избори – Kurir.mk

Мицкоски: Да не се прават комбинаторики, изборите да се спојат и да не се прави дополнителен трошок на буџетот и граѓаните

Тале Кристо — Sat, 04 Nov 2023 12:57:46 +0000

При денешната посета на општина Прилеп во рамки на кампањата „Важно е! Од тебе зависат промените“ претседателот на ВМРО-ДПМНЕ, Христијан Мицкоски одговарајќи на новинарско прашање во однос на тоа дали постои комуникација на било кое ниво со власта и дали има напредок за датум за избори како и тоа дали е за споени претседателски и парламентарни избори, истакна дека постои комуникација со СДСМ во рамките на парламентот во однос на препораките на ОБСЕ/ОДИХР за изборниот законик а ставот на ВМРО-ДПМНЕ за изборите е јасен тие треба да бидат споени и претседателски и парламентарни на еден трошок. „Што се однесува до комуникација со СДСМ во рамките на парламентот има средби на кои што се дискутира изминативе неколку денови околу техничките препораки и техничките измени во изборниот законик кои што се дел од препораките на ОБСЕ/ОДИХР и ценам дека тоа треба час поскоро да се заврши бидејќи веќе доцниме веќе сме влезени во фаза 6 месеци пред избори и мислам дека веќе следната недела ќе има сериозен напредок на таа тема. Исто така очекувам и дефинирање на датум за избори, ставот на ВМРО-ДПМНЕ е јасен. Ставот на ВМРО-ДПМНЕ е дека изборите треба да бидат заедно да не ги трошиме дополнително парите на граѓаните затоа што ние немаме право да ги трошиме крваво заработените пари на народот. Тоа што некој се обидува преку примитивни би рекол политички логики и комбинаторики повторно сето тоа да го стави на трошок на граѓаните тоа е негов проблем. Но јасен е ставот на јавноста, ставот на граѓаните и ставот на ВМРО-ДПМНЕ, избори треба да има на еден трошок, од еднаш, споени и претседателски и парламентарни за неколку месеци од денес“, нагласи Мицкоски.

Во Србија почна поднесувањето изборни листи, познати и изборните коалиции за изборите на 17 декември

Тале Кристо — Thu, 02 Nov 2023 17:26:21 +0000

Во Србија од денеска до 26 ноември почна пријавувањето до Републичката изборна комисија (РИК) на изборните листи за парламентарните, локалните и изборите за град Белград закажани на 17 декември, а познати се и изборните коалиции, јави дописникот на МИА од Белград. Први кои поднесоа изборна листа е коалицијата на владеачката Српска Напредна Странка (СНС), партијата на претседателот Александар Вучиќ, која ќе излезе на изборите под слоганот „Александар Вучиќ-Србија не смее да застане„ а листата ја поднесе лидерот на СНС Милош Вучевик заедно со коалициските партнери Расим Љајиќ (Социјалдемократска партија на Србија), Милан Кркобабиќ (ПУПС), Милан Стаматовиќ (Здрава Србија) и Ненад Поповиќ (Српска народна партија). Кандидат за градоначалник на Белград од оваа партија ќе биде досегашниот градоначалник Александар Шапиќ. Во коалција со СНС, како што изјави Воислав Шешељ ќе влезе и Српската радикална партија, но само на локално ниво и на изборите за град Белград, додека на парламентарните избори радикалите ќе одата самостојно. Социјалистичката партија на Србија на Ивица Дачиќ (СПС) на изборите оди самостојно со своја листа во коалција со Единствена Србија (ЈС) на Драган Марковиќ Палма и со Зелените на Србија (ЗС). Зедничката изборна листа за парламентарните избори ќе има назив „Ивица Дачиќ-премиер на Србија“, а Тома Фила ќе биде заднички кандидат за градоначалник на Белград на оваа изборна коалиција. Проевропската опозиција или Партијата за слобода и правда (ССП), Народното движење на Србија, Зелено-левиот фронт/Не го давиме Белград, Срце, Еколошкото востание, Демократската партија (ДС), Движењето на слободни граѓани (ПСГ) и партијата Заедно се договорија заеднички да учествуваат на изборите на основа на добрата соработка во парламентот, заедничката организација на протестите „Србија против насилството. Носители на листата на републичките избори ќе бидат Мирослав Алексиќ и Мариника Тепиќ, додека прв на листата ќе биде Радомир Лазовиќ, а на изборите во Белград носители ќе бидат Добрица Веселиновиќ и Владимир Обрадовиќ, кој ќе биде кандидат за градоначалник. Кон оваа коалиција денес навести дека ќе се прикличи и Социјалдемократската партија на поранешниот претседател Борис Тадиќ. На изборите ќе излезе и Либерално демократската партија (ЛДП) на Чедомир Јовановиќ, кој поодамна го нема на политичката сцена во Србија. Опозициските партии од десницата, партијата на Вук Јеремиќ, Двери, Нов ДСС на Милош Јовановиќ, Заветници, ПОКС, засега не успаеа да постигнат договор за заедничка коалиција на овие ибори во Србија или како Нов ДСС и ПОКС ќе излезат со свои коалиции.

