јадранско море – Kurir.mk

Потрес во Јадранското Море – земјотрес во овој дел на Хрватска

Дарко Андоновски — Wed, 10 May 2023 14:33:30 +0000

Земјотрес со јачина од 2,8 степена според Рихтеровата скала денеска ја погоди Хрватска со епицентар во Јадранското Море. Потресот бил регистриран на 109 километри јужно од Сплит и 60 километри југозападно од Вела Лука, соопшти Европскиот медитерански сеизмолошки центар (EMSC). Земјотресот се случил на длабочина од 10 километри.

ВИДЕО: Импресивни сцени од Јадранот, снимена група китови

Ивона Петрова — Tue, 02 May 2023 17:23:45 +0000

Видео споделено на ЈуТјуб каналот Morski.hr прикажува група од десет китови во близина на островот Вис во Хрватска. Иако појавата на китови во Јадранот не е толку изненадувачка, она што е невообичаено е што десетина од нив се снимени во водите кај Вис. -Снимајќи го кристално чистото море и вдлабнатиот брег, бевме сведоци на импресивна глетка на китови во нивното природно живеалиште. Бевме маѓепсани, вели Стефан Торес. Тоа е вид на голем северен кит кој веќе е виден на Јадранот. Тој е најблискиот роднина на синиот кит и после него е следното најголемо животно на Земјата. Колегата на Торес, Бранимир Биочиќ, објасни дека прво снимиле група од 3-5 поединци, а по околу 15 минути забележале уште една група. -Ова видео е снимено околу 20 минути откако тие две групи се споија, а тука има околу 10 единки, вели Биочиќ.

Потона јахта со околу 40 тони нафта во Јадранот: Избегната еколошка катастрофа

Магдалена Андонова — Thu, 11 Aug 2022 11:56:53 +0000

Пристаништето на округот Мали Лошињ, со брза интервенција на местото на потонувањето на моторна јахта, што се случи во средата пред пристаништето Уније, спречи неконтролирано испуштање нафта и еколошко загадување на морето во пошироки размери. Околу потонатата јахта беше поставена над 320 метри само-апсорбирачка брана, а кај чамецот ЖЛУ асистираше сопственикот на чамецот од Мали Лошињ, Петар Ступар. Според директорот на ЖЛУ Филип Балија, од работниците на пристаништето Уније добиле дојава дека во непосредна близина на пристаништето тоне 20-метарска јахта со италијанско знаме и веднаш излегле на местото на несреќа да се инсталираат заштитни пловечки брани. Екипажот од тројца, италијански државјани, инаку, го напуштил пловилото во кое има 40 тони нафта. За несреќата веднаш била известена Капетанијата на пристаништата во Риека, чиј брод, како и бродот за дезинсекција, денеска пристигнале на местото на потонувањето.

МАКЕДОНЦИТЕ ЌЕ САКАА ВЕДНАШ ДА ЗАМИНАТ ТАМУ – невидени температури на Јадранското море, научниците запрепастени

