изменет режим – Kurir.mk

Поради асфалтирање изменет режим на сообраќајот на патот Делчево – с.Стамер

Ивана Ефремовски — Wed, 13 Sep 2023 06:36:35 +0000

Поради асфалтирање на патниот правец Преод - с.Стамер во периодот од 9 до 16 часот сообраќајот од Делчево кон с.Стамер ќе се одвива преку алтернативниот патен правец С.Град - С.Стамер. Од фирмата изведувач информираат дека ваквиот режим на сообраќај ќе трае се до компленто асфалтирање на оваа делница. Оваа делница како што претходно информираа од Општина Делчево ќе биде асфалтирана со вкупна должина на локалниот пат од 1,3 километри, односно од клучката од регионалниот пат Делчево-Берово до влезот на селото. Средствата за реконструкција на локалниот пат за село Стамер се обезбедени преку Министерството за транспорт и врско во износ од 5,1 милиони денари со вклучен ДДВ. Градежните работи ги изведува Стоименов ДООЕЛ Кочани. (МИА)

СКОПЈАНИ ОВА МОРА ДА ГО ИМАТЕ НА УМ: Утре сообраќајкот во главниот град ќе биде со изменет режим

Магдалена Андонова — Wed, 15 Sep 2021 13:48:03 +0000

На 16.09.2021 (четврток), во Скопје ќе се одржи Меѓувладина седница помеѓу Владата на Република Македонија и Владата на Република Косово . Од тие причини Секторот за внатрешни работи Скопје ќе превземе мерки за посебен режим на сообраќајот по сообраќајниците на поширокото централно подрачје на Град Скопје. Секторот за внатрешни работи Скопје апелира до сите граѓани учесници во сообраќајот да се почитуваат наредбите кои ќе ги даваат полициските службеници со цел непречено одвивање на сообраќајот.

ЈСП со важно соопштение поради протестот во Автокоманда – изменет режимот на сообраќање на повеќе линии

Магдалена Андонова — Fri, 19 Feb 2021 12:14:40 +0000

ЈСП информира дека денеска, петок (19.02.2021 год) во период од 14 до 17 часот, поради најавениот протест и блокада на крстосницата на булевар „Александар Македонски“ со улица „Интернационални бригади“, возилата од линиите кои сообраќаат во посочениот реон ќе бидат пренасочени. По изменета траса од вообичаената ќе возат: Линија 2 во правец од Сарај кон Автокоманда ќе биде скратена до кружниот тек кај „Континентал“, а по истиот режим возилата ќе сообраќаат и во обратна насока. Линиите 2А и 16 во правец од Сарај и Пржино, од Бит пазар ќе продолжуваат кон Чаир и по улица „Ферид Бајрам“ кон Железара до кружниот тек кај стадионот на Металург. Во правец кон Сарај и Пржино, возилата ќе возат по истата траса, од постојката кај стадионот на Металург. Линиите 13 и 42 во правец од Кисела Вода и Драчево од подвозникот кај кланица, ќе вртат лево кон Пивара, па од кај ЈСП до постојката кај Алкалоид. Во правец кон Кисела Вода и Драчево, возилата ќе тргнуваат од кај Алкалоид. Линиите 43 и 50 од Дом на печат и Клинички центар, после Работнички дом ќе возат по улица „Кеј 13 Ноември“ кон населба Јане Сандански, па по булеварите „Србија“ и „Киро Глигоров“ преку надвозникот во Автокоманда до крајните станици. Во обратна насока, од улица „Јужноморавски бригади“ и Хиподром, преку надвозникот во Автокоманда, булеварите „Србија“, „Киро Глигоров“ и „Јане Сандански“ кон НБРСМ, па кон МАНУ, односно МНТ ќе продолжуваат по редовните траси. Линиите 45, 52, 53, 54, 55, 55А, 55В, 62, 63, 65, 65Б, 66, 66А и 68 од Автокоманда Макпетрол ќе продолжуваат по надвозникот, преку булеварите „Киро Глигоров“, „Србија“ и „Јане Сандански“ до крајните постојки на Транспортен центар. Посожениот режим ќе важи и во обратна насока на сообраќање.

Изменет сообраќаен режим на патот Кичево-Охрид

Дарко Андоновски — Fri, 10 Aug 2018 12:49:06 +0000

На магистралниот пат Кичево - Охрид, (Мала Река - Славеј Планина), од денеска се воведува времена измена на режим на сообраќајот. Времената измена на сообраќајот со девијации (преминување од една коловозна лента во друга) е поради изведување градежни работи, а ќе трае до завршување на активностите. За воведениот времен режим е поставена соодветна сообраќајна сигнализација.

Поради протести изменет режим на јавниот автобуски превоз

Дарко Андоновски — Thu, 12 Jul 2018 10:41:59 +0000

Поради најавени три протести, денеска од 12 часот голем дел од автобуските линии ќе бидат пренасочени, а дел од нив ќе возат по скратена траса од вообичаената, соопшти ЈСП Скопје. Автобусите од јавниот превоз, како возилата на ЈСП Скопје, така и на приватните превозници, ќе сообраќаат согласно условите на терен и наложениот режим од страна на сообраќајната полиција. Поради протестот на Бит пазар предвиден во период од 12 до 16.30 часот, изменет режим на сообраќање ќе важи за автобуските линии 2, 8, 9, 12, 17, 19, 45, 50, 54, 55, 57, 59, 62, 63, 63А, 63Б, 65, 65А, 65Б, 65В, 73, како и за сите останати градски и приградски линии кои по редовната траса минуваат преку Бит пазар. Најавен е и протест во период од 15 до 17 часот на крстосницата на „Рузвелтова“ со булевар „Партизански одреди“. Автобусите што сообраќаат во овој реон ќе возат во зависност од моменталните услови на терен, односно по траса наложена од сообраќајната полиција. Вообичаено, пак, како и во изминатите неколку денови и вечерва во период од 20 до 22.30 часот поради протест пред Собрание на РМ, затворен за сообраќај ќе биде центарот на градот. Возилата од јавниот сообраќај ќе бидат пренасочени по улицата „Даме Груев“ (позади Собрание на РМ) и по булевар „Свети Кирил и Методиј“ (Рамстор). За подетални информации за изменетиот режим на сообраќање и трасата на конкретна линија, корисниците на јавниот превоз може да се јават во Оперативниот контролен центар на ЈСП Скопје на 3173-224.