изгореници – Kurir.mk

ВИДЕО: Џеј Лено го покажа лицето по изгорениците од трет степен

Ивона Петрова — Fri, 03 Mar 2023 10:19:34 +0000

Американскиот водител и комичар Џеј Лено го покажа своето „ново лице“ три месеци по пожарот во емисијата „Гаража“. Тој, имено, во ноември се здоби со изгореници од трет степен кога лицето, вратот, увото, горниот дел од телото и делови од рацете, по што следеле неколку операции и забрзано заздравување. - Ова е сосема ново лице. Ново е. Неверојатно е!, изјави Лено (72) во „Шоуто на Кели Кларксон“. Меѓу шегите за неговите повреди, тој ја прераскажа случката со неговиот „Вајт стим“ автомобил од 1907 година во неговата гаража од 140.000 квадратни метри во Бурбанк, Калифорнија, САД. Токму тогаш, додека се обидувал да ја затне цевката за гориво, плин му прснал в лице, па се запалил преку сијаличката на автомобилот. - Само вторпат во мојата кариера сум „новото лице на комедијата“, се пошегува тој. Меѓу другото, увото на Лено било подложено на неколку операции. Тој продолжил да биде водител на настан за собирање пари за болницата, за помош на децата што се лекуваат таму, како и подарок за медицинскиот персонал што се грижел за него - патување на Бахамите како благодарност. По несреќата, Лено се враќа на работа со емисијата „Обложи се во својот живот“ (You Bet Your Life), со целосен распоред. Емисијата „Гаража“, по седум сезони, засега е завршена.

7 НАЧИНИ ДА ГИ УБЛАЖИТЕ ИЗГОРЕНИЦИТЕ ОД СОНЦЕ: Хидратацијата е клучна, а еве како да го задржите убавиот тен без флеки и лупење

Ристе Здравков — Sat, 16 Jul 2022 07:22:59 +0000

Поминавте прекрасен ден на плажа или покрај базен, се сончавте, уживавте, но, за жал, сонцето беше или пресилно, или редовно не нанесувавте крема со заштитен фактор и за жал, изгоревте. Вашата кожа не е премногу среќна поради тоа, а клучот е да најдете олеснување што е можно поскоро, без разлика дали изгореницата е блага или веќе се создаваат плускавци. Секако, постојат решенија, а ние ги издвоивме оние кои ќе ви овозможат да го направите процесот што е можно побезболен и лесен, без лузни и промени во пигментацијата. Пред сè, важно е да се запамети дека изгорениците се знаци на оштетување од сонце, а долгорочното изложување го зголемува ризикот од рак на кожата, па затоа е многу важно кремот со заштитен фактор да биде вашето „must have“ и не само за време на летото. Исто како и другите видови на изгореници, изгорениците од сонце се класифицираат според сериозноста како прв, втор или трет степен – и знаејќи кој тип го имате ќе ги води вашите следни чекори кога станува збор за нега. 1 степен: кожата е црвена и болна 2 степен: освен црвенило се појавуваат и плускавци 3 степен: најтежок тип и се советува веднаш да се побара лекарска помош. Покрај црвенило и плускавци кои покриваат повеќе од 20 проценти од кожата, симптомите може да вклучуваат силна главоболка, морници, висока температура и екстремна дехидрација. 1. Изладете ја кожата Првата работа што треба да ја направите, дури и ако сè уште сте на плажа, е да се држите подалеку од сонце за да избегнете влошување на изгорениците. Најдете сенка, покријте ја кожата и направете се што можете за да се заштитите од штетното УВ изложување. Изгорената кожа е чувствителна и изложена на ризик од дополнително оштетување. Потоа обидете се да го изладите, а за тоа можете да користите алое вера или кисело млеко. Исто така, туширањето со ладна вода може да помогне во ублажување на црвенилото и воспалението. 2. Хидратацијата е клучна! Кога вашата кожа ќе се олади, нанесете лесен, хидратантен крем. Алоето, како и купките или облогите со овесно млеко се многу смирувачки. Посебен плус е ако претходно ги чувате во фрижидер за ефект на ладење. 3. Пијте многу вода Кога ќе се појават изгореници, пиењето вода е исто толку важно како и нанесувањето навлажнувачки креми, особено ако веќе се создаваат плускавци бидејќи црпат вода од кожата. 4. Доколку е потребно, користете лекови Секој лек кој има антиинфламаторно дејство може да помогне да се намалат симптомите. Секако, доколку не сте сигурни, консултирајте се со фармацевт или лекар. 5. Мора дополнително да ја заштитите и покриете оштетената кожа Покривањето на црвената и иритирана кожа ќе го забрза нејзиното заздравување, па затоа е клучно да се заштити од сонцето и топол воздух, што значи лесни ткаенини над неа, по можност од природни материјали како памук. 6. Правилно третирајте ги плускавците Изгорениците од втор степен доведуваат до појава на плускавци, а кога ќе се формираат на кожата, треба да ги оставите сами да пукнат за да се исцеди лимфата и течноста. Кожата под плускавците е многу нежна, бидејќи нервите се изложени на воздухот. Носете тенка облека над иритираните делови и не отстранувајте ја „кожата“ бидејќи тоа може да ја оштети здравата кожа и да создаде лузни. 7. Либерално нанесувајте крема за сончање Последното и најважно е да не штедите на кремата за сончање. Додека кожата заздравува, може да биде исклучително чувствителна на сонце, затоа внимавајте на изложеноста на УВ зраците и често нанесувајте крема за сончање. Ова е од суштинско значење дури и откако вашата кожа заздрави: секое изгореници ги зголемува шансите за рак на кожата и предвремено стареење, затоа почнете да нанесувате крема за сончање што е можно поскоро и почнете да преземате други чекори за да ја заштитите вашата кожа од сонце.