„Избори ќе има согласно законските рокови“ – вели премиерот Ковачевски

Ивана Ефремовски — Wed, 01 Nov 2023 11:06:49 +0000

Кога ќе се постигне договор за точниот датум за претседателски и парламентарни избори, јавноста ќе биде информирана. Согласно законот 100 дена пред одржувањето на Парламентарните избори ќе се формира техничка Влада, истакна денеска премиерот Димитар Ковачевски. Одговарајќи на новинарски прашања по обраќањето на настанот по повод Националниот ден на осигурувањето - 1 Ноември, тој нагласи дека избори ќе има, бидејќи истекува мандатот на претседателот и мандатот на парламентот. -Во однос на тоа кога точно ќе бидат изборите ќе може да биде информирана јавноста кога ќе се постигне договор во однос на точниот тајминг во рамки на Парламентот. Парламентот ќе треба да ја донесе таа одлука, а претседателот на Собранието ги распишува изборите, рече Ковачевски. Според него, треба да се има предвид дека во пролетните месеци има и верски празници кои грѓаните ги почитуваат. -Имајќи ги предвид сите овие претпоставки ќе биде донесен и датум, нормално во законските рокови, со оглед на тоа дека во нашиот Закон постои обврска за техничка влада, таа ќе биде 100 дена пред одржувањето на Парламентарните избори, така како што било и до сега, истакна премиерот Ковачевски. На прашањето дали разговараат со ДУИ за заеднички настап на претседателските или на парламентарните избори, тој одговори дека за настапот на избори јавноста ќе биде информирана кога ќе донесат одлука телата на партиите. (МИА)

Божиновски: Не постои валиден аргумент зошто парламентарните и претседателските избори да се одвоени, сите се за заеднички избори дури и гласачите на СДСМ, освен Ковачевски

Ивана Ефремовски — Wed, 01 Nov 2023 10:04:07 +0000

Парламентарните избори и претседателските треба да бидат заеднички, односно парламентарни да има со вториот круг на претседателските. Со тоа ќе се обезбеди цензус, нема да се закочи економијата повеќе од 6 месеци, ќе се заштедат пари и нема да има уставна и политичка криза, изјави аналитичарот Владимир Божиновски за „Заспиј ако можеш“ на Алфа. Според него, онаа разлика која е воочлива на анкетите и предноста на ВМРО-ДПМНЕ во однос на СДСМ ќе се преслика на претседателските избори, бидејќи и Пендаровски да е повторно кандидат тој не ужива рејтинг и не може да оди со ветувања како пред 5 години, а го менува ставот на саат време. -Граѓаните, две третини односно околу 66% бараат заеднички избори, а само 15% бараат да не се заеднички, дури и симпатизерите на СДСМ и членовите бараат да се заеднички изборите. И ДУИ и Алијанса за Албанците и ВМРО-ДПМНЕ, сите се изборите да се заеднички, само Ковачевски е да се одвоени. Освен да остане премиер уште еден месец друго нема, не гледам ниту еден аргумент зошто да се одвоени, потенцираше Божиновски. Тој додаде дека претседателскиот кандидат на ВМРО-ДПМНЕ има најголеми шанси да победи на претседателски избори и има ако изборите бидат одвоени тоа ќе биде уште полошо за СДСМ, затоа што во таков случај ВМРО-ДПМНЕ ќе има голем, плус а кај СДСМ ќе ги снема клиентелистичките гласачи, нивните гласачи ќе се демотивирани и победата на ВМРО-ДПМНЕ ќе биде уште поголема. -После првиот круг ќе ги снема клиентелистичките гласови, ќе ги снема и тие кои сметале дека ќе победи СДСМ. Падот на доверба кај власта само е поголем, власта веќе не може да очекува дека ќе го зголеми гласачкото тело. Сега сме во ситуација каде власта е повеќе од преполовена, под 505 е намалена поддршката која ја имаше 2016. Нема валиден аргумент зошто изборите би биле одвоени и зошто да се доведува државата во ситуација на политичка и уставна криза, изјави Божиновски.

