излезност – Kurir.mk

Гласањето во Маврово и Ростуше без пречки, излезноста 14,11 проценти

Тале Кристо — Sat, 20 Aug 2022 11:04:41 +0000

На гласањето за градоначалник на општина Маврово и Ростуше до 11 часот на избирачките места излегле 1.404 лица со право на глас. Тоа е 14,11 проценти од вкупниот број на граѓани запишани во избирачкиот список, информираа од ОИК Маврово Ростуше. Според претседателката на ОИК, Ивана Ѓорѓиевска до сега не се забележани неправилности или прекини во изборниот процес и се се одвива во нормални услови. Претходно, на првиот пресек до девет часот, во општина Маврово-Ростуше на гласање излегле 549 гласачи, односно излезноста беше 5,52 отсто. Во оваа општина има 39 избирачки места за право на глас имаат 9.948 граѓани. На овие избори се гласа во еден круг за градоначалник бидејќи има двајца кандидати.

Излезноста во Центар Жупа до 11 часот 14 отсто

Тале Кристо — Sat, 20 Aug 2022 10:06:33 +0000

Во општина Центар Жупа, каде денеска се спроведуваат втори повторени избори за градоначалник, до 11 часот правото на глас го оствариле 1.035 лица или 14 отсто, од вкупно 7154 запишани избирачи. -Излезноста постепено се зголемува, што е вообичаено за секои избори. До 9 часот имавме 5,69 отсто излезност додека два часа подоцна излезноста е 14 отсто. Во сите 16 гласачки места изборниот процес минува без проблеми, рече Неџип Илјаз, претседател на општинската изборна комисија. Споредено со повторените избори на 17 април, кога до 11 частот правото на глас го остварија 593 лица или 8,38 отсто денеска излезноста е поголема за 5,62 отсто. Вчера правото на глас во оваа општина го искористија 29 болни и немоќни лица.

ДИК: До 9 часот излезноста во Маврово-Ростуше 5,52 отсто, во Центар Жупа 5,69

Тале Кристо — Sat, 20 Aug 2022 09:25:50 +0000

Скопје, 20 август 2022 (МИА) – До девет часот во општина Маврово-Ростуше на гласање излегле 549 гласачи или излезноста е 5,52 отсто, а во Центар Жупа излегле 407 гласачи или 5,69 отсто. Во Тетово до девет часот од обработени 94 избирачки места гласале 1.755 гласачи додека останатите избирачки места се во обработка. Портпаролката на ДИК Љупка Гугутчевска на првата прес-конференција во Скопје информираше дека сите гласачки места се отворени навреме и дека гласањето се одвива тековно, без проблеми. До ДИК, како што посочи Гугутчевска, пристигати се пет приговори за заштита на избирачко право и сите пет се прифатени. – Четири се од општината Центар Жупа и еден од општина Тетово. Сите пет приговори се прифатени, рече портпаролката на ДИК. Следната прес-конференција на ДИК е најавена во 11:30 часот, а ќе се одржи во Тетово каде на терен се членови од ДИК. Во текот на вчерашниот ден гласале вкупно 93 болни и изнемоштени лица и 94 гласачи кои се на издржување казна затвор или во притвор во пет казнено-поправни установи. Во Центар Жупа се гласа за еден кандидат за градоначалник, додека во Маврово-Ростуше за двајца кандидати за градоначалник. За изборите за градоначалник да бидат успешни потребно е на гласање да излезат најмалку една третина од запишаните избирачи и мнозинството да гласаат за еден од кандидатите, односно за едниот кандидат во Центар Жупа. Во општина Тетово на гласачкото ливче има 13 листи на кандидати за членови во Советот на општината. Мандатите ќе бидат распоредени според бројот на добиени гласови користејќи ја Донтовата формула.

Излезноста до 9 часот во Центар Жупа 5,69 отсто

Тале Кристо — Sat, 20 Aug 2022 08:11:00 +0000

Непречено се одвива изборниот процес во општина Центар Жупа, каде до 9 часот правото на глас го оствариле 407 лица. -Во процент тоа изнесува 5,69 отсто од вкупно запишаните 7.154 гласачи. Гласањето се одвива без проблеми и се надеваме дека така ќе биде до затворањето на избрачките места. Вообичаено поголема излезност се очекува во попладневните часови, вели Неџип Илјаз, претседател на општинската изборна комисија. Споредено со редовните локални избори на 17 октомври минатата година, бројот на оние кои го остварите правото на глас е поголем за 4,09 отсто. Тогаш до 9 часот гласале 120 лица или 1,6 отсто од 7.317 колку што беа во единствениот избирачки список. Во април пак излезноста беше 2,17 отсто од запишаните 7077 лица, што значи дека денеска излезноста до 9 часот е поголема за 3,52 отсто. Според Излјаз, членовите на комисијата се во постојана обиколка на 16-те гласачки места.