ИЗГОРЕНИЦИТЕ „ТРААТ“ ПОДОЛГО ОД ШТО МИСЛИТЕ: Дерматолог открива кога треба да одите на лекар!

Ристе Здравков — Thu, 30 Jun 2022 12:17:26 +0000

Изгорениците во лето се многу чести – еве колку долго ќе ве мачи доколку изгорите и кога е потребно да одите на лекар. Без разлика дали сте заборавиле да нанесете крема за сончање пред да се сончате или едноставно поминувате премногу време на сонце, изгорениците на кожата дефинитивно можат да ви го уништат денот. И тоа не само еден ден бидејќи, според дерматолозите, изгорениците траат многу подолго отколку што би сакале. „Во повеќето случаи, изгорениците од сонце, црвенилото и болката ќе поминат по три до пет дена. Но, ако имате посериозни изгореници, со плускавци, тие можат да траат и до десет дена“, вели дерматологот Ронда Клајн. Болката од изгореници обично се јавува два до шест часа по изложувањето на сонце, а максимумот ќе го достигне по приближно 24 часа. Во случај на посериозни изгореници, кога ќе се појават лупење на кожата и пликови, тие обично ќе се појават меѓу шест и 24 часа по изложувањето на сонце, но понекогаш се појавуваат и по подолго време. Лупењето на кожата е дел од процесот на заздравување на кожата по изгореници, а обично започнува по три дена. Треба да престане кога кожата целосно ќе закрепне, што може да потрае неколку недели во случаи на посериозни изгореници. Дерматолозите советуваат да не ја лупите самите кожата кога ќе почне да се перути, бидејќи тоа може да предизвика дополнителни оштетувања. Опасни симптоми на изгореници Иако и најблагите изгореници од сонце не се добри за кожата – експертите велат дека го зголемуваат ризикот од рак на кожата – посериозните се особено опасни. Со благи изгореници, кожата е црвена и болна, со умерени изгореници може да се појави оток, а кожата може да биде жешка на допир. Потешките изгореници се обично екстремно црвени, се појавуваат болни плускавци и може да бараат медицинска помош. Ако имате температура и треска, задолжително посетете лекар. Во посериозни случаи, прекумерната изложеност на УВ зраци може да доведе до дехидрација, исцрпеност, знаци на екстремна жед, болка, конфузија, забрзан пулс. Исто така, за плускавци кои покриваат поголема површина на кожата, потребно е да се побара совет од лекар.

Што да (не)правите кога ќе ве “бакне“ медуза?

Ивана Ефремовски — Mon, 27 Jun 2022 13:12:57 +0000

Се надеваме дека медузата нема летувањето да ви го направи незаборавно, но еве што да (не) правите ако сепак тоа се случи. Медузите се такви што нивното присуство во водата најчесто и не го забележуваме, се додека не го почувствуваме, односно додека не почне да пече. Она што веднаш би требало да го знаете е дека изгорениците од медуза не се опасни, но дека се непријатни тоа е вистина. Овие изгореници можете да ги третирате сами, но во случај да е опечена поголема површина од површината на раширена дланка, најдобро е да посетите лекар. Еве што да правите кога ќе ве „бакне“ медузата: Измијте ја изгореницата со морска вода или оцет. Никако не ја мијте со топла или слатка вода затоа што повторно може да активира жаришта на медузата кои се задржале на вашата кожа. Освен миењето со оцет или морска вода во траењето од околу половина минута, како прва помош може да ви послужи и сода бикарбона. Кога со морска вода или оцет сте ги отстраниле жарниците на медузата, се препорачува на местото, доколку сте во можност, неколку минути да ставите мраз. Уште некои од опциите се местото да го истриете со домат пресечен на половина, ако ви е при рака. Помага и сок од домати, лимон, а некои твдат и дека помага урината. За оние кои не сакаат да ги испробаат овие „домашни лекови“, изгорениците од медуза по остранувањето на жарниците можат да се третираат и со креми кои содржат антихистаминици или аналгетици.

