Голем пожар во Полска, повредени девет лица и уништени десетици куќи

Тале Кристо — Sun, 20 Jun 2021 08:20:15 +0000

Во голем пожар во село во јужна Полска делумно или целосно се уништени повеќе од 30 згради, а повредени се девет лица. Пожарот се случи во селото Нова Бјала, на околу 70 километри јужно од Краков. Повредените биле пренесени во болница со изгореници, а повеќе од 30 згради се делумно или целосно уништени, доцна синоќа соопштија пожарникарите, пренесува Хина. Околу 400 пожарникари со часови се бореа со огнот. Првично не беше јасна причината за пожарот, но според извештаите во медиумите, тој најверојатно избил откако се запалило сено. Полскиот премиер Матеуш Моравјецки најави помош за повредените и оние кои ги загубија своите домови.

Се рушат изгорените куќи од пожарот во Атика

Ивона Петрова — Mon, 20 Aug 2018 08:37:34 +0000

Од денеска започнува уривањето на куќите што претрпеа сериозна штета во пожарите во источниот дел на областа Атика на 23 јули. По спроведените контроли од инженерите од Министерството за инфраструктура и транспорт на Грција, куќите кои беа обележани со црвена боја, односно кои се опасни за живеење, ќе се рушат, јави дописничката на МИА од Атина. Според радиото „Атина 984“, уривањето започнува со 4 куќи, а еден од сопствениците вели дека нема да ја напушти населбата, туку одново ќе го изгради неговиот дом. МИА

изгорени куќи – Kurir.mk

Голем пожар во Полска, повредени девет лица и уништени десетици куќи

Се рушат изгорените куќи од пожарот во Атика