јагоди – Kurir.mk

Чоколадно совршенство со јагоди! Ако сакате да импресионирате, ова е вашиот кец во ракавот (ВИДЕО)

Ристе Здравков — Tue, 29 Aug 2023 07:38:08 +0000

Мелени бисквити, какао, чоколадо, јагоди и уште неколку состојки ќе ви го дадат овој превкусна колач. Ако сакате да направите десерт што ќе ве собори од нозе, а лесно се прави, ова чоколадно совршенство со јагоди е токму тоа. Состојки: 1 пакување мелени бисквити 1 лажица какао 100 гр путер од кикирики 300 гр јагоди За кремот: 300 гр полуслатко чоколадо (да нема висок процент на какао, за да не биде многу горчливо) 400 мл кокосово млеко Подготовка: Измешајте ги бисквитите, какаото и путерот од кикирики, па печете на 180 степени 10 минути. Потоа направете крем од растопено чоколадо и кокосово млеко. На печениот колач наредете ги јагодите (исечени на половина), па прелијте со кремот и оставете ги во фрижидер да се стегне.

View this post on Instagram

A post shared by Daniela Choma 🍭 (@danichoma)

Палачинки со кокос и јагоди, вистинска летна комбинација

Ивона Петрова — Thu, 03 Aug 2023 19:56:49 +0000

Палачинките со кокос се вистинската комбинација на вкусови за летните денови. Состојки: 100 гр кокос 5 јајца 2 белки од јајца 1 лажица кокосово масло 1 банана цимет по желба половина лажичка стевиа Подготовка: Во еден сад измешајте ги јајцата, кокосот, циметот, бананата и малку стевиа и сè убаво изблендирајте додека не добиете хомогена смеса. Додадете го растопеното кокосово масло, па по потреба додадете малку млеко за да ја добиете саканата конзистенција. Печете како класични палачинки и филувајте со џем од јагоди. По желба одозгора украсете со јагоди.

Торта со чоколадо и јагоди! Фантазија за вкусови – овошниот фил и желето го прават сочен и неодолив (РЕЦЕПТ+ВИДЕО)

Ристе Здравков — Wed, 12 Jul 2023 07:37:12 +0000

Направете летен десерт со јагоди и чоколадо и ќе имате вкусно уживање и за гостите. Состојки: 200 гр бисквити 100 гр путер 18 гр желатин 150 мл вода 500 гр свежо сирење 250 гр кисела павлака 100 гр чоколадо 50 гр шеќер во прав 130 гр кондензирано млеко 1 лажичка екстракт од ванила 2 кесички желе 400 гр јагоди Подготовка:

Смути со јагоди и чиа семе: Да, навистина може да јадете благо за доручек!

Ристе Здравков — Fri, 16 Jun 2023 12:08:02 +0000

Јагоди, нема кој не ги сака! Тие се вкусни, убави се за гледање, здрави, па дури и ги избелуваат забите. Во потоплите денови, смути од јагоди ќе биде особено убаво, па само почнете да барате рецепти. Ние ви носиме еден за смути со јагоди и чиа семе. Тоа е како да јадете благо, само без вишок шеќер и калории. Совршено е да го започнете денот или како ужина. Состојки: чаша јагоди 1 лажица чиа семе половина чаша јогурт со ванила 1 лажичка мед или јаворов сируп 2 супени лажици семки од пченица 1 цела јагода вода по потреба Подготовка: Измешајте чаша јагоди, јогурт, мед или јаворов сируп и пченица во блендер. Ако е премногу густо додадете малку вода. Потоа измешајте две лажици чиа семе во смутито и оставете да отстои најмалку 10 минути за да набабруваат семките. На крајот ставете една цела јагода на работ од чашата, а на врвот од смутито можете да додадете и половина лажичка чиа семе.

Дојде нивната сезона: Има многу причини за да јадете јагоди – дознајте ги

Ивана Ефремовски — Thu, 25 May 2023 20:12:12 +0000

Конечно започна сезоната на јагоди, вкусно и омилено овошје на многумина. Освен со вкусот освојуваат и со своите здравствени придобивки. Според „WebMD“, има многу придобивки од редовното консумирање на јагоди. Имено, витамините, минералите и антиоксидансите во јагодите можат да обезбедат важни здравствени придобивки. На пример, јагодите се богати со витамин Ц, влакна и полифеноли, антиоксидантни соединенија кои можат да помогнат да се спречи развојот на одредени болести. Покрај тоа, јагодите може да обезбедат и други здравствени придобивки како што се: - зачувување на здравјето на срцето и циркулаторниот систем - зајакнување на имунитетот - намалување на ризикот од рак и деменција - намалување на нивото на холестерол во крвта - спречување на воспаление во телото - одржување на здравјето на цревата

5 минути, 4 состојки и НАЈВКУСНИОТ ДОМАШЕН СЛАДОЛЕД од јагода е тука: Рецепт за летен овошен десерт

