Утре ќе гласаат болните, немоќните, затворениците и лицата заразени со коронавирус

Магдалена Андонова — Fri, 29 Oct 2021 21:55:04 +0000

Гласањето почнува во сабота кога се изјаснуваат болните и немоќните, лицата со Ковид-19 и во самоизолација, затворениците и притворениците. Според податоците на ДИК ќе гласаат 1.409 затвореници, 266 лица во 13 старски домови и шест внатрешно раселени лица. Од ДИК информираат дека во прв круг ќе се прегласува на по едно избирачко место во Дебар и Шуто Оризари. Во недела нема да се гласа за градоначалник во Маврово- Ростуше и Центар Жупа. Во овие две општини ќе се организира повторување на гласањето за градоначалник согласно Законот за локална самоуправа.

Болните и изнемоштените за гласање на изборите ќе се пријавуваат од утре

Дарко Андоновски — Tue, 30 Jun 2020 13:04:05 +0000

Почнува пријавувањето на болните и изнемоштените лица, кои можат да го искористат своето право на глас на 14 јули односно ден пред изборите. Претседателката на Општинската изборна комисија (ОИК)-Штип, Сенка Андреева, изјави дека пријавувањето во просториите на ОИК-Штип почнува од утре (1 јули). Имаат дежурни членови кои ќе ги примаат пријавите. Доставената документација членовите ќе ја разгледуваат заедно со лекари специјалисти. -Правилникот од лани, кој излезе во Службен весник, како и полани и на секој избирачки процес важи, и во него се наведува кои луѓе можат да гласат дома, Но, сите оние кои се во самоизолација, изолација или имаат дијагноза Ковид-19 преку полномошник и со решение од Државниот здравствен и санитарен инспекторат, нека не информираат за да можеме да направиме една табела и тоа да го доставиме до ДИК, рече Андреева. Таа посочи дека на 8 јули ќе имаат и дежурство до полноќ, за да можат да се пријават болните и изнемоштените лица.

изнемоштени – Kurir.mk

Утре ќе гласаат болните, немоќните, затворениците и лицата заразени со коронавирус

Болните и изнемоштените за гласање на изборите ќе се пријавуваат од утре