измамник – Kurir.mk

Приведен измамник баран со централна потерница за издржување на двегодишна затворска казна

Катерина Бојаџиева — Thu, 09 Mar 2023 13:18:23 +0000

Денеска (09.03.2023) во 13.05 часот на ул.„Скупи“ во Скопје, полициски службеници од Оперативен тим потраги при СВР Скопје го лишиле од слобода И.С.(48) од Скопје. Тој бил баран по централна потерница, врз основа на наредба од Основен кривичен суд Скопје, за издржување казна затвор од две години за сторено кривично дело по член 247 од Кривичниот законик. Лицето ќе биде спроведено во надлежната казнено - поправна установа за издржување на казната.

Приведен измамник кој лажел повозрасни лица за да им изнуди пари

Тале Кристо — Sun, 02 Oct 2022 12:03:29 +0000

Денеска (02.10.2022) во 09:00 часот на Граничниот премин Деве Баир полициски службеници го лишија од слобода Н.П.С. (34) од Плевен, Република Бугарија. По претходно преземени оперативно тактички мерки од страна на СВР Скопје и добиени оперативни податоци од бугарските полициски служби, утврдено е дека Н.П.С. е сторител на повеќе кривични дела „измама“ по чл.247 од КЗ. Имено, во периодот од 18.09 до 01.10. на подрачјето на СВР Скопје биле пријавени осум измами, при што од оштетените- повозрасни лица, тој успеал да одземе околу 40.000 евра и злато во вредност од околу 10.000 евра. Измамникот успевал оштетените да ги доведе во заблуда телефонски јавувајќи им се и кажувајќи им дека член на нивното потесно семејство наводно предизвикал сообраќајна несреќа, при што има загинато дете, и доколку сака да го спаси од одење во затвор, барал од оштетените поголема сума на пари. При извршениот претрес кај Н.П.С. се пронајдени 10.400 евра,картици за телефон,телефон и други предмети поврзани со кривичните дела. По документирање на случаите, ќе биде поднесена кривична пријава до надлежното обвинителство. Апелираме до граѓаните да внимаваат и да не наседнуваат на вакви измами, а доколку добијат вакви повици, случајот веднаш да го пријават во најблиската полициска станица или на бесплатниот телефонски број 192.

НАРОДЕ ВНИМАВАТЕ, ИЗМАМНИЦИ ОПЕРИРААТ НАОКОЛУ: Измамена 73-годишна жена од Кавадарци – лажен инспектор и земал сто илјади денари и 450 евра

Тале Кристо — Tue, 19 Jul 2022 14:03:41 +0000

Повозрасна кавадарчанка била измамена од лажен инспектор, кој и земал сто илјади денари и 450 евра, информираа денеска од СВР Велес. – Вчера во 11.30 часот во ОВР Кавадарци, 73-годишна жена од Кавадарци пријавила дека била измамена од едно лице за сума од 100.000 денари и 450 евра. Според пријавеното, лицето и се јавило, се претставило дека е полициски инспектор и дека нејзиниот внук и неговата девојка со автомобил удриле дете мигрант. Како што е пријавено, лицето и побарало 50.000 евра за да помогне на нејзиниот внук да не оди во затвор, а откако му кажала дека ја има само наведената сума, лицето се согласило и извршиле примопредавање на парите, по што лицето го прекинало контактот со неа, соопштија од СВР Велес. Оттаму додаваат дека се работи на расчистување на случајот и по целосно документирање ќе следи соодветна пријава. – Поради ваквите зачестени случаи, апелираме до граѓаните да внимаваат и не наседнуваат, а ваквите и слични случаи редовно да ги пријавувааат во полиција, нагласија од СВР Велес.

Кривична пријава за измамник од Скопје

Магдалена Андонова — Tue, 28 Jun 2022 14:48:46 +0000

СВР Скопје поднесе кривична пријава против А.В.(33) од Скопје, поради постоење основи на сомнение за сторено кривично дело „измама“. Во текот на февруари 2022 година, пријавениот, користејќи група на социјалната мрежа Фејсбук, измамил 60-годишна жена од Скопје дека е адвокат, при што за наводна правна услуга против нејзиниот поранешен работодавач, во три наврати ја навел да му исплати 28.500 денари.

Приведен измамник од Скопје, осуден на казна затвор од над 4 години

Ивана Ефремовски — Mon, 04 Apr 2022 12:50:56 +0000

Денеска (04.04.2022) во 13.30 часот на бул.„Мајка Тереза“ во Скопје, полициски службеници од Оперативен тим потраги при СВР Скопје го лишиле од слобода А.Н.(68) од Скопје. Тој бил баран по централна потерница за доиздржување на затворска казна од 1 година и 7 месеци во Казнено-поправната установа Затвор Скопје, за сторено крвично дело по член 247 од Кривичниот законик, за што бил осуден на казна од 4 години и два месеца. Лицето ќе биде спроведено во казнено-поправната установа за доиздржување на казната.