Ристе Здравков — Thu, 25 May 2023 07:37:59 +0000

Јагодите се овошје кое многумина го обожаваат, а сега е вистинската можност да ги искористите и за само неколку часа да направите вкусно уживање во кое ќе ужива целото семејство. Домашниот сладолед е најздравата верзија на ова слатко, но и најевтината. Доколку сакате да го задоволите вашето семејство со вкусен ладен десерт, направете го овој домашен сладолед и уживајте во него колку што сакате. Потребно е: 1 кг измиени и исчистени јагоди 200 мл јогурт (подобар е оној со погуста конзистенција) неколку лажици мед (може да користите и шеќер, ако немате мед) малку сок од лимон Подготовка: Во блендер ставете ги јагодите, јогуртот, медот и сокот од лимон. Измиксирајте да се соедини, но не мора да претерувате, можете да оставите да има парчиња јагода на некои места. Ставете во пластичен сад и во замрзнувач. По 4,5 часа сладоледот е готов за консумирање. Декорирајте по желба и послужете.

ДОМАШЕН СЛАДОЛЕД ОД ЈАГОДИ! Одлично задоволство!

Ристе Здравков — Mon, 15 May 2023 09:07:50 +0000

Кој не сака јагоди? А сладолед од јагоди? Ова се само реторички прашања, а ние веруваме дека такви луѓе не постојат … Состојки: За сладолед: 2 кесички шлаг 400 мл кисела павлака 300 мл ладно млеко 5 лажици мед 500 гр мелени јагоди За прелив: 200 гр јагоди 100 гр шеќер 3 лажици вода Подготовка: Прво изматете 2 кесички шлаг со 300 мл млеко. Во друг сад за матење ставете ги мелените јагоди, медот и павлаката. Сè соединете со миксер, а потоа лесно измешајте го шлагот со жица за матење. Ставете сè во пластична кутија и во замрзнувач, повремено мешајте додека не замрзне. За овошниот сос ставете да зовријат 100 гр шеќер и 3 лажици вода. Штом ќе почне да врие додадете 200 гр јагоди и оставете да се вари 8 минути. Се трга од оган и се лади. Послужете како прелив за сладолед. Уживајте!

Тирамису од јагоди: Се топи во уста, не се пече и се подготвува за помалку од половина час

Ивона Петрова — Sat, 22 Apr 2023 18:23:55 +0000

Подгответе лесен и освежителен десерт, а тирамисуто од јагоди е идеална опција. За негово подготвување ви треба помалку од половина час, а најдобро од сè е што не се пече. Време на подготовка: 30 минути Состојки: 100 гр јагоди 30 гр шеќер 1 лажица сок од лимон 200 мл слатка павлака 40 гр шеќер во прав 1 лажичка екстракт од ванила 200 гр маскарпоне сирење бисквити За декорација: јагоди 1 лажичка прашок со вкус на јагода 1 лажичка шеќер во прав Подготовка: Јагодите измијте ги, исчистете ги и исечете ги по должина. Потоа во тенџере измешајте ги јагодите, шеќерот и сокот од лимон и варете додека смесата не зоврие, па тргнете го тенџерето од шпоретот. Во посебен сад се матат слатката павлака, ванилата и шеќерот во прав, па се додава сирењето маскарпоне и се продолжува со матење, по што се додаваат јагодите (за бисквитите задолжително оставете малку сируп) и нежно мешајте. Бисквитите наредете ги во огноотпорен сад, па прелијте ги со сируп од јагоди, наредете јагоди исечени на половина и прелијте со белиот фил. Измешајте шеќер во прав и прав со вкус на јагоди и посипете го врз колачот. Украсете со јагоди и нане.

НИШТО БЕЗ ОЦЕТ И СОДА Ова е единствениот правилен начин за миење јагоди

Ристе Здравков — Thu, 20 Apr 2023 07:32:47 +0000

Најефективен начин да ги измиете пестицидите од јагодите е да ги натопите во оцет и сода бикарбона. Иако нивната сезона официјално е дури во јуни, веќе можете да ги најдете во продавниците. Без разлика дали сакате да уживате во цели јагоди, да ги исечете и да ги додадете во сладолед или колачи или во салата, дури и ако самите сте ги набрале, треба добро да се измијат пред јадење. Неизмиените јагоди може да содржат почва и други нечистотии и остатоци од пестициди. Така, една корисничка на социјалните мрежи го покажа, според неа, единствениот правилен начин да се измие ова омилено црвено овошје. Таа тврди дека најефективниот начин за миење на пестицидите од јагодите е да ги натопите во оцет и сода бикарбона. „Во ред, го пробав трикот со сода бикарбона и оцет“, вели таа на почетокот на видеото, во кое покажува чинија со јагоди во смесата, а потоа зумира за одблизу да погледне се што е внатре. Јагодите треба да стојат во оваа течност 15 минути. Најпрво во садот ставила јагоди и ги полила со оцет, малку вода и на крај со сода бикарбона. Преку пената која се создава поради реакцијата на овие две состојки гледаме како јагодите се чистат од нечистотија и отровите. Како и да е, тиктокерката ги изми јагодите со вода откако ги држеше во овој раствор 15 минути. Но, голем дел од нејзините следбеници не беа толку сигурни за нејзините методи, па коментираа: „Брате, не чекам 15 минути да јадам модифицирана јагода“. „Оцетот и содата пенат поради реакцијата на неутрализација што се јавува помеѓу овие две соединенија, а не затоа што тие чистат нешто“. Истото го мислат и другите заинтересирани корисници на мрежата: „Сода бикарбоната и оцетот се поништуваат“. „И погледнете го ова! Како сите да не правевме вулкани во 4-то одделение со оцет и сода бикарбона“, „Може ли продавницата да го направи ова за мене, јагодите се 9 долари“, предлогот на овој човек ги воодушеви другите. Сепак, новото истражување на Универзитетот во Масачусетс потврди дека сода бикарбоната е добра алатка за отстранување на штетни токсини од овошјето поради нејзиниот состав. Исто така, алкохолниот оцет е одличен за убивање на сите штетни микроби од овошјето. Овошјето прво се остава во оцет дваесет минути. После тоа, може малку да се исплакне и да се остави во раствор од сода бикарбона и вода најмалку половина час, а потоа да се исплакне со чиста вода.

