ЕДНА ГОДИНА ОД ТРАГЕДИЈАТА: На автопатот едвај само еден детаљ потсетува дека во македонскиот автобус живи изгореа 45 патници (ВИДЕО)

Дарко Андоновски — Wed, 23 Nov 2022 08:53:21 +0000

Кај семејствата и блиските на настраданите болка и тага, но и горчина зашто истрагата на бугарското обвинителство сè уште не е завршена, а тапка и постапка за обесштетување. Досегашната истрага вината ја лоцира кај возачот, кој возел со прекумерна и неприлагодена брзина. Но, бугарски адвокати што застапуваат семејства на загинатите велат дека не може да се занемарат недостатоците на коловозот и отсутвото на соодветна сигнализација на патот. Без малку една година по несреќата, на автопатот Струма само венец на претседателот Стево Пендаровски потсетува дека на ова место се случи трагедија на автобусот на „Беса транс“ во која од 52 патници, животот го загубија 45 лица, а само седум преживеаја. Туристите се превезуваа од Турција кон Македонија. Сите починати настрадале од термички шок и задушување. Една година подоцна, и истрагата на бугарско обвинитeлство не е затворена. Сијка Милева, портпаролка на главниот обвинител Иван Гешев, вели дека се чека одговорот на барањето за правна помош доставено до македонското јавно обвинителство кое требало да ги запознае роднините на настраданите со нивните права и да ги праша дали сакаат да направат увид во доказите. Во Софија имаат информација дека одговорот веќе патува кон нив. Милева вели дека трагедијата е резултат на два последователни настани – удар на автобусот во оградата, па пожар. Вештачењата покажале дека во автобусот немало пиротехники или други лесно запаливи материјали, ниту пак дека се работи за терористички напад. Милева посочува дека бугарскиот главен обвинител побарал проверка на квалитетот на сите бугарски патишта, но дека независно од наодите, тоа не ја менува досегашната теза дека вината е кај возачот. Сепак, адвокатски тим од Бугарија, кој застапува пет семејства на загинатите од Македонија, веќе ја оспорува досегашната истрага. Целиот текст прочитајте го ТУКА.

ДЕТАЛИ ЗА ИСЧЕЗНАТОТО СЕМЕЈСТВО ОД АЛЕКСИНАЦ: Пронајдени трите тела – две целосно пеплосани, на третото само лицето му било изгорено

Магдалена Андонова — Sat, 02 Oct 2021 15:20:29 +0000

Телата на Горан, Гордана и Лидија Ѓокиќ, по кои се трагаше неколку дена, беа пронајдени денеска , а според првите информации, станува збор за убиство. Според првите информации, семејството Ѓокиќ е убиено. Две тела биле јагленисани, а на третото тело му било изгорено само лицето. Истрагата ја презеде Вишото јавно обвинителство во Ниш. Според изворот на порталот Нова.рс близок до истрагата, семејството Ѓокиќ бил идентификуван по својот накит, а има и некои информации. - Постојат одредени претпоставки за сторителот на делото. Постои сомневање дека се работи за личност која ја напуштила земјата, вели изворот на Нова.рс Да потсетиме, Горан (57), неговата сопруга Гордана (56) и ќерката Лидија (25) Ѓокиќ последен пат биле видени на 26 септември во селото Шитковац, општина Алексинац, од каде што со својот црн Фолксваген Пасат се возеа кон Алексинац. Најпрво, денеска бил пронајден запален „пасат“, кој бил во нивна сопственост, а потоа и телата.

изгорени тела – Kurir.mk

ЕДНА ГОДИНА ОД ТРАГЕДИЈАТА: На автопатот едвај само еден детаљ потсетува дека во македонскиот автобус живи изгореа 45 патници (ВИДЕО)

ДЕТАЛИ ЗА ИСЧЕЗНАТОТО СЕМЕЈСТВО ОД АЛЕКСИНАЦ: Пронајдени трите тела – две целосно пеплосани, на третото само лицето му било изгорено