излезеност – Kurir.mk

До 18 часот излезноста во Србија е 50,82 отсто, гласале 45,01 отсто гласачи

Магдалена Андонова — Sun, 03 Apr 2022 18:35:33 +0000

Републичката изборна комисија на Србија соопшти дека до 18 часот на изборите од запишаните 6.502.307 гласачи излезноста е 50,82 отсто, а ЦЕСИД соопшти дека на претседателските, парламентарните и локалните избори за град Белград до 17 часот гласале 45,1 отсто од запишаните избирачи, јави дописиникот на МИА од Белград. Центарот за слободни избори и демократија (ЦЕСИД) на својата веб-страница соопшти дека на парламентарните избори во Србија во 2020 година до 17 часот гласале 37,2 отсто од гласачите, а во 2016 година 43,5 отсто. На претседателските избори во 2017 година излезноста до 17 часот беше 40,9 отсто. Врз основа на информациите добиени од набљудувачите, ЦЕСИД во периодот од 13 до 17 часот забележал повторување на неправилности кои биле забележани во текот на денот. Најчести се процедуралните нерегуларности и се однесуваат на вметнување гласачки ливчиња во погрешни кутии, непочитување на чекори при спроведување на изборите (не се применува спреј, не се проверува идентитетот на гласачите и сл.) и грешки при потпишување изводи од избирачки списоци. – Покрај ова, набљудувачите продолжија да ги следат активностите кои ја загрозуваат тајноста на гласањето на избирачките места (со фотографирање гласачки ливчиња или снимање на гласачкиот процес), семејното гласање и помали инциденти и вербални конфликти, соопшти ЦЕСИД. Организацијата ЦРТА соопшти дека веќе во првиот дел од изборниот ден, набљудувачите забележале повеќе случаи на физичко и вербално насилство на избирачките места и во нивната околина, а велат дека биле информирани и за голем број други насилни инциденти. Според Републичката изборна комисија (РИК) до 18 часот излезноста на изборите е 50,82 отсто, од вкупно запишани 6.502.307 гласачи, беше соопштено на прес-конференцијата на РИК. Претседателот на РИК, Владимир Димитријевиќ изјави дека изборниот процес се одвива во демократска и фер атмосфера. – Не се забележани поголеми неправилности. Она што е забележано е дека редиците се зголемени речиси на сите избирачки места, изјави Димитријевиќ. Според него, по региони до 18 часот излезноста изнесувала во Војводина 53,9 отсто од запишаните гласачи, во регионот на Шумадија и западна Србија 52,01 отсто, во регионот на јужна и источна Србија 50,75, а во Белград 48,05 отсто од вкупниот број запишани гласачи. (МИА)

Излезеноста на изборите во Србија до 17 часот е 45,1%

Магдалена Андонова — Sun, 03 Apr 2022 16:22:38 +0000

Во Србија денеска се одржуваат претседателски избори, предвремени парламентарни избори и избори за Собранието на Белград и уште 13 градови и општини, а право на глас имаат 6.502.307 граѓани кои од 7 до 20 часот гласаат на 8.267 избирачки места. Центарот за слободни избори и демократија во Србија (ЦЕСИД) ја објави проекцијата на излезноста на изборите во 2022 година, а до денеска до 17 часот на изборите гласале 45,1 отсто од запишаните избирачи.

До 18:30 часот во Пехчево гласале 70 проценти од граѓаните

Тале Кристо — Sun, 31 Oct 2021 18:18:08 +0000

Во Пехчево до 18:30 часот гласале 70 проценти од евидентираните гласачи во избирачкиот список. Како што соопшти претседателката на Општинската изборна комисија Мануела Станоевска Стоилковска избирачките места се навреме затворени и во моментот тече пребројувањрто на гласачките ливчиња. – Заклучно со 18:30 часот од запишаните 4072 граѓани со право на глас, своето избирачко право го оствариле 2874 или 70 проценти. Гласањето течеше без никакви проблеми во текот на целиот ден, поради што можеме да кажеме дека избирачкиот процес во целост се одвиваше во фер и демократска атмосфера, рече Станоевска Стоилковска. Во првиот круг во Пехчево гласале 2779 граѓани или вкулно 68,28 проценти од евидентираните гласачи.

Во Македонски Брод до 17 часот гласале 3.289 гласачи од вкупно 4.978

Тале Кристо — Sun, 31 Oct 2021 17:27:27 +0000

Во Македонски Брод со последниот направен пресек во 17 часот гласале 3289 избирачи од 4978 колку што се запишани во Единствениот избирачки список. -Во нашата општина континуирано расте излезноста на избирачи во текот на вториот изборен круг. До 17 часот, своето демократско право на глас го искористија 3289 избирачи од 4978 колку што се запишани на Единствениот избирачки список, изјави претседателот на Општинската изборна комисија Живко Столески. Тој очекува излезноста во вториот круг да биде како во првиот круг кога гласале над 73 проценти од гласачите. – Целокупната операција се одвива најнормално и очекуваме до затворање на гласачките места во 19 часот, овој процес да заврши во склад со прописите, истакна Столески. Во вториот круг од локалните избори во Македонски Брод за градоначалник се избира меѓу Жарко Ристески од ВМРО- ДПМНЕ и независниот кандидат Ацо Новески. По првиот изборен круг, предност од 220 гласа има кандидатот на ВМРО- ДПМНЕ и коалицијата.

