известување – Kurir.mk

Безбедносно известување од Амбасадата на САД поради дојавите за бомби во земјава

Ристе Здравков — Mon, 19 Dec 2022 10:50:04 +0000

Амбасадата на Соединетите Американски Држави во земјава издаде безбедносно известување за граѓаните поради дојавите за бомби. На веб-страницата на Амбасадата на САД се апелира дека „доколку се најдете на локација на која има дојава за бомба, следете ги упатствата на лицата одговорни за безбедноста и полицијата“. Се наведува и дека поради потенцијално зголемен криминал за време на празничниот период и постојаната закана со бомби низ Северна Македонија, граѓаните треба да бидат свесни за околината и во однос на кражбите.

НЛБ Банка со важно известување за своите клиенти: Бидете внимателни, детектирани се обиди за злоупотреба на податоци и сметки

Катерина Бојаџиева — Fri, 06 May 2022 10:21:08 +0000

НЛБ Банка ги известува своите клиенти дека, заради детектирани обиди за злоупотреба на податоци и сметки кои Банката веднаш ги пресретна и спречи, треба да бидат особено внимателни при споделување на своите лични и банкарски податоци. Особено е важно следниве податоци никогаш да не се споделуваат со друго лице дури и ако лицето се идентификува како претставник од Банката: - Активациските кодови за електронско и мобилно банкарство - Кодовите за интернет плаќања - ПИН кодовите од платежните картички. Нагласуваме дека овие податоци никогаш нема да им бидат побарани на клиентите од ниту едно лице вработено во НЛБ Банка. Каков било сомнеж за злоупотреба на податоци, клиентите треба задолжително да го пријават на 02 / 15 600 или на [email protected].

Би-Би-Си сепак одлучи да продолжи да известува од Русија

Магдалена Андонова — Tue, 08 Mar 2022 18:04:12 +0000

Британскиот јавен сервис Би-Би-Си денеска соопшти дека одлучил да продолжи да известува на англиски јазик од Русија. Би-Би-Си во петокот соопшти дека го прекинала известувањето во Русија откако Думата го усвои законот со кој може да се осуди до 15 години затвор секој еден за кого ќе се утврди дека намерно шири лажни вести, пренесуваат британските медиуми. - Ги разгледавме импликациите на новиот закон, заедно со итната потреба за известување од Русија. По внимателното разгледување на прашањето вечерва одлучивме да продолжиме да известуваме на англиски јазик од Русија, се наведува во соопштението на Би-Би-Си. Британскиот јавен сервис нагласува дека ќе известува независно и непристрасно, почитувајќи ги своите строги уредувачки стандарди. - Безбедноста на нашиот персонал во Русија останува наш приоритет број еден, се додава во соопштението. (МИА)

Кинеска државјанка осудена на четири години затвор поради известување за вирусот

Тале Кристо — Mon, 28 Dec 2020 10:06:31 +0000

Кинеската државјанка Жанг Жан е осудена на четири години затвор за известување во живо од Вухан кога избувна епидемијата, изјави нејзиниот адвокат денеска, скоро една година откако се појавија детали за „непозната вирусна пневмонија“ во тој град во централна Кина. Жанг, поранешна адвокатка, беше осудена на кратко судско рочиште во Шангај за наводно „предизвикување расправии и проблеми“ со известување во хаотичната прва фаза на епидемијата. Нејзините извештаи во живо во февруари беа широко споделенувани на платформите на социјалните мрежи, привлекувајќи го вниманието на властите кои казнија осум „свиркачи“ кои го критикуваа одговорот на Владата на епидемијата. Како што пренесуваат странските агенции, Пекинг си го честиташе својот „извонреден“ успех во контролирањето на вирусот во рамките на своите граници, со економија во подем, додека поголемиот дел од светот наметна блокади и се соочи со голем заразени во текот на целата година од почетокот на пандемијата во Вухан. Судењето се случи неколку недели пред меѓународниот тим експерти од Светската здравствена организација да пристигне во Кина за да го испита потеклото на Ковид-19. Жанг беше критична кон одговорот на властите на почетокот на епидемијата во Вухан, објавувајќи текст во февруари во кој напиша дека Владата „не им давала на луѓето доволно информации, а потоа едноставно го затворила градот“. „Тоа е сериозно кршење на човековите права“, напиша таа. Судот соопшти дека таа ширела „лажни коментари“ на Интернет. Таа започна штрајк со глад во јуни, поради што здравствената состојба и е нарушена и се храни преку носна цевка.

