излетано возило – Kurir.mk

Со автомобил излетал од патот Струмица-Ново Село, тешко повреден возач

Ивона Петрова — Fri, 18 Nov 2022 12:04:51 +0000

На 17.11.2022 во 15.00 часот во Полициската станица Струмица било пријавено дека на магистрален пат Струмица-Ново Село, во близина на село Ново Коњарево, А.Б.(42) од село Сушица, струмичко, управувајќи патничко возило „хонда“, со струмички регистарски ознаки, изгубил контрола над возилото и излетал надвор од патот, информира МВР. Во несреќата со тешки телесни повреди се здобил возачот, констатирани во Медицински центар Струмица. Увид на местото извршила екипа на Полициската станица Струмица.

По излетување на возило во реката Вардар се трага по луѓе

Катерина Бојаџиева — Tue, 27 Sep 2022 12:55:43 +0000

Тетовската полиција информира дека по излетување на возило во реката Вардар кај Желино почната е потрага по луѓе во водотекот. Околу 11 часот и 30 минути во СВР Тетово било пријавено дека патничко возило излетало од коловозот на мостот во тетовско Желино и паднало во водите на реката Вардар. -Констатирано е дека во реката Вардар е паднато возило „фолксваген голф 4“, со кумановски регистарски ознаки. Во возилото кое е пронајдено и ќе се извлекува од реката, засега не се пронајдени лица. На самото место се јавен обвинител, увидна екипа од СВР Тетово и други полициски службеници, кои ги пребаруваат водите на реката, а повикани ќе бидат и нуркачки екипи од МВР со цел да се пронајде возачот на возилото и евентуално други сопатници. Се расчистува и документира случајот, информира Марјан Јосифоски, портпарол на СВР Тетово. Центарот за управување со кризи за истиот случај информираше дека возилото со помош и поддршка од градежни машини е извлечено надвор од длабоките води на речното корито. -Поради брзината, длабочината и заматеноста на водата, возилото во еден дел од речното корито е носено по течението, но за кратко време пропаднало во природен јаз и визуелно не се гледало. Во моментот не може да се одреди дали во возилото имало луѓе и каква е состојбата со нив. Оперативниот центар на ЦУК веднаш оставри комуникација и координација со МВР – СВР Тетово, ТППЕ Тетово, Брза помош Тетово и ДЗС. МВР веднаш испратија нуркачки екипи од специјалната единица и тие се веќе на пат кон с.Желино, додека Дирекцијата за заштита и спасување праќа сопствени екипи за спасување од поплави кои се со седиште во Велес, велат од ЦУК.

Излетало возило кај Миладиновци, совозачот е тешко повреден

Катерина Бојаџиева — Thu, 15 Sep 2022 11:11:38 +0000

На 14.9.2022 во 15:30 часот во СВР Скопје било пријавено дека на автопатот Скопје-Куманово, во близина на наплатна рампа Миладиновци и надвозник од клучка „Окта“, патничко моторно возило „шкода форман“ со полски национални ознаки, управувано од М.С.Н.(39) од Полска, изгубило контрола и излетало надвор од коловозот. По несреќата совозачот М.М.Д.(47) од Полска бил пренесен во комплекс клиники „Мајка Тереза“ – Скопје каде што му биле констатирани тешки телесни повреди. За настанот е известен Јавен Обвинител, а увид на местото на настанот извршила увидна екипа од СВР Скопје.

Возач се здобил со тешки повреди откако излетал од пат со својот голф

Магдалена Андонова — Sun, 12 Jun 2022 13:54:18 +0000

На 11.06.2022 во 23.20 часот било пријавено дека на регионален пат на подрачјето на валандовско, патничко возило „фолксваген голф“, со валандовски регистарски ознаки, управувано од В.Р.(25) од с.Пирава, излетало надвор од коловозот. Во несреќата со тешки телесни повреди се здобил возачот, констатирани во Медицинскиот центар во Струмица. Извршен бил увид од увидна екипа од Полициската станица Валандово.

Цитроен излета од пат во гевгелиско, возачот тешко повреден

Магдалена Андонова — Thu, 02 Jun 2022 16:18:44 +0000

На 02.06.2022 во 00.20 часот во ОВР Гевгелија било пријавено дека во с.Стојаково, гевгелиско, Г.А.(58) од с.Стојаково, управувајќи патничко возило „цитроен“, со гевгелиски регистарски ознаки, изгубил контрола и излетал од коловозот. Во несреќата со тешки телесни повреди се здобил возачот, констатирани во Медицински центар Гевгелија, а увид на местото извршила екипа на ОВР Гевгелија.

