуб отстранува дезинформации за резултатите од изборите во САД

Ивона Петрова — Thu, 10 Dec 2020 07:13:58 +0000

ЈуТјуб почна да ги отстранува сите содржини во кои се тврди дека „масовните измами или грешки“ довеле до промена на резултатите од претседателските избори одржани на 3 ноември во САД, соопшти администрацијата на платформата. Критичарите на ЈуТјуб веќе долго време ја повикуваат компанијата да престане да прима видеа со дезинформации за американските избори, бидејќи тие ја нарушуваат довербата во изборните резултати. – Државата доволно ги потврди своите изборни резултати за да го одреди избраниот претседател. Од таа причина, од денеска натаму ќе почнеме да ја отстрануваме целата содржина што ги мами луѓето со обвинувања за масовна измама или грешки кои го менуваат резултатот од претседателските избори во САД во 2020 година, соопшти администрацијата на ЈуТјуб. Калифорниската компанија додаде дека политиката е во согласност со политиката што ја примени на претходните претседателски избори во Америка. Видеата во кои се тврди дека кандидатот за претседател победил благодарение на „масовните софтверски грешки или грешките во пребројувањето на гласовите ќе бидат повлечени“, се вели во соопштението. – Новинарските снимки или оние што изразуваат мислења за овие теми ќе ги оставиме доколку содржат одреден образовен, документарен, научен или уметнички контекст, додаде управата на ЈуТјуб.

Трамп победи и на Флорида

Ивона Петрова — Wed, 04 Nov 2020 06:37:13 +0000

Претседателот на САД, републиканецот Доналд Трамп го победи кандидатот на демократите, Џозеф Бајден, во сојузната држава Флорида, една од најважните за исходот на изборите. Флорида е често клучна држава кога трката е неизвесна како вечерва. Освојувањето на Флорида го остава Трамп во трка за нов мандат. Да ја загубеше Флорида, немаше да има големи шанси да победи. Со победата во Флорида, Трамп „доби“ уште 29 гласачи и сега има 174. Бајден досега „освои“ 223 изборни гласови. За да победи на изборите, кандидатот треба да освои 270 од 538 гласачи. Во сите други клучни држави, Трамп и Бајден водат неизвесна трка.

ФОТО: Во Америка може и вака на гласање

Курир — Tue, 03 Nov 2020 22:47:04 +0000

Американската поп ѕвезда Мина Саприм реши да ја „разбие досадата“ на изборните места во САД и да гласа (с)облечена во необична комбинација. Мина гласаше во Лос Анџелес, а стигна да испозира со торта и балони.

View this post on Instagram

How Scorpio’s ♏️ Work the Poles...*polls! Happy Birthday to me! If you haven’t already, get out there and vote!

A post shared by Grab A Drink! Issa Party 🍸🎉 (@minasupreme) on Nov 3, 2020 at 1:30pm PST

Кога ќе ги знаеме првите резултати од изборите во САД? Ова се шесте одлучувачки држави!

Курир — Tue, 03 Nov 2020 22:35:07 +0000

Во рок од еден час од затворањето на гласачките места ќе се појават проекции на резултатите базирани на анкетина објавени во текот на денот. Ова обично е точна прогноза, меѓутоа понекогаш знае да биде и неточна. Доколку сакате до крајот да го следите броењето на гласовите, спремете доста кафе, бидејќи ова ќе биде навистина долга ноќ. Иако првите избирачки места се затвораат околу полноќ, работите ќе станат забавни околу 2-3 часот по полноќ, кога избирачките места ќе се затворат во некои од клучните држави, како на пример Пенсилванија. Одлучувачки држави се Флорида, Пенсилванија, Мичиген, Висконсин, Северна Каролина и Аризона.

Синот на Трамп објави карта со „резултати“ на изборите

Курир — Tue, 03 Nov 2020 22:23:16 +0000

Најстариот син на американскиот претседател Доналд Трамп, Доналд Трамп Џуниор, објави мапа на светот на која повеќето земји се обоени во црвена боја. „Конечно направив мапа со која ги предвидувам резултатите од изборите“, напиша синот на Трамп. Повеќето земји се обоени во црвена боја, бојата на Републиканската партија, а само неколку се обоени во сина боја. Меѓу нив има и некои сојузни држави во САД. Станува збор за родниот град на Трамп, Њујорк и Калифорнија. Помладиот Трамп ги вклучи Мексико, Куба, Индија, Кина и Либерија меѓу сините земји. Според „предвидувањата“ на синот на Трамп,Црвеното Море, Каспиското Море и Антарктикот се исто обоени во црвената боја на републиканците.

Okay, finally got around to making my electoral map prediction. #2020Election #VOTE pic.twitter.com/STmDSuQTMb
— Donald Trump Jr. (@DonaldJTrumpJr) November 3, 2020

Избори во САД: Бајден води на анкетите, Трамп најавува победа

Курир — Tue, 03 Nov 2020 22:20:47 +0000

Соединетите држави денеска избираат претседател. Дали ќе биде сегашниот, Доналд Трамп или новиот, Џо Бајден, ќе се знае во текот на оваа вечер дали еден од двајцата победил во клучните држави. Според анкетите, Бајден води во шест од овие одлучувачки држави - Флорида, Пенсилванија, Мичиген, Висконсин, Северна Каролина и Аризона. Американците ги поздравуваат изборите поделени и незадоволни како што не биле од Виетнамската војна во 1970-тите. Скоро 100 милиони веќе гласале. Експертите предвидуваат дека одѕивот на гласачите ќе биде поголем отколку во 2016 година, кога гласале 138 милиони луѓе. И Бајден и Трамп се убедени во иста работа - нивната победа. „Чувствувам дека имаме голема победа пред нас“, најави Бајден, додека Трамп рече: „Ќе имаме уште една убава победа“.