извршен комитет – Kurir.mk

Седница на Извршниот комитет на ВМРO-ДПМНЕ

Дарко Андоновски — Mon, 21 Aug 2023 10:22:21 +0000

ВМРO-ДПМНЕ вечерва во 18 часот во партиското седиште ќе одржи седница на Извршниот комитет, на која како што најавуваат од партијата се очекува да стане збор за актуелни теми после собраниската седница на која не се гласаше за усвојување на потребата за уставни измени. Во Собранието денеска пратеникот Миле Лефков го повтори барањето на партијата Џафери да свика продолжение на оваа седница на која би се гласало за уставните измени и да се види дека мнозинството нема доволен број гласови за уставни измени по што би требало, според нив, да се оди на предвремени парламентарни избори. Очекувањата се дека во опозициската партија ќе се разговара за натамошното делување поврзано со барањето за одржување избори. Од ВМРО-ДПМНЕ најавуваат дека околу 19 часот преку изјава за медиумите ќе соопштат што било заклучено на седницата на Извршниот комитет.

Седница на ИК на ВМРО-ДПМНЕ: Ќе се носи одлука за референдумско изјаснување за договорот со Бугарија – за партијата се неприфатливи бугарските позиции

Ивана Ефремовски — Mon, 05 Sep 2022 09:19:26 +0000

ВМРО-ДПМНЕ за денес доцна попладне закажа седница на Извршниот Комитет каде ќе се носи одлука во однос на предлогот за референдумско изјаснување во однос на пакетот услови кој стана дел од преговарачката рамка, а ги отсликува бугарските максималистички барања, дознава КУРИР. Лидерот на ВМРО-ДПМНЕ, Христијан Мицкоски отвори процес на широки консултации при што беа консултирани внатрешните органи на партијата, повеќе професори и експерти по уставно право, како и широки консултации со академската јавност и коалиционите партии за што доби и поддршка за самата иницијатива. Она што за ВМРО-ДПМНЕ е пречка е членот 5 од преговарачка рамка, а кој се потпира на протоколот кој пак ги содржи сите спорни делови од Договорот за пријателство, добрососедство и соработка помеѓу Бугарија и Македонија, а кој го склучија Заев и Борисов во 2017-та година. -Оттука изворот и коренот на проблемите се наоѓа токму во овој договор кој поставува фундамент на бугарските позиции од кој подоцна произлегува и преговарачката рамка и членот 5. ВМРО-ДПМНЕ не ги спори и ги поддржува аспирациите за интегрирање на Македонија во ЕУ, но она што е неприфатливо се бугарските барања за промена на исоптријата, идентитетот, јазикот и културата. Токму затоа размислувањата во ВМРО-ДПМНЕ, а за кои ќе се дискутира на вечерашниот Извршен Комитет се на референдум да се побара престанок на важноста на овој договор со кој се поставија фундаментите за бугаризација и обезличување на Македонија, дознава КУРИР. До таквиот рефререндум би се дошло преку собирање на граѓански потписи, а на иницијативата први потпишани ќе биде раководството на ВМРО-ДПМНЕ. ВМРО-ДПМНЕ по собирањето на квалификуваните најмалку 100 потписи, ќе пристапи кон собирање на 150.000 потписи од граѓани, при што апелира власта да не го оптруира овој процес. Како гаранција дека уставните измени нема да се случат, остануваат пратениците на ВМРО-ДПМНЕ и Коалицијата. Седницата на Извршниот комитет ќе започне во 18 часот, а околу 20 часот се очекува изјави за медиуми.

