израелска војска – Kurir.mk

Израелска војска тврди дека „елиминирала“ 130 терористи, опколен градот Газа

Катерина Бојаџиева — Thu, 02 Nov 2023 20:02:07 +0000

Израелската армија соопшти дека денеска „елиминирала“ повеќе од 130 терористи, додека воениот портпарол Даниел Хагари изјави дека армијата сега го опколила градот Газа и оти нејзината копнена офанзива продолжува. ДПА нагласува дека првично е нејасно дали 130-те терористи се всушност убиени. Градот Газа е најголемиот град во затворениот крајбрежен појас. Војската соопшти дека води „жестоки битки“ против терористите на Хамас во Појасот Газа. За време на денешните копнени операции во Појасот Газа, израелските сили уништиле и воени постројки и инфраструктура на Хамас, како и многу оружје. Авион ја поддржа офанзивата и нападна неколку воени командни и контролни центри на високи членови на Хамас. „Терористичката инфраструктура“ беше цел во цивилни области, додаде израелската армија. Морнарички ракетен брод, исто така, ги погоди зградите на Хамас и набљудувачките пунктови полни со експлозив, соопшти армијата. Воздухопловните сили и морнарицата на Израел продолжуваат да напаѓаат цели на морнарицата на исламистичката организација. Израелската армија претходно соопшти дека од почетокот на војната нападнала повеќе од 12.000 цели во Појасот Газа.

Израелската војска објави видео: Членови на Хамас признале дека користеле болница во Газа (ВИДЕО)

Ивона Петрова — Sat, 28 Oct 2023 17:10:34 +0000

Израелската армија денеска објави видео снимки на кои се гледаат осомничени членови на Хамас како признаваат дека ја користеле најголемата болница во Газа за воени цели, пренесе ДПА. Во едно од видеата од сослушувањето, еден човек вели дека има „подземни нивоа“ под болницата Шифа и дека Хамас таму транспортира експлозиви, оружје, храна и медицинска опрема. Видеото, исто така, покажува дека членовите на Хамас се кријат во болници или училишта за време на израелските напади, бидејќи Израел не ги бомбардира тие објекти.

Don’t just take it from us, watch what the terrorists from the October 7 massacre had to say about the Shifa hospital: https://t.co/IlFPjtyGeP pic.twitter.com/zLLE4C9otz
— Israel Defense Forces (@IDF) October 28, 2023

Израелската армија соопшти дека видеата го прикажуваат испрашувањето на двајца терористи на Хамас вклучени во бруталните масакри на 7 октомври во израелските погранични градови. Информацијата не може да се потврди независно. Видеата доаѓаат откако израелската армија соопшти дека Хамас, кој владее со Газа, ја користи најголемата болница во областа како команден и контролен центар, повикувајќи се на разузнавачки информации. Хамас, исто така, користеше некои од одделите на болницата Шифа за да нареди и контролира „терористички активности“ и лансирање ракети, соопштија израелските одбранбени сили (ИДФ). Други болници, исто така, биле злоупотребени за потребите на исламистите, соопшти ИДФ, прикажувајќи сателитски снимки за да ги поддржат своите тврдења. Информациите првично не можат независно да се проверат. Хамас негираше дека ја користи болницата за „воени цели“.