До 17 часот во Чашка гласале 52,14 отсто од избирачите

Магдалена Андонова — Sun, 31 Oct 2021 17:17:23 +0000

Во општина Чашка до 17 часот на гласање излегле 52,14 проценти од 6171 избирач запишани во Единствениот избирачки список, на 30 избирачки места во општината, информира ОИК Чашка. Оттаму соопштија дека досега изборите се одвиваат во фер и демократска атмосфера без никакви инциденти.

Во Куманово до 17 часот гласале над 41,71 процент од избирачите

Тале Кристо — Sun, 31 Oct 2021 17:15:55 +0000

Тековно се спроведува гласањето во Куманово, соопшти претседателката на ОИК, Бранкица Димковиќ. Право на глас во најголемата општина во државата имаат 93 986 избирачи кои гласаат на 167 места. Според податоците на ДИК од досега обработените над 95 проценти до седумнаесет часот, излезноста била 41,71 проценти. Во општината Старо Нагоричане, право на глас денеска имаат 3.262 лица кои гласаат на 38 избирачки места. Гласањето се спроведува непречено, информираше претседателот на ОИК, Марјан Даиловски. Според податоците на ДИК од обработените над 99 проценти, излезноста до 17 часот била 48,96 отсто.

Во Охрид до 17 часот излезноста на изборите е 30,57, во Дебрца 30 проценти

Тале Кристо — Sun, 31 Oct 2021 16:49:31 +0000

Гласањето на Локалните избори во Охрид и во Дебрца се одвива тековно, без проблеми и во демократска атмосфера. Според информациите од ОИК, на територијата на Општина Охрид до 17 часот на гласање излегле 16.028 граѓани, или 30,57 отсто од граѓаните со право на глас. Кога станува збор за гласањето во Дебрца, до 13 часот на избирачките места излегле 30 отсто од граѓаните со право на глас или во бројки 1.347 гласачи.

Дебар: На гласачкото место 0543 излезноста до 17 часот е 64,35 отсто

Магдалена Андонова — Sun, 31 Oct 2021 16:48:54 +0000

На гласачкото место 0543 во Дебар, каде се прегласува и за градоначалник и за советници, до 17 часот излезноста е 64,35 отсто. - До 17 часот првото на глас го искористија 500 граѓани или 64,36 отсто од вкупно запишаните во избирачкиот список. Излезноста споредено со првиот круг, 17 октомври, е поголема од 19 отсто или гласале 147 граѓани повеќе. Изборниот тек минува без проблеми и очекуваме така да биде се до 19 часот кога се затвора гласачкото место, вели Рилинг Хаса, претседател на Општинската изборна комисија. На ова гласачко место во Единствениот избрачки список запишани се 777 граѓани, а во првиот круг правото го искористија 484 или 62,29 отсто.

До 17 часот во Гевгелија гласале 56,65 отсто избирачи

Тале Кристо — Sun, 31 Oct 2021 16:37:43 +0000

Заклучно со 17 часот, на 36 избирачки места во општина Гевгелија гласачкото право во вториот круг на Локалните избори го оствариле 10 806 граѓани што претставува излезност од 56,65 отсто, соопшти Митко Ризов, претседател на ОИК Гевгелија. Посочи дека гласачкиот процес тече мирно, како и што почна, и дека се надева оти така ќе заврши и во останатите неполни два часа до затворањето на избирачките места во 19 часот. Моментниот процент на излезност во општина Гевгелија укажува дека ќе го достигне најмалку процентот на излезност во првиот круг од 63,12 отсто.

Во Кичево до 15 часот гласале вкупно 16.426 граѓани

Тале Кристо — Sun, 31 Oct 2021 15:52:29 +0000

Во општина Кичево до 15 часот гласале 16 426 граѓани или 32,37 отсто. Се работи за 95 избирачки места од 120, колку што има во оваа општина, потврдија од ОИК за Кичево. – Во нашата општина до 15 часот своето демократско право на глас го искористија 16 426 граѓани или 32,37 отсто. Како и во претходните пресеци, така и овој пат бројката не е конечна бидејќи се работи за извадок од 95 од 120 избирачки места колку што има во нашата општина, велат од ОИК. Според Теанула Станкоска од ОИК за општина Кичево, ако се има предвид дека бројот на гласачи пред избирачките места е доста голем, за очекување е во попладневните часови излезноста да биде и осетно зголемена.