Помогнете си брзо: Лекот против изгореници сигурно го имате во ладилникот

Ивана Ефремовски — Thu, 22 Jul 2021 11:34:19 +0000

Првите сончеви денови на одмор и првите изгореници. Не сте подготвени или едностано мислите „не е силно сонцето“ лесно ќе доведе до црвена кожа. Дерматолозите советуваат да го пробате лекот кој сигурно го имате во секој момент во дофатот на рацете. Најдобар и проверен лек е ладно млеко од ладилник. Според советите дерматолозите, облога од ладно млеко лесно ќе го ублажи црвенилото, печењето и болката. -Направете облога од ладно млего и нанесете на болните, црвени места. Вашата кожа може да почне да се лупи ако сте премногу изгорени. Најважни се протеините од млекото кои ќе ја излечат вашата кожа, вели дерамтологот Зајкер. Витамините и лактозата од млекото ќе помогнат кожата да се опорави, а многу брзо ќе го ублажи и непријатното чувство на топлина. Најдобро е да земете газа која ќе ја потопите во ладно млеко. Штмо облогата се засуши, направете нова и менувајте се додека болката не се намали.

Дерматолози ги открија најдобрите домашни лекови против изгореници од сонце

Дарко Андоновски — Mon, 21 Jun 2021 20:07:32 +0000

Изгорениците од сонце може да бидат доста болни и да го зголемат ризикот од развој на рак на кожата. Фондацијата за карцином на кожа наведува дека ризикот е уште поголем ако сте ги имале овие изгореници пет или повеќе пати во животот. Што ја предизвикува болката? „Ултравиолетовото зрачење ја оштетува ДНК во кожата, што доведува до воспалителен одговор со синтеза на простагландини и цитокини и отекување на крвните садови на кожата“, објасни дерматологот д-р Самер Џабер. „Тоа предизвикува црвенило, оток и болка. Понекогаш погодените клетки на кожата се уништуваат “, додаде тој. Изгорениците треба да се третираат што е можно побрзо, а дерматолозите ги открија најдобрите домашни лекови кои можат да ви помогнат во тоа. Ладни облоги Потопете чиста крпа во ладна вода и ставете ја на изгорениците. Повторувајте ја постапката пет пати на ден, и чувајте ја крпата на изгорениците пет до десет минути. Туширајте се со ладна вода Американското здружение на дерматолози објаснува дека студената вода всушност може да помогне во гаснењето на огнот што го чувствувате на вашата кожа. Туширајте се со ладна вода и внимателно избришете со крпа, но држете ја кожата малку влажна за да можете да го впиете хидратантот што го нанесувате. Користете алое вера Алое вера може да помогне во лекување на изгореници. Може да нанесувате препарати од алое вера на изгорениците неколку пати на ден или да направите ладни облоги од алое вера. Користете млечни производи Џабер истакнува дека можете да нанесете ладно млеко на ткаенина, а потоа да ја ставите ткаенината на изгорениците. Можете исто така да користите обичен јогурт. Млечните производи можат да ја ублажат болката и да го стимулираат процесот на заздравување, а може да ги нанесувате на секои 20 минути неколку часа. Хидратирајте се Ако имате изгореници, треба да пиете многу течности за да спречите дехидрирање, според Американското здружение за дерматологија. За да спречите изгореници, користете крема за сончање со висок фактор на заштита. Ултравиолетовото зрачење е најинтензивно во средината на денот, па затоа треба да избегнувате изложување на сонце тогаш.

Малолетник се здоби со изгореници по пожар во неговиот дом

Ивана Ефремовски — Thu, 28 Jan 2021 15:27:59 +0000

На 27.01.2021 во 10:35 часот во СВР Скопје било пријавено дека во с.Батинци, скопско, настанал пожар во куќата на Ш.М. од с.Батинци, при што бил опожарен долниот кат и дел од горниот кат, а со изгореници се здобил 16-годишник. Тој бил пренесен во Ургентен центар при Комплексот клиники „Мајка Тереза“ во Скопје. Пожарот бил локализиран од екипа на Бригадата за противпожарна заштита Скопје.

