изборна програма – Kurir.mk

Муцунски: Во услови на Ковид пандемија ќе треба да ги искористиме медиумите за преставување на изборната програма и на тој начин да допреме до сите граѓани на Македонија

Тале Кристо — Wed, 24 Jun 2020 19:24:42 +0000

Кандидатот за пратеник од ВМРО-ДПМНЕ во првата изборна единица, Тимчо Муцунски во Дебата на Македонската радио телевизија посветена на парламентарните избори 2020 година на која учествуваше со актуелната вицепремиерка за економски прашања, Мила Царовска истакна дека земајќи во предвид колку ќе биде специфична оваа кампања, многу внимание ќе треба да посветат на барањето алтернативни модалитети за преставување на нивните програми и понуди до граѓаните. Тој посочи дека од посебно значење ќе ни биде и можноста да гостуваат во медиумите и да ги искористат сите медиуми со цел да допрат до граѓаните така што ВМРО-ДПМНЕ ќе претстави програмата, која што ние ја нарекуваат „Проект Обнова“, која е визија и надеж за тоа како Македонија треба да се движи во следните четири години. -Тоа што ние ќе го понудиме, што веќе е излезено како политичка понуда, заклучно со вчерашниот ден, е политичка програма која што се базира на неколку основни фундаменти. Првиот е развиен економски систем, намалени даноци, намалени административни бариери за претприемачите, а по транспарентен модел на јавни финансии кој што ќе обезбедува многу повеќе буџетски средства кои што ќе се користат развојно, рече Муцунски. Тој посочи дека во нивната програма ќе понудат на граѓаните за овие избори ќе има повеќе капитални инвестиции, обезбедување на правда за граѓаните, нешто што навистина и фали на Македонија. -Јас би рекол и обезбедување на правна предвидливост, и тоа е сериозен проблем за голем број на граѓани. Зборуваме во нашата програма за потребата од дигиталација на Македонија. Тука сеуште немаме доволен напредок, земајќи ги во предвид трендовите кои што ги има на нашиот континент, констатираше Муцунски. Тој потенцираше дека меѓу главните приорите на идната Влада предводена од ВМРО-ДПМНЕ ќе биде реализирање на реформи во здравствениот систем, пристојни услови во нашите здравствени установи, поквалитетно образование, повисоки примања за нашето образование.

Корбин ја претстави изборната програма на британските лабуристи

Тале Кристо — Thu, 21 Nov 2019 14:56:59 +0000

Претседателот на британската Лабуристичка партија, Џереми Корбин, денеска ја претстави програмата на својата партија ветувајќи радикални промени и нов договор за Брегзит, доколку победи на вонредните парламентарни избори закажани за 12 декември. Програмата на лабуристите, што е оценета како премногу левичарска, предвидува серија национализации, а за Брегзит се наведува нов договор со Европската унија (ЕУ). Корбин рече дека граѓаните треба да гласаат за тој договор на референдумот што би бил организиран во рок од шест месеци. На тоа гласање Британците ќе можат да одлучат дали се за договор за Брегзит или за останување на земјата во ЕУ. Според анкетите, лабуристичката партија засега е втора далеку зад владеачката Конзервативна партија на прмиерот Борос Џонсон.

Изборната програма на Џонсон без закана за Брегзит без договор

Дарко Андоновски — Sat, 02 Nov 2019 11:00:42 +0000

Британскиот премиер Борис Џонсон се откажа во изборната програма на својата Конзервативна партија да има закана дека ќе ја изнесе Велика Британија од ЕУ без договор, пренесува „Тајмс“. Весникот наведува дека во фокусот на предизборната програма на партијата ќе биде работата за поддршка на неговиот договор за Брегзит. Џонсон претходно најави дека ќе ја изнесе Велика Британија од ЕУ со или без договор на 31 октомври, но беше принуден од Парламентот да побара продолжување на рокот за Брегзит до крајот на јануари. Предвремените избори во Велика Британија ќе се одржат на 12 декември.