Мицкоски: Извршниот комитет вечерва ќе расправа за предлогот за референдумско изјаснување

Ивона Петрова — Thu, 21 Jul 2022 10:56:05 +0000

При денешната посета на општина Аеродром, претседателот на ВМРО-ДПМНЕ проф. д-р. Христијан Мицкоски одговарајќи на новинарско прашање во однос на вечерашното заседавање на Извршниот Комитет на ВМРО-ДПМНЕ истакна дека Извршниот комитет ќе расправа и ќе се произнесе по повеќе точки меѓу кои и предлогот за референдумско изјаснување како и анализа на актуелната политичко економска состојба во државата. -Да, денеска имаме седница на Извршниот комитет од деветнаесет часот, утре е Централниот комитет ќе разговараме за актуелните случувања исто така би сакал Извршниот комитет да се произнесе и за палењето на возилото на пратеникот во Прилеп, Прилеп овие денови е како Бејрут во најлошите времиња, денеска повторно ново возило е запалено, односно во текот на ноќта. Исто така за предлог за референдумско изјаснување да видиме каков тип на референдум, кога би го почнале, како би го почнале, на што би се насочиле, на што би се фокусирале и тн да слушнеме членовите на Извршниот комитет на партијата што мислат и нормално анализа на актуелната политичко економска состојба во државата што е стандардна тема во тие неколку часови кога Извршниот комитет заседава. Бидејќи состојбата со економијата, ајде еве ако ја тргнеме политиката на страна која што е катастрофална е исто така апокалиптична. А доаѓа зима овие во владата се однесуваат како онаа народната со штурецот, за месец два започнува и учебната година доаѓа есента, потоа и зимските денови цените на енергенсите гледаме континуирано растат, не гледаме дека некој се занимава со тоа, не гледаме дека некој се занимава со обезбедување на резерви на пченица и слично така што сложена е состојбата и како државотворна политичка партија треба да излеземе со наша позиција по неколку прашања отворени, нагласи Мицкоски.

Седница на Извршниот комитет на ВМРО-ДПМНЕ

Ивана Ефремовски — Thu, 30 Jun 2022 15:41:44 +0000

Денес, четврток (30.06.2022) во 19:00 часот ќе се одржи седница на Извршниот комитет на ВМРО-ДПМНЕ. По седницата, ќе следува изјава пред Централниот штаб на партијата. КУРИР ќе ја пренесува изјавата во живо.