Дарко Андоновски — Mon, 11 Jul 2022 11:46:43 +0000

На Млет температурата на морето е 30 степени. Во Дубровник беше 29 степени, во Ластово, Крк и Сплит 28. Невидените температури ги запрепастија и научниците, кои со неверување гледаат како составот на жителите на Јадранското Море брзо се менува, пренесува ХРТ. Научниците истакнуваат дека поради глобалното затоплување од 2016 година се појавиле необични риби и медузи кои доаѓаат од топлите мориња преку Суецкиот канал и Гибралтарскиот теснец во Средоземното Море, а потоа до Јадранското Море. Потребни се глобални напори за да се запре порастот на температурата на воздухот и морињата во светот. Она што ни изгледа како мала промена, дел од степен или еден степен, всушност е голема промена за заедниците во морето и ние сме изненадени од количината на промени, истакна проф. Марсело Ковачиќ од Природонаучниот музеј во Риека. Доброто во целата приказна е што Јадранското Море сè уште спаѓа во категоријата најчисти мориња. Што се однесува до европскиот просек, Хрватска во просек е за 10 отсто подобра од другите брегови на ЕУ, рече проф. д-р. Дарија Вукиќ Лушиќ од Наставниот институт за јавно здравје на Приморско-горската жупанија. Температурата на морето во Дубровник вчера изнесуваше 29 степени, само два степени пониска од температурата на воздухот. Температурата е еден од главните регулатори на сите биохемиски процеси во живите организми, вклучувајќи го и животот во морето. Во секој случај, трендот не е добар. Досега неевидентирани информации. Доколку вака продолжи и таа температура навлезе во подлабоките слоеви, тоа секако може да предизвика навистина големи последици за живиот свет, пред се за организмите кои живеат на морското дно. Тие се многу чувствителни. Ако во нивното живеалиште навлезе висока температура, тоа за нив значи смрт, изјави Давор Лучиќ од Институтот за море и крајбрежје од Универзитетот во Дубровник. Кога станува збор за нови видови кои доаѓаат на Јадранот поради затоплувањето на морето, Лучиќ вели дека тоа е опасно бидејќи сите овие организми се натрапници. Медитеранот е нежно, мирно море, без опасни организми, но од пробивањето на Суецкиот канал и поради климатските услови какви што се денес, доаѓаат тропски и суптропски видови. Тие доаѓаат во средина која е нивна домашна средина. Ова е тренд во последните 30 години. Посебно источниот Медитеран, од каде одат и кон Јадранското Море. Има риби, планктонски видови кои се припитомени, заклучи тој.

НЕ Е САМО ВО ГРЦИЈА – еве каде се појави опасна медуза, Македонци внимавајте ова лето!

Дарко Андоновски — Mon, 20 Jun 2022 14:19:43 +0000

Во Јадранското Море се појави нов вид медуза, велат од Центарот за истражување на морето во Ровињ. На северот на Јадранот се појавила таканаречената компас медуза, која е квалификувана како „Chrysaora hysoscella“. Од Центарот наведуваат дека овој вид медуза живее во Атлантскиот Океан и во Медитеранското Море, а се карактеризира со жолто-кафеав меур, кој потсетува на компас. Оваа медуза може да порасне до 30 сантиметри во пречник, а пипалата ѝ се долги и до 1 метар.

Земјотрес на Јадранот: Се тресеше тлото недалеку од Сплит

Магдалена Андонова — Tue, 04 May 2021 07:51:41 +0000

Утрово, после седум часот, се случи нов земјотрес во Јадранското Море. Земјотресот бил со јачина од 3,2 степени според Рихтеровата скала, а неговиот епицентар, според ЕМСЦ, бил на 100 километри јужно од Сплит и 50 километри југозападно од Вела Лука.

Felt #earthquake (#potres) M3.2 strikes 55 km SW of Vela Luka (#Croatia) 39 min ago. Please report to: https://t.co/RjLCzDVVYX pic.twitter.com/q4xwn7aChn
— EMSC (@LastQuake) May 4, 2021

Тоа е сеизмички активна област каде што се забележани десетици земјотреси во последните неколку недели.

Словенија, Хрватска и Италија потпишаа изјава за заштита на Јадранско Море

Тале Кристо — Wed, 21 Apr 2021 13:03:47 +0000

Министрите за надворешни работи на Словенија, на Хрватска и на Италија денеска во Брдо кај Крањ денеска потпишаа заедничка изјава за заштита на северениот дел на Јадранско Море. Шефот на словенечката дипломатија Анже Логар по потпишувањето на Договорот со хрватскиот и италијанскиот колега Гордан Грлиќ Радман и италијанскиот Луиџи ди Маџо, истакна дека се донесени заклучоци за зајакнување на соработката меѓу трите земји во заштитата на Јадранско Море, што според него е основна рамка за зајакнување на соработката во областите од заеднички интерес. На својот претходен состанок одржан на 19 декември минатата година во Трст, министрите се согласија дека Јадранско Море е мост кој ги обединува сите народи од подрачјето и е извор на напредок за сите. Тие исто така се договорија за интегриртан пристап за заштита на животната средина и за одржлив развпј.исто така се согласија дека Јадранот како затворено море со интензивен сообраќај и ранлив екосистем има потреба од интегриран пристап кон заштитата на животната средина и одржлив развој.

