измамници – Kurir.mk

На овие знаци не можете да им верувате, тие се најголемите измамници

Ивона Петрова — Tue, 02 May 2023 20:40:59 +0000

Светот на хороскопите е полн со различни личности, а меѓу нив има и некои лукави измамници. Ви откриваме кои хороскопски знаци имаат репутација на најголеми измамници и на кој знак во никој случај не можете да му верувате. БЛИЗНАЦИ Близнаците се познати по својата сомнителна природа. Тие се мајстори за преправање и можат да се прилагодат на различни ситуации. Нивните комуникациски вештини се исклучителни, но понекогаш ја користат својата дарба на говор за да ја извртуваат вистината. Доколку се најдете во друштво на Близнаци, бидете внимателни и проверете ги нивните намери. ШКОРПИЈА Шкорпиите се познати по својот мистериозен и манипулативен карактер. Тие се мајстори да ги сокријат своите вистински намери и лесно можат да ве измамат. Нивната емоционална длабочина може да ги доведе до нечесни постапки за да ги постигнат своите цели. Ако забележите сомнителни сигнали или чувствувате дека нешто не е во ред со една Шкорпија, подобро е да бидете внимателни. ВАГА Иако Вагите обично се трудат да одржуваат рамнотежа и мир, понекогаш знаат да бидат многу лукави. Нивната склоност да избегнуваат конфликти и неодлучност може да ги доведе до нечесни постапки. Вагите понекогаш избегнуваат да се соочат со вистината и може да се обидат да се извлечат од непријатните ситуации користејќи лукави методи. Внимавајте ако се најдете во ситуација Вагата да се обиде да манипулира со вас. РИБИ Иако Рибите се познати по нивната чувствителност и сочувство, тие понекогаш можат да имаат тенденција да ги кријат своите вистински намери. Нивната тенденција да фантазираат и да избегаат од реалноста може да ги доведе до измама. Понекогаш Рибите ќе ја искористат својата сочувствителна природа за да ја добијат довербата на другите луѓе, а потоа ќе ја искористат таа ситуација во своја полза. Внимавајте ако стекнете впечаток дека Рибите „ве имаат околу малиот прст“.

Кривична пријава против две лица за „злоупотреба на лични податоци“ и „измама при добивање кредит и друга погодност“

Тале Кристо — Thu, 16 Mar 2023 09:51:24 +0000

Единица за економски и компјутерски криминал при СВР Скопје поднесе кривична пријава против А.Б.(46) и З.З.(56), двајцата од Скопје, поради постоење основано сомнение за сторени кривични дела „злоупотреба на лични податоци“ и „измама при добивање кредит и друга погодност“, казниви по чл.149 и по чл.249 од Кривичниот законик. Имено, првопријавениот А.Б. на 20.08.2021 побарал лична карта и здравствена легитимација од оштетениот М.Б., со изговор дека му требаат за земање лекови и, по претходен договор, ги дал на второпријавениот З.З., кој бил надворешен соработник во финансиско друштво од Скопје, со цел добивање на брз кредит од финансиското друштво, при што второпријавениот З.З. поднел апликација и добил кредит на име на оштетениот М.Б., без негово знаење и согласност.

Во овие знаци се раѓаат ИЗМАМНИЦИ

Ивана Ефремовски — Wed, 23 Nov 2022 12:32:07 +0000

Лицата од овие хороскопски знаци често можат да ве измамат. Близнаци: Измамуваат од чиста здодевност Близнаците не сакаат рутина, а ако во врската почувствуваат дека се приближуваат до таа категорија, без проблем ќе побараат нешто ново кај некој друг. Лав: Измамува бидејќи сака повеќе внимание Колку и внимание да му давате на Лавот веројатно не е доволно. Лавовите се опседнати со идејата светот да се врти околу нив, а ако на секунда не се задоволни со количеството внимание кое го добиваат бргу ќе го добијат од некој друг. Скорпија: Измамува бидејќи сака да ја шири љубовта Скорпиите се многу сексуални битија и сакаат да ја шират љубовта каде и да можат, а тоа најчесто значи и дека ќе ја шират меѓу луѓето со кои не се во врска.