Кривична пријава за измамник, сакал да наплати осигурување за измислена сообраќајка

Катерина Бојаџиева — Wed, 30 Mar 2022 12:32:30 +0000

Единица за економски и компјутерски криминал поднесе кривична пријава против В.Р.(58) од Скопје поради постоење основи на сомнение за сторено кривично дело „измама" по член 247 став 3 во врска со став 7 од Кривичниот законик. Во текот на јули 2019 година пријавениот се обидел да ги доведе во заблуда одговорните лица во осигурителна компанија во Скопје. Во својство на осигуреник/договарач на полиса за каско осигурување на неговото патничко возило „ауди а4“, поднел барање за надомест на штета од наводна сообраќајна несреќа со возилото, која, според неговото тврдење, се случила на територијата на Република Албанија во истиот месец и во прилог на барањето приложил документација со изјава наводно издадена од овластени лица од МВР на Република Албанија. По преземени мерки било утврдено дека на наведениот ден нема заведена сообраќајна несреќа во Република Албанија и на тој начин пријавениот се обидел да ги доведе во заблуда одговорните лица во осигурителната компанија да му исплатат надомест на штета во износ од 924.423 денари.

Приведен 18- годишник од Романија кој измамил жена од Скопје

Катерина Бојаџиева — Wed, 02 Mar 2022 10:28:43 +0000

На 01.03.2022 во Полициската станица Карпош бил приведен Л.Г.(18) од Романија. Тој се сомничи дека на 17.02.2022 измамил 77-годишна жена од Скопје, односно дека сторил кривично дело по член 247 од Кривичниот законик. Според пријавеното, тој се претставил како бизнисмен од странска земја и нудел предмети на продажба, а притоа барал да му се плати во злато. Со Л.Г. бил извршен службен разговор во присуство на Јавен обвинител и по целосно документирање на случајот против него ќе биде поднесена соодветна пријава.

ВМРО-ДПМНЕ: Заев е измамник и губитник, наместо да бара аплауз треба веднаш да си ја поднесе оставката

Тале Кристо — Tue, 09 Nov 2021 21:34:51 +0000

Аплауз за Заев е доказ дека тие околу него се отсутни од реалноста. Се прашуваме за што му аплаудираат, за инфлацијата, за поскапувањето на струјата, за пожарот во РЕК Битола или тоа што нема струја или за тендерите со кои партал ја направи државата?, велат во партиското соопштение од ВМРО-ДПМНЕ. Дали можеби му аплаудираа на Заев за немањето одговорност за 14-те изгорени во моуларната во Тетово или за 500 заболени од ковид дневно и што сме со во врвот со највисока стапка по починати во светот? Дали му аплаудираа на Заев за тоа што сме најлоши по корупција на 111 место во светот или што сме прогласени за хибриден режим? СДСМ да појаснат за што точно е аплаузот за Заев. Отсуството од реалноста на СДСМ се гледа и по тоа што во криза дотерани во скапи автомобили се појавија да му дадат аплауз на Заев откако ги предводеше во катастрофален пораз и бега од одговорност и ветениот збор. Лажгото Зоран Заев повторно не си достои на зборот. 9 дена по најавената фејсбук оставка, пропадна во земја, за да денес го храбрат неговите неколкумина соработници во криминал. Заев е измамник и губитник, наместо да бара аплауз треба веднаш да си ја поднесе оставката, се вели во соопштението на ВМРО-ДПМНЕ.

Приведен измамник од Скопје

Дарко Андоновски — Wed, 01 Sep 2021 11:06:41 +0000

Полицијата утрово го лишила од слобода А.М.(35) од Скопје, кој се барал со потерница за истрага за сторено кривично дело „измама“. Од МВР соопштија дека лицето кое било приведено на улицата „Ангел Димовски“ во Скопје е предадено во Полициската станица Аеродром за понатамошна постапка.

Кривична пријава за измамник од Кочани, еве што направил

Ивана Ефремовски — Mon, 30 Aug 2021 13:28:49 +0000

ОВР Кочани поднесе кривична пријава против Д.Ѓ.(26) од Кочани поради постоење основи на сомнение за сторени кривични дела „злоупотреба на лични податоци“ и „измама“. Пријавениот, во периодот од 03.03.2020 до 02.04.2020 година, откако претходно ги набавил личните податоци и податоците за трансакциска сметка на В.С. од село во кочанско, без негова согласност ги искористил во седум наврати за да аплицира за брзи кредити во различни финансиски друштва. Потоа, го довел во заблуда оштетениот дека треба да оствари прилив на парични средства од неговиот татко, кој е на привремена работа во Италија, и заради блокирана сметка побарал парите да бидат исплатени на негова сметка и го навел да му ја даде дебитната картичка од каде подигнал 125.453 денари.