Автомобил излетал од пат во близина на Тиквешко езеро, тројца млади лица повредени

Магдалена Андонова — Sun, 13 Mar 2022 17:30:43 +0000

На 13.03.2022 во 04.00 часот било пријавено дека на патот од брана на Тиквешко Езеро во правец на с.Возарци, патничко возило „сеат“, со кавадаречки регистарски ознаки, управувано од К.А.(20) од с.Возарци, излетало надвор од коловозот. Во несреќата со тешки телесни повреди се здобиле возачот и двајцата сопатници Н.М.(18), Р.Р.(19), а со телесни повреди се здобил сопатникот С.И.(20), сите од с.Возарци, констатирани во Општата болница во Кавадарци. Извршен бил увид од увидна екипа од Полициската станица Кавадарци.

Патничко возило Ауди полно со мигранти утрово излетало од коловозот и паднало во провалија, возачот избегал

Магдалена Андонова — Fri, 28 Jan 2022 20:14:07 +0000

Патничко возило Ауди полно со мигранти утрово излетало од коловозот на валандовско брдо и паднало во провалија. Во возилото имало девет мигранти, државјани на Сирија. Осуммина од нив останале неповредени додека кај едно од лицата лекарите во гевгелиската болница констатирале телесни повреди. Идентитетот на возачот кој управувал со возилото со скопски регистарски ознаки за сега останува непознат бидејќи веднаш по несреќата тој побегнал од местото на настанот. ,, Во 06.05 часот во Полициската станица Валандово било пријавено дека на регионален пат Р 1401 Валандово-Струмица патничко моторно возило ауди, со скопски регистарски ознаки, излетало надвор од коловозот, а во него се превезувале 9 лица - мигранти од Сирија. Еден од мигрантите се здобил со телесни повреди, констатирани во Медицински центар Гевгелија, а увид на местото извршила екипа на Полициска станица Валандово, информираше Александра Трајанова - портпарол на СВР - Струмица. Освен полицајци од ОВР Валандово, на местото на настанот излегла и екипа на РЦ ЈУГ како и пожарникари од валандовската противпожарна единица кои биле вклучени во извлекувањето на патниците и возилото. Мигрантите се пренесени во прфатниот центар Винојуг, а во меѓувреме СВР Струмица презема интензивни мерки за пронаоѓање на возачот.

Автомобил излета од патот Градско-Прилеп, тешко повредена девојка (18)

Ивона Петрова — Fri, 27 Aug 2021 09:51:32 +0000

Тинејџерка е тешко повредена во сообраќајна несреќа која се случила околу половина час по полноќ на магистралниот пат Градско – Прилеп. -Патничко моторно возило „фолксваген поло“ со кавадаречки регистарски ознаки, управувано од Д.М.(23) од Росоман, излетало од патот, информира МВР. Во незгодата со тешки телесни повреди се здобила сопатничката во возилото З.Б.(18) од с.Трстеник, констатирани во болницата во Кавадарци. Бил извршен увид на местото на настанот.

Возило излетало од патот Кичево-Охрид, едно лице тешко повредено

Магдалена Андонова — Sun, 27 Sep 2020 09:58:01 +0000

Вчера во 22.35 часот на магистралниот пат Кичево-Охрид, кај с.Врбјани, И.А.(52) од с.Грешница, управувајќи патничко возило „цитроен пикасо“, со скопски регистарски ознаки, изгубил контрола и излетал од патот, соопштуваат од МВР. Во незгодата, сопатникот Ј.Е.(45) од с.Зајас, кичевско, се здобил со тешки телесни повреди, констатирани во болницата „Св.Еразмо“ во Охрид. Увид извршила екипа од СВР Охрид.

„Пежо“ излета од патот Штип – Миладиновци, возачот тешко повреден

Ивона Петрова — Wed, 05 Feb 2020 10:22:43 +0000

На магистралниот пат Штип - Миладиновци, кај клучка Свети Николе, автомобил „пежо 405“, со француски национални ознаки, управувано од М.П.(60) од Берово, вчера излетало од коловозот и удрило во заштитна ограда. -Во незгодата, со тешки телесни повреди се здобил возачот по што бил пренесен во Комплексот клиники „Мајка Тереза“ за укажување на лекарска помош, информира МВР. Извршен бил увид на местото на настанот од увидна екипа од Полициската станица Свети Николе.