јаболко – Kurir.mk

Пржени јаболка во тесто: Десерт кој ќе му се допадне на целото семејство, вкус кој не сте го пробале

Ивана Ефремовски — Thu, 27 Apr 2023 10:26:41 +0000

Послужете го овој десерт со шеќер во прав, цимет или попрскан со мед. СОСТОЈКИ: 5 јаболка 3 јајца 300 милилитри млеко 250 грама брашно 3 лажици шеќер 1 ванилин шеќер Подготовка: Излупете ги јаболката, извадете ги семките и исечете ги на прстени дебели половина сантиметар. Изматете ги јајцата со двата шеќера додека не добиете пенеста смеса. Додадете млеко и брашно. Изматете да се соединат. Загрејте големо количество масло во тава. Натопете ги прстените од јаболка во тестото и пржете ги од двете страни до златно кафеава боја.

ЈАБОЛКА ВО ЛИСНАТО ТЕСТО! Вкусно уживање кое се топи во устата

Ристе Здравков — Wed, 26 Apr 2023 12:42:41 +0000

Ако сакате јаболка, тогаш од ова овошје, кое се подготвува со лиснато тесто, можете да направите вкусен десерт. Состојки: 500 гр лиснато тесто 700 гр јаболка 80 гр суво грозје 50 гр ореви 10 гр шеќер 25 мл сок од лимон 10 гр ванилин-шеќер жолчка лажица шеќер Подготовка: Расукајте го лиснатото тесто. Во средината на кората ставете рендани јаболка измешани со шеќер, сок од лимон, суво грозје, ореви и ванилин-шеќер. Краевите од тестото спојте ги преку филот, избодете го тестото со вилушка на неколку места, премачкајте го со жолчка и ставете го во сад кој претходно сте го измиле со ладна вода. Се пече на температура од 225 степени околу половина час. Пред сервирање посипете со шеќер во прав. Уживајте!

НЕ ЈА ФРЛАЈТЕ КОРАТА ОД ЈАБОЛКАТА! Еве колку всушност се корисни

Ристе Здравков — Wed, 22 Mar 2023 16:02:34 +0000

Доколку навистина не ја сакате лушпата од јаболкото, или правите колачи и ви е само вишок, еве како можете да ја искористите. Направете желе Јаболката се полни со антиоксиданси, особено во кората. Всушност, речиси половина од витаминот Ц на јаболкото се наоѓа во неговата кора. Можете да ја добиете вашата доза на антиоксиданси за појадок со желе направено од кора или дури и чипс од кора од јаболко. Се што треба да направите е да посипете парчиња кора од јаболко со малку вода, шеќер и цимет. Наредете ги во тава обложена со хартија за печење и печете ги во рерна загреана на 150°C додека не станат крцкави (повремено вртете ги). Исчистете ги садовите Алуминиумските садови лесно се чистат со кора од јаболко, бидејќи содржат киселини кои ги раствораат нечистотиите. Сварете една шака кори од јаболка и оставете ги да се динстаат во садот што сакате да го исчистите 20-30 минути. Нечистотијата треба да исчезне (да се подигне), пренесува „Glossy“. Направете чај Така најдобро ќе ги извлечете антиоксидансите од кората на јаболкото, без шеќер. Потребни ви се грст кори од јаболка, 3 до 4 чаши вода, половина лажичка цимет, 1 лажица мед и 1 лажица сок од лимон. Во сад ставете ги сите состојки освен медот и варете ги околу 15 минути. Процедете, додадете го медот и имате совршено здрав напиток. Освежете го воздухот Јаболката и циметот се омилените мириси за домаќинството на многу луѓе. Сварете кора од јаболка, цимет, ѓумбир и лимон. Оставете да испарува додека мирисот се шири низ куќата.

Не ја фрлајте лушпата од јаболкото, искористете ја на овие 4 начини

Ивона Петрова — Wed, 22 Mar 2023 12:50:47 +0000

Ако навистина не сакате да јадете кора од јаболко или ви останала лушпа од јаболко по правењето колач, еве како можете да ја искористите. Направете желе Јаболката се богати со антиоксиданси, особено во лушпата. Всушност, речиси половина од витаминот Ц на јаболкото се наоѓа во неговата лушпа. Можете да ја добиете вашата доза на антиоксиданси за појадок со желе направен од кора или дури и чипс од кора. Исчистете ги садовите Кората од јаболкото одлично ги чисти алуминиумските садови, бидејќи содржат киселини кои ги раствораат нечистотиите. Сварете една рака лушпи од јаболка и оставете ги да се динстаат во садот што сакате да го исчистите 20-30 минути. Нечистотијата треба да исчезне. Направете чај На тој начин се добива најдоброто количество на антиоксиданси од кората на јаболкото, без шеќер. Потребни ви се грст лушпи од јаболка, три до четири чаши вода, цимет, една лажица мед и една лажица сок од лимон. Во сад ставете ги сите состојки освен медот и варете ги околу 15 минути. Процедете, додадете мед и ќе добиете совршено здрав напиток. Освежете го воздухот Јаболката и циметот се омилените мириси за домаќинство на многу луѓе. Варете ја кората од јаболкото, циметот, ѓумбирот и лимонот. Оставете го да испари додека мирисот се шири низ домот.

