изгубено дете – Kurir.mk

ДА ПОМОГНЕМЕ: Изгубено е дете во Дебар Маало, се вика Михаил и вози зелен велосипед

Ивана Ефремовски — Thu, 16 Sep 2021 14:34:55 +0000

Изгубен е Михаил во Дебар Маало. Вози мал зелен велосипед и облечен е во теѓет маичка и сиви тренерки. Да помогнеме да се најде. Кој ќе го види, да се јави на 071352433 или на 072577007.

Изгубено е дете во Драчево, ако го видите веднаш пријавете во полиција

Ивона Петрова — Wed, 11 Sep 2019 07:38:24 +0000

Детенце утринава исчезнало во скопско Драчево. Апелот за помош во негово пронаоѓање на социјалните мрежи го објави неговата мајка. -Ве замолувам да го пронајдеме заедно мојот син Михаел, последен пат е излезен од дома сабајле и не е отиден во училиште, случајот е пријавен и во полиција. Облечен е во сива маичка на кимоно и плави шорцеви и плави патики најк со бело знакче. За било какви информации контактирајте ме мене или јавете се во полициска станица Драчево, стои во објавата на мајката на Фејсбук.

Мало дете исчезнало следејќи го татко му: 24 години подоцна ја имаат најемотивната средба (ФОТО)

Ивана Ефремовски — Mon, 28 May 2018 13:53:40 +0000

Татко од Кина го изгубил својот син на фреквентна улица во градот Шиан во 1994 година, а сега конечно го пронашол по 24 години, пишува Дејли Мејл. Солзи радосници ја одбележале средбата на таткото Ли Шунји со своето изгубено дете. Тогаш тригодишниот Ли Леи денес има 27 години. Детето и таткото се разделиле на 8-ми август 1994 година, а во петокот потрагата била завршена по успешна идентификација со помош на ДНК анализа. -Излегов од дома за да продавам предмети на мојот штанд. Не сфатив дека син ми ме следи, а дознав дури кога сопругата дојде до моето работно место. Нозете веднаш ми откажаа, се присетил Ли низ солзи. Изгубеното дете го пронашол пар, а откако тие не успеале да го пронајдат неговото семејство, го земале со себе и за среќа го одгледале како нивно дете. -Комуникациските технологии тогаш не ни овозможуваа да побараме помош, изјавил Ли. Таткото одлучил да го продаде својот штанд и да патува низ целата земја во потрага по синот. Тој испечатил 180 илјади известувања за исчезнати личности и ги носел во ќеси низ цела Кина, до секоја покраина. За три месеци изгубил 27 килограми. -Постојано си велев дека не смеам да се откажам. Морав повторно да го видам својот син, изјавил Шунји.

Емоции кои ќе ве допрат и вас: Ја изгубија ќерката и живееја во агонија 24 години, а потоа се случи чудо (ВИДЕО)

Ивана Ефремовски — Sun, 22 Apr 2018 18:25:21 +0000

8-ми јануари 1994 година беше најлош ден во животот на Ванг Мингкинг и Лиу Денгинг. Додека на нивното работно место продавале овошје во Кина, покрај нив била тригодишната ќерка, Кифенг. Тие во сеќавање кажуваат дека пазарот бил полн и дека Ванг немал ситен кусур да му врати на муштеријата. Отишол до соседната тезга за да позајми пари, но кога се вратил останал во шок. Неговата ќерка не беше таму. Родителите се обидуваат да ја довикаат, го обиколија целиот пазар и ги прашуваа луѓето дали некој ја видел. Никој не знаел каде отишла. Неколку години им поминаа барајќи ја, но се беше залудно. Ги проверуваа домовите со деца оставени од родителите, поставуваа огласи во весниците… Во 2015 година, Ванг стана такси возач и се сетил да стави налепници во автомобилот. Наместо слики од Кифенг, Ванг ставил слики од својата друга ќерка, која премногу личела на неа. Имал претчувство дека еден ден можеби ќе влезе во неговото такси. Семејството немало среќа да ја најде Кифенг, се до еден полициски цртеж кој беше нацртан од професионалец како би изгледала таа во овој момент. Жена со има Канг Јинг беше изненадена кога го виде цртежот, бидејќи знаеше дека нешто треба да се сподели со тоа семејство. Канг Јинг всушност беше нивната ќерка Кифенг! Погледнете ја оваа интересна приказна во ова видео: