јаглерод моноксид – Kurir.mk

Двајцата македонски војници вратени во сместувачкиот капацитет во Словенија

Ивона Петрова — Thu, 17 Aug 2023 07:46:15 +0000

Двајцата македонски војници кои превентивно беа пренесени во болница откако се затруле со јаглерод моноксид додека црпеле вода од подрумот на Домот на културата во Чрна на Корошкем, утринава се вратени во сместувачкиот капацитет во Словенија, потврдуваат од ГШ на АРМ за Курир. По целосните медицински испитувања тие се вратени назад и одлучено е денеска да не бидат ангажирани. Медиумите во Словенија информираа дека осум лица се затруле со јаглерод моноксид. Меѓу нив имало и седум војници. Според изјавата на главниот медицински офицер на словенечката армија Роберт Карота, на гасот биле изложени 32 лица, од кои 18 припадници на македонската армија, шест припадници на словенечката армија и осум пожарникари. Сите се надвор од животна опасност, а на превентивно лекување во болница биле испратени пет припадници на словенечката армија, двајцата припадници на македонската армија и еден пожарникар. Словенија на почетокот на август беше погодена од силни поплави, во кои загинаа шест лица. Сто припадници на македонската армија беа испратени да помогнат во погодените подрачја во Словенија.

Македонски војници затруени со јаглерод моноксид во Словенија, двајца се во болница

Ивона Петрова — Thu, 17 Aug 2023 06:51:50 +0000

Осум лица се затруле со јаглерод моноксид додека црпеле вода од подрумот на Домот на културата во Чрна на Корошкем. Меѓу нив има и седум војници кои превентивно се пренесени на лекување во болница, јавува РТВ Словенија. Главниот медицински офицер на словенечката армија Роберт Карота соопшти дека на гасот биле изложени 32 лица, од кои 18 припадници на македонската армија, шест припадници на словенечката армија и осум пожарникари. Сите се надвор од животна опасност, а на превентивно лекување во болницата се испратени пет припадници на словенечката армија, двајца припадници на македонската армија и еден пожарникар. Словенија на почетокот на август беше погодена од силни поплави, во кои загинаа шест лица. Сто припадници на македонската армија беа испратени да помогнат во погодените подрачја во Словенија.

СЕДУМ ЛИЦА ВО КРИТИЧНА СОСТОЈБА: Затруени со јаглерод моноксид во хотел во Охајо (ВИДЕО)

Ивона Петрова — Sun, 30 Jan 2022 08:28:54 +0000

Седум лица се хоспитализирани и се во критична состојба откако биле затруени со јаглерод моноксид во хотел во градот Мерисвил, Охајо, соопштија денеска локалните власти. Шефот на спасувачката служба Мерисвил, Џеј Рајли за локалните весници изјавил дека изворот на јаглерод моноксид не е познат, но познато е дека сите хоспитализирани биле во делот на хотелот каде се наоѓа базен. Тој рече дека меѓу затруените има и деца и возрасни. Набрзо по инцидентот хотелот бил евакуиран, а покрај лицата кои биле хоспитализирани, помош на лице место добиле и двајца, додека потоа помош побарале уште седум, па последиците од труењето ги почувствувале вкупно 16 лица. Градот Мерисвил се наоѓа на 50 километри северно од Колумбус.