КОЛАЧ СО ЈАБОЛКА И ЦИМЕТ! Задоволство кое лесно се прави

Ристе Здравков — Tue, 17 Jan 2023 14:04:37 +0000

Овој старински колач со цимет со јаболка е одлично задоволство кое може да го јадете со кафе Состојки: три чаши (180 мл) брашно кесичка прашок за пециво чаша шеќер четири јајца чаша масло половина чаша млеко или вода пет рендани јаболка една лажица цимет Подготовка: Изматете ги јајцата, шеќерот, маслото и млекото. Додадете го брашното со прашокот за пециво и сè убаво измешајте без да го прекинете матењето. Со лажица измешајте ги јаболката и циметот исечкани на коцки. Смесата истурете ја во тава обложена со хартија за печење и печете во рерна загреана на 180 степени околу 50 минути. Оставете малку да се излади, исечете на коцки, посипете со шеќер во прав и послужете. Пријатно!

5 причини зошто навистина треба да јадете по едно јаболко на ден!

Ристе Здравков — Mon, 09 Jan 2023 08:28:34 +0000

Веројатно го знаете познатиот израз „едно јаболко на ден го држи докторот подалеку“. Она што е сигурно е дека јаболкото е богато со витамини, антиоксиданси и влакна, кои се неопходни за доброто здравје на организмот. Јаболката се една од најздравите намирници, без разлика на видот. Со оглед на тоа дека кај нас се доста достапни, вкусни и популарни, време е да дознаеме зошто е добро да ги јадете секој ден. 1. Холестерол Јаболката содржат пектин, природно влакно кое се наоѓа во растенијата. Една неодамнешна студија откри дека ако јадете јаболка, имате поголеми шанси да го намалите холестеролот. 2. Дијабетес Јаболката имаат низок гликемиски индекс благодарение на нивната висока содржина на влакна. Ова, заедно со неговата висока содржина на флавоноиди, може да помогне да се подобри чувствителноста на инсулин, што е важно и за управување со тежината и за превенција од дијабетес. 3. Слабеење Студиите на животни покажаа дека пектинот од јаболко може да помогне во регулирањето на цревниот микробиом, што пак може да помогне да се спречи дебелината. Човечките студии исто така покажуваат ветувачки резултати, но потребни се повеќе истражувања. 4. Срцеви заболувања Јаболката се богати со полифеноли, заштитни растителни соединенија, од кои едното е флавоноид наречен кверцетин. Истражувањето во Американскиот весник за клиничка исхрана покажа дека оние со повисоки нивоа на кверцетин имаат помал ризик од неколку хронични болести, вклучувајќи срцеви заболувања, па дури и астма. 5. Здравје на коските Се смета дека внесот на овошје и зеленчук е поврзан со поголема густина на коските и подобрување на здравјето на коските. Наодите од студијата на здрави жени сугерираат дека јаболката може да го намали количеството на калциум што се губи од телото и со тоа да ја подобри јачината на коските. Дали е безбедно сите да јадат јаболка? Јаболката, заедно со овошјето вклучувајќи праски, авокадо и боровинки, содржат природни хемикалии наречени салицилати. Некои луѓе се чувствителни на овие соединенија и може да доживеат алергиска реакција, вклучувајќи осип на кожата и оток, пишува BBCgoodfood.

Јаболкото има посебна моќ, еве како делува на вашето здравје и изгледот

Тале Кристо — Thu, 29 Dec 2022 20:37:47 +0000

Јаболкото можеби ја нарушило хармонијата во рајската градина, но каснувањето на вкусно јаболко не е никаков грев и може да влијае само позитивно на вашето здравје. Без разлика дали ќе изберете зелено, црвено или жолто јаболко, телото ќе ви биде благодарно за секој залак што ќе го изедете. Јаболката се извонредно овошје богато со витамин Ц, витамини од групата Б, калциум, калиум, фосфор, железо, магнезиум и цинк, но овој сочен плод содржи и многу антиоксиданси и растителни влакна кои дополнително го засилуваат одбранбениот систем на телото. Земајќи го ова во предвид, слободно може да се каже дека секое јаболко е микс од супстанции кои делуваат благотворно и на здравјето и на вашиот изглед, а еве како: -Јаболка прават да имате побели и поздрави заби. -Јаболката се сојузници на витката линија. -Јаболката го помагаат варењето на храната. -Јаболката го зајакнуваат имунитетот. -Јаболкото го намалува холестеролот и делува позитивно на срцето и крвните садови. -Јаболката ви овозможуваат подобро дишење. -Јаболкото штити од различни видови на рак. -Јаболката помагаат во регулирањето на шеќерот во крвта. -Јаболковиот оцет помага против првут.

