јадран – Kurir.mk

Црвен метеоаларм: Силно невреме во хрватскиот дел на Јадранот

Ивана Ефремовски — Tue, 22 Nov 2022 12:30:58 +0000

Силно невреме со пороен дожд и ветер утрово зафати голем дел од хрватскиот дел на Јадранското Море и предизвика проблеми на брегот на Пула, Ровињ, Риека, Пореч и Црес. Поради тоа е прогласен црвен метеоаларм за повеќе региони од хрватското крајбрежје. Глас Истре пишува дека на брегот на Пула плутаат автомобили, морето е на работ да се излее, а врз една сообраќајница паднало дрво. Сообраќајот се одвива доста отежнато, видливоста е намалена, па се препорачува максимална внимателност. Високото морско ниво го поплави и центарот на Ровињ, а големи проблеми има и во Пореч. Локални жители соопштуваат дека во Ровињ морето го поплавило градскиот плоштад и брегот. Поради оваа причина, на сите возила им е забрането да возат по брегот на Ровињ. Вода навлегла и во некои кафулиња и ресторани, но соодветните служби посочуваат дека досега не добиле повици за помош за евентуално испумпување. Во Ровињ поплавен е дел од главниот пат, како и улици во близина на локалниот пазар. Како што пренесува хрватскиот портал Индекс, повикувајќи се на податоци од Крометео, поројните врнежи предизвикале големи проблеми и на островот Црес. (МИА)

Пахор: Хрватската екслузивна економска зона во Јадранот нема врска со прашањето на границата

Тале Кристо — Tue, 26 Jan 2021 07:43:19 +0000

Словенечкиот претседател Борут Пахор изјави дека прашањето за словенечко-хрватското разграничување е решено со договорот за арбитража на границата и дека ова прашање не е поврзано со одлуката на Хрватска да прогласи ексклузивна економска зона на Јадранот. -Морската граница беше одредена со арбитражниот договор, како и главниот тек на копнената граница, а се уште не е утврдено само како да се имплементира оваа одлука на арбитражата, рече Пахор во синоќешното интервју за словенечката телевизија, пренесе хрватскиот портал Индекс. Одговарајќи на прашања во врска со односите со Хрватска, Пахор повтори дека прашањето за границата веќе не претставува проблем за Словенија и рече дека е убеден дека арбитражното решение порано или подоцна ќе биде спроведено на терен. Хрватска не ја признава арбитражата и сака конечното решение да се постигне со билатерален договор.

Хрватска прогласува економски појас на Јадранот

Тале Кристо — Sun, 13 Dec 2020 09:49:23 +0000

Хрватскиот премиер Андреј Пленковиќ најави дека хрватската Влада утре ќе донесе предлог одлука за прогласување на ексклузивна економска зона на Јадранот. Пленковиќ на Твитер објави дека „одржал консултации со словенечкиот и италијанскиот премиер Јанез Јанша и Џузепе Конте во врска со прогласувањето на ексклузивната економска зона на Хрватска на Јадранот“. Тој изјави дека владата утре ќе го усвои извештајот за процесот на консултации и предлог Одлуката за прогласување на ИГП, пренесува Хина. На почетокот на месецот, пратеничката група на ХДЗ најави дека до крајот на есенската сесија Саборот ќе прогласи ексклузивна економска зона во Јадранското Море. Министрите за надворешни работи на Хрватска и Италија, Гордан Грлиќ Радман и Луиџи Ди Мајо разговараа за прогласување на ексклузивни економски зони од двете страни на Јадранот во Загреб кон крајот на ноември, потврдувајќи ја усогласеноста на дејствување и подготвеноста за „започнување разговори за разграничување“. Со прогласување на ексклузивна економска зона, Јадранот ќе стане дел од заедничките води на Европската Унија, а во неа ќе се спроведува заедничката политика на Европската комисија,појасни неодамна „Јутарњи лист“. Најголемата придобивка од прогласувањето на ИГП, тврдат упатените, ќе биде тоа што рибарите од трети земји повеќе нема да можат да влегуваат во Јадранското Море и да ловат риби. За тоа, ќе им треба договор со ЕК, што е сложен и долготраен процес.

