измамен – Kurir.mk

Нарачал спална соба, но никогаш не ја добил – тетовец олеснет за околу 1.000 евра

Тале Кристо — Mon, 26 Dec 2022 15:16:27 +0000

На 25.12.2022 во 11.20 часот во Полициското одделение Групчин, 51-годишен жител на тетовско село пријавил дека бил измамен од сопственик на правно лице за производство на мебел од гостиварско село. Според пријавеното, на 10.09.2022 тој се договорил со лицето да му направи спална соба, по што потпишале договор и веднаш му дал капар од 400 евра, а после тоа во два наврати му дал уште 700 евра. Како што е пријавено, до моментот на пријавувањето, лицето не ја доставило нарачката и не му се јавувало на телефонските повици. Се преземаат мерки за расчистување на случајот.

Кавадарец измамен за над 300 евра, му било ветено изработка на кујна

Тале Кристо — Tue, 27 Sep 2022 14:57:03 +0000

На 26.09.2022 во полициската станица во Кавадарци, 40-годишен кавадарчанец пријавил дека бил измамен од едно лице за сума од 19.000 денари. Според пријавеното лицето му се јавило и му порачало да му изработи кујна, а капар ќе му даде во текот на денот во Велес. Како што е пријавено, во меѓувреме лицето повторно му се јавило и го замолило пријавителот да однесе 19.000 денари на друго лице од Кавадарци на кое му должело пари, а дека ќе му ги врати при подигање на капарот во Велес. Исто така, според пријавеното, откако ги однел парите отишол во Велес и не успеал телефонски да го добие лицето, сфатил дека е измамен. ОВР Кавадарци презема мерки за расчистување на случајот.

Платил 500.000 денари за пиперки, но не ги добил

Ристе Здравков — Wed, 19 Sep 2018 11:52:16 +0000

Бугарскиот државјанин П.К.(43) од Софија е оштетен за 483.640 денари откако дошол во селото Обршани, општина Кривогаштани, да купи пипер. Количините што ги таксал ги исплатил, почекал да се товарат во камион и заминал. Но, сфатил дека е измамен откако камионот не пристигнал на договореното место. Како што соопшти МВР, П.К. го пријавил случајот вчера во Полициската станица Прилеп. Истиот ден во Полициското одделение Кривогаштани е повикан Н.Х. (46) од село Обршани и од него одземена е документација од правното лице што го застапува. По целосно документирање на случајот ќе биде поднесен соодветен поднесок.

Дедо измамен и ограбен на скопските клиники

Дарко Андоновски — Thu, 19 Jul 2018 12:25:09 +0000

На В.Р. (86) од Скопје со измама му се одземени 18.000 денари додека бил во комплексот клиники „Мајка Тереза", соопшти МВР. Измамата ја сторило засега непознато лице кое, откако дознало за што е дојден В.Р., му рекло дека ќе треба да направи снимка на Клиниката за радиологија и дека за тоа треба да му даде 4.000 денари. В.Р. ја немал бараната сума во себе, поради што заедно отишле до банкомат. Измамникот со картичката на В.Р. извадил одредена сума, ги зел парите и му ја вратил картичката на оштетениот. Откако се вратиле на Клиниката за радиологија му рекол на В.Р. да го чека, по што заминал и не се вратил. В.Р. завчера извадил извештај од банка и забележал дека на 13 јули од кредитната картичка во два наврата се подигнати вкупно 18.000 денари, а случајот го пријавил вчера. Се преземаат мерки за негово расчистување и пронаоѓање на сторителот.

Прилепчанец измамен при купување пумпа за бетон „Мерцедес“ од Германија

Дарко Андоновски — Wed, 09 May 2018 10:10:37 +0000

Прилепчанец бил измамен кога сакал да купи пумпа за бетон „Мерцедес“ преку популарната германска веб-страна за огласи mobile.de. Како што информира полицијата, тој по претходен договор уплатил 9.000 евра, по што продавачот на машината исчезнал. Во полициската станица Прилеп, вчера Ф.И. (31) пријавил дека пред околу 30 дена на германската интернет страна „mobile.de“, забележал оглас на кој се продавало работно возило-бетон пумпа „Mercedes Benz Actors“, на кој имало и податоци за лицето за контакт Р.Б. и бил оставен контакт телефон и e-меил адреса. Пријавителот остварил контакт со лицето Р.Б. кој се претставил како овластено лице на правното лице „MK EXLUSIVE Gmbh“ од Германија, во чија сопственост било возилото за продажба и преку e-меил му испратил податоци за возилото односно примерок од сообраќајна дозвола. На 19.04.2018 година пријавителот уплатил 9.000 евра и податоците од уплатата ги доставил преку интернет пошта на пријавеното лице и се договориле на 26.04.2018 година да остварат средба во Германија. Пред договорената средба, пријавениот побарал дополнителни 10 отсто од висината на продажната цена на возилото, со образложение дека за возилото имало заинтересирани купувачи кои нуделе повисока цена. Пријавителот не се согласил и побарал да му бидат рефундирани претходно уплатените парични средства. На 26.04.2018 година пријавителот се обидел да оствари контакт со лицето Р.Б., но на посочената адреса не постоело правно лице. Оштетениот настанот го пријавил и на германските полициски служби.