Божиновски: Разликата на парламентарни помеѓу ВМРО-ДПМНЕ и СДСМ ќе биде најмалку 20 пратеници, откако не успеаја уставните измени власта нема со што да излезе

Ивана Ефремовски — Wed, 01 Nov 2023 10:01:01 +0000

Не е добро за власта кога расположението кај граѓаните е видливо без анкети. Самото расположение кај граѓаните покажува сериозна разочараност во односот на делувањето на актуелната власт како што не паметам досега. Вакво разочарување досега немало, а тоа се одразува и на самите анкети, изјави аналитичарот Владимир Божиновски за „Заспиј ако можеш“ на Алфа телевизија. Тој истакна дека оваа разлика на последната анкета која е континуирана, се зголемува од локалните избори навака и не остава простор за друга опција, односно сигурно е дека ВМРО-ДПМНЕ ќе победи на парламентарните избори. Според него откако на СДСМ не им успеаја уставните измени, сега не знам како да ги повлечат следните чекори. -Сега нема промена на Устав, разликата може само да се зголемува, како поминува време така расте довербата дека ВМРО-ДПМНЕ стои на кажаното и ги штити националните интереси, довербата во нив расте. Сега имате влада која од 2020 досега нема ништо направено освен да повторува за евроинтеграции и да не води во ќорсокак. Ќе излезат на избори и што ќе кажат?, вели тој. Божиновски посочи дека единствен политички ас на СДСМ им беше промена на Устав и друг чекор сега немаат и истакна дека разликата на парламентарни во корист на ВМРО-ДПМНЕ ќе биде најмалку 20 пратеници.

Граѓаните сакаат Парламентарните и Претседателските избори да бидат ЗАЕДНО

Катерина Бојаџиева — Sun, 29 Oct 2023 09:29:22 +0000

Мнозинството граѓани на Македонија сметаат дека парламентарните избори треба да бидат заедно со претседателските во мај седната година, покажува најновата анкета на Институтот за Политички Истражувања од Скопје (ИПИС). На прашањето „Дали сметате дека Парламентарните избори треба да бидат заедно со Претседателските во мај следната година или треба да бидат одвоени?“, дури 66,6% од испитаниците рекле дека изборите треба да бидат заедно, а само 13,7 одговориле дека треба да бидат одвоени. Телефонското истражување на ИПИС е спроведено во периодот помеѓу 25 и 27 октомври 2023 на 1055 полнолетни испитаници на ниво на Република Македонија.

Даштевски: Од финансиски, човечки и временски аспект сметам дека пожелно е изборите да се спојат

