Измамени скопјанец и косовски државјанин, им одзеле околу три илјади евра

Тале Кристо — Wed, 03 May 2023 16:03:07 +0000

Косовски државјанин и 63-годишен скопјанец биле измамени во два одделни случаи. Во првиот случај, како што информира МВР, Ш.К. од Косово вчера на пладне пријавил во полиција дека на подрачјето на Карпош бил измамен од едно лице за сума од 500 евра. Според пријавеното, лицето му се доближило и го прашало дали сака да купи три камења – дијаманти од негов пријател од Кувајт, кој бил со него. Како што е пријавено, тој му ги дал парите, по што лицата заминале, а тој по кратко време сфатил дека бил измамен. Во вториот случај, 63-годишен скопјанец пријавил во полиција дека бил измамен за сума од 2.300 евра од едно лице, кое се претставило дека е од Република Турција. Според пријавеното, на 25 април 2023 година преку социјална мрежа и преку електронска пошта лицето го контактирало и го известило дека бил наследник на поголема сума на пари во банка. Како што е пријавено, лицето му побарало да испрати лични податоци преку електронска пошта и пари за наводни трошоци. Исто така, според пријавеното, тој ги испратил личните податоци по меил, а парите преку брз трансфер, по што прекинала комуникацијата со лицето и тој сфатил дека бил измамен. Полицијата презема мерки за расчистување на случаите.

Пензионери од Штип и Свети Николе измамени при набавка на огревни дрва

Магдалена Андонова — Wed, 16 Sep 2020 12:45:08 +0000

Две измами со огревно дрво се регистрирани во Свети Николе и Штип, во кои повторно жртви на измамнинците се пензионери. Во првиот случај 87 годишен пензионер од Штип пријавил дека вчера бил измамен од едно лице за сума од 6.000 денари. Портпаролот на СВР-Штип, Гордана Панајотова вели дека според пријавеното, околу 12:00 часот во неговиот дом на ул.„Цветан Димов“ во Штип дошло лицето и му понудило огревно дрво, а откако се договориле тој му ги дал парите, по што лицето заминало и не му донело дрва. Во вториот случај жртва е 67 годишна пензионерка од Свети Николе, која пријавила дека била измамена од едно лице за сума од 7.000 денари. во нејзиниот дом на ул. „Ванчо Ангелов“ во Свети Николе дошло лицето и и понудило три кубни метри огревни дрва за сума од 7.000 денари. Според пријавата, таа му ги дала парите, по што заминало, но не и донело дрва. Полцијата и во двата случаи постапува. Панајотова апелира граѓаните да не наседнуваат на ваквите измами, кои не се први случаи во источниот регион, во кои се измамени пензионери. (МИА)

измамени – Kurir.mk

Измамени скопјанец и косовски државјанин, им одзеле околу три илјади евра

Пензионери од Штип и Свети Николе измамени при набавка на огревни дрва