излевање на реки – Kurir.mk

ВНИМАВАЈТЕ КАДЕ СЕ ДВИЖИТЕ, ДОАЃА ПОТОП ВО МАКЕДОНИЈА – УХМР со предупредување за сите почнувајќи од вечерва!

Дарко Андоновски — Thu, 19 Jan 2023 15:16:04 +0000

Во попладневните и во ноќните часови ќе има врнежи од дожд, кои на места ќе бидат поројни така што локално се очекуваат над 30 литри на метар квадратен дожд, информира Управата за хидрометеоролошки работи (УХМР). Во повеќе делови од земјата, како резултат на врнежите во изминатиот период и топењето на снегот, земјата е заситена со влага и се очекува брза реакција на помалите реки и суводилици низ земјава каде на места се можни локални излевања, со посебно внимание на југоисточните делови и Струмичкиот регион. Од УХМР посочуваат дека и кај поголемите реки се очекува зголемување на водостојот, а пред се на водотеците во западниот дел на земјата каде во сливот на релите Радика, Сатеска, Треска и горниот дел од сливот на Вардар се очекуваат значително високи водостои. Поради можноста од појава на поројни, интензивни врнежи, придружувани со засилен јужен ветер, можни се локални проблеми кај дел од градските урбани населени места каде би се појавиле ваков тип на врнежи. Од Центарот за управување со кризи (ЦУК) предупредуваат на претпазливо движење покрај реките и суводолиците во текот на денешниот и утрешниот ден.

Во Херцеговина се излеаја реки, загрозени семејни куќи

Магдалена Андонова — Sat, 05 Dec 2020 17:02:37 +0000

Неколку реки во Херцеговина се излеаја од коритата поради обилните врнежи дожд што паѓаа со денови, а најсериозна е состојбата во областа Чапљина, каде се поплавени дворови, патишта и земјоделски површини. Неколку семејни куќи и помошни објекти лоцирани покрај реката Требижат се загрозени поради зголемениот водостој. Оваа река се излеа во дворовите на семејни куќи и поплави неколку подруми, а поплавите се закануваат и на станбени згради. Најлоша е состојбата во местото Струге, јужно од Чапљина, а водата доаѓа и во населените места Грабовине и Требижат, каде се поплавени земјоделски имоти, локални патишта, но и помошни објекти. Обилни врнежи дожд се најавени и за следната недела. (МИА)

Вонредна состојба во делови на Хрватска поради излевање на реките

Катерина Бојаџиева — Tue, 13 Mar 2018 08:08:28 +0000

Во малиот град Хрватска Костојница прогласена е вонредна состојба поради излевањето на реката Уна, што предизвика поплава во местото. Во Карловац утрово нивото на реката Корана беше на 779 сантиметри со тренд на раст од еден сантиметар во час, поради што е прогласена вонредна состојба. Водостојот на реката Купа утрово беше на 771 сантиметар. И на подрачјето на реката Лика во Селиште е прогласена вонредна состојба. Поради поплавите затворени се голем дел од сообраќајниците во областа.