Мицкоски: ВМРО-ДПМНЕ го избра новиот и проширен состав на Извршниот комитет

Тале Кристо — Mon, 31 Jan 2022 17:54:12 +0000

Лидерот на ВМРО - ДПМНЕ, Христијан Мицкоски ги објави имињата на новите потпретседатели на партијата. ВМРО-ДПМНЕ добива двајца нови потпретседатели. Тоа е Тимчо Муцунски, кој е универзитетски професор на равниот факулет Јустинијан Први, и градоначалник на Општина Аеродром кој издвојуваше убедлива победа уште во првиот круг. Муцунски дел од соето образование го има стекнато во САД и Канада, и беше Заменик министер за информатичко општество и администрација и Национален Координатор на Стратегијата за реформа на јавната администрација. Муцунски беше и пратеник во собранието на Македонија, како и секретар за меѓународна сработка на ВМРО-ДПМНЕ. Нов потпретседател е и Гордана Димитриевска Кочовска која е магистер по економски науки на УКИМ. Претходно работела во Стопанска Банка, во Македонски Телеком во секторот на даноци, во Министерство за финансии во Секторот за јавен долг, а воедно во одреден период е и директор за финансии во ЕЛЕМ. Потпретседатели на ВМРО-ДПМНЕ продолжуваат да бидат досегашните Владо Мисајловски и Александар Николоски. Борци против оваа неправедна власт и сметам дека ова е добар тим кој опфаќа повеќе области, релативно млади луѓе со богато искуство зад себе. Генерален секретар продолжува да биде Горгија Сајкоски, доктор на историски науки. Сајкоски е долгогодишен член на ВМРО-ДПМНЕ, пратеник во сегашниот состав на Собранието. Неговата задача е организацијата на партијата и подготовка за предвремените парламентарни избори. Нов член на Извршниот комитет е аналитичарот и долгогодишен граѓански активист Сашо Клековски. Неговото искуство е дваесетгодишна работа на раководни позиции во граѓанскиот сектор. Тој е прв извршен директор на Македонскиот центар за меѓународна соработка. Од 1998 до 2008 година е застапник на Македонската развојна фондација за претпријатија. Тој е прв ко-претседател на Заедничкиот консултативен комитет на граѓанското општество меѓу Европската Унија и Република Македонија за периодот 2009-2010 година. Нова членка на Извршниот комитет е и Маја Кадиевска-Војновиќ поранешна вице гувернерка на Народна Банка на Македонија и професор на Американ Колеџ. Била дел и од Дирекцијата за монетарна политика и истражувања. Беше претседател на Комисијата за решавање по жалби од областа на пазарот на хартии од вредност како и експерт за анализи за макроекономските текови на државата. Во овој состав на Извршниот комитет вегува и угледниот доцент доктор Ристо Симеонов. Специјалист по детска хирургија, доктор кој ја изврши првата трансплатација на бубрег кај дете во Македонија. Тој е и Претседател на Здружение на детски хирурзи на Македонија и член на европско и светско Здружение на детски хирурзи. Нов член на Изврниот комитет е и доктор Мевмет Џафери од Маврово Ростуше. Тој е угледен доктор од оваа општина и активист на ВМРО-ДПМНЕ. Хуманист и професионалец во својата област. Воедно во проширувањето на Извршниот комитет се водеше сметка да се даде шанса и на кадри од партијата кои ќе бидат новата сила која донесе свежина и надоградба на нашата битка за промени. Нови членови на Извршниот комитет се и пратениците Ели Панова која доаѓа од Струмица и Миле Лефков од Кочани. Двајцата се со завршен правен факултет, доста активни пратеници во овој парламентарен состав и со минат труд во ВМРО-ДПМНЕ. Нов член на Извршниот комитет е и Луке Галески, актуелен директор на Центарот за комуникации на ВМРО-ДПМНЕод септември минатата година. Тој има завршено Правен факултет Јутинијан Први, спцецијализирал и е со повеќе годишно искуство од мас медиуми и корпоративни комуникации, а претходно работел и како советник во владата и беше дел од мојот кабинет како претседател на ВМРО-ДПМНЕ. Тој е актуелен советник на ВМРО-ДПМНЕ во градот Скопје. Од вечерва нов член на извршниот комитет е и актерот Зоран Љутков, кој е од Велес каде е и претседател на советот на општината. Работи како актер во Драмскиот театар и има зад себе повеќе препознатливи и успешни телевизиски и театарски улоги и признанија. Нов член на Извршниот комитет е и Марија Митева, актуелна портпаролка на ВМРО-ДПМНЕ. Таа е и секретар за меѓународна соработка на Унијата на жени на ВМРО-ДПМНЕ, инаку магистер по деловно право.Воедно членови на Извршниот комитет остануваат да бидат и досегашните..-пратениците со сериозно политичко искуство Антонио Милошоски, Дафина Стојановска, како и пратеникот Драган Ковачки кој е и полковник во Армијата на Македонија. Членка на Извршниот комитет продолжува да биде пратеничката Рашела Мизрахи, докторот Олга Лозановска од Битола. Во Извршиот комитет останува и професор доктор Трајко Славески кој е и претседател на советот на град Скопје, како и човекот со богато искуство зад себе Влатко Ѓорчев, градоначалникот на Охрид доктор Кирил Пецаков како и докторот Марија Андоновска, која е и координатор на советничката група на ВМРО-ДПМНЕ во градот Скопје. По функција членови на највисокото извршно тело се и претседателот на УМС Сергеј Попов, претседателката на УЖ Жаклина Пешевска, и првиот човек на Унијата на ветерани Мане Јаковлевски. Нов секретар за меѓнародна соработка е Стефан Андоновски, кој е и актуеен советник во градот Скопје.

Која е Гордана Димитриеска Кочоска – новиот член Извршниот комитет на ВМРО-ДПМНЕ?