Ивона Петрова — Sat, 28 Oct 2023 18:50:04 +0000

Претседателот на Државната изборна комисија (ДИК), Александар Даштевски, лично, смета дека двата изборни циклуси кои што ни претстојат следната 2024 година, претседателски и парламентарни избори, пожелно е да се спојат со цел финансиските импликации да бидат помали но и да се поштедат човечките ресурси како и нивното време. Посочи дека ДИК се подготвени во секое време успешно да ги спроведат престојните избори, и дека одлуката како ќе се органнизираат изботите е во надлежност на Собранието, но ако се земе предвид и се прифати иборните циклуси да бидат споени, ќе биде подобро. -Вака да кажам да не се сфати погрешно, не е работа на ДИК да прави такви проценки, меѓутоа мое лично мислење, би рекол дека сигурно ако се спојат ќе биде подобро не само од тој финансиски аспект, туку и од аспект на човечки ресурси. Знаете дека негде околу 40 илјади луѓе учествуваат во процесот како членови на општински избирни комисии, избирачки одбори, помошни тела во ДИК и така натаму. Така што тоа би им одземало и време повеќе, тие би требало постојано во перманентен процес да се. Така што и од финансиски аспект, од човечки ресурси и од временски аспект сметам дека би било соодветно да се спојат изборите“, рече Даштевски во гостувањето во Дневникот на Сител. Додаде дека тие се подготвуваат и ги усогласиле работите кои треба да се превземат и врз основа на тоа утврдиле што е потребно и што не, поочувајќи дека имаа една препорака да направат и некои рамковни спогодби кои пред изборите ќе треба само да се исполнат. Даштевски, меѓу другото, истакна дека пред недела дена се сретнале со минситерот за финансии каде што ја утврдиле сумата потребна за изборните циклуси идната година на една милијадра денари, која тие ќе ја предвидат во проекцијата на државниот буџет. -Ние минатата недела , мислам дека минатиот петок беше, имавме средба со министерот за финансии. Тоа е редовна пракса пред изборите да ги усогласиме нашите ставови со нивните и се усогласивме во однос на финансиските средства кои ќе бидат потребни. Во согласност со министерот ја заокруживме сумата на милијарда денари за целата 2024 година. Значи тоа е сумата која сега за сега е предвидена тие нив ќе ги предвидат во буџет и со тоа ние сме направиле сериозна работа која ќе ни помогне подоцна да планираме, истакна Даштевски.

Мицкоски: Подготвени сме да ги прифатиме датумите кои ќе ги понуди владата на ДУИ и СДСМ за прв круг претседателски и вториот заедно со парламентарни избори, да не правиме дополнителни трошоци

Ивона Петрова — Sat, 28 Oct 2023 14:30:08 +0000

Јас уште еднаш упатувам јавна покана до владата и замолувам да седнеме час поскоро да договориме датуми за избори кои што следат и претседателски и парламентарни, два клучни процеси. Ставот на ВМРО-ДПМНЕ е дека нема потреба дополнителни милиони народни пари да трошиме поради математиките и политичките калкулации на веќе поразените политичари дел од владата на ДУИ и СДСМ. Во еден изборен циклус, да го намалиме стресот кај граѓаните, политичкиот товар кој што го носат и да ја одглавиме Македонија од оваа состојба во која што денеска се наоѓа, вели претседателот на ВМРО-ДПМНЕ, Христијан Мицкоски запрашан за коментар за повикот на премиерот Димитар Ковачевски за учество на партија во работната група за утврдување на датум за претстојните избори. „Ги повикувам и замолувам за разум, затоа што најмалку им е потребно денеска на граѓаните дополнителна фрустрација со политички комбинаторики кој што ги прави оваа влада, да седнеме, подготвени сме уште веднаш да договориме датум за претседателски избори прв круг и за претседателски и парламентарни избори втор круг. Оној датум кој што тие ќе го одберат, ние ќе го поддржиме. Да не правиме дополнителни трошоци. Со десетици милиони евра кои што ќе се потрошат во едни избори, навистина може да се направи многу. Замислете колку градинки, колку училишта, колку асфалт, колку водоводи, колку канализации можат со тоа да се завршат“, рече Мицкоски. Мицкоски додаде дека, гарнитурата на власт секако е поразена и затоа ги разбира зошто сакаат да го растегнат процесот, затоа што секој ден за нив значи тендер повеќе договорен во четири очи, но посочи дека треба да се свесни за тоа бидејќи ќе има одговорност многу набрзо. „Треба исто така да се свесни, за тоа ќе има одговорност набргу од денеска. Ние сакаме и на нив да им помогнеме, колку помалку ќе направат вакви злодела толку помала ќе биде одговорноста. Подготвени сме да разговараме уште денеска и подготвени сме да ги прифатиме овие два датуми, првиот круг претседателски и вториот круг претседателски заедно со парламентарни, оние кои што ќе ги каже владата на ДУИ и СДСМ. Министерство за правда никогаш, ниту одредувало датум, ниту пак има такви ингеренции да одредува датуми“, истакна Мицкоски. Во однос на работната група при министерството за правда за изборниот законик, Мицкоски истакна дека таа работна група работи на измени во законик, кој повторно ќе дојде во собраниска процедура и ВМРО-ДПМНЕ, како политичка партија ќе се произнесе врз основа на тие измени што ќе ги добие како предлог. „Инаку, да, ние не учествуваме, но тоа не значи дека нема да учествуваме во носењето на измени или во носењето на новата верзија на Изборниот законик. Кога ќе дојде во собраниска процедура, ќе се произнесеме. Никогаш министерството за правда не закажува дати за избори. Јас го разбирам Димитар Ковачевски, тој е поставен за вршител на должноста претседател на владата, уште некое време ќе ја врши таа должност, нема изборно искуство, нема претходно искуство во овие процеси и можеби во овој занес да глуми мачо политичар влегува во еден севдах кој што, навистина, никој не го разбира, ниту јас, ниту било кој политичар, ниту пак меѓународната заедница“, посочи Мицкоски.

