изнуда – Kurir.mk

ГО ПИКНАЛ ВО АВТОМОБИЛОТ И СО ЗАКАНИ ОД НЕГОВИОТ ДОМ ЗЕМАЛ ПАРИ И ЗЛАТО – драмата не застанала тука, потоа следувало шок за 20 годишен скопјанец

Дарко Андоновски — Sat, 14 Oct 2023 15:38:33 +0000

По преземени мерки и активности, полициски службеници од Одделението за насилен криминал во Единицата за насилен криминал при СВР Скопје, денеска (14.10.2023), го лишиле од слобода В.К.(31) од Скопје поради сомнение дека е соизвршител во кривично дело изнуда. Имено, В.Н.(20) од скопско пријавил дека на 13.10.2023 на подрачје на Кисела Вода, И.Ј. од Скопје, кого го познавал, со употреба на сила го внел во неговото возило и со закани од неговиот дом одзел пари и злато, по што му договорил средба со приведениот, вработен во мобилен оператор, да му земе мобилен телефон. По целосно документирање на случајот, во координација со јавен обвинител, ќе биде поднесена соодветна пријава.

На скопјанец му барале 150.000 евра, па му се заканувале дека не им дал

Ивана Ефремовски — Fri, 29 Sep 2023 14:43:24 +0000

СВР Скопје – Единица за насилен криминал поднесе кривична пријава против Г.Ц.(27) од Скопје и А.Ц.(23), поради постоење основи на сомнение за сторено кривично дело „изнуда“. Во периодот од 05.06.2023 до 31.08.2023, пријавените од 40-годишник од Скопје побарале 150.000 евра, а откако не им ја дал бараната сума преку познаници во повеќе наврати му упатиле закани.

Предложен притвор за двајца осомничени за изнуда

Тале Кристо — Mon, 04 Sep 2023 13:41:11 +0000

Јавен обвинител од Основното јавно обвинителство Скопје донесе Наредба за спроведување истражна постапка против две лица за кои постои основано сомнение дека сториле кривично дело – Изнуда по член 258 став 1 во врска со член 22 од Kривичниот законик. Двајцата браќа од скопско Ржаничино, на возраст од 27 и 22 години, како соизвршители, во временскиот период од 5 јуни до 31 август, на различни локации во Скопје со употреба на сериозна закана по живот кон еден оштетен и неговото семејство му изнудувале парични средства за наводен долг. Заканувајќи се, тие кај оштетениот предизвикале чувство на несигурност и страв и го принудиле да им даде дел од бараните пари. Јавниот обвинител за двајцата осомничени достави прeдлог за определување мерка притвор, оценувајќи дека постојат законските основи – опасност од бегство, можност за влијание врз сведоците и соучесниците и можност да го повторат делото.

Кривична пријава за сторена „изнуда“, определена и мерка притвор

Ристе Здравков — Fri, 21 Jul 2023 13:24:16 +0000

СВР Скопје поднесен кривична пријава против М.С.(31) од Демир Капија, поради постоење основи на сомнение за сторено кривично дело „изнуда“ по член 258 од Кривичниот законик. Таа се сомничи дека во повеќе наврати упатила закани кон Г.Р.(45) од Скопје и од него изнудила да ѝ исплати над 60.000 денари. М.С. била лишена од слобода и во координација со јавен обвинител против неа е поднесена пријавата, додека од судија на претходна постапка ѝ била определена мерка притвор во траење од 30 дена.

Жена жртва на изнуда, ја терале да го врати долгот на поранешниот сопруг

Ивана Ефремовски — Tue, 13 Jun 2023 17:52:31 +0000

СВР Тетово поднесе кривична пријава против А.С.(58) од село Боговиње, тетовско, поради постоење основи на сомнение за сторено кривично дело „изнуда“. На 15.09.2022 во Тетово, по претходна расправија, пријавениот упатил закани кон жена од Тетово барајќи и 3.500 евра по основ на долг од нејзиниот поранешен сопруг, по што ја принудил да потпише изјава дека лично ќе му ги врати парите.

Маж ќе одговара за „изнуда“: Со закани барал да му исплатат наводен долг

Ивана Ефремовски — Mon, 12 Jun 2023 15:06:43 +0000

ОВР Струга поднесе кривична пријава против Б.Н.(42) од струшкото село Велешта поради постоење основано сомнение за сторено кривично дело „изнуда“. Тој, во периодот февруари-мај 2023 година, на лице од струшкото село Франгово, во повеќе наврати му се јавувал на мобилен телефон и му упатувал пораки со закани барајќи му исплата на наводен долг.