Хаос во САД: Измамници одзеле 163 милијарди долари како надомест за невработеност во пандемијата

Ивана Ефремовски — Wed, 19 Oct 2022 19:40:20 +0000

Според генералниот инспектор на Министерството за труд против повеќе од 1.000 лица во САД се покренати кривични пријави за измами со надомест за невработеност за време на Ковид-19 пандемијата. Десетици се веќе уапсени, но има илјадници се уште неоткриени, додека стотина милијарди долари треба да бидат лоцирани, за кои се верува дека се украдени со помош на лажни пријави, јави денеска Ен-пи-ар. Според Министерството за труд на САД, на национално ниво 163 милијарди долари би можеле да бидат исплатени неправилно на отпуштените од работа за време на Ковид пандемијата. Одделот за вработување и развој на Калифорнија смета дека измамниците успеале да земат над 20 милијарди долари или 11 отсто од вкупната сума доделена за државата. Ова е најголемата досега украдена пандемиски сума пари споредено со другите сојузни држави. Главен начин за незаконско добивање на средствата е лажно пријавување со украдени социјални броеви и измислени или украдени имиња, укажува службеник од министерството. Овие податоци се продаваат на даркнет од хакери и се користат од организирани групи. Но, има и индивидуалци кои работат самостојно и живеат од владините програми за помош користејќи ги пропустите во системот вклучително и со пандемискиот надомест, велат познавачите. Како што јави дописникот на МИА од Вашингтон, за време на Ковид-19, сојузните и државните органи се фокусираа на брзината на распределување на помошта во висина од пет трилиони долари и ја занемарија безбедноста и проверката на податоците на пријавените, за да се олесни најголемата економска криза од Големата депресија. Властите досега одзедоа околу една милијарда долари од сметки на дебитни картички оформени со измама. Национална оперативна група за идентификација на измамите е активирана од Министерството за правда. ФБИ и областните обвинители во повеќе сојузни држави продолжуваат со истрагата за која се очекува да трае со месеци. (МИА)

Кривичнa пријавa за двајца измамници: Барале пари за лекување на болни лица, нарачувале мебел, продавале старо железо…

Магдалена Андонова — Fri, 26 Aug 2022 12:31:23 +0000

Секторот за внатрешни работи Тетово, до Основното јавно обвинителство Тетово, поднесе кривична пријава против Б.А.(35) од Скопје и Р.З.(22) од Тетово поради постоење основи на сомнение дека сториле седум кривични дела „измама“. Двајцата се сомничат дека самостојно или заедно, во периодот од февруари до мај годинава измамиле седум лица од Тетово, тетовските села Мала Речица, Желино, Долно Палчиште, Пирок, Шипковица и скопско Бојане. Во овој период, најчесто телефонски Б.А. им се јавувал на оштетените и им нарачувал мебел, им продавал старо железо, им нудел занаетчиски услуги, барал од нив да купи технички производи, барал пари за лекување на болни лица и друго. Првопријавениот, потоа го ангажирал Р.З. да ја преземе наплатата на паричните средства, исто така, пласирајќи им на оштетените различни приказни.

Приведени измамници во Тетово

Катерина Бојаџиева — Thu, 23 Jun 2022 10:06:57 +0000

На 22.06.2022 околу 13.15 часот, полициски службеници на СВР Тетово ги лишиле од слобода Б.Д.(24) од тетовска Мала Речица и Р.М.(46) од Тетово. Претходно, тие биле пријавени од вработен во угостителски објект дека претходната ноќ лажно претставувајќи му се во име на друго лице, управувајќи такси возила, во неколку наврати го измамиле, а тој им исплатил 18 илјади денари. Двајцата се задржани во Полициската станица Тетово и по целосно документирање на случајот ќе им биде изготвен соодветен поднесок по член 247 од Крвичниот законик.