Диета со ЈАГОДИ, одлична пред лето – До 3 кг помалку!

Ристе Здравков — Thu, 23 Mar 2023 14:00:14 +0000

Црвеното овошје значајно го забрзува метаболизмот, па затоа е одличен брз план за слабеење. Јагодите како највкусен претставник на црвеното овошје ја имаат способноста за само 4 дена да ве ослободат од 3 килограми. Важно е плодовите да бидат свежи и зрели за ефектот да биде најдобар. За диетата е неопходно да имате и блендер, кој го забрзува процесот на подготвување на оброците и помага истата побрзо да се свари. 1 ден Појадок: Овошна салата од 250g јагоди, ½ јаболко и ½ банана. Овошјето исечкајте го во длабока чинија, а потоа додадете 50ml јогурт и 1 лажица мед. Ужина: Шејк од 100g јагоди, 1dl немасно млеко, ½ лажичка мед и 50ml негазирана вода. Ручек: Салата од 150g јагоди, парче пилешки гради, 100g краставица, 300g шпаргла, 10g магдонос, 20g мелени ореви, лажица сок од лимон, 6 лажици супа од зеленчук како прелив и лажица маслиново масло. Ужина: 1 шолја јогурт со 100g јагоди и 1 лажичка мед. Вечера: Салата од 1 голем компир, главица ситно сечкан кромид, мал целер, 1dl јогурт, 50g немасно сирење и магдонос по желба. 2 ден Појадок: 2 парчиња интегрален леб премачкан со нискомаслено крем сирење. Ужина: Пире од 200g јагоди помешано со уште неколку шумски плодови (малини, капини, боровинки) плус лажичка мед. Ручек: Салата од 100g јагоди, половина зелена салата, домат, пиперка, немасно сирење (50g), половина шолја јогурт, сок од лимон и 1 парче интегрален леб исечен на коцки. Ужина: Шејк од сок од јагоди, немасен јогурт и сок од ананас. Вечера: Палачинки печени во тефлонска тава, полнети со крем од изгмечени јагоди, младо сирење и лажица мед. 3 ден Појадок: Овесна каша со ½ dl сок од јаболко, ½ банана и 100g јагоди. Ужина: Шејк од јагоди, подготвен како првиот ден. Ручек: 200g свежи јагоди и половина сварен карфиол, премачкан со лажица путер. Ужина: Мешавина од 1dl сок од портокал и 100g јагоди. Додадете лажичка мед по вкус. Вечера: Направете пире од 1 морков и 1 варен компир, додајте малку вода и лажица путер, па смесата ставете ја во тава за печење. Преку него ставете домати и пиперки исечени на парчиња и печете 15 минути. На крај прелијте со сок од домати и малку нарендан пармезан. Како десерт изедете 100g јагоди. 4 ден Појадок: 2 парчиња интегрален леб со намачкано немасно сирење и 50g јагоди. Ужина: Шејк од 1 портокал, јаболко и 100g јагоди. Ручек: Динстана пастрмка со кромид, зачинета со магдонос и парчиња лимон. На рибата може да ставите и малку сенф, а за десерт каснете 50g јагоди. Ужина: Во блендер измешајте 150g јагоди, лажичка мед, сок од 1 лимон и 1dl вода. Плус, може да додадете 50ml немасен јогурт. Вечера: Испечете 1 поголем компир во рерна, а во меѓувреме во блендер направете мешавина од свеж морков, пиперка, лист целер и сок од лимон. Посебно промешајте неколку поголеми јагоди, 50g немасно сирење и 1dl јогурт. Печениот компир јадете го со овие сосови. Пролетен еликсир за слабеење кој може да го пиете додека ја држите диетата: Помешајте 1 шолја свежи и исчистени јагоди со ½ литар вода и оставете ја течноста неколку часа во фрижидер. Пред да се напиете може да додадете неколку листови нане, малку лимон и коцки мраз. Овој пијалак ќе ве освежи и ќе ви даде чувство на ситост, а истовремено делува како еликсир заради антиоксидансите со кои се богати јагодите. Плус, доволна ви е една доза за да внесете задоволувачка количина на витамин Ц, железо и фолна киселина.