Над 40 отсто излезност до 17 часот – највисока излезност во Вевчани, Конче и Ранковце, најниска во Сарај и Шуто Оризари

Дарко Андоновски — Sun, 31 Oct 2021 16:47:08 +0000

Од 83,29 обработени податоци од избирачки места на кои се гласа, до 17 часот излезноста е 42,85 отсто . Највисока излезност, со над 70 отсто, има во Вевчани, Конче и Ранковце. Најниска, пак, под 30 отсто, има во Сарај и Шуто Оризари. На ниво на град Скопје процентот на излезност е 39,99, а најголема излезност има во Карпош. Од ДИК соопштија дека продолжување на времето за гласање ќе во девет избирачки места каде сабајлево имаше проблеми со уредите за биометриска идентификација, па гласањето започна подоцна.

Во Битола до 17 часот излезноста е 50,42 проценти, а во Демир Хисар 67,54 проценти

Дарко Андоновски — Sun, 31 Oct 2021 16:43:54 +0000

Во пелагониските општини Битола и Демир Хисар продолжува демократскиот изборен процес за градоначалник во рамки на вториот круг од Локалните избори. На територијата на Општина Битола право на глас имаат 80.882 лица, а на 170 избирачки места до 17 часот гласале 50,42 отсто од жителите евидентирани во Единствениот избирачки список, соопшти Игор Талевски, претседател на ОИК-Битола. На територијата на Општина Демир Хисар се гласа на 36 избирачки места. – Право на глас имаат 6.959 лица евидентирани во Единствениот избирачки список, а до 17 часот гласале 67,54 проценти од граѓаните со право на глас, изјави Благојче Брсаковски, претседател на ОИК-Демир Хисар.

И натаму во Карпош и во Центар е најголема излезноста во Скопје

Дарко Андоновски — Sun, 31 Oct 2021 15:34:42 +0000

Според податоци на Државната изборна комисија до 15 часот, најголема излезност на гласачи има во општината Карпош со 38,94 проценти, а потоа во Центар со 37,81 излезени гласачи. Потоа следуваат општините Кисела Вода – 35,11 проценти, Аеродром - 35 проценти, Ѓорче Петров – 33,51 проценти, Гази Баба –30,55 проценти, Бутел - 29,79 проценти, Чаир 30 проценти, Шуто Оризари со 21,55 отсто излезени гласачи, а во Сарај излезноста изнесува 15,85 проценти. Од поголемите општини најголема е излезноста во Битола и во Охрид. Во Битола излезноста до 15 часот изнесува 42,24 проценти, во Куманово излегле 29,60 отсто од гласачите, во Охрид 41 отсто, Кичево 32,44 отсто, Тетово 31 отсто, a во Гостивар изнесува 28,15 отсто.

Излезеноста во Ранковце до 15 часот е 60.15 отсто

Дарко Андоновски — Sun, 31 Oct 2021 15:32:07 +0000

На тринаесет избирачки места во општина Ранковце до 15 часот излезноста на гласачите е 60.15 отсто. Право на глас во општината имаат 3014 граѓани. – Во Општина Ранковце изборниот процес се одвива непречено. Сите избирачки места беа отворени навреме и досега по сите информации од терен целокупниот процес се одвива без какви било неправилности и пречки, информира Орце Тодоровски, претседател на Општинската изборна комисија на Ранковце. Во текот на вчерашниот ден во оваа општина гласале 66 болни и изнемоштени лица, како и 14 лица во изолација, заболени од Ковид-19.

Во Скопје до 15 часот најголема излезност во Карпош 38,94 отсто

Тале Кристо — Sun, 31 Oct 2021 15:15:52 +0000

Најголема излезност на гласачите во четирите скопски општини каде во вториот круг на Локалните избори се бираат градоначалници има во Карпош – 38,94 отсто. Во Центар до 15 часот на гласање излегле 37,81 отсто од запишаните избирачи, додека во Чаир 30,03 отсто. Во Шуто Оризари има најмала излезност во споредба со другите три општини – 21, 55 отсто. Излезноста до 15 часот во 44 општини и Скопје каде се гласа за градоначалници, како што објави Државната изборна комисија, изнесува 34, 22 отсто.

Во Општина Гевгелија до 15 часот близу 45 отсто излесност

Дарко Андоновски — Sun, 31 Oct 2021 14:53:29 +0000

Излезноста на гласачите во Општина Гевгелија, заклучно со 15 часот изнесува 44,62 отсто од гласачкото тело. Како што посочуваат од ОИК Гевгелија, споредено со првиот круг од пред две недели излезноста на вториот круг е поголема за 4,5 отсто во истиот временски интервал. На 36 избирачки места, до 15 часот, гласот за едниот од двајцата кандидати за градоначалник, го дале 8512 граѓани. Според Избирачкиот список, право на глас во Општина Гевгелија имаат вкупно 19 076 граѓани.