СКСЗМ: Граѓаните да се известат најмалку 48 часови пред одлуките за ограничување на движењето да стапат во сила

Тале Кристо — Sat, 04 Apr 2020 09:32:16 +0000

За Стопанската Комора на Северо-Западна Македонија (СКСЗМ) неприфатлива е одлуката за ограничување на движењето на граѓаните на Куманово во текот на целиот викенд, бидејќи сметаат дека е неопходно граѓаните да се известат најмалку 48 часови пред слични одлуки да стапат во сила. -Оваа одлука е неприфатлива од фактот што е донесена само неколку часа пред да почне ограничувањето на слободното движење од 21:00 часот и еден ден пред да започне викендот, со што граѓаните на Република Северна Македонија се информираат само неколку часа порано. Оваа ситуација создава заблуда и паника кај граѓаните од таа зона, кои од недоволно снабдување со основна храна се собираат во толпа од луѓе за да ги извршат потребните набавки. Ваквата состојба го зголемува нивото на ризик од ширење на коронавирусот уште повеќе, факт што е во ничиј интерес за време на овој период на пандемијата COVID19, порачуваат од СКСЗМ. Апелираат до релевантните институции за каква било слична одлука што ќе се донесе, да се известат граѓаните најмалку 48 часа пред таа да влезе во сила. -Стопанската Комора на Северо-Западна Македонија секогаш настојува да ја одржи соработката со државните институции на највисоко ниво и високо го цени воспоставеното партнерство со истите институции. СКСЗМ секогаш ќе придонесува да се создаде поволно опкружување за бизнисите во земјата и за таа цел ќе реагира за сите избрзани и погрешни одлуки на Владата, како што е примерот со одлуката на Владата за ограничување на движењето во градот Куманово т.е се ограничува движењето на граѓаните почнувајќи од петок (03.04.2020) од 21:00 часот до понеделник (06.04.2020) до 05:00 часот, велат од СКСЗМ.

Кога не сакаат амнестија од Заев, политички прогонетите за 27 април нема да добијат ниту правда, адвокатите бараат фер постапка

Ивона Петрова — Wed, 17 Oct 2018 07:43:29 +0000

Адвокатите на обинетите за случувањата од 27 април, кои вчера од судијката Добрила Кацарска беа казнети со 1.000 евра, доставија известување до Адвокатката комора на Република Македонија во врска со случувањата. -Денеска, на ден 16.10.2018 година грубо беа прекршени правата на одбраната, а со тоа и на обвинетите, на начин што на бранителите не им беа овозможени елементарни услови за да го следат распитот на загрозениот сведок, да можат да водат прибелешки за да поставуваат вкрстени прашања, во интерес на лицата кои ги застапуваат, стои во известувањето. Во известувањето, адвокатите наведуваат дека барањето за адекватни услови за работа воопшто не е дозволено да се внесе во записник, со недавање на збор на ниту еден од бранителите. -Судот, односно Претседателот на Советот, во записникот внесе исклучиво сопствени забелешки со констатации на Судот дека истиот се однесувањето на бранителите, се навредува и се оневозможува негова работа. Напоменуваме, дека станува збор за комплексен предмет со 33 обвинети и околу 30 адвокати - бранители, и токму поради комплексноста на предметот, кој се води за едно од најтешките кривични дела предвидено во КЗ, адвокатите ги побараа елементарните права и услови за своето работење, при што судот на крајно незаконски и деградирачки начин, кои не го нарушуваа редот во судницата, туку молкум само стоеја и на тој начин покажуваа дека инсистираат на своите законски права. Укажуваме дека до овој миг до префрлање во друга судница без технички услови, одбраната немаше други барања и уредно ја извршуваше својата работа, стои во дописот. Адвокатите како што потенцираат нивното однесување не била причина за ваквата одлука на судот, туку неговата немоќ да обезбеди елементарни услови, и покрај новоизградената зграда за Кривичниот суд, за што се вложени огромни средства. -Претседателот на Советот повикувајќи се незаконски на член 361 од ЗКП, неосновано ни го одзема правото за застапување на обвинетите со решение на записникот, со укажување дека на обвинетите ќе им бидат поставени бранители по службена должност, и покрај нивниот веќе направен избор на бранители согласно член 70 од ЗКП, при што секој од нас бранителите поединечно беше казнет со парична казна од по 1.000 евра. Бараме од АКРМ, да преземе мерки за заштита на угледот на адвокатурата како уставна категорија и д се престане со деградирање на присутни адвокати во судницата со одземање на нивните на нивните законски права со постојани закани од казнувања, оневозможување на ставање на процесни предлози и пружање на квалитетна заштита на своите клиенти. Адвокатите од Комората бараат истата правно да се произнесе по ова прашање и да го изрази својот став, а во заштита на правата на нивните членови.

Дебата за известувањето кај најгледаните ТВ-канали во Македонија

Ивона Петрова — Mon, 21 May 2018 06:33:09 +0000

Дебата „Разноликост во известувањето на централните информативни изданија кај најгледаните ТВ-канали во Македонија“, ќе се одржи денеска во Скопје во организација на Македонскиот институт за медиуми. На настанот, како што најавуваат организаторите, ќе биде презентирана и анализа, која се заснова на мониторинг на централните информативни изданија на осумте најгледани ТВ-канали на национално ниво. Дебатата е дел од проектот “#РеФорМедиаМКД – Унапредување на соработката меѓу граѓанското општество, институциите и граѓаните за спроведување реформи во медиумската сфера”, финансиран од Европската Унија. МИА