излез – Kurir.mk

ГУЖВИ НА ГРАНИЧНИТЕ ПРЕМИНИ: Еве по колку се чека за влез и излез од Македонија

Тале Кристо — Sun, 31 Jul 2022 17:12:21 +0000

На граничниот премин Табановце времето на чекање за влез и излез од државата е околу еден час. На останатите гранични премини, од македонска страна, нема подолги задржувања за влез и излез од државата, информира Автомотосојузот на Македонија (АМСМ). Сообраќајот на државните патишта се одвива непречено, по суви коловози. Интензитетот на сообраќај на патните правци надвор од градските средини е зголемен. АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.

Борисов излезе од притвор: Ова е одвратно, брутално, нè вратија во комунизмот (ВИДЕО)

Тале Кристо — Fri, 18 Mar 2022 19:09:50 +0000

Поранешниот премиер на Бугарија, Бојко Борисов беше пуштен од притвор откако вчера беше приведен поради наводни уцени кои ги направил во период од 2014 до 2019 година. Борисов беше пречекан на улица од неговите поддржувачи, по што даде кратка изјава за бугарските медиуми. -Ова е одвратно, брутално, нè вратија во комунизмот. Синоќа вечеравме со децата, кога влегоа униформирани лица и ми ја претресоа куќата, кажа Борисов.

ГУЖВИ НА ГРАНИЧНИТЕ ПРЕМИНИ: Еве по колку се чека за влез и излез во државата

Тале Кристо — Tue, 17 Aug 2021 16:29:36 +0000

На граничниот премин Богородица за излез од државата времето на чекање е до 15 минути, додека на Табановце за излез се чека околу еден час. На останатите граничните премини, од македонска страна, нема подолги задржувања за влез и излез од државата. Како што соопшти Автомото сојузот на Македонија (АМСМ), сообраќајот на државните патишта се одвива непречено по наместа влажни коловози. Интензитетот на сообраќај на патните правци надвор од градските средини е умерен. АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.

На Табановце за влез и за излез од државата се чека половина час, еве по колку време се чека на останатите премини

Тале Кристо — Thu, 05 Aug 2021 11:48:18 +0000

На граничниот премин Табановце за влез и за излез од државата се чека околу 30 минути. На останатите гранични премини, од македонска страна, нема подолги задржувања за влез и излез од државата. АМСМ информира дека интензитетот на сообраќај на патните правци надвор од градските средини е умерен. Препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Тоа посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.

АМСМ информира за состојбата на граничните премини – еве дали има задржувања за влез и излез од државата

Магдалена Андонова — Sun, 06 Jun 2021 16:30:54 +0000

Сообраќајот на државните патишта се одвива непречено по влажни коловози. Интензитетот на сообраќај на патните правци надвор од градските средини е зголемен. На граничните премини, од македонската страна, нема подолги задржувања за влез и за излез од државата, информира Автомотосојузот на Македонија. Препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Тоа посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево. (МИА)

Лидерката на белоруската опозиција побара помош од ОН за излез од кризата

Тале Кристо — Mon, 08 Mar 2021 07:04:37 +0000

Лидерката на белоруската опозиција, Светлана Тихановскаја, побара помош од ОН со цел нејзината земја што поскоро да излезе од кризата. -Убедени сме дека во одреден момент, режимот ќе падне, бидејќи е под притисок и од внатре и од надвор, рече Тихановскаја, која избега од Белорусија во Литванија на 9 август 2020 година, само еден ден по непризнаените претседателски избори, на кои загуби од актуелниот претседател Александар Лукашенко. Лидерката на белоруската опозиција вчера пристигна во Женева, каде што ќе учествува во дебата на Меѓународниот филмски фестивал за правата на човекот. Уште една опозиционерка од Белорусија, Олга Ковалдкова, исто така, ќе учествува во дебатата на фестивалот. Неколку десетици симпатизери вчера ја пречекаа Тихановскаја пред европското седиште на ОН во Женева, а таа оттаму изрази надеж дека ОН ќе продолжат да и помагаат на Белорусија да излезе од кризата. -Притисокот треба да се засили, рече таа, додавајќи дека се залага за дијалог со посредство на Организацијата за безбедност и соработка во Европа (ОБСЕ). „Ние сакаме овие разговори да бидат што е можно поотворени и во нив да учествуваат соседните и другите демократски земји“, додаде Тихановскаја.

Џонсон: Велика Британија ќе излезе од кризата предизвикана од коронавирусот до средина на 2021

Тале Кристо — Fri, 24 Jul 2020 11:31:44 +0000

Британскиот премиер Борис Џонсон денеска изјави дека Велика Британија веројатно ќе ја надмине кризата од пандемијата на коронавирусот до средина на 2021 година, но додаде дека стравува од вториот бран на заразата. Џонсон истакна дека неговото искуство како премиер на Велика Британија му вели дека Владата треба да биде побрза и побрзо да реагира на потребите на граѓаните. Тој додаде дека до средината на следната година Велика Британија треба да биде на добар пат да ја надмине кризата предизвикана од пандемијата на Ковид-19.

