Изборна комисија – Kurir.mk

ПОЧНА ДИСТРИБУЦИЈАТА: Даштевски вели сите изборни комисии денеска ќе го добијат доверливиот гласачки материјал

Ивона Петрова — Thu, 14 Oct 2021 07:23:01 +0000

Државната изборна комисија (ДИК), утрово од Битола почна со преземање и дистрибуција на избирачкиот материјал за претстојните Локални избори што ќе се одржат в недела. Претседателот на Државната изборна комисија Александар Даштевски изјави дека станува збор за доверлив материјал кој содржи гласачки ливчиња и изводи од избирачкиот список. – Се е подготвено и денес ќе се дистрибуира цел материјал затоа што активностите ги почнавме во раните утрински часови со цел материјалот на време да пристигне во сите општини. Утре ќе ги предадеме и уредите за биометриска идентификација на гласачите во сите ОИК и изборната комисија за Град Скопје. На овие Локални избори има рекорден број на кандидатски листи, а тоа значи и многу материјал кој навреме ќе се дистрибуира, посочи Даштевски. Во битолската печатница „Киро Дандаро“ отпечатени се околу 4,5 милиони ливчиња и материјал што го придружува избирачкиот материјал за реализација на изборите, истакна Драги Милошевски, генерален менаџер на печатницата. -Овие гласачки ливчиња заштитени со над 20 заштити и не е можно никакво фалсификување, ниту пренесување на ливчиња од едно на друго избирачко место затоа што сите ливчиња се обележани и заштитени. За печатење на избирачкиот материјал потрошивме околу 40 тони хартија за ливчиња и дополнителни 20 тони хартија за записници. Изработивме гласачки ливчиња за 80 општини и Град Скопје, за секоја општина посебни ливчиња, потоа ливчиња кои некаде се двојазични или тријазични во зависност од општините и се што отпечативме беше во зададениот рок, односно за 20 дена, потврди Милошевски. ДИК и АД печатница „Киро Дандаро“-Битола потврдија дека изработката на материјалот се вршела со максимална заедничка соработка.

Изборна комисија: Лукашенко освои 80,23 проценти од гласовите

Ивона Петрова — Mon, 10 Aug 2020 08:41:15 +0000

Претседателот на Белорусија, Александар Лукашенко на вчерашните избори освои 80,23 отсто од гласовите, соопшти Изборната комисија. Додека главната опонентка на Лукашенко, Светлана Тихановскаја освои 9,9 проценти од гласовите, додека другите тројца кандидати освоија помалку од два отсто.. Тихановскаја, 37-годишната професорка по англиски јазик, синоќа изјави дека поголемиот број граѓани се со неа. Незадоволни од резултатите од гласањето, поддржувачите на опозицијата излегоа на улиците во неколку градови. Демонстрантите во центарот на Минск фрлаа факели и камења кон полицијата, а полицијата употреби солзавец против нив. Полицијата постави контролни пунктови околу Минск со цел да го спречи влезот на демонстранти од другите градови. Лукашенко вети дека ќе го задуши секој протест.

Нова веб-страна за изборното право со релевантни податоци

Ивана Ефремовски — Tue, 05 Jun 2018 10:19:16 +0000

Венецијанската комисија во соработка со Изборната комисија на Мексико, изработи нова веб-страна за изборното право со релевантни податоци за изборните прашања од целиот свет. На страната vota.te.gob.mx можете да ги најдете сите документи од сферата на изборното право.