Виктор Орбан: Повеќе на езерото Балатон, помалку на Јадран

Тале Кристо — Fri, 10 Jul 2020 12:09:26 +0000

Мерките за заштита од увоз на коронавирус во Унгарија од странство мора да бидат во сила, изјави премиерот на Унгарија Виктор Орбан, додавајќи дека секој нов случај на зараза во земјата може да се поврзе со пристигнувања од странство. Во интервју за унгарското радио, по повод зголемувањето на бројот на заразени лица во неколку соседни земји, како Хрватска, Србија, Романија и Словенија, тој рече дека „Унгарија е безбедна“, но потребни се мерки за заштита за да се спречи увоз на вирусот од странство. Тој додаде дека Унгарија ќе мора да се соочи со уште едно заострување на епидемиолошките правила во земјата. – Повеќе езерото Балатон, помалку Јадран. Тогаш епидемијата може да се држи под контрола, рече Орбан. Тој додаде дека Унгарија вовела мерки за следење на ситуацијата какви што презела Австрија, кои вклучуваат карантин, тестирање и контроли на границата. (МИА)

Паника на Јадранот: Покрај брегот снимена голема риба, капачите во шок (ВИДЕО)

Дарко Андоновски — Sat, 31 Aug 2019 09:44:07 +0000

Во хрватскиот Бакарски залив беше снимена голема риба за која се мислеше дека е ајкула, а настанала узбуна помеѓу пливачите. Од институтот за океанографија и рибарство порачаа дека најверојатно станува збор за голем примерок на туна, а не за ајкула, пренесуваат хрватските медиуми. На местото каде што е снимана големата риба, секојдневно има пливачи, а судејќи по реакциите, големата риба ги исплашила капачите и ги истера од водата.

Паника на Јадранот: Огромна бела ајкула допливала на самиот брег, туристите бегаа од водата, а жителите изненадени! (ВИДЕО)

Дарко Андоновски — Sat, 08 Jun 2019 08:55:24 +0000

Мирниот град покрај брегот на јадранот го вознемири веста дека во близина на една од нивните плажи на самиот брег се појави огромна бела ајкула. Во Грабештиц, недалеку населено место од Шибеник, на самиот брег од плажата снимена е огромна бела ајкула. Видеото го објави хрватскиот портал Индекс, кој што го добил од очевидец од самото место. -Видеото е направено на 6-ти јуни околу 16 часо. Вакво нешто не сме виделе до сега на овие краеви, вели човекот кој што ја снимил ајкулата на самиот брег на Јадранот.

Хрватската нација бесна по Мундијалот удри по премиерот: Колинда го откажа летниот одмор поради тоа што и го направи Пленковиќ (ФОТО)

Дарко Андоновски — Wed, 08 Aug 2018 08:49:17 +0000

Претседателката на Хрватска која стана планетарен хит за време на Светското првенство во Русија ја загрижи нацијата. Откако Колинда Грабар- Китаровиќ целото лето го помина работно, наместо да замине на одмор кој и започна од пред неколку денови, таа остана на работа, а во планираната вила замина премиерот на земјата Андреј Пленковиќ. Таа во изјава за медиумите вели дека едноставно нема време за одмор, иако за време на летото има помалку ангажмани и настани, но сепак понекогаш останува и до доцна во ноќта со нејзините советници, пренесуваат хрватските медиуми. Иако хрватските фанови и љубители на фудбалот се израдуваа дека Колинда ќе се одмори по Мундијалот во една од претседателските вили на Јадранот, сепак таму заминал нивниот премиер. Инаку ова е вилата која била омилена на Ал Капоне.