Израелска војска: 700.000 Палестинци избегаа од северниот дел на Газа

Ивана Ефремовски — Sat, 21 Oct 2023 14:38:29 +0000

Околу 700.000 Палестинци досега избегаа во јужниот дел на Појасот Газа по повикот за евакуација на цивилите во северниот дел на крајбрежниот појас, соопшти денеска израелската војска. Цивилите кои остануваат во градот Газа и северниот дел на палестинската територија треба да се преселат јужно од природниот резерват Вади Газа заради своја заштита, изјави портпаролот на израелските одбранбени сили (ИДФ) Даниел Хагари во телевизиска изјава. Израел ќе ги интензивира нападите врз воените цели на Хамас и нивните административни објекти на север, предупреди тој: „Ќе продолжиме да напаѓаме цели кои би можеле да претставуваат закана за копнените сили во следните фази од војната“. Денеска се навршија две седмици откако стотици палестински милитанти предводени од Хамас убија стотици цивили во ненадеен напад врз Израел. Оттогаш, израелските одмазднички напади во Газа ги поттикнаа стравувањата од хуманитарна катастрофа и регионална ескалација на конфликтот. Обединетите нации проценуваат дека околу 1,4 милиони луѓе во Појасот Газа веќе се раселени поради израелското бомбардирање. Повеќе од 544.000 од нив побараа засолниште под покровителство на Агенцијата на ОН за помош на палестинските бегалци (UNRWA). Други се во засолништа со семејството или пријателите, според ОН. Израел денеска соопшти дека стотици ракети истрелани од милитантите кон Израел не ја достигнале целта и ја погодиле Газа. Според портпаролот на ИДФ, Хагари, повеќе од 550 од околу 7.000 ракети истрелани од Газа од почетокот на војната ја погодиле само палестинската територија. Само во последните 24 часа околу една петтина од истреланите ракети паднале на палестинска територија. Погрешно насочени ракетни напади на Хамас и Исламски џихад убиваат невини цивили во Појасот Газа, потенцираше Хагари. (МИА) фото: ЕПА

Израелската војска вели дека болницата не е цел на ИДФ

Ивана Ефремовски — Tue, 17 Oct 2023 19:31:55 +0000

Меѓународниот уредник на Би-Би-Си, Џереми Боуен, вели дека добил изјава во телефонски повик од канцеларијата на портпаролот на израелските одбранбени сили (ИДФ), реагирајќи на, како што велат палестинските власти, израелски напад врз болницата Ал Ахли во Газа. Во соопштението се вели дека „болницата е високо чувствителна зграда и не е цел на ИДФ“. -ИДФ го истражува изворот на експлозијата и како и секогаш дава приоритет на точноста и сигурноста. Ги повикуваме сите да продолжат со претпазливост кога известуваат за непроверени тврдења за терористичка организација, јави Би-Би-Си цитирајќи го соопштението. (МИА)

Израелската војска урна куќа на палестински напаѓач на Западниот брег

Тале Кристо — Tue, 23 May 2023 09:45:50 +0000

Израелските безбедносни сили синоќа на окупираниот Западен Брег ја урнаа куќата на палестинскиот напаѓач кој уби Израелец во март во Тел Авив. Во вооружениот напад во март 22-годишниот Мутаз Салах ал Каваџа рани уште двајца Израелци, јавуваат израелските медиуми. Напаѓачот потоа бил убиен од израелски војници и цивили. Израелските војници по полноќ влегле во населбата Нилин во близина на Рамалах, каде што живеел напаѓачот, и се соочиле со отпор од локални млади Палестинци. Палестинските медиуми објавија дека звучниците на џамијата ги повикувале жителите да се соберат околу куќата на Ал-Каваџа за да се спречи уривањето. Жителите пукаа и фрлаа петарди кон израелските војници, кои возвратија на нападите. Армијата им нареди на жителите на околните куќи да се евакуираат, а на покривите беа поставени снајперисти за да ги заштитат војниците на теренот. Вообичаена пракса е Израел да ги урива куќите на Палестинците обвинети за смртоносни напади и нивните поддржувачи. Меѓутоа, за ефикасноста на таквата мерка се разговара во израелскиот одбранбен естаблишмент, а активистите за човекови права сметаат дека таквата практика е неправедна колективна казна. Исламскиот екстремистички Хамас, организацијата што владее со Појасот Газа, соопшти дека Ал Каваџа бил член на нивното воено крило.

Тројца палестински борци убиени во операција на израелската војска на Западниот Брег

Тале Кристо — Mon, 22 May 2023 06:35:25 +0000

Тројца борци на палестинска група беа убиени во израелска воена операција на окупираниот Западен Брег во текот на ноќта. Засега нема коментар од израелската армија Палестинското Министерство за здравство ја потврди смртта на тројца млади мажи во бегалскиот камп Балата надвор од градот Наблус, во северниот дел на Западниот Брег. Военото крило на движењето Фатах на палестинскиот претседател Махмуд Абас, Бригадите на мачениците Ал Акса, соопшти дека загинатите се нејзини борци. Вчера вечерта израелски војник беше полесно повреден во напад со автомобил во градот Хувара, во близина на Наблус.