Партиите калкулираат со датумот на изборите, Џафери бара навреме да се договорат

Тале Кристо — Fri, 27 Oct 2023 05:51:34 +0000

Политичките елити во земјава од уставни измени, фокусот го префрлија на претседателските и парламентарните избори 2024 година, па така, деновиве датумот на изборите е меѓу најпопуларните теми во медиумите. И дека реално има потреба од навремено одредување на тајминзите за да може законите и Уставот доследно да се применат, а институциите да ги организираат изборите, укажа вчера претседателот на Собранието Талат Џафери. Тој исто така ја покажа и легислативната проекција со датуми кога би можеле да се одржат претседателските, а кога редовни парламентарни избори. Како можни датуми за претседателски избори Џафери ги наведува: прв круг на 14 март, 28 март, 11 април и 25 април, а втор круг: 28 март, 11 април, 25 април и 8 мај, што е критичен датум бидејќи инаугурацијата ќе треба да биде на 12 мај. Во редовниот рок парламентарните избори би можеле да се одржат од 5 мај до 15 јули, за да се овозможи конституирање на Парламентот во рамки на уставниот рок односно најдоцна денот 20/21 од денот на гласање. Ако парламентарните избори се организираат да се одржат пред 5 мај, тогаш тие избори се предвремени и во тој случај ќе важат други рокови. За да се договори датумот за избори, партиите треба најнапред да дефинираат дали ќе има двојни избори односно дали на вториот круг од претседателските избори ќе се одржат и парламентарните избори или тие ќе бидат одвоени. Во јавноста засега нема информации дали работни групи на партиите се среќаваат за овие прашања. Џафери предупреди дека до Нова Година треба да имаме консензус по однос на претседателските избори, додека за парламентарните избори важат други процедури и други рокови и за нив има време до февруари, март. Ако партиите немаат согласност и калкулираат тој, како што кажа, нема да дозволи да се излезе надвор од она што е пропишано. Лидерот на партијата Христијан Мицкоски повторно го повика премиерот Ковачевски да одбере еден датум и за претседателски и за парламентарни избори. -Јас имам информација дека денеска ќе имаат работен ручек Ковачевски, Ахмети и Груби. Нека седнат, нека се договорат и нека кажат, тој и тој ден, работните групи ќе се состанат и ќе зборуваат за иднината бидејќи овие два процеси се клучни за иднината на Македонија, изјави вчера Мицкоски. Неговиот предлог е датумот да биде помеѓу Бајрам и Велигден. Мицкоски вели дека не треба да има одвоени избори, бидејќи тоа, како што кажа, „е голем трошок од десетици милиони евра и би било згрозувачки ако некој размислува во таа насока“. Премиерот Ковачевски за изборите зборуваше од собраниската говорница без да посочи дали имало некаков разговор со коалицискиот партнер ДУИ. Тој рече дека избори во земјава распишува претседателот на Собранието според рокови определени со закон и мандат на избраните функционери. -Избори во оваа држава согласно закон и Устав распишува претседател на Собранието во рокови определени согласно закон и мандат на избраните функционери, рече Ковачевски. Премиерот нагласи дека во Министерството за правда постои работна група во која учествуваат претставници од политичките партии освен ВМРО-ДПМНЕ, каде се подготвуваат измените на Изборниот законик согласно забелешките на ОБСЕ/ОДИХР. Потпретседателот на СДСМ и вицепремиер за економски прашања Фатмир Битиќи изјави дека би прифатил да биде премиер 100 дена пред избори доколку тоа биде побарано од него. За можноста да се кан Истовремено, во јавноста почнуваат веќе да се кристилазираат одредени позиции во однос на кандидатите за изборите. Синоќа потпретседателот на СДСМ и вицепремиер за економски прашања Фатмир Битиќи изјави дека би прифатил да биде премиер 100 дена пред парламентарните избори доколку тоа биде побарано од него. За можноста да се кандидира за претседател на државата, пак, вели дека „ако се зборува за консензуален кандидат независно на етничкото потекло и тој е најдобриот за тоа, радо би прифатил“. -Јас знам дека има договор помеѓу СДСМ и ДУИ за последните 100 дена да биде Албанец премиер. Јас не се преоптоварувам со тоа решение. Јас сум навикнат и научен во мојот живот да работам до последниот момент. Ако приликите дојдат да се бара од мене да служам на народот во функцијата премиер велам – да, истакна Битиќи. На прашањето дали би прифатил да биде консензуален кандидат за претседател на државата, Битиќи со став дека ако се зборува за консензуален кандидат независно на етничкото потекло и тој е најдобриот за тоа, радо би прифатил, но, како што потенцираше, ако консензуалниот кандидат е само за да биде Албанец, нема да прифати. Една недела претходно инфектологот Вело Марковски обелодени дека ќе се кандидира за претседател со собирање потписи, а очекува поддршка од неговата матична партија ВМРО-ДПМНЕ.(МИА)