Ивона Петрова — Tue, 22 Sep 2020 06:56:26 +0000

Димитриеска Кочоска е Магистер по економски науки на Универзитетот Св. Кирил и Методиј. Претходно работела во Стопанска Банка, во Македонски Телеком во секторот на даноци, во Министерство за финансии во Секторот за јавен долг, а воедно во одреден период е и директор за финансии во ЕЛЕМ, во времето кога со оваа компанија управуваше лидерот на ВМРО-ДПМНЕ, Христијан Мицкоски, пишува порталот Бизнисвести.мк Димитриеска Кочоска поседува обуки, професионални надградби и меѓународни сертификати од повеќе области, како што е анализа на финансиски извештаи, сметководствена аналитика, менаџирање, контрола и управување, завршила и Академија за контрола, во Менаџмент центар Белград, а лиценцирана од CA Akademie AG. -Ми претставува особена чест што од денеска токму јас сум дел од Извршниот комитет на ВМРО-ДПМНЕ. Посебна одговорност е ваквата доверба која ми ја укажа претседателот Христијан Мицкоски, а ја поддржа и потврди Централниот комитет на партијата. Работевме и ќе продолжиме да работиме во насока на подобрување на севкупните општествени текови. Нашата борба не застанала, туку напротив, од сега уште посилно ќе продолжи со една мисла, со една цел, а таа е јасна: Да ставиме крај на ова мафијашко владеење и да си ја земеме Македонија во свои раце. Македонија е наш дом, наша светлина и за неа вреди секоја борба и жртва“, се вели во објавата на Гордана Димитриеска Кочоска синоќа на Фејсбук.

Продолжува процесот на катарза во ВМРО-ДПМНЕ- денес нов Извршен Комитет

Дарко Андоновски — Mon, 21 Sep 2020 08:29:53 +0000

Во текот на денешниот ден ќе заседава Централниот Комитет на ВМРО-ДПМНЕ каде се очекува да биде изгласан нов состав на Извршниот Комитет на партијата. Според информациите Извршниот Комитет ќе биде помал по број од претходните и ќе содржи неколку нови имиња кои ќе му дадат дополнителна тежина и динамичност. Воедно ќе се потпира и на искуството на луѓе кои долго се во партијата и даваат огромен придонес во теренската работа. Ќе останат оние неколку членови од претходниот состав на кои мандатот им е се уште не истечен. Новиот Извршен Комитет е дел од пакетот структурални промени кој го започна претседателот на ВМРО-ДПМНЕ Христијан Мицкоски веднаш по одржаните избори. Централниот Комитет изгласа нов статут кој беше поддржан како најдемократски од Европската народна партија. Потоа се избра нов претседател на Унијата на млади сили и нов Извршен Комитет на УМС, се распиша оглас за нова претседателка на Унијата на жени на ВМРО-ДПМНЕ, а воедно беа назначени претседатели на значителен број на општински комитети и тој процес ќе продолжи. На седницата на Централниот Комитет ќе се расправа и за прашања поврзани со резултатите на изборите. Седницата е закажана за во 18:30 часот.

Извршниот комитет на ВМРО-ДПМНЕ донесе повеќе одлуки поврзани со делувањето на партијата

Магдалена Андонова — Tue, 08 Sep 2020 09:10:10 +0000

Во текот на вчерашниот ден, доцна вечерта заседаваше Извршниот комитет на ВМРО-ДПМНЕ при што се разгледуваше политичката состојба и се донесоа повеќе одлуки поврзани со делувањето на партијата. Извршниот комитет на ВМРО-ДПМНЕ изразува загриженост од историски најлошиот пад на БДП од речиси 13 проценти, како и од негативните трендови во економијата кои покажуваат дека Заев ја втурна земјава во рецесија. Извршниот комитет ја потврди одлуката за протестен собир поради поскапувањето на цената на струјата и осиромашувањето на граѓаните. Заев и неговата мафија на власт донесе за граѓаните живот на вересија во исто време кога власта се богати на грбот на народот. ВМРО-ДПМНЕ бара враќање на старата пониска цена на струја и преиспитување на работењето на Регулаторната комисија. Воедно Извршниот комитет на ВМРО-ДПМНЕ донесе и повеќе кадровски одлуки како дел од процесот на кадровско доекипирање и катарза најавена од претседателот на ВМРО-ДПМНЕ проф-др Христијан Мицкоски. Извршниот комитет на ВМРО-ДПМНЕ го именуваше Александар Пандов за претседател на Патриотскиот институт на ВМРО-ДПМНЕ кој се воведува согласно новиот демократски статут кој стапи во сила од неодамна. Пандов е долгогодишен член на партијата и поранешен вршител на повеќе партиски функции. Извршниот комитет донесе одлука за именување и потврдување на мандатите на нови 14 претседатели на Општински комитети на ВМРО-ДПМНЕ и тоа: 1. ОК Конче Ацо Митов 2. ОК Валандово Дејан Бошков 3. ОК Демир Капија Александар Галапчев 4. ОК Росоман Тихомир Николов 5. ОК Могила Драган Саботковски 6. ОК Кривогаштани Виктор Деспотовски 7. ОК Долнени Дејан Змејкоски 8. ОК Демир Хисар Никола Најдовски 9. ОК Охрид Сашо Донев 10. ОК Дебарца Саше Силјановски 11. ОК Вевчани Ѓорѓи Влајкиноски 12. ОК Пласница Луме Адемоглу 13. ОК Јегуновце Димитар Костадиновски 14. ОК Тетово Ангел Карапетров Беа именувани и нови членови на Извршниот комитет на Унијата на млади сили на ВМРО-ДПМНЕ. Кадровските освежувања продолжуваат и во периодот што следи. Центар за комуникации на ВМРО-ДПМНЕ

