изгубени – Kurir.mk

Спасени две семејства од странство кои се изгубиле и заглавиле со возилата во Мариово

Магдалена Андонова — Sat, 11 Jun 2022 19:13:11 +0000

Во заедничка акција на Центарот за управување со кризи и Министерството за вантрешни работи вечерва се пронајдени и спасени две изгубени семејства од странство со четири деца кои со два автомобила поради лошите временски услови залутале и заглавиле во планински предел во Мариово. ЦУК информира дека семејствта залутале, а потоа и заглавиле на планински пат со возилата, сакајќи да го заобиколат патот Росоман – Прилеп, каде што до 15.10 часот беше блокиран сообраќајот заради голем одрон. Акцијата за лоцирање, пронаоѓање и спасување е извршена преку дежурните оперативци во Центарот за управување со кризи на 112 во содејство со Дежурниот оперативниот центар (ДОЦ) на ЦУК и Регионалниот центар за управување со кризи (РЦУК) Велес, а во координција со дежурните од Министерството за внатрешни работи (МВР ЦИК) за тој регион. – Околу 16:00 часот е примен повик на 112 и дежурните оперативци од трите регионални центри за управување со кризи се поврзале со лицата кои биле заглавени на планински пат помеѓу Рожден и Витолиште, во мариовскиот крај каде што е границата меѓу неколку општини. Акцијата за лоцирање и пронаоѓање на изгубените семејства и заглавени на лош пат ја продолжил РЦУК Велес, од каде постојано се комуницира со изгубените на кои им е наложено да чекаат помошта да дојде по нивното лоцирање, за што ќе треба повеќе од два или три часа. Според добиените информациите семејства во два автомобила, заради одронот што беше на патот Росоман – Прилеп тргнале по друг пат за да го заобиколат одронот и заглавиле, за нив во непознат предел, а на лош пат, уште повеќе расипан од врнежите во тој крај. Се работи за две возила од кое едното е од Литванија. Во возилата имало пет возрасни и четири деца. Двете возила биле заглавени независно едно од друго на растојние од 100 до 200 метри, едно зад друго. Од страна на оперативните дежурни работници во регионалните центри за управување со кризи е веднаш стапено во контакт дежурните оперативци од Министертвото за внатрешни работи и преку СВР Кавадарци е преземена акција за извлекување, со можност за дејствување и со тим со теренско возило од Михаилово. Дежурните оперативци од РЦУК Велес беа во постојана комуникација со загубените и лоцирани семејства, а и со колегите од МВР. По неколку часа теренско возење искусниот тим на МВР ги пронајде во 19.15 часот и по објавувањето на оваа информација се очекува за неколку часа тие да бидат извлечени, живи и во добра здравствена сосотојба, се наведува во соопштението од ЦУК.

Ѓорчев: Проблемот е што сите сфатија дека кога ќе му треснат на маса на Заев тој се ќе испорача, така Македонија ги изгуби позициите на меѓународната сцена

Тале Кристо — Wed, 23 Jun 2021 17:37:28 +0000

Владимир Ѓорчев, секретар за меѓународна соработка на ВМРО-ДПМНЕ на гостување во „Анализа 24“ што се емитува на телевизја 24 рече дека Португалија како претседавач со ЕУ се обидува да најде една средина за надминување на проблемот со Бугарија. Тој додаде дека Зоран Заев ја доведе Македонија во најлоша позиција, урниса се, се колнеше дека нема да го менува Уставот и името. -Немам доверба во владата и министрите кога преговараат за позициите на Македонија, а преговараат Зоран Заев, Артан Груби, Бујар Османи, Бојан Маричиќ, не им верувам нив, ниту на било кој од Владата. Проблемот е што сите во регионот сфатија дека кога ќе му треснат на маса на Зоран Заев тој се ќе испорача. Така Македонија ги изгуби позициите на меѓународната сцена. Македонија стана канта за удирање, рече Ѓорчев. Според него ветото од Бугарија следеше затоа што официјална Софија знае дека кога тогаш Заев ќе попушти. -Заев се колнеше во македонската жица, во своите деца дека нема да менува ништо, а што направи - смени се, рече Ѓорчев. Ѓорчев укажа дека Македонија не е блокирана само од Бугарија, туку и од Грција и тоа денес поради твит на Заев. -Македонија е блокирана од сите страни, не само од Бугарија за преговори со ЕУ, сега и Грција најавува блокади. Едноставно не верувам на никој од оваа Влада, рече Ѓорчев.

Стружани се изгубиле на Галичица, пронајдени по речиси 12 часа

Ивона Петрова — Tue, 19 Jun 2018 08:19:27 +0000

Б.Т.(44) од Охрид вчера пријавил дека околу 16.00 часот телефонски се слушнал со неговите пријатели Г.А. и Р.Т. од с.Радолишта, струшко, кои му кажале дека се наоѓаат на планината Галичица, но дека не ја знаат точната локација. Возилото со кое биле, претходно го оставиле во с.Велестово. -Од тој момент до 21.00 часот лицата биле недостапни на своите мобилни телефони. Во 21.00 часот со лицата бил остварен телефонски контакт, а во 05.00 часот на 19.06.2018 година лицата биле пронајдени, информираат од МВР.