Кривична пријава за сопружници- измамници од Дебар

Катерина Бојаџиева — Mon, 18 Apr 2022 10:55:35 +0000

ОВР Дебар поднесе кривична пријава против А.Ц.(39) и Ќ.Ц.(46), двајцата од Дебар, поради постоење основи на сомнение за сторени кривични дела „измама“ и „злоупотреба на лични податоци“. Пријавените сопружници, во периодот од 2010 до 2022 година, свесно и со умисла, во неколку наврати довеле во заблуда повозрасна жителка од Дебар која, од една банка и 2 финансиски друштва, подигнала кредити и како заем им ги дала на пријавените кои и ветиле дека парите ќе и ги враќале на рати. Пријавените, исто така, ги злоупотребиле личните податоци од личната карта на оштетената и од нејзината е-маил адреса до едно финансиско друштво поднеле онлајн апликација за добивање брз кредит, по што парите ги подигнале од нејзината трансакциска сметка. Со тоа, пријавените се стекнале со противправна имотна корист од 777.000 денари.

Налудничавите теории на заговор: Руски измамници продаваат уреди за „дечипирање“ после вакцина

Ивана Ефремовски — Tue, 30 Nov 2021 11:33:34 +0000

„Досетливи“ Руси почнале во својата земја да продаваат „уреди за дечипирање“ – што би се користеле за после вакцина против коронавирус. Имено, д-р Георги Костјук, главен лекар во Психијатриската клиничка болница во Москва, објасни дека измамниците развиле „дечипатор“ – мал уред „за еднократна употреба“ што се закачува на местото на инјекцијата. Теоретичари на заговор ги уверувале следбениците дека со „дечипирање“ ќе се уништат „сите чипови што биле вбризгани“ со вакцината во раката. Налудничавите теории на заговор за „чипирањето“, според наводите, се особено популарни во земји како Русија и Бугарија, каде што стапката на вакцинација е мала, но бројот смртни случаи е огромен. Уред за дечипирање си купиле Руси кои биле вакцинирани за да не останат без работа или да заминат на одмор. Рускиот психијатар истакнува дека „приказните за микрочипови се глупави и чудни“. Досега, 39 отсто од Русите се вакцинирани со две дози против коронавирусот. (МИА)

Приведени двајца измамници од Скопје откако по нив била распишана потерница

Магдалена Андонова — Mon, 27 Sep 2021 11:09:30 +0000

Денеска (27.09.2021) од 09.15 до 10.20 часот на ул.„Виктор Иго" во Скопје, полициски службеници од Оперативен тим Потраги, по распишана потерница од Основен суд Скопје 1, ги лишиле од слобода Л.М.(69) и С.М.(70). Двајцата се од Скопје, за издржување казна затвор од две и една година за сторено кривично дело „измама“ по член 247 од Кривичниот законик. Тие ќе бидат предадени на казнено – поправна установа за издржување на казните.

МВР со важна информација за сите кои се на план да купат автомобил

Тале Кристо — Thu, 03 Dec 2020 12:48:04 +0000

Зачестени се кривичните дела измами при купопродажба на патнички моторни возила на територијата на државава. Затоа апелираме до граѓаните да бидат внимателни и да не склучуваат договори за продажба на автомобили без да им бидат исплатени парите, порачуваат од Министерството за внатрешни работи. -При вршење на измамите, од страна на измамници се склучуваат нотарски договори без да бидат дадени пари на продавачот на возилото, притоа искористувајќи повеќе невистинити искази за одолговлекување на плаќањето. Потоа, измамниците одбегнуваат секаков контакт со оштетените, стекнувајќи се со противправна имотна корист, велат од МВР и додаваат дека преземаат засилени мерки за расчистување на пријавените измами.