ИК на ВМРО-ДПМНЕ: Мора да се почитува законот кој предвидува недвосмислени прашања на референдум

Ивана Ефремовски — Fri, 20 Jul 2018 08:14:28 +0000

Извршниот комитет на ВМРО-ДПМНЕ на синоќешниот состанок ја анализираше актуелната политичка ситуација и прашањата кои се дел од меѓупартиските разговори со власта на претседателско ниво. -Извршниот комитет ја потврди принципиелната позиција на партијата и инсистирањето на реализирање на веќе договорените концепти за финансирање на партиите и формирање техничка влада по пржинскиот модел пред секои избори. Само на овој начин избирачите ќе имаат гаранција дека власта нема да го злоупотреби нивниот глас, односно дека опозицијата ќе има можност соодветно да дејствува при сите обиди за можен фалсификат и нема да се дозволи повторување на локалните избори. Обидите на Зоран Заев да ја манипулира јавноста со измислени образложенија дека некој бара амнестија за некаков криминал беа оценети како несериозни. За да се види јасно волјата на граѓаните на референдумско изјаснување, Извршниот комитет смета дека мора да се почитува законот кој предвидува недвосмислени прашања, се наведува во соопштението на партијата. Од таму информираат дека Извршниот комитет на ВМРО-ДПМНЕ му даде целосна и недвосмислена поддршка на претседателот Христијан Мицкоски да ги застапува ставовите на партијата во понатамошниот тек на лидерската средба. -Македонските граѓани заслужуваат власт која вистински ќе се води по европските принципи за почитување на Уставот и законите, особено за важни прашања поврзани со носење на одлуки за иднината на државата како што се македонските интеграции во Европската унија и НАТО, порачуваат од ВМРО-ДПМНЕ.

Избрани тројца нови членови на ИК на ВМРО-ДПМНЕ

Ивона Петрова — Mon, 02 Apr 2018 15:41:17 +0000

Лука Кржалоски, Владимир Нелоски и Иванка Василевска се нови членови на Извршниот комитет на ВМРО-ДПМНЕ. Ова одлука била изгласана на вчерашната седница на Централниот комитет на партијата. Централниот комитет на ВМРО-ДПМНЕ со едногласна поддршка го изгласа Лука Кржалоски за нов претседател на УМС на ВМРО-ДПМНЕ. Според Статутот на ВМРО-ДПМНЕ, претседателот на УМС на ВМРО-ДПМНЕ е член на ИК на ВМРО-ДПМНЕ. Наредниот период Кржалоски ќе ја предводи младината на ВМРО-ДПМНЕ. Досегашниот претседател на УМС на ВМРО-ДПМНЕ, Владимир Нелоски останува во највисокото партиско тело на партијата. Нелоски беше претседател на УМС цели четири години. За нов член на ИК на ВМРО-ДПМНЕ, беше изгласана и професорката на правниот факултет Иванка Василевска.