Макрон и Меркел се за брз одговор за пакетот за излегување од кризата во ЕУ

Тале Кристо — Tue, 30 Jun 2020 06:38:01 +0000

Лидерите на Германија и Франција, Ангела Меркел и Емануел Макрон, синоќа изјавија дека ќе го искористат своето влијание за да помогнат во преговорите за брз договор за пакетот за обнова од поледиците на коронавирусот за 27-те земји членки на ЕУ. На првата тет-а-тет средба од почетокот на пандемијата, германската канцеларка и францускиот претседател ја истакнаа нивната решеност да работат заедно за враќање на европските економии на вистинскиот пат, во време кога Германија од утре, 1 јули, го презема шестмесечното претседателство со ЕУ. Лидерите на ЕУ ќе се обидат да ги надминат своите разлики на самитот на 17 и 18 јули околу предлогот на Европската комисија да позајмат 500 милијарди евра од пазарот за новиот фонд за обнова, за да помогнат во заживување на економиите што се најтешко погодени од коронавирусот, особено Италија и Шпанија. Меркел изјави дека се надева на самитот на лидерите следниот месец земјите членки на ЕУ ќе ги надминат своите разлики во врска со повеќегодишниот буџет, како и во врска со фондот за обнова, пренесуваат британските медиуми. -Се надеваме дека можеме да најдеме решение, иако имаме уште долг пат пред нас, рече Меркел. Во мај, Меркел и Макрон предложија формирање на еднократен фонд за обнова во вредност од 500 милијарди евра, што ЕК го прошири, предлагајќи фонд од 750 милијарди евра, што главно ќе се состои од грантови. ЕК, сепак, се соочува со отпор од некои земји, кои се спротивставуваат на неповратните позајмици и затоа одбиваат да обезбедат средства без никакви обврски од корисниците. На заедничката прес-конференција со Макрон во вилата на германската влада во близина на Берлин, Меркел рече дека тие не очекуваат нивниот предлог да биде усвоен како таков, но дека тоа го покажува правецот во кој сакаат да се движат. -Преку нашиот заеднички предлог за фонд за обнова ние јасно ставивме до знаење дека Германија и Франција сакаат да играат улога заедно во наредните месеци, со што јасно ставаме до знаење дека Европа е нашата иднина, рече Меркел. Таа оцени дека очекувањата се големи и додаде дека Европа не е нужно обединета кога Германија и Франција се обединети. -Но, ако Германија и Франција не се согласуваат, тогаш тоа не е добро за единството на Европа, истакна Меркел. Макрон, пак, од своја страна, кажа дека кризата предизвикана од коронавирусот и нејзините економски и социјални последици е „момент на вистината“ за Европа. -Можеме да го направиме овој момент на вистината момент на успех, рече Макрон, инсистирајќи на потребата да се постигне европски договор за план за економско закрепнување. Тој додаде дека двете земји ќе сторат се договорот за буџетот да биде постигнат на самитот во јули. Францускиот претседател ја повика ЕУ да го зајакне својот суверенитет во широк спектар на области, вклучувајќи ги климатските прашања, дигиталната економија, прехранбената индустрија, здравството и безбедноста.

Македонски државјани може да излезат од земјава со потпишување на оваа изјава

Ивона Петрова — Tue, 16 Jun 2020 05:09:16 +0000

Сообраќајот на државните патишта се одвива непречено, по суви коловози. Според информација од МВР, за македонски државјани, граничните премини за излез од државата се отворени со потпишување на соодветна изјава, која ја издава МВР на самиот премин. Со таа изјава, секој граѓанин се обврзува дека нема да бара помош од државата, во случај на проблем во странство. При влез во државата, секој граѓанин мора да приложи направен валиден PCR тест, не постар од 72 часа, кој е негативен. Потоа на граничниот премин потпишуват „Изјава за задолжителна самоизолација во траење од 14 дена“. Доколку таков тест не е приложен, или е приложен невалиден PCR тест, тогаш задолжителен е државен карантин во траење од 14 дена. Владата донесе протокол за транзит на странски државјани на нашата територија. Истиот овозможува транзит само преку граничните премини: Табановце, Деве Баир, Богородица, Ќафасан, Блаце и аеродром Скопје. Транзитот на овие лица подразбира влез на еден граничен премин и излез на друг, со обврска при транзитот да не се напушта соодветниот автопат или локален пат, и тој да се реализира во рамките на најмногу 5 часа, а истото ќе се потврдува со изјава која странските државјани треба да ја пополнат на влез, а на излез треба да се предаде на граничната полиција со цел да се контролира времeтраењето на транзитот. Интензитетот на сообраќај на патните правци надвор од градските средини е умерен. АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.

Сименсон: Излезот на САД од СЗО е незамислив

Тале Кристо — Mon, 25 May 2020 07:00:51 +0000

Излезот на САД од Светската здравствена организација е незамислив, изјави помошникот генерален директор за општ менаџмент при СЗО, Стјуарт Сименсон. Тој истакна дека САД и СЗО се „поврзани од самиот почеток“. – САД, барем од 1902 година, се лидер на глобалното јавно здравје и не можам да замислам ситуација во која САД нема да бидат дел од СЗО и да придонесат за СЗО, како што тоа го прават сега, нагласи Сименсон за Си Ен Ен. Тој потенцираше дека САД и другите членки го основале СЗО. – СЗО имаше корист од големата несебичност на американскиот народ и речиси непроценливата техничка поддршка, додаде Сименсон. Изјавата на Сименсон доаѓа речиси една недела откако американскиот претседател Доналд Трамп испрати писмо до СЗО, во кое се заканува дека засекогаш ќе го прекине финансирањето на таа организација и ќе ги повлече САД од неа, доколку не се обврзе дека „суштински ќе се подобри во следните 30 дена“, потсетува „Политико“.