Изнудувале пари од скопјанец, приведени две лица

Ивана Ефремовски — Fri, 26 May 2023 16:17:37 +0000

Денеска (26.05.2023) околу 16 часот пред трговски центар на подрачјето на Скопје полициски службеници од СВР Скопје во координација со ОЈО Скопје ги лишиле од слобода К.С. (28) и Д.Н. (42) од Скопје поради основи на сомнение за сторено кривично дело изнуда по член 258 од Кривичниот законик. Тие неколку пати со закани и употреба на сила изнудувале пари од 34-годишно машко лице од Скопје. Денеска на оштетениот му го одзеле клучот од неговиот автомобил, по што веднаш се лишени од слобода и по документирање на случајот против нив ќе биде поднесена соодветна кривична пријава.

КУРИР дознава: Притвор за изнудувачот кој се заканувал со компромитирачки материјали

Ивана Ефремовски — Tue, 07 Feb 2023 21:11:57 +0000

Осум дена притвор доби лицето З.Д. кој уценувал тетовец дека ќе објави компромитирачки фотографии и му земал над 18.000 евра, дознава КУРИР од извори од истрагата. Според наши информации, изнудувачот ќе биде спроведен во затворот Шутка. Полициски службеници од Отсекот за криминалистичка полиција – Одделение за економски криминал при СВР Тетово вчера вечерта во Мала Речица ги лишиле од слобода З.Д.(33) од с.Голема Речица, тетовско и Ј.А.(60) од с.Пирок, тетовско. -По преземени мерки било утврдено дека од средината на јануари 2023, З.Д. во неколку наврати изнудил вкупно 18.630 евра од лице од Тетово, уценувајќи го дека ќе објави фотографии со компромитирачка содржина. Според пријавеното, З.Д. во неколку наврати го организирал примопредавањето на парите преку Ј.А., такси возач во Тетово. -Имено, тој му се јавувал на оштетениот и му кажувал да ги предаде парите на Ј.А., кој подоцна му ги доставувал нему. Истото било направено и во текот на вчерашниот ден, при што биле затекнати од полициски службеници при примопредавање на парите, информира портпаролот на СВР Тетово, Марјан Јосифоски.

Уценувал тетовец дека ќе објави компромитирачки фотографии, му земал над 18.000 евра

Ивона Петрова — Tue, 07 Feb 2023 10:26:26 +0000

Полициски службеници од Отсекот за криминалистичка полиција – Одделение за економски криминал при СВР Тетово вчера вечерта во Мала Речица ги лишиле од слобода З.Д.(33) од с.Голема Речица, тетовско и Ј.А.(60) од с.Пирок, тетовско. -По преземени мерки било утврдено дека од средината на јануари 2023, З.Д. во неколку наврати изнудил вкупно 18.630 евра од лице од Тетово, уценувајќи го дека ќе објави фотографии со компромитирачка содржина. Според пријавеното, З.Д. во неколку наврати го организирал примопредавањето на парите преку Ј.А., такси возач во Тетово. Имено, тој му се јавувал на оштетениот и му кажувал да ги предаде парите на Ј.А., кој подоцна му ги доставувал нему. Истото било направено и во текот на вчерашниот ден, при што биле затекнати од полициски службеници при примопредавање на парите, информира портпаролот на СВР Тетово, Марјан Јосифоски. З.Д. бил задржан во полициска станица и по целосно документирање на случајот, против нив ќе биде поднесена соодветна пријава.

„Ќе му ја запалам куќата ако не ми дадеш 5.000 евра“ – кумановец ќе одговара за ИЗНУДА

Ивана Ефремовски — Thu, 15 Sep 2022 14:53:33 +0000

СВР Куманово поднесе кривична пријава против И.М.(36) од Куманово поради постоење основи на сомнение за сторено кривично дело „изнуда“. Пријавениот, во неколку наврати, на мобилен телефон испраќал СМС пораки со закани кон жена од Куманово дека ќе ја запали куќата на нејзиниот брат ако не му даде 5.000 евра. За тие пари тој тврдел дека му ги должел нејзиниот брат.