јаболки – Kurir.mk

Брз колач со јаболки (РЕЦЕПТ)

Ристе Здравков — Fri, 03 Dec 2021 07:23:37 +0000

Состојки: 3 јајца прстофат сол 100 гр шеќер 1 ванилин шеќер 180 гр павлака 150 мл масло 110 гр брашно 1 прашок за печиво 4 јаболки половина лимон 4 лажици џем по избор Подготовка: Јајцата, солта, шеќерот и ванилиниот шеќер добро измешајте ги, додадете јогурт и масло, добро измешајте, на крајот додадете го просеаното брашно со прашок за печиво, се добро соединете. Округлиот калап за печење обложете го со хартија за печење, истурете ја мешавината и порамнете. Јаболките преполовете ги, излупете ја кората и извадете ги семките, засечете го секое јаболче како “лепеза”, но не до крај. На работ од бисквитот поредете ги јаболките и посипете ги со лимонов сок за да не потемнат. Печете 20 минути на 180 степени. Кога е испечен, премачкајте го со џем и вратете го во рерната на 2 минути. Добро оладете го колачот, исечете го и послужете. Видео рецептот можете да го погледнете тука:

Важно е да знаете: Зошто не треба да ги лупите јаболките?

Ивана Ефремовски — Sun, 07 Nov 2021 22:02:39 +0000

Она што го прави јаболкото честа ужинка е фактот дека многу лесно се консумира. Се што треба да направите е да го измиете и да го изедете. Оние пребирливите, ќе ја олупат лушпата, а тоа е најлошата работа која можете да ја направите во врска со јаболките. Еве зошто не треба да го правите тоа: Повеќето влакна се во лушпата Едно јаболко со средна големина содржи 4,4 гр. влакна. Без лушпата има само 2,1 гр. што не е доволно за јаболкото да биде наречено „добар извор на влакна“. Во кората се повеќето витамини Во кората има 8,4 мг. витамин Ц и 98 единици витамин А. Без кората остануваат само 6,4 мг. витамин Ц и 61 единица витамин А. Јаболкото ги ублажува проблемите со дишењето Ова важи само ако ја јадете заедно со кората. За тоа е главен кверцетинот кој се наоѓа во лушпата. Кверцетинот го подобрува и помнењето Тој се бори против оштетувањата на мозокот и штити од Алцхајмерова болест и други дегенеративни проблеми. Борец против ракот Во лушпата од јаболкото се наоѓаат соединенија наречени тритерпеноидс. Тие ги спречуваат клетките на ракот и го намалуваат нивното размножување, а тоа особено се однесува на ракот на црниот дроб, дебелото црево и ракот на дојка. Одржувач на витката фигура Урсоличната киселина (состојка која се наоѓа во кората од јаболкото) помага во изградбата на здрави мускули и во согорувањето на калории. Една јаболка со кора во денот го намалува ризикот од дебелеење. Доколку сте од оние лица кои јаболките ги лупат поради тоа што ти се прскани со хемикалии при нивното одгледување, и не верувате дека со миењето хемикалиите се отстрануваат – повеќе не треба да го правите тоа, одлично решение за вас е јаболките пред да ги консумирате да ги оставите во длабок сад со вода да отстојат половина час, на тој начин сите хемикалии ќе се растворат а вие ќе можете да уживате во здравото јаболко со кора.

Едноставна и ефикасна: Јаболкова диета

Ивана Ефремовски — Wed, 03 Jun 2020 07:37:31 +0000

Јаболковата диета ќе ви помогне да ги нормализирате и корегирате метаболните пореметувања и да ја намалите телесната тежина. Пектините кои ги има во јаболкото абсорбираат во цревата различни токсини, тешки метали, радионуклиди и други опасни материи. Диетата трае 7 дена и вклучува секојдневна консумација на 1 – 1,5 килограми јаболка распределени на 5 оброци, а на секој оброк се додава и чаша јогурт. Докажано е ако редовно се консумираат јаболка значително намалува ризикот од појава на малигни карциноми во организмот. Јаболковиот екстракт активно го намалува растежот на раковите клетки. Освен тоа јаболкото делува на метаболизмот на тој начин што го намалува усвојувањето и складирањето на маснотии во телото. Ако сакате да продолжите со слабеењето, тогаш додадете уште седум дена во кои вечерата и доручекот ќе ги замените со по едно јаболко и чаша јогурт.

Тажна слика од Преспа: Јаболката завршија покрај патот (ФОТО)

Предраг Кукиќ — Sat, 06 Apr 2019 16:54:13 +0000

На Фејсбук страната “Земјоделци – Македонија / Zemjodelci Makedonija” каде редовно се објавуваат вести поврзани со земјоделството и земјоделските политики во државата, објавени се фотографии од купишта јаболка во Преспанскиот регион, кои како што пишува се исфрлени покрај патот. Земјоделците од преспанскиот регион ги фрлаат своите јаболка. Навистина тешка година за овие земјоделци.Ќе ја преземе ли некој одговорноста??”, пишува над објавата.

Сочен колач со јаболки и ореви и неодолив крем од сирење

Ивона Петрова — Fri, 21 Dec 2018 10:57:30 +0000

Совршен сладок вкус … Потребно е: за тестото: 300 гр брашно 190 гр кафеав шеќер 250 мл масло 4 јајца 1/2 лажиче сода бикарбона 1 лажиче цимет 2 јаболки, изрендани 100 гр ореви, сецкани за кремот: 100 гр омекнат путер 200 гр крем сирење 50 гр кафеав шеќер 1 лажица мед Подготовка: – Во еден подлабок сад ставете ги брашното, содата, циметот и шеќерот. – Додадете ги маслото, јајцата и изренданите јаболки и убаво изматете со миксер. – На крај додадете ги оревите и измешајте. – Смесата истурете ја во калап за торта кој претходно убаво сте го намастиле со путер. – Ставете да се пече во загреана рерна на 180 целзиусови степени околу 45 минути. Оставете да се излади печеното тесто. – За кремот измешајте ги сите состојки да добиете хомогена смеса. – Тестото исечете го по должина на два дела. – Во украсна чинија ставете го едното тесто и премачкајте го со дел од кремот. Над него ставете го второто тесто и премачкајте го со остатокот од кремот. – Во сад на рингла ставете ги јаболките исечени на кришки. Додадете малку шеќер, ванилин шеќер и сок од лимон и кратко варете ги додека малку да омекнат. Јаболките наредете ги на тортата.