НЕМА ПОДОБРУВАЊЕ: Повредените во експлозијата во Романовце и натаму во критична состојба

Ивона Петрова — Tue, 25 Feb 2020 10:50:18 +0000

Тројцата пациенти кои беа хоспитализирани во Клиничкиот центар „Мајка Тереза“ по експлозијата на плинска боца во кумановско Романовце се уште се наоѓаат во тешка критична состојба. Директорот на ТОАРИЛУЦ, Илир Хасани денес информираше за нивната состојба истакнувајќи дека нема подобрување. -Состојбата на повредените при експлозијата на плинска боца во кумановско Романовце е крајно тешка за двете жени и нема никаква промена во однос на подобрување. Состојбата кај мажот не е променета, тој е во тешка, но стабилна состојба и е на апарат на вештачко дишење, нагласи Хасани. Тој посочи дека сите тројца пациенти се во кома и на вештачко дишење. Хасани вчера истакна дека кај двете жени се утврдени изгореници на над 80 проценти од телото, додека мажот има околу 45% изгореници. Во експлозијата на плинска боца на лице место загинаа три деца на возраст од 8,9, и 11 години. Подоцна во текот на денот, на повредите им подлегна и 60 годишен маж.

ВО ИСКЛУЧИТЕЛНО ТЕШКА СОСТОЈБА: Лекарите се борат за 6 животи, меѓу нив дете и бремена жена

Ивона Петрова — Mon, 24 Feb 2020 11:17:47 +0000

Шест лица се наоѓаат во тешка состојба по вчерашната експлозија на плинска боца во семејна куќа во Романовце, при што животот го загубија четири лица, меѓу кои три деца. Според денешните изјави од директорите на ТОАРИЛУЦ и ЈЗУ Универзитетска клиника за хирушки болести „Св.Наум Охридски”, најголем дел од хоспитализираните пациенти се во тешка состојба со висок степен на изгореници. Во овие две болници хоспитализирани се едно 10 годишно дете, четири жени од кои едната е бремена и еден маж. Во Старата градска болница се примени две жени, едната бремена, и 10 годишно дете. Жената на возраст од 31 година и детето се во тешка состојба со висок процент на изгореници, приклучени на апарати за вештачко дишење. -Жена (31) има изгореници од 80 проценти и е во крајно тешка состојба. Приклучена е апарати за вештачко дишење и има изгореници на дишните патишта. Втора пациентка има 28 години, таа е со 25 проценти изгореници по телото од втор степен, а потешка околност е тоа што е бремена во седми месец. Десет годишно детенце има 70 проценти изгореници и за жал е во тешка состојба на апарати за дишење, истакна Арсенков. Во тешка и критична состојба се тројцата пациенти кои се хоспитализирани во Клиничкиот центар „Мајка Тереза“ . Директорот на ТОАРИЛУЦ Хасани денеска информираше за состојбата двете жени на возраст од 35 и над 50 години и еден маж на возраст од 65 години. -Двете жени се во тешка и критична состојба. Се бориме со максимални сили да ја стабилизираме нивната состојба. Се работи за тешки изгореници со над 80 проценти, додека мажот е отприлика со изгореници од 45 проценти. Тројцата пациенти се на апарати за вештачко дишење со тешка и критична состојба, истакна Хасани. Синоќа на КАРИЛ на повредите им подлегна 60 годишен маж. Тој е четвртата жртва од експлозијата на плинска боца во семејната куќа во која вчера загинаа деца на возраст од 8, 9 и 11 години.

Во Градска: Дете и жена во тешка состојба по трагедијата во Романовце, бремената жена е со 28% изгореници

Ивона Петрова — Mon, 24 Feb 2020 10:52:09 +0000

Две жени, од кои една бремена, и 10 годишно дете се хоспитализирани во ЈЗУ Универзитетска клиника за хирушки болести „Св.Наум Охридски” по вчерашната експлозија на плинска боца во семејна куќа во Романовце. Директорот на болницата Арсенков за медиумите денес информираше дека жената на возраст од 31 година и детето се во тешка состојба со висок процент на изгореници, приклучени на апарати за вештачко дишење. -Жена (31) има изгореници од 80 проценти и е во крајно тешка состојба. Приклучена е апарати за вештачко дишење и има изгореници на дишните патишта. Втора пациентка има 28 години, таа е со 25 проценти изгореници по телото од втор степен, а потешка околност е тоа што е бремена во седми месец. Десет годишно детенце има 70 проценти изгореници и за жал е во тешка состојба на апарати за дишење, истакна Арсенков.