изгорен автомобил – Kurir.mk

ИЗГОРЕ АВТОМОБИЛ ВО ЦЕНТАРОТ НА СКОПЈЕ – пламените јазици се проширија за неколку секунди (ФОТО+ВИДЕО)

Дарко Андоновски — Tue, 22 Aug 2023 08:58:41 +0000

Кај плоштадот „Скендербег”, на влезот пред Старата скопска чаршија претпладнево се запали возило, кое е изгасено со интервенција на противапжарните екипи. Како што изјави за МИА, сопственикот на возилото марка „форд” се запалило додека тој бил внатре во возилото. - Не знам како се запали, почна од хаубата да гори, јас излегов брзо од возилото, рече сопственикот. По избувнувањето на пожарот, службениците од Градски паркинзи го контролираа сообраќајот за да не се доближат други возила до возилото што гореше се додека стигнаа полициска екипа и противпожарна екипа. Противпожарната екипа со четири пожарникари стигна за неколку минути по избувнување на пожарот по што за кратко време беше ставен под контрола. Видео од автомобилот кој гори можете да погледнете ТУКА.

Запалиле еден, а изгореле два автомобили на „Илинденска“

Дарко Андоновски — Thu, 23 Mar 2023 13:40:18 +0000

Автомобил минатата ноќ изгоре на паркинг во близина на булеварот „Илинденска“, а притоа пожарот зафатил уште едно возило. Во пожарот изгоре „голф“ кој бил во сопственост на 40-годишен скопјанц, а МВР соопшти дека нема повредени лица. Пожарот бил изгаснат од екипа на Бригадата за противпожарна заштита во Скопје, додека МВР треба да открие дали возилото е намерно запалено.

Изгорен автомобил пронајден кај „Скуревица“

Ивана Ефремовски — Sun, 13 Feb 2022 18:59:50 +0000

На 12.02.2022 во Полициско одделение Групчин е пријавено дека на локален пат за с. Церово на место викано „Скуревица“ е пронајдено изгорено патничко возило „фолксваген пасат“, без регистарски ознаки. Увид на местото извршила екипа од Полициско одделение Групчин и се преземаат мерки за расчистување на случајот.

МЕРЦЕДЕСОТ C200 ИЗГОРЕЛ ЗА НЕПОЛНИ ТРИ МИНУТИ – во движење се запали автомобилот на претседателот на Стопанската комора за енергетика

Катерина Бојаџиева — Wed, 22 Dec 2021 08:26:20 +0000

Нема жртви и повредени лица откако синоќа во движење се запали „мерцедесот“ на претседателот на Стопанската комора за енергетика на Македонија Ѓорги Манасков на автопатот кај обиколницата Визбегово кон Скопје север. Манасков во возилото бил со сопатник и никој не бил повреден, објави тој на својот фејсбук-профил. Од Стопанската комора инфомираат дека брзата интервентна полиција што била во близина и противпожарната екипа веднаш реагирале, но не успеале да го изгаснат возилото „мерцедес С200“, кое изгорело за неполни 3 минути.

Се запалил „Фолксваген венто“ сопственост на 25 годишен скопјанец од Грчец

Дарко Андоновски — Thu, 09 Dec 2021 15:17:23 +0000

На 08.12.2021 во 21.30 часот во СВР Скопје било пријавено дека околу 21.00 часот во с.Грчец, скопско, настанал пожар во патничко возило „фолксваген венто“, со скопски регистарски ознаки, сопственост на С.К.(25) од с.Грчец. Пожарот бил изгаснат од екипа на Бригадата за противпожарна заштита Скопје, а повредени лица нема. Увид извршен.

Изгоре „БМВ“ во Гази Баба, гореа и „Корса“, „Мерцедес“ и „Голф“

Дарко Андоновски — Wed, 26 Aug 2020 15:10:43 +0000

На 26.08.2020 околу 04.10 часот во СВР Скопје било пријавено дека на улица Ордан Чопела во Скопје настанал пожар во патничко возило „БМВ“ со скопски регистарски ознаки, сопственост на М.Ф.. Од пожарот биле зафатени и возилата „Голф“, сопственост на С.Н., „Мерцедес“, сопственост на Д.Е. и „Опел корса“ без регистарски ознаки. Пожарот бил изгаснат од екипа на Бригадата за противпожарна заштита Скопје.

Изгоре автомобил во Сопиште

Дарко Андоновски — Sun, 17 May 2020 12:38:14 +0000

Околу 12:20 часот регистриран е пожар на автомобил во населбата Сопиште, кој е пријавен од случаен минувач. Од МВР за МИА потврдуваат дека се работи за возило „Форд Мондео“. Автомобилот е целосно уништен, а самата незгода направи и голем метеж во сообраќајот. Од МВР информираат дека на терен излезена е противпожарна единица и пожарот е изгаснат. СВР Скопје во моментов врши увид на лице место. Засега нема информации за повредени при пожарот.

Изгоре „ауди“ во Арачиново

Предраг Кукиќ — Mon, 27 May 2019 13:51:02 +0000

На 27.05.2019 година во 03.45 часот Н.М.(35) од с.Арачиново пријавил дека настанал пожар во неговото патничко возило „Ауди А5“. Пожарот бил изгаснат од сопственикот, а повредени лица нема. Извршен е увид.

Запален автомобил на штипјанец

Предраг Кукиќ — Tue, 14 May 2019 13:58:47 +0000

На 14.05.2019 година во 05.10 часот во Полициската станица Штип било пријавено дека на паркингот на улицата Борис Крајгер во Штип имало опожарено возило. Полициски сслужбеници излегле на местото и било утврдено дека пожарот настанал во патничко возило „Пасат“ со бугарски регистарски ознаки, сопственост на Ѓ.К.(25) од Штип. Пожарот бил изгаснат и бил извршен увид. Се разботи на расчистување на случајот.

Во Аеродром изгоре Порше, а уште две возила биле зафатени од пожарот

Предраг Кукиќ — Sat, 20 Apr 2019 14:24:07 +0000

На 20.04.2019 година во 03.46 часот во СВР Скопје било пријавено дека на бул.„Јане Сандански“ настанал пожар во патничко возило „Порше кајен“, сопственост на М.Ј.(43) од Скопје. Од огнот биле зафатени и возила „Сузуки“и „Пежо“. Извршен е увид.