Потресно сведоштво во „Јади Бурек“: Жена ми почина на Инфективна со негативен тест, и го украдоа телефонот и накитот

Ивона Петрова — Thu, 27 Jan 2022 08:35:26 +0000

Тpaорно сведоштво ја прекина емисијата „Јанко јади бурек“. „Никој не те гледа, не дај боже да одиш во болница, оставени се луѓето само на себе„ во солзи раскажуваше гледач на емисијата за смртта на неговата сопруга. По сведоштвото на гледачот, Јанко Илковски не можеше и самиот да ги задржи солзите и ја прекина емисијата. Гледачот раскажуваше во каква катастрофална состојба е македонското здравство и за голготатата која ја преживеал обидувајќи се да го спаси животот на неговата сопруга. Се започнало откако неговата сопруга имала проблеми со срцето и бубрезите за да биде примена во болница, но да лежи со пациент позитивен на Ковид 19 по што била пуштена дома. Во домашни услови и се влошила здравствената состојба за да потоа да биде сместена во Ковид болницата на инфективното одделение. По кратко боледување таму, неговата сопруга починала, а гледачот открива дека била украден златниот накит од неговата сопруга и нејзиниот телефон. За емисијата се огласи и водителот Јанко Илковски на Фејсбук кој истакна дека тој неговиот тим се длабоко потресени од сведоштвото на господинот, а чувството го спореди со бокс во плексусот. -Целата екипа, заедно со мене, бевме силно и длабоко потресени од траорното и искрено сведоштво на човекот кој неутешно липаше и плачење додека говореше за загубата на сопствената сопруга. Кога ќе соберам сили, неговото јавување ќе го издвојам и објавам да биде сведоштво што преживувал народов. Не можам да споделам како се чувствував , најмногу поради фактот што не очекував, беше релативно забавна емисија и не се надевав дека ваков крај може да се случи, како бокс во плексус … уште сум потресен, пишува тој.

Николоски: Толку лош договор со Грција потпишаа Заев и Димитров, да не преговарале веројатно подобар ќе имаше

Матеја Петровски — Mon, 25 Jun 2018 19:09:14 +0000

Потпретседателот на ВМРО-ДПМНЕ, Александар Николоски вечерва гостува во емисијата „Јади бурек“ на Телевизија Сонце, тој кажа дека во целиот договор Македонија е „втората страна“, што според него е најголемо понижување за една држава. Тој кажа и дека се менуваат кодовите на Република Македонија, тие сега ќе бидат НМ или НМК, наместо МК. -По мене најважниот, во членот 3, под Г вели, втората страна ќе го прифати името Република Северна Македонија како нејзино официјално име, во терминологиите кои се однесуваат на членот 1 став 3, низ сите нејзини внатрешни процедури. Името ќе биде обврзувачко и неотповикливо, значи Заев откако ја прифати Република Северна Македонија, тоа станува неотповикливо, што значи дека доколку утре има уставно мнозинство од 81 пратеник, во некој друг состав на Собранието, кое што би сакало да го промени името повторно во Република Македонија, нема да може да го направи тоа затоа што мора Грција да се согласи. Ќе треба да се потпише нов договор, за ова обврзувачко и неотповикливо да се тргне од овој договор, изјави Николоски. Николоски кажа дека овој договор нема меѓународен гарант, па доколку една од страните, без разлика дали Македонија или Грција ја прекрши нема сила што може да го поправи тоа, тој кажа дека овој договор за разлика овој договор за разлика од други не пропишува време на истекување. -Значи толку лош договор потпишале нашиве, тие што разбираат меѓународно право ќе го разберат ова. Да не преговарале веројатно подобар договор ќе имаше, изјави Николоски. Николоски кажа дека според негови информации преку 60 адвокати и експерти по меѓународно право биле ангажирани да го изработат овој договор, а од наша страна имало само еден, па токму поради тоа бил ваков договорот. -Овој договор има еден сет на обврски за Македонија и само една обврска за Грција. Обврските за Македонија се многу, за Грција е една во однос на членството на Македонија во НАТО и ЕУ, изјави Николоски. Како што кажа Николоски, Македонија ќе мора да го поднесе договорот веднаш на ратификација на Собранието, по што за тоа треба да биде информирана Грција. Тој вели дека во договорот стои дека до крајот на 2018 година Македонија ќе мора да ги заврши сите уставни амандмани. -Грција ќе го ратификува овој договор, ако кај нас биде завршена ратификацијата и уставните измени. Се поставува прашањето ако во ноември или декември владата на Ципрас не обезбеди мнозинство за ратификација на овој договор, а ние сме го промениле Уставот како држава и истиот како што кажав е обврзувачки и неотповиклив. Сега ќе се промени Уставот, ќе се прекрсти државата, ќе се смени националниот идентитет, а може лесно да се случи да му падне владата на Ципрас и да не го ратификува договорот, изјави Николоски. Тој напомена дека може да се случи Македонија да промени се, а Грција потоа да не го ратификува договорот во нивниот Парламент.

јади бурек – Kurir.mk

Потресно сведоштво во „Јади Бурек“: Жена ми почина на Инфективна со негативен тест, и го украдоа телефонот и накитот

Николоски: Толку лош договор со Грција потпишаа Заев и Димитров, да не преговарале веројатно подобар ќе имаше