Уште два нови земјотреси во Јадранското Море, 10-ти земјотрес за 66 часа

Магдалена Андонова — Tue, 30 Mar 2021 07:27:28 +0000

Утринава беа регистрирани два нови земјотреси на Јадранот, од кои првиот со јачина од 3,1 степен се случи во пет часот, со епицентар на 65 километри северозападно од Виеште во Италија.

Felt #earthquake (#terremoto) M3.2 strikes 83 km N of #Vieste (#Italy) 38 min ago. Please report to: https://t.co/sLsrrRST5N pic.twitter.com/guTqipuEmJ
— EMSC (@LastQuake) March 30, 2021

Вториот бил во 7,51 часот, со јачина од 3,2 степени, со епицентар на 48 километри југоисточно од Вис и 100 километри јужно од Сплит, проценува ЕМСЦ. Ова е 10-ти земјотрес во Јадранското Море во последните 66 часа, пренесува ЕМСЦ.

ВИДЕО: Во Јадран забележани два големи кита

Магдалена Андонова — Tue, 08 Sep 2020 11:07:32 +0000

Научниците од институтот Син свет ги испитувале информациите дека е забележан голем кит во Велебитскиот канал и утврдиле дека станува збор за дури два големи кита. Научниците успеале со беспилотно летало да го снимат љубопитниот кит, кој се приближил до нивниот брод долг седум метри и пливал многу близу до површината. Во септември истражувачите повторно излегле на терен за од воздух да го снимат големиот кит со беспилотно летало и да ја анализираат неговата големина, здравствена состојба и да земат примерок од кожата за ДНК-анализа. Големиот кит го нашле во саботата на самиот влез на каналот и го следеле два часа, според Институтот. Прегледувајќи ги направените фотографии, тие откриле дека ова не е истото животно што било снимено во август. „Китот што моите колеги го фотографираа во август имаше голем и видлив засек на перката, додека овој кит го нема. Исто така, нивните перки се разликуваат по формата“, изјави истражувачот Јуре Миочиќ-Стошиќ за Индекс. Китот бил забележан повторно следниот ден. „Освен што неговите нуркања траеја пократко, овој пат големиот кит беше заинтересиран за нашиот брод. Во неколку наврати, тој пливаше покрај нашиот брод на само 4-5 метри под површината. За време на едно приближување, тој се сврте на страна и јасно се гледаше неговиот скоро бел стомак “, рече Гргур Плешлиќ, директор на научната програма на Институтот „Син свет“.

Пронајдено телото на вториот пилот од урнатиот воен хеликоптер во Хрватска

Ивона Петрова — Tue, 28 Jan 2020 10:32:40 +0000

Во Зларинскиот канал, во Јадранско море, пронајдено е и телото на вториот пилот на воениот хеликоптер кој се урна вчера на хрватскиот остров. Претходно, во текот на вчерашниот ден беше пронајдено едно тело, кого спасувачите околу пладне го извлекле од морето. Во потрагата беа вклучени седум бродови и хеликоптер, а во вечерните часови и подморница на Хрватската воена морнарица, како и оперативните служби на Министерството за внатрешни работи. До падот на хеликоптерот Kiowa ОХ-58 дојде за време на тренажен лет, кој почнал околу 10.30 часот. Хеликоптерот се урна половина час по полетувањето. Хрватското Министерство за одбрана вчера информира дека се преземаат сите мерки и активности со цел пронаоѓање и спасување на екипажот. На прес-конференција беше посочено дека не е позната причината за падот на хеликоптерот. Началникот на главниот штаб Мирко Шундов рече дека сите летови со хеликоптери од тој тип ќе бидат прекинати, се додека не се дознае причината за несреќата.

Командантот на Хрватското воено воздухопловство Михаел Крижанец рече дека хеликоптерот летал на мала височина од непознати причини и се урнал. Според него, другиот хеликоптер со кој заедно летале останал на местото на настанот, а екипажот повикал помош.

Крижанец додаде дека хеликоптерот што падна во морето е произведен во 2011 година со вкупно време на летање од 520 часа од годината на производство. Хрватска на крајот на 2016 година набави 16 хеликоптери Kiowa, донација од САД. Тие беа произведени од 2010 до 2012 година.