Мицкоски: Нека одбере Ковачевски датум помеѓу двата големи празници и да имаме заеднички избори заради интересот на граѓаните и развојот на Македонија како држава

Тале Кристо — Thu, 26 Oct 2023 11:18:12 +0000

Ако ВМРО-ДПМНЕ ги иницира тие состаноци, тогаш ќе се јави Талат Џафери и ќе рече дека е претседател на Собранието и логично е тој да ги иницира, па потоа ќе бидеме напаѓани зошто ние ги инцираме, а зошто тој не. Затоа рековме нека седнат и нека се договорат, јас имам информација дека денеска ќе имаат работен ручек Ковачевски, Ахмети и Груби, нека седнат нека се договорат и нека кажат, тој и тој ден, во толку часот, работните групи ќе се состанат и ќе зборуваат за иднината бидејќи овие два процеси се клучни за иднината на Македонија, изјави претседателот на ВМРО-ДПМНЕ, Христијан Мицкоски од денешната посета во Ѓорче Петров одговарајќи на новинарско прашање во однос на работни групи за изборите. Мицкоски истакна дека дали Талат Џафери е тој кој ќе испрати официјална покана, дали Груби, дали Али Ахмети или ќе му ја дадат таа чест на Ковачевски ВМРО-ДПМНЕ нема проблем, но мора да се договори термин бидејќи треба да се имплементираат препораките на ОБСЕ/ОДИХР. - Не е само терминот проблем, бегаме од суштината, зборуваме за дрвото, а не ја гледаме шумата. Имаме сериозни препораки од ОБСЕ/ОДИХР кои треба да се имплементираат во изборниот законик, а препораките на ОБСЕ/ОДИХР се знаете 6 месеци пред избори не треба да се отвора изборен законик, а ние сме помалку од 6 месеци, и повторно ќе интервенираме затоа што некој е кукавица и не сака да излезе и да се соочи со граѓаните, изјави Мицкоски. Мицкоски додаде дека кога тогаш Ковачевски мора да излезе, мора за неколку месеци од денеска да имаме избори. - Бега од дуели, од дебати, од новинари, бега од предвремени избори, да се биде кукавица е карактер и ги разбирам, не треба да се срамат од тоа, има плашливи луѓе кукавици и тоа е карактер не се менува на 47/8 години. Но мора ова да го направиме ако навистина се грижиме за интересот на граѓаните и за развојот на Македонија како држава. Ме прашавте дали е 5 или 8 мај, јас и во мојот говор кажам, ете му бел лист хартија нека седне нека напише датум. Еве нека напише датум и блиску до тие два големи празници зборувам за Рамазан Бајрам и за Велигден, нека одлучи и ќе прифатиме. Нека одлучи, нека го ослободи општеството, денеска има ручек со Ахмети и Груби нека се консултира, ако треба од нив да добие зелено светло нека го бара, истакна Мицкоски. Мицкоски посочи дека не треба изборите да бидат одвоени и да се трошат десетици милиони евра од граѓаните кои ги немаме.