Палачинки со јаболка: Најлесниот рецепт за вистински есенски доручек

Ристе Здравков — Thu, 20 Oct 2022 07:13:27 +0000

Американските палачинки се одлична идеја за појадок. Тие се разликуваат од нашите палачинки – подебели се и помали – што го олеснува нивното печење, но овозможува и полнење со различни состојки. Американските палачинки полни со јаболка се одличен избор за есенски појадок. Најдобро би било да користите кисели јаболка како Granny Smith кои совршено ќе се комбинираат со ароматичниот цимет и морско оревче. Доколку ви треба дополнителна доза сладост, послужете ги со шеќер во прав, мед или јаворов сируп. Состојки: 250 мл млеко 150 гр брашно 120 гр рендано кисело јаболко 65 мл стопен путер 1,5 лажички прашок за пециво 1 големо јајце 1 лажица бел шеќер 1 лажичка мелен цимет ½ лажичка морско оревче прстофат сол растително масло за пржење шеќер во прав за сервирање Подготовка: Јајцето се мати со млеко, се додава растопениот путер и ренданите јаболка. Во друг сад просејте го брашното, измешајте го со шеќерот, прашокот за пециво, солта, циметот и морското оревче. Смесата на база на брашно измешајте ја во млекото со јајцата и јаболката. Мешајте додека не се соединат состојките. Загрејте тава со малку масло и испечете ги палачинките. На тавата ставете неколку лажици од смесата, со лажица обликувајте ја смесата во круг и печете додека долниот дел од палачинката не добие златно-кафеава боја. Превртете ја палачинката и продолжете со печењето додека другата страна термички не се обработи до крај. Постапката повторете ја додека не ја потрошите целата смеса. Послужете ги палачинките топли со малку шеќер во прав. Добар апетит!

Правилото „едно јаболко на ден“ воопшто не е мит, а еве и зошто!

Магдалена Андонова — Tue, 18 Oct 2022 14:25:25 +0000

Се прашуваме какви нови егзотични плодови и храна да јадеме за да бидеме здрави, паметни, успешни и убави, а всушност доволно е да посегнеме кон нашите природни јаболчиња. Еве што ве очекува, ако го исполните правилото “едно јаболко на ден”: 1. Ќе ја подобрите состојбата на стомакот. Јаболката содржат влакна кои ја балансираат работата на цревата и го намалуваат ризикот од болести како хемороиди, дивертикулитис и некои видови на рак. 2. Холестеролот ќе се нормализира поради пектинот содржан во јаболката. 3. Ќе го намалите ризикот од астма 4. Ќе ја намилите телесната тежина, ако јадете по едно јаболко пред јадење. 5. Телото ќе се снабди со витамин Ц, А, фосфор, железо и калциум. 6. Срцето ќе биде поцврсто поради калиумот содржан во јаболката.

За да се искористат предностите на сите овие јаболчиња, сепак мора да изберете тие да бидат без пестициди. Затоа следниот пат кога поминувате покрај гајба ситни јаболка со црвчиња на некој земјоделски пазар, не ги одминувајте.

Печени јаболка со мед и ореви

Магдалена Андонова — Fri, 14 Oct 2022 14:19:06 +0000

Јаболкото е едно од најпопуларните овошја ширум светот. Јаболката е најдобро да ги консумирате свежи, но може да направите превкусен и лесен есенски десерт од нив. Една јаболко содржи 14 проценти од потребната доза витамин Ц. Освен тоа, содржи и витамин А, Е, Б1, Б2 Б6, К и калиум. Јаболката се богат извор на полифенол кој е корисен за организмот. Консумирањето јаболка го намалува ризикот од дијабетес тип 2. Освен тоа, имаат корист за системот на варење. Пробајте го лесниот рецепт за печени јаболка со мед и ореви: Состојки: 5 јаболка 500 гр. ореви 6 лажици мед Начин на подготовка: Смелете ги оревите и промешајте ги со мед. Излупете ги јаболката, направете отвор во срединаta и сипете ја смесата. Печете ги на 200 степени околу 20 